Matewuji 9
9
Yesu ohonvulumutcha maliba hawenda sidadi ya Kafaranamu
Markuji 2:1-12; Lukaji 5:17-26
1Noira enne, Yesu ohogwelaga mmwadeyani, liye lambuwa, fiya sidadi yakala liye. 2Evale kohomuzagana maliba hawenda mmohi eni agali ogonantene vamakani vaye. Yesu agamuing'anne murendole na atu kamuzilena ale, ohoona ira: <<Atwala kohokana nroromelo.>> Evale ohowongaga na maliba hawenda ule eraga: <<Mwanaga kukukumuwe. Mwasiwa jotega jawo jihimala kurumuweliwa!>>
3Fwanyeya ira vevale vohokala anamafundjiha malamulo. Muwari mwa aliwa mohokalaga amohiwa karomilege umbuwela mmirimani mwiwa ira: <<Ii, mulombwanola unamululuviha Mulugu!>> 4Mbwenye Yesu muwari moiziwa jejo jaumbuwela atu mmirimani mwiwa, ohowongaga eraga: <<Kodi mwasiwa gwa nni nyo umbuwelaga jabure mmirimani mwinyu? 5Kodi yorutcha wonga na maliba hawenda ula tchivi? Ku wonga na liye ira: <Eni jotega jawo jihimala kurumuweliwa>, owu irutchile ku wonga ira: <Kavenya, uwende.>?#9:5 Fwanyeya ira vari vowonga ira: Eni jotega jawo jihimala kurumuweliwa, no wonga ira: Kavenya, uwende, yorutcha ku wonga jovulumutcha. Tchoira wagawongile zela jotega, akala unanama, kalivo unaiziwa. Mbwenye wawonga jomuvulumutcha, mutule akalave vakamani vaye, ahawande venya, inovayela iziweya ira weyo kuli mutu orumiwa na Mulugu. 6Mbwenye miyo nnafuna dinvulumutche murendola ira nyo muiziwe ira Mwana wa Mutu uhuvahiwa utongi mwilamboni ya vati ira akurumuwele jotega.>> Evale ohomuwongagana maliba hawenda ule eraga: <<Venya utukule makawo, udowege vande vawo!>>
7Mobaranya murendole ohovenyaga, liye dowaga vande vaye. 8Noira enne, anamwindji kafwanyeyaga evale kagaonne jejile, kohoromaga ova eto kohomutamalelaga Mulugu wenno awandile avaha atu kopolo dokala ha dedile.
Itaniwa wa Matewuji
Markuji 2:13-17; Lukaji 5:27-32
9Yesu agavenyile evale adowaga, ohomuonaga mulombwana mmohi eni agagaratile mwana nyumba yokosamo misoko, aitaniwa Matewuji. Yesu aganfwanyile, ohomuwongana eraga: <<Kadiharege!>> Evale liye ohovenyaga, liye roma muhara. 10Kagafiyile vande va Matewuji, Yesu agali vameza, kohokalawo anamasokiha misoko na anamatega oindjivene kazilege garati vamohive vevale vafwanyeyaga Yesu vamohi na anamamuharaye. 11Mwa enne aFarizewu kagaonne enne, kohafukaga anamamuhara Yesu ale keraga: <<Kodi mwasiwa gwa nni namafundjiha wenyu ule djaga vamohi na aliba tega na anamasokiha misoko?>>
12Mbwenye Yesu agavwile, ohawakulaga eraga: <<Ngumi kanadowa wa mediku. Mbwenye murenda gunadowa wa mediku. 13Mudowe mwafundje pama ira muiziwe yotapulela ya mazu a Mulugu oira: <Miyo nnafuna tangaranga hiya mikuto!> >>#9:13 Miyo nnafuna tangaranga hiya mikuto: Mazwala kakumile muwari mwa Ozeya 6:6. Fwanyeya ira ora ya Ozeya, kohokalawo atu omuhiya Mulugu, aliwa aharaga amilugu amohiwa. (Ozeya 1:2) Eto kawenda na makalelo oapudja afwiwa burebure. (Ozeya 4:2) Aliba pudjale koveleletchave mikuto diwa, mbwenye Mulugu ohowanda asumulula ira: <<Yali yapama mukayena tangaranga na afwinyu hiyaniha no velela mikuto pwi. Yapama ku diiziwa miyo hiyaniha no kana mikuto dotumeya.>> (Ozeya 6:6) Tchoira Mulugu anipandutchele ira nikale atu oirana japama. Kahi ira mikuto dire kala jengo jabure. So mbwenye wanlevo kohokalawo kavelela mikuto nnga Kayini kahanna ibaribari mmirimani mwewa eto kahatwaruwile zela jabure jaira atu. Nione 1 Samuweli 15:22 nari Izaiya 1:11-15. Yesu ohowongagave eraga: <<Mwasiwa miyo dizaga mwilamboni, kadizele aitana atu apama, mbwenye dizele aitana atu otega!>>#9:13 kadizele aitana atu apama, mbwenye dizele aitana atu otega: Tapulela ira wenno unaviona nnga mutu wapama kanakamihediwa na Yesu. Kalaga nnga aFarizewu. Muwari moviona ira aliwa ba atu apama, Yesu kaalevelenle jotega jiwa. So mbwenye Yesu unamukamiheda wenno unaviona ira gu mutu otega. Kalaga nnga Matewuji na anamasokiha misoko afwaye katwaruwile.
Anamamuhara a Juwawu kohonfuka Yesu zela jejuwari
Markuji 2:18-22; Lukaji 5:33-39
14Noira enne, anamamuhara a Juwawu Mbatizi kohozaga wa Yesu, aliwa nfuka keraga: <<Hiyo vamohi na aFarizewu nnojejuwari. Nnga mwasiwa gwa nni anamauharaninyu hajejuwarigi?>> 15Yesu ohawakulaga eraga: <<Kodi aliba itaniwa vamateloni anokala okumbanyene agali namatela wa mulombwana uli vevale?#9:15 anokala okumbanyene agali namatela wa mulombwana uli vevale? Wanle viwa vo vamateloni, mutu ogomiheda zavo akala namatela wa mulombwana. (Matewuji 25:1-6) Eto akala liye ali ahanafiye, tchadja pwando. Nona atu kamuonaga namatela ule azaga, kukumuwa wanna atu omudediha womala. Yahala ali dja pwando bahi. Sawasawa Yesu agali na anamamuharaye, aliwa tchanna kukumuwa mbwenye kohokana hagalala mwasiwa makatamiho kanna atu, Yesu gwaakamiheda. Nari. So mbwenye anoza kafiye malambo anafuna kumihiwavo namatela ule. Agakumihiwevo, aliba itaniwa ale anerege jejuwari!>>
16Evale Yesu ohowonga eraga: <<Kalivo mutu unatukula itchapa ixa, atchapelrana yowara yawale, mwasiwa airana eno itchapa ixele inokumavo eto kauwa uwa unerege simbwa. 17Eto kalivo unatukula vinyu muxa adowa ahela muwari mwa tembe mwaheliwe vinyu wanle. Mutu airana eno, tembe nne nnotweya mala nongeya eto vinyule unotatiya. Mbwenye vinyu muxa unaheliwetcha mutembeni muxa. Jaireya eno, kilivo inafuna nongeya, nne tembe, nne vinyu.>>#9:17 kalivo unatukula vinyu muxa adowa ahela muwari mwa tembe mwaheliwe vinyu wanle: Muwari mwa muselu unawonga Yesu, liye unaawandela atu zela muselu wanfukile atu ozela anamamuharaye kahajejuwarigi. Liye unawonga mmisimbeni ira: <<Kavali wandeya ira mutu unogumaniha ja wanle na jixa. Sawasawa kalivo unawanda tukula jofundjiha jixa jaga na joira jixa jaga, amala liye gumaniha na jofundjiha na joira ja wanle ja aFarizewu. Ja aFarizewu ti jengo ja wanle. Jaga mbwenye ti jengo jixa.>>
Yesu ohonvulumutcha muhiyana mmohi na namwali mmohi
Markuji 5:21-43; Lukaji 8:40-56
18Yesu awongagave enne na atwale, mobaranya ohofiya mundimuwa mmohi, liye mukokorela awongaga eraga: <<Mwanaga wa muhiyana dimuhiyile okwene. Nnouvepani ira mudowe mwamuhinde na ndanda nenyu, liye akalewo!>> 19Evale Yesu ohovenyaga vamohi na anamamuharaye, aliwa muharaga mundimuwole.
20Fwanyeya ira ohokalawo muhiyana mmohi amanle yaka kumi na mbinli aganna urenda ohamba, kumaga sangiri malambo matene. Evale ohoromaga muhara Yesu, liye dowa muhinda magomo wa kapa. 21Mwasiwa liye youmbuwela yaye azaga wa Yesu yali yoira: <<Miyo dadowa, damuhinda kapave bahi, nnovulumuwa!>> 22Evale agamuhindile kapaye, Yesu ohorungunuwaga, liye muing'ana. Agamuing'anne, ohomuwandelaga eraga: <<Mwanaga kukukumuwe. Nroromelo nawo nuhuvulumutcha!>> Roma tempu imohive yenne muhiyanole ohovulumuwaga.
23Evale Yesu agafiyile vande va mundimuwole, ohafwanyaga aliba imba mafalauta#9:23 aliba imba mafalauta: Fwanyeya ira tempu ya wanle aliba kweliwa koavendetcha aliba mafalauta ira kaze kaimbege vamakwelo, nnga vini atu kakasaga makupu, kahiyaga murampani ira iiziweye ira va vihikwiwa. na mwindji wa atu kafwanyeya dugu dugu dugu evale. 24Mwa enne Yesu ohawongagana eraga: <<Kakumanivo evano. Mwasiwa namwali ule kakwile, so unagona.>> Mwa enne aliwa kohoromaga muteya. 25Evale anamwindjale kagakumihiwevo, Yesu ohovolowaga mmba mule, liye muhinda mwanole na ndanda naye. Mwa enne namwali ule ohovenyaga. 26Nomala eno, jejile jaireyilege evale johoromaga vweya mwilamboni mwatene mwemule.
Yesu ohavulumutcha aliba haona ambinli
27Noira enne, Yesu ohomaruwaga, liye dowaga jaye. Adowaga kohokalawo alombwana ambinli ohoona, kamutamangelaga, kakuwaga keraga: <<Mwana Davi muniwendele tangaranga hiyo vano.>>#9:27 Mwana Davi: Atu ohoona ale kamuitanaga Yesu na nzina na Mwana Davi kahi ira aliwa kesaga ambanle Yesu ali Davi, nari. Tchoira Davi ohokwa yaka didjindji dene Yesu ahanabaliwe. So mbwenye muwari mwa nzina noira Mwana Davi, kamuira Yesu Namatikeliwa. Tchoira wanle Mulugu ohomuwandela Davi ira: <<Namatikeliwa unabaliwa muwari mwa ahimawo a musogolro.>> Kamuira Yesu Namatikeliwa afuna baliwa muzizani mwa Davi nnga mwawongele Mulugu wanle. Nione 2 Samuweli 7:16; Jeremiya 23:5; Salmu 132:10-11; Joira ja Anamarumiwa 13:22-23; Juwawu 7:42. 28Evale liye agavolowile mmba, aliba haona ale kohofiyaga valigi liye. Evale Yesu ohafukaga eraga: <<Kodi nyo munororomela ira miyo nnowanda uvulumutchani?>> Evale aliwa kohowakulaga keraga: <<He, Nabwiya, nnororomela!>> 29Evale liye ohosakwinyaga meso ewa eraga: <<Muiriwena mokwakwanela na nroromelo nenyu!>>
30Yesu agawongile enne meso ewa kohuleyaga. Evale Yesu ohakokomezaga mwa kopolo ira: <<Kakalevo mutu unafuna nyo muwandela zela jeji!>>#9:30 Kakalevo mutu unafuna nyo muwandela zela jeji: Fwanyeya ira Yesu agamanle irana jengo jotikiniha, fendo didjindji liye omukameliha maliba vulumutchiwa wonga jengo jamuireyele. (Matewuji 8:4, 12:16; Markuji 5:43; Lukaji 5:14, 8:56) Afwase Yesu ira awonge eno, liye kafunne hariwa nnga kumbasa, mbwenye liye afunne akayena tempu yoalaleya atu. Tchoira vasimbwile Yesu iziweya, liye kaanna tempu yolaba mofuna mwaye. (Markuji 1:44-45, 3:20) 31Aliwa mbwenye kohovuluvuliha mazu a Yesu, aliwa dowa, roma vweyihaga fiyeda jejo jaira Yesu mala vweya mwilamboni mwatene.
Vulumutchiwa wa mutu mmohi ohowanda wonga
32Evale tempu yavenyagavo alombwana ambinli ale, mobaranya kohokalawo eto atu kamuzilegena mulombwana mmohi okana munemba wabure eto kawonga. 33Kagamufiyilena, Yesu ohomutamangihamo munemba wabure ule, evale mutule ohoromaga wonga. Mwa enne mwindji wa atu kohoromaga tikiniheya keraga: <<Kinarome ireya yengo yokala nnga ha yenna mwa aIzarayeli atene!>> 34Mbwenye aFarizewu kowongaga keraga: <<Ira liye awandege tamangiha minemba dabure, unanvaha kopolo diwa gu mundimuwa wa minemba dabure.>>#9:34 mundimuwa wa minemba dabure unawongiwa eva gu Belizebu, ku wonga Satana. Nione Matewuji 10:25; Lukaji 11:18.
Yesu ohawendela tangaranga atu oindjiva
35Eto Yesu owenda sidadi datene na tatamo datene, afundjihaga munyumbani mwewa mwemo mwafundja atu mazu, alaleyaga Muselu Wapama wa muUmweneni eto avulumutchaga maurenda ali matene na jopa jili jatene. 36Evale Yesu agaaonne anamwindji a atu, ohawendelaga tangaranga mwasiwa aliwa kawenda okukumuwene eto tchanna mutu oakamiheda. Kakala nnga mabila ohokana namakumbuza. 37Evale Yesu ohawandelaga anamamuharaye ale eraga: <<Johanda jihisimbwa indjiva eto anamalaba kohoyeva. 38Nona inafwanela munvepe Mwinnya wa munda ira aarume anamalaba amohiwa ira kadowe mahandelo waye!>>#9:38 inafwanela munvepe Mwinnya wa munda ira aarume anamalaba amohiwa: Maliba munda gu Mulugu. Jodja jofwanela handiwa ba atu. Anamalaba anafuneya ba anamalaleya. Handa ku wonga alaleya atu ira kakayena ibaribari, amala kamuroromele Yesu. Ku wonga inafwanela ninvepege Mulugu ira aarume anamalaleya amohiwa ira kadowe kaalaleyege ale kahavwile.
ទើបបានជ្រើសរើសហើយ៖
Matewuji 9: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 9
9
Yesu ohonvulumutcha maliba hawenda sidadi ya Kafaranamu
Markuji 2:1-12; Lukaji 5:17-26
1Noira enne, Yesu ohogwelaga mmwadeyani, liye lambuwa, fiya sidadi yakala liye. 2Evale kohomuzagana maliba hawenda mmohi eni agali ogonantene vamakani vaye. Yesu agamuing'anne murendole na atu kamuzilena ale, ohoona ira: <<Atwala kohokana nroromelo.>> Evale ohowongaga na maliba hawenda ule eraga: <<Mwanaga kukukumuwe. Mwasiwa jotega jawo jihimala kurumuweliwa!>>
3Fwanyeya ira vevale vohokala anamafundjiha malamulo. Muwari mwa aliwa mohokalaga amohiwa karomilege umbuwela mmirimani mwiwa ira: <<Ii, mulombwanola unamululuviha Mulugu!>> 4Mbwenye Yesu muwari moiziwa jejo jaumbuwela atu mmirimani mwiwa, ohowongaga eraga: <<Kodi mwasiwa gwa nni nyo umbuwelaga jabure mmirimani mwinyu? 5Kodi yorutcha wonga na maliba hawenda ula tchivi? Ku wonga na liye ira: <Eni jotega jawo jihimala kurumuweliwa>, owu irutchile ku wonga ira: <Kavenya, uwende.>?#9:5 Fwanyeya ira vari vowonga ira: Eni jotega jawo jihimala kurumuweliwa, no wonga ira: Kavenya, uwende, yorutcha ku wonga jovulumutcha. Tchoira wagawongile zela jotega, akala unanama, kalivo unaiziwa. Mbwenye wawonga jomuvulumutcha, mutule akalave vakamani vaye, ahawande venya, inovayela iziweya ira weyo kuli mutu orumiwa na Mulugu. 6Mbwenye miyo nnafuna dinvulumutche murendola ira nyo muiziwe ira Mwana wa Mutu uhuvahiwa utongi mwilamboni ya vati ira akurumuwele jotega.>> Evale ohomuwongagana maliba hawenda ule eraga: <<Venya utukule makawo, udowege vande vawo!>>
7Mobaranya murendole ohovenyaga, liye dowaga vande vaye. 8Noira enne, anamwindji kafwanyeyaga evale kagaonne jejile, kohoromaga ova eto kohomutamalelaga Mulugu wenno awandile avaha atu kopolo dokala ha dedile.
Itaniwa wa Matewuji
Markuji 2:13-17; Lukaji 5:27-32
9Yesu agavenyile evale adowaga, ohomuonaga mulombwana mmohi eni agagaratile mwana nyumba yokosamo misoko, aitaniwa Matewuji. Yesu aganfwanyile, ohomuwongana eraga: <<Kadiharege!>> Evale liye ohovenyaga, liye roma muhara. 10Kagafiyile vande va Matewuji, Yesu agali vameza, kohokalawo anamasokiha misoko na anamatega oindjivene kazilege garati vamohive vevale vafwanyeyaga Yesu vamohi na anamamuharaye. 11Mwa enne aFarizewu kagaonne enne, kohafukaga anamamuhara Yesu ale keraga: <<Kodi mwasiwa gwa nni namafundjiha wenyu ule djaga vamohi na aliba tega na anamasokiha misoko?>>
12Mbwenye Yesu agavwile, ohawakulaga eraga: <<Ngumi kanadowa wa mediku. Mbwenye murenda gunadowa wa mediku. 13Mudowe mwafundje pama ira muiziwe yotapulela ya mazu a Mulugu oira: <Miyo nnafuna tangaranga hiya mikuto!> >>#9:13 Miyo nnafuna tangaranga hiya mikuto: Mazwala kakumile muwari mwa Ozeya 6:6. Fwanyeya ira ora ya Ozeya, kohokalawo atu omuhiya Mulugu, aliwa aharaga amilugu amohiwa. (Ozeya 1:2) Eto kawenda na makalelo oapudja afwiwa burebure. (Ozeya 4:2) Aliba pudjale koveleletchave mikuto diwa, mbwenye Mulugu ohowanda asumulula ira: <<Yali yapama mukayena tangaranga na afwinyu hiyaniha no velela mikuto pwi. Yapama ku diiziwa miyo hiyaniha no kana mikuto dotumeya.>> (Ozeya 6:6) Tchoira Mulugu anipandutchele ira nikale atu oirana japama. Kahi ira mikuto dire kala jengo jabure. So mbwenye wanlevo kohokalawo kavelela mikuto nnga Kayini kahanna ibaribari mmirimani mwewa eto kahatwaruwile zela jabure jaira atu. Nione 1 Samuweli 15:22 nari Izaiya 1:11-15. Yesu ohowongagave eraga: <<Mwasiwa miyo dizaga mwilamboni, kadizele aitana atu apama, mbwenye dizele aitana atu otega!>>#9:13 kadizele aitana atu apama, mbwenye dizele aitana atu otega: Tapulela ira wenno unaviona nnga mutu wapama kanakamihediwa na Yesu. Kalaga nnga aFarizewu. Muwari moviona ira aliwa ba atu apama, Yesu kaalevelenle jotega jiwa. So mbwenye Yesu unamukamiheda wenno unaviona ira gu mutu otega. Kalaga nnga Matewuji na anamasokiha misoko afwaye katwaruwile.
Anamamuhara a Juwawu kohonfuka Yesu zela jejuwari
Markuji 2:18-22; Lukaji 5:33-39
14Noira enne, anamamuhara a Juwawu Mbatizi kohozaga wa Yesu, aliwa nfuka keraga: <<Hiyo vamohi na aFarizewu nnojejuwari. Nnga mwasiwa gwa nni anamauharaninyu hajejuwarigi?>> 15Yesu ohawakulaga eraga: <<Kodi aliba itaniwa vamateloni anokala okumbanyene agali namatela wa mulombwana uli vevale?#9:15 anokala okumbanyene agali namatela wa mulombwana uli vevale? Wanle viwa vo vamateloni, mutu ogomiheda zavo akala namatela wa mulombwana. (Matewuji 25:1-6) Eto akala liye ali ahanafiye, tchadja pwando. Nona atu kamuonaga namatela ule azaga, kukumuwa wanna atu omudediha womala. Yahala ali dja pwando bahi. Sawasawa Yesu agali na anamamuharaye, aliwa tchanna kukumuwa mbwenye kohokana hagalala mwasiwa makatamiho kanna atu, Yesu gwaakamiheda. Nari. So mbwenye anoza kafiye malambo anafuna kumihiwavo namatela ule. Agakumihiwevo, aliba itaniwa ale anerege jejuwari!>>
16Evale Yesu ohowonga eraga: <<Kalivo mutu unatukula itchapa ixa, atchapelrana yowara yawale, mwasiwa airana eno itchapa ixele inokumavo eto kauwa uwa unerege simbwa. 17Eto kalivo unatukula vinyu muxa adowa ahela muwari mwa tembe mwaheliwe vinyu wanle. Mutu airana eno, tembe nne nnotweya mala nongeya eto vinyule unotatiya. Mbwenye vinyu muxa unaheliwetcha mutembeni muxa. Jaireya eno, kilivo inafuna nongeya, nne tembe, nne vinyu.>>#9:17 kalivo unatukula vinyu muxa adowa ahela muwari mwa tembe mwaheliwe vinyu wanle: Muwari mwa muselu unawonga Yesu, liye unaawandela atu zela muselu wanfukile atu ozela anamamuharaye kahajejuwarigi. Liye unawonga mmisimbeni ira: <<Kavali wandeya ira mutu unogumaniha ja wanle na jixa. Sawasawa kalivo unawanda tukula jofundjiha jixa jaga na joira jixa jaga, amala liye gumaniha na jofundjiha na joira ja wanle ja aFarizewu. Ja aFarizewu ti jengo ja wanle. Jaga mbwenye ti jengo jixa.>>
Yesu ohonvulumutcha muhiyana mmohi na namwali mmohi
Markuji 5:21-43; Lukaji 8:40-56
18Yesu awongagave enne na atwale, mobaranya ohofiya mundimuwa mmohi, liye mukokorela awongaga eraga: <<Mwanaga wa muhiyana dimuhiyile okwene. Nnouvepani ira mudowe mwamuhinde na ndanda nenyu, liye akalewo!>> 19Evale Yesu ohovenyaga vamohi na anamamuharaye, aliwa muharaga mundimuwole.
20Fwanyeya ira ohokalawo muhiyana mmohi amanle yaka kumi na mbinli aganna urenda ohamba, kumaga sangiri malambo matene. Evale ohoromaga muhara Yesu, liye dowa muhinda magomo wa kapa. 21Mwasiwa liye youmbuwela yaye azaga wa Yesu yali yoira: <<Miyo dadowa, damuhinda kapave bahi, nnovulumuwa!>> 22Evale agamuhindile kapaye, Yesu ohorungunuwaga, liye muing'ana. Agamuing'anne, ohomuwandelaga eraga: <<Mwanaga kukukumuwe. Nroromelo nawo nuhuvulumutcha!>> Roma tempu imohive yenne muhiyanole ohovulumuwaga.
23Evale Yesu agafiyile vande va mundimuwole, ohafwanyaga aliba imba mafalauta#9:23 aliba imba mafalauta: Fwanyeya ira tempu ya wanle aliba kweliwa koavendetcha aliba mafalauta ira kaze kaimbege vamakwelo, nnga vini atu kakasaga makupu, kahiyaga murampani ira iiziweye ira va vihikwiwa. na mwindji wa atu kafwanyeya dugu dugu dugu evale. 24Mwa enne Yesu ohawongagana eraga: <<Kakumanivo evano. Mwasiwa namwali ule kakwile, so unagona.>> Mwa enne aliwa kohoromaga muteya. 25Evale anamwindjale kagakumihiwevo, Yesu ohovolowaga mmba mule, liye muhinda mwanole na ndanda naye. Mwa enne namwali ule ohovenyaga. 26Nomala eno, jejile jaireyilege evale johoromaga vweya mwilamboni mwatene mwemule.
Yesu ohavulumutcha aliba haona ambinli
27Noira enne, Yesu ohomaruwaga, liye dowaga jaye. Adowaga kohokalawo alombwana ambinli ohoona, kamutamangelaga, kakuwaga keraga: <<Mwana Davi muniwendele tangaranga hiyo vano.>>#9:27 Mwana Davi: Atu ohoona ale kamuitanaga Yesu na nzina na Mwana Davi kahi ira aliwa kesaga ambanle Yesu ali Davi, nari. Tchoira Davi ohokwa yaka didjindji dene Yesu ahanabaliwe. So mbwenye muwari mwa nzina noira Mwana Davi, kamuira Yesu Namatikeliwa. Tchoira wanle Mulugu ohomuwandela Davi ira: <<Namatikeliwa unabaliwa muwari mwa ahimawo a musogolro.>> Kamuira Yesu Namatikeliwa afuna baliwa muzizani mwa Davi nnga mwawongele Mulugu wanle. Nione 2 Samuweli 7:16; Jeremiya 23:5; Salmu 132:10-11; Joira ja Anamarumiwa 13:22-23; Juwawu 7:42. 28Evale liye agavolowile mmba, aliba haona ale kohofiyaga valigi liye. Evale Yesu ohafukaga eraga: <<Kodi nyo munororomela ira miyo nnowanda uvulumutchani?>> Evale aliwa kohowakulaga keraga: <<He, Nabwiya, nnororomela!>> 29Evale liye ohosakwinyaga meso ewa eraga: <<Muiriwena mokwakwanela na nroromelo nenyu!>>
30Yesu agawongile enne meso ewa kohuleyaga. Evale Yesu ohakokomezaga mwa kopolo ira: <<Kakalevo mutu unafuna nyo muwandela zela jeji!>>#9:30 Kakalevo mutu unafuna nyo muwandela zela jeji: Fwanyeya ira Yesu agamanle irana jengo jotikiniha, fendo didjindji liye omukameliha maliba vulumutchiwa wonga jengo jamuireyele. (Matewuji 8:4, 12:16; Markuji 5:43; Lukaji 5:14, 8:56) Afwase Yesu ira awonge eno, liye kafunne hariwa nnga kumbasa, mbwenye liye afunne akayena tempu yoalaleya atu. Tchoira vasimbwile Yesu iziweya, liye kaanna tempu yolaba mofuna mwaye. (Markuji 1:44-45, 3:20) 31Aliwa mbwenye kohovuluvuliha mazu a Yesu, aliwa dowa, roma vweyihaga fiyeda jejo jaira Yesu mala vweya mwilamboni mwatene.
Vulumutchiwa wa mutu mmohi ohowanda wonga
32Evale tempu yavenyagavo alombwana ambinli ale, mobaranya kohokalawo eto atu kamuzilegena mulombwana mmohi okana munemba wabure eto kawonga. 33Kagamufiyilena, Yesu ohomutamangihamo munemba wabure ule, evale mutule ohoromaga wonga. Mwa enne mwindji wa atu kohoromaga tikiniheya keraga: <<Kinarome ireya yengo yokala nnga ha yenna mwa aIzarayeli atene!>> 34Mbwenye aFarizewu kowongaga keraga: <<Ira liye awandege tamangiha minemba dabure, unanvaha kopolo diwa gu mundimuwa wa minemba dabure.>>#9:34 mundimuwa wa minemba dabure unawongiwa eva gu Belizebu, ku wonga Satana. Nione Matewuji 10:25; Lukaji 11:18.
Yesu ohawendela tangaranga atu oindjiva
35Eto Yesu owenda sidadi datene na tatamo datene, afundjihaga munyumbani mwewa mwemo mwafundja atu mazu, alaleyaga Muselu Wapama wa muUmweneni eto avulumutchaga maurenda ali matene na jopa jili jatene. 36Evale Yesu agaaonne anamwindji a atu, ohawendelaga tangaranga mwasiwa aliwa kawenda okukumuwene eto tchanna mutu oakamiheda. Kakala nnga mabila ohokana namakumbuza. 37Evale Yesu ohawandelaga anamamuharaye ale eraga: <<Johanda jihisimbwa indjiva eto anamalaba kohoyeva. 38Nona inafwanela munvepe Mwinnya wa munda ira aarume anamalaba amohiwa ira kadowe mahandelo waye!>>#9:38 inafwanela munvepe Mwinnya wa munda ira aarume anamalaba amohiwa: Maliba munda gu Mulugu. Jodja jofwanela handiwa ba atu. Anamalaba anafuneya ba anamalaleya. Handa ku wonga alaleya atu ira kakayena ibaribari, amala kamuroromele Yesu. Ku wonga inafwanela ninvepege Mulugu ira aarume anamalaleya amohiwa ira kadowe kaalaleyege ale kahavwile.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral