Matewuji 10
10
Anamarumiwa kumi na ambinli a Yesu
Markuji 3:13-19; Lukaji 6:12-16
1Noira eno, Yesu ohaitanaga anamamuharaye kumi na ambinli, liye avaha utongi otamangiha minemba dotakala no vulumutcha maurenda ali matene na jopa jili jatene. 2Anamamuharaye kumi na ambinli anno eto kaitaniwa anamarumiwa, maziniwa ba ala: Oroma gu mulombwana Simawu, wenno aitaniwa Peduru na mbalaye Andire, Tiyagu na mbalaye Juwawu, anno kali ana Zebedewu, 3Filipi, Bartolomewu, Tome na Matewuji, wenno ali namasokiha misoko, Tiyagu mwana Alifewu, Tadewu; 4Simawu wenno aromile kala muwari mwa nikuru na aZeloti.#10:4 nikuru na aZeloti ba atu kavenda joatamangihavo aRoma. Eto fwanyeya ira Mulugu ohomala awandela aIzarayeli ira kapupuruwa, anogondjihiwa na amwidani mbwenye katwaruwa anowanda agondjiha amwidaniwa. (Detoronomiyo 4:25-31; 1 Samuweli 7:3; 1 Amwene 8:33-34) Azeloti mbwenye tchali atu ofuna laba na kopolo da Mulugu mbwenye kali atu ofuna venda ira kalabe na kopolo dewa da supada. Ogomiheda kala mulombwana Judasi Iskariyoti wenno agomenle nguliha Yesu.
Yesu ohawandela anamamuharaye makalelo kafuna atu laba
Markuji 6:7-13; Lukaji 9:1-6
5Yesu aarumaga anamamuharaye kumi na ambinli ale, ohawandelaga eraga: <<Mwavenya veva, kamudowe wa atu ohokala aJudewu, nne kamuvolowe tatamo munakala aSamariya. 6Mbwenye mudowe mwaasake mabila odimela a nlogo na aIzarayeli.#10:6 mwaasake mabila odimela a nlogo na aIzarayeli: Fwanyeya ira mabasa Yesu aavahile liye anamamuharaye ahanakwe kohiyana na mabasa aavahile liye agakwile, agavennye mokwani afunaga dowa zulu. Yesu ahanakwe, mabasa aavahile liye anamarumiwaye ali avulumutcha no alaleya aIzarayeli bahi zela za wa Umwene wa Mulugu. Aliwa tchalaba muwari mwa atu ohokala aIzarayeli. Mbwenye agakwile, agavennye, kohokana mabasa oalaleya atu a malogo matene muselu oira Namatikeliwa oavulusa atu umala za ira atu a malogo matene kakale anamamuharaye. Nione Matewuji 28:18-20. 7Eto mwadowaga, mulaleyege ira: <Umwene wa zulu uhuwandamela!>#10:7 mulaleyege ira: <Umwene wa zulu uhuwandamela!>: Ku wonga Mulugu ahanle vang'ono ira airena yengo ilukulu ixa muwari mwa Yesu Kiristu. 8Eto mwadowa, mwavulumutchege maurenda, mwaavenyihege atu mokwani, mwaavulumutchege aliba maranya, mutamangihege minemba dabure. Voira nyo muwatchenle vasayi, na nyenne eto mudowe mwavahege vasayi!
9<<Nyo mwamaruwaga, kamuvende wendjeda jimohi jiwa kwaranya jinna nyo. Kamuwendjede kobiri imohiwa ya oru nne ya parata nne ya mukuwa ira mumange musintuni mwenyu, 10nne pasta imohiwa, nne kamiza mbinli, nne sapato dimohi diwa, nne ikumbuzo imohiwa. Ejo munafwanyege sogolro munadowege nyo mwasiwa inafwanela ira namalaba akayena yodja yaye.
11<<Sidadi ili yatene nari tatamo ili yatene munafiye nyo, mubabihe saka iziwa akala uhukalavo mutu mmohi wapama unafuna urumelihani ira muhaye vande vaye. 12-13Eto nyo mwavolowaga vande vale, mubabihege alondjelavo. Mwagaalondjenle, mwaona ira ba atu orumela uwatchelani, inafwanela murendele wenyu aatitele.#10:12-13 mwaona ira ba atu orumela uwatchelani, inafwanela murendele wenyu aatitele: Muwari molondjela, mutu unowonga muselu azana liye. Ku wonga kagamanle wonga ira: <<Nili anamalaleya. Nnasaka vohaya>>, akala anamurala kohorumela londjela wewo, anamalaleya kawonge mazu oareliha ira: <<Mulugu akale wenno unafuna urelihani zela makalelo muniwatchenle nyo.>> Inafwanela nyo mukalege vande evo fiyeda muvenyemo musidadi mule. Mbwenye aliwa mwaona ira kinafuna jouwatchelani, murendele wenyu awelele wa nyo.
14<<Eto akala kalivo unafuna uwatchelani ira muhaye vande vaye, nne vwa mazu enyu, mwavenyagavo vande vale nari mwakumagamo musidadi mule, inafwanela mwaatatele tumbulru nnafwanyeya na manyalo enyu.#10:14 mwaatatele tumbulru nnafwanyeya na manyalo enyu: Ku wonga ira: <<Hiyo eto kannafuna fwanyeyana tumbulru na sidadi ila mwasiwa atwala kohotabwa kala atu otakala. Mulugu atongaga sidadi ila, hiyo kannafuna fwanyeyana tumbulru niwa.>> 15Na ibaribari nnouwandelani ira siku notonga naza nifiya, goyi nnafuna kana atu a sidadi yenno inaukondeni nnokala goyi dilukulu dokwaranya goyi nnafuna za vahiwa akuda Sodoma na Gomora!
Yesu ohowonga zela harahariwa wafuna za
Markuji 13:9-13; Lukaji 21:12-19
16<<Kaing'anani, miyo nnaurumani nnga muli mabila ira mudowe vari va anambwa a mukokolani. Na mwasa wenno inafwanela mukale oxanga nnga nyowa eto mukale atu ohokana yabure nnga kangayiwa. 17Polre polre na atu. Mwasiwa aliwa anougulihani, kaudowenani nimburo notonga eto anouwaxulani munyumbani mwiwa mwemo munafundja atu mazu. 18Nyo munotukuliwa mudowiwena vamentoni va agovernadore na vamentoni va amwene na mwasa wa miyo vano ira mudowe mwadihidedele umboni vamentoni vewa eto vamentoni va atu ohokala aJudewu. 19Mbwenye aliwa kauvelelani, kamukale okukumuwene muiraga: <Kodi wonga uwa niire avi? Niwonge nni?>, mwasiwa tempu yenyu yowonga yafiya, munovahiwa yenno inafuna nyo wonga. 20Mwasiwa kahi nyo unafuna wongaga, mbwenye Munemba wa Babinyu gunafuna wongaga muwari mwa nyo.
21<<Mutu unerege muguliha mbalaye obaliwana ingulu imohive ira apiwe eto babi unerege muguliha mwanaye.#10:21 muguliha mwanaye: Muguliha uwa kinawonga zela dowa vahiwa kobiri ya mbwabwada ira urayele, nari. Anawonga zela nvaheda mmandani mwa amwidani. Eto ahima anerege apiha ababiwa. 22Atu atene anerege uidani nyo na mwasa wa nzina naga. Mbwenye mutu wenno unavilele ante magomelo, unovulumuwa.
23<<Mwaona atu kauharaharagani sidadi imohi, inafwanela mutawele sidadi imohiwa. Mwasiwa na ibaribari nnouwandelani ira nyo kamunamariha wenda sidadi datene da Izarayeli Mwana wa Mutu ahanaze.>>#10:23 nyo kamunamariha wenda sidadi datene da Izarayeli Mwana wa Mutu ahanaze: Za wa Yesu unawongiwa kahi za wanembinli okumela zulu mbwenye ku wonga mala wa mabasa Yesu aarumile liye ira kalabege. Tchoira va unaaruma ira kadowe. Mbwenye nafwanya Markuji 6:30, nnovwa ira Yesu ohogumana na anamamuharaye akoka.
24<<Namafundja kanakala mundimuwa mukwaranya wenno unanfundjiha, nne namalaba kanakala mundimuwa mukwaranya patarawu waye. 25So mbwenye akala namafundja unolingana na wenno unanfundjiha, agomele evo. Eto akala namalaba unolingana na patarawu waye, agomele evo. Akala mwinnya wa vande atu anamuitana na nzina na Belizebu,#10:25 Belizebu ali nzina Yesu aitaniwana liye na amwidanaye. Muitana Yesu Belizebu ali sawasawa no muitana Satana mwasiwa Belizebu ali nzina aJudewu kamuitanetchana atu Satana, mundimuwa wa minemba dabure. Ku wonga Yesu ohawandela anamamuharaye ira: <<Akala atu anodiira Satana miyo, muiziwe ira na nyenne muli ahima a vande vaga munerege wongeliwa na makalelo abure kwaranya miyo.>> (Matewuji 12:24-27) nnga ikalele atwaye anno anakala na liye vande vale? Ubure unafuna atu wongeliwaga unafuna ukwaranye ubure unawongeliwa mwinnya wa vande.
Yesu ohowonga zela mutu ofwanela oviwa
Lukaji 12:2-9
26<<Nona nyo kamwaovege aliba uharaharani ale. Mwasiwa kilivo yengo yokuneliwa yenno yahanagomela oniwa,#10:26 kamwaovege aliba uharaharani ale. Mwasiwa kilivo yengo yokuneliwa yenno yahanagomela oniwa: Hiyo kannaaova ale ananiharahara mwasiwa masiki kanipe, joira jewa jinagomela oniwa vamentoni va Mulugu eto na hiyene joira jehu jinoza jioniwe vamentoni va Mulugu. Evale siku nnafuna za Yesu Kiristu, mwinnya unoza aawelihede kunyakunya. Nione 2 Tesalonika 1:6-10. eto kilivo yengo yokoyiwa yahanagomela vituleya. 27Jatene jinauwandelani miyo na mahiyu wagali isi, mudowe mwawongege na ntana eto jejo jinauwandelani miyo monong'ona, mudowe mwalaleyege movweya, mwagagwenle vazulu va nyumba!#10:27 jinauwandelani miyo monong'ona, mudowe mwalaleyege movweya, mwagagwenle vazulu va nyumba: Mazwala anatapulela ira Yesu ohawandela anamamuharaye jengo jimohi jiwa ira agadowile, kawande awandela atu atene a malogo matene ira kakale anamamuharaye. Hiya wongaga muwari mwa segeredo. Nione Matewuji 28:18-20.
28<<Nyo kamwaovege atu anne anawanda pa maningo eto kahawandaga pa munemba. Mbwenye mmuovege wenne unawanda tolotcha munemba na maningwene motatilela munloni ohokana goma uwa. 29Mariye menli anogulihiwa na mwana kobiri imohive. Eto masiki kagulihiwege na kobiri imohi, kilivo mbalrame imohi inakwa ahali funa wa Babinyu. 30Fiyeda ante masisi anafwanyeya mmuruni mwinyu, Mulugu umala iziwa indjiva uwa. 31Nona nyo kamuove, mwasiwa nyo muli ofuneyetchetcha kwaranya mariye madjindji. 32Na mwasa wenno, mutu wenne unadirumelele vari va atu, na miyene nnoza dimurumelele#10:32 Na mwasa wenno, mutu wenne unadirumelele vari va atu, na miyene nnoza dimurumelele: Akala nihiiziwa ira nili ofuneya kwaranya mbalrame eto mbalrame nnafwanyeya mmandani mwa Mulugu, inafwanela niwande murumela Yesu vamentoni va atu. Tchoira masiki nipiwele nzina na Yesu, nihiiziwa ira nnakwa mmandani mwa Mulugu, liye gunanifunana. Nona kavikale ova yengo ili yatene. vamentoni va Baba wenno uli zulu. 33Mbwenye wenne unadirune vari va atu, na miyene nnoza dimurune vamentoni va Baba uli zulu.
Yesu kazilena murendele mwilamboni, mbwenye azilena supada
Lukaji 12:51-53, 14:26-27
34<<Nyo kamuumbuwele ira miyo dizilena murendele mwilamboni ya vati. Miyo kadazana murendele, mbwenye dazana supada.#10:34 Miyo kadazana murendele, mbwenye dazana supada. Ku wonga ale anamuroromela Yesu, muwari momuhara Yesu kinadediha murendele mbwenye anadediha tamangihiwa na supada. Nione Matewuji 10:17-23. Eto fwanyeya ira atu omuroromela Yesu oroma tchaonne murendele ozela garati na mmavande muwa mbwenye aliwa koharahariwa. Nione Joira ja Anamarumiwa 8:1,3, 9:1-2, 12:1,2. 35Mwasiwa miyo dazela mwidaniha mwana wa mulombwana na babaye, mwana wa muhiyana na mmaye eto nijali na nijaliye!#10:35 nijali na nijaliye: Nijaliye unawongiwa va gwa muhiyana hiya wa mulombwana. 36Eto amwidani alukulu a mutu anakalege atu a vande vaye.
37<<Mutu unasimbwa muziveliwa mmaye na babaye dikwaranya miyo, mutuyo kahi ofwanela kala namadiharaga. Eto wenne unamuziveliwa simbwa mwanaye wa mulombwana nari wa muhiyana dikwaranya miyo, mutuyo kahi ofwanela kala namadiharaga. 38Eto mutu wenne ahanatukula muradi waye aroma diharaga, mutuyo kahi ofwanela kala namadiharaga.#10:38 wenne ahanatukula muradi waye aroma diharaga, mutuyo kahi ofwanela kala namadiharaga: Tukula muradi wawo we roma muharaga Yesu ku wonga vilela kwela mabasa a Yesu, hiya tukula ikwamutu yosema ya Yesu Kiristu, kapatchiha mukohini mwawo. Tchoira Yesu kaarumile atu ira: <<Mutukule muradi waga.>> mbwenye aarumile ira kada mutu atukule muradi waye. 39Mutu wenne unafune djavo ingumi yaye mwilamboni ya vati, unoyelela ingumi yaye. Mbwenye wenne unayelela ingumi yaye na mwasa wa miyo, gunafuna kana ingumi ya ibaribari.#10:39 wenne unayelela ingumi yaye na mwasa wa miyo, gunafuna kana ingumi ya ibaribari: Ku wonga wenno unavenda irana jofuna ja Yesu hiya irana jofuna jaye ira adjevo ja ilambo ya vati gunakana ingumi ya ibaribari. Wenno unavenda djavo ja ilambo ya vati unagomela hakana ingumi yohomala.
Yotambilra ya wenno unamukamiheda namamuhara wa Yesu
Markuji 9:41
40<<Mutu wenno unauwatchelani, udiwatchela miyo. Eto ule unadiwatchela miyo, umuwatchela wenno udirumile. 41Mutu wenne unamuwatchele namafiyiheda momuona ira ula gu namafiyiheda, unoza atambilre yotambilra ya namafiyiheda. Eto wenne unamuwatchela mutu wapama momuona ira ula gu mutu wapama, na liyene unoza atambilre yotambilra ya mutu wapama.#10:41 unamuwatchela mutu wapama… na liyene unoza atambilre yotambilra ya mutu wapama: Mazwala ananiwandela ira mutu wenno unamukamiheda nfwaye olaba mabasa a Mulugu unoza awatchele yotambilra yaye na Mulugu zela mukamiheda amukamihedile liye. Ku wonga wenno unvahile namalaleya mbwani ira adjege mundila, vamentoni va Mulugu uvolowa mabasa amohive anno. Nione 3 Juwawu 1:5-8.
42<<Eto mutu wenne unanvahe masiki kopo imohi ya mahindje odidila muwari mwa atu olramwiseya ala, anvahaga muwari moira gu namadiharaga, miyo na ibaribari nnouwandelani ira liye unoza akayena yotambilra yaye!>>
ទើបបានជ្រើសរើសហើយ៖
Matewuji 10: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 10
10
Anamarumiwa kumi na ambinli a Yesu
Markuji 3:13-19; Lukaji 6:12-16
1Noira eno, Yesu ohaitanaga anamamuharaye kumi na ambinli, liye avaha utongi otamangiha minemba dotakala no vulumutcha maurenda ali matene na jopa jili jatene. 2Anamamuharaye kumi na ambinli anno eto kaitaniwa anamarumiwa, maziniwa ba ala: Oroma gu mulombwana Simawu, wenno aitaniwa Peduru na mbalaye Andire, Tiyagu na mbalaye Juwawu, anno kali ana Zebedewu, 3Filipi, Bartolomewu, Tome na Matewuji, wenno ali namasokiha misoko, Tiyagu mwana Alifewu, Tadewu; 4Simawu wenno aromile kala muwari mwa nikuru na aZeloti.#10:4 nikuru na aZeloti ba atu kavenda joatamangihavo aRoma. Eto fwanyeya ira Mulugu ohomala awandela aIzarayeli ira kapupuruwa, anogondjihiwa na amwidani mbwenye katwaruwa anowanda agondjiha amwidaniwa. (Detoronomiyo 4:25-31; 1 Samuweli 7:3; 1 Amwene 8:33-34) Azeloti mbwenye tchali atu ofuna laba na kopolo da Mulugu mbwenye kali atu ofuna venda ira kalabe na kopolo dewa da supada. Ogomiheda kala mulombwana Judasi Iskariyoti wenno agomenle nguliha Yesu.
Yesu ohawandela anamamuharaye makalelo kafuna atu laba
Markuji 6:7-13; Lukaji 9:1-6
5Yesu aarumaga anamamuharaye kumi na ambinli ale, ohawandelaga eraga: <<Mwavenya veva, kamudowe wa atu ohokala aJudewu, nne kamuvolowe tatamo munakala aSamariya. 6Mbwenye mudowe mwaasake mabila odimela a nlogo na aIzarayeli.#10:6 mwaasake mabila odimela a nlogo na aIzarayeli: Fwanyeya ira mabasa Yesu aavahile liye anamamuharaye ahanakwe kohiyana na mabasa aavahile liye agakwile, agavennye mokwani afunaga dowa zulu. Yesu ahanakwe, mabasa aavahile liye anamarumiwaye ali avulumutcha no alaleya aIzarayeli bahi zela za wa Umwene wa Mulugu. Aliwa tchalaba muwari mwa atu ohokala aIzarayeli. Mbwenye agakwile, agavennye, kohokana mabasa oalaleya atu a malogo matene muselu oira Namatikeliwa oavulusa atu umala za ira atu a malogo matene kakale anamamuharaye. Nione Matewuji 28:18-20. 7Eto mwadowaga, mulaleyege ira: <Umwene wa zulu uhuwandamela!>#10:7 mulaleyege ira: <Umwene wa zulu uhuwandamela!>: Ku wonga Mulugu ahanle vang'ono ira airena yengo ilukulu ixa muwari mwa Yesu Kiristu. 8Eto mwadowa, mwavulumutchege maurenda, mwaavenyihege atu mokwani, mwaavulumutchege aliba maranya, mutamangihege minemba dabure. Voira nyo muwatchenle vasayi, na nyenne eto mudowe mwavahege vasayi!
9<<Nyo mwamaruwaga, kamuvende wendjeda jimohi jiwa kwaranya jinna nyo. Kamuwendjede kobiri imohiwa ya oru nne ya parata nne ya mukuwa ira mumange musintuni mwenyu, 10nne pasta imohiwa, nne kamiza mbinli, nne sapato dimohi diwa, nne ikumbuzo imohiwa. Ejo munafwanyege sogolro munadowege nyo mwasiwa inafwanela ira namalaba akayena yodja yaye.
11<<Sidadi ili yatene nari tatamo ili yatene munafiye nyo, mubabihe saka iziwa akala uhukalavo mutu mmohi wapama unafuna urumelihani ira muhaye vande vaye. 12-13Eto nyo mwavolowaga vande vale, mubabihege alondjelavo. Mwagaalondjenle, mwaona ira ba atu orumela uwatchelani, inafwanela murendele wenyu aatitele.#10:12-13 mwaona ira ba atu orumela uwatchelani, inafwanela murendele wenyu aatitele: Muwari molondjela, mutu unowonga muselu azana liye. Ku wonga kagamanle wonga ira: <<Nili anamalaleya. Nnasaka vohaya>>, akala anamurala kohorumela londjela wewo, anamalaleya kawonge mazu oareliha ira: <<Mulugu akale wenno unafuna urelihani zela makalelo muniwatchenle nyo.>> Inafwanela nyo mukalege vande evo fiyeda muvenyemo musidadi mule. Mbwenye aliwa mwaona ira kinafuna jouwatchelani, murendele wenyu awelele wa nyo.
14<<Eto akala kalivo unafuna uwatchelani ira muhaye vande vaye, nne vwa mazu enyu, mwavenyagavo vande vale nari mwakumagamo musidadi mule, inafwanela mwaatatele tumbulru nnafwanyeya na manyalo enyu.#10:14 mwaatatele tumbulru nnafwanyeya na manyalo enyu: Ku wonga ira: <<Hiyo eto kannafuna fwanyeyana tumbulru na sidadi ila mwasiwa atwala kohotabwa kala atu otakala. Mulugu atongaga sidadi ila, hiyo kannafuna fwanyeyana tumbulru niwa.>> 15Na ibaribari nnouwandelani ira siku notonga naza nifiya, goyi nnafuna kana atu a sidadi yenno inaukondeni nnokala goyi dilukulu dokwaranya goyi nnafuna za vahiwa akuda Sodoma na Gomora!
Yesu ohowonga zela harahariwa wafuna za
Markuji 13:9-13; Lukaji 21:12-19
16<<Kaing'anani, miyo nnaurumani nnga muli mabila ira mudowe vari va anambwa a mukokolani. Na mwasa wenno inafwanela mukale oxanga nnga nyowa eto mukale atu ohokana yabure nnga kangayiwa. 17Polre polre na atu. Mwasiwa aliwa anougulihani, kaudowenani nimburo notonga eto anouwaxulani munyumbani mwiwa mwemo munafundja atu mazu. 18Nyo munotukuliwa mudowiwena vamentoni va agovernadore na vamentoni va amwene na mwasa wa miyo vano ira mudowe mwadihidedele umboni vamentoni vewa eto vamentoni va atu ohokala aJudewu. 19Mbwenye aliwa kauvelelani, kamukale okukumuwene muiraga: <Kodi wonga uwa niire avi? Niwonge nni?>, mwasiwa tempu yenyu yowonga yafiya, munovahiwa yenno inafuna nyo wonga. 20Mwasiwa kahi nyo unafuna wongaga, mbwenye Munemba wa Babinyu gunafuna wongaga muwari mwa nyo.
21<<Mutu unerege muguliha mbalaye obaliwana ingulu imohive ira apiwe eto babi unerege muguliha mwanaye.#10:21 muguliha mwanaye: Muguliha uwa kinawonga zela dowa vahiwa kobiri ya mbwabwada ira urayele, nari. Anawonga zela nvaheda mmandani mwa amwidani. Eto ahima anerege apiha ababiwa. 22Atu atene anerege uidani nyo na mwasa wa nzina naga. Mbwenye mutu wenno unavilele ante magomelo, unovulumuwa.
23<<Mwaona atu kauharaharagani sidadi imohi, inafwanela mutawele sidadi imohiwa. Mwasiwa na ibaribari nnouwandelani ira nyo kamunamariha wenda sidadi datene da Izarayeli Mwana wa Mutu ahanaze.>>#10:23 nyo kamunamariha wenda sidadi datene da Izarayeli Mwana wa Mutu ahanaze: Za wa Yesu unawongiwa kahi za wanembinli okumela zulu mbwenye ku wonga mala wa mabasa Yesu aarumile liye ira kalabege. Tchoira va unaaruma ira kadowe. Mbwenye nafwanya Markuji 6:30, nnovwa ira Yesu ohogumana na anamamuharaye akoka.
24<<Namafundja kanakala mundimuwa mukwaranya wenno unanfundjiha, nne namalaba kanakala mundimuwa mukwaranya patarawu waye. 25So mbwenye akala namafundja unolingana na wenno unanfundjiha, agomele evo. Eto akala namalaba unolingana na patarawu waye, agomele evo. Akala mwinnya wa vande atu anamuitana na nzina na Belizebu,#10:25 Belizebu ali nzina Yesu aitaniwana liye na amwidanaye. Muitana Yesu Belizebu ali sawasawa no muitana Satana mwasiwa Belizebu ali nzina aJudewu kamuitanetchana atu Satana, mundimuwa wa minemba dabure. Ku wonga Yesu ohawandela anamamuharaye ira: <<Akala atu anodiira Satana miyo, muiziwe ira na nyenne muli ahima a vande vaga munerege wongeliwa na makalelo abure kwaranya miyo.>> (Matewuji 12:24-27) nnga ikalele atwaye anno anakala na liye vande vale? Ubure unafuna atu wongeliwaga unafuna ukwaranye ubure unawongeliwa mwinnya wa vande.
Yesu ohowonga zela mutu ofwanela oviwa
Lukaji 12:2-9
26<<Nona nyo kamwaovege aliba uharaharani ale. Mwasiwa kilivo yengo yokuneliwa yenno yahanagomela oniwa,#10:26 kamwaovege aliba uharaharani ale. Mwasiwa kilivo yengo yokuneliwa yenno yahanagomela oniwa: Hiyo kannaaova ale ananiharahara mwasiwa masiki kanipe, joira jewa jinagomela oniwa vamentoni va Mulugu eto na hiyene joira jehu jinoza jioniwe vamentoni va Mulugu. Evale siku nnafuna za Yesu Kiristu, mwinnya unoza aawelihede kunyakunya. Nione 2 Tesalonika 1:6-10. eto kilivo yengo yokoyiwa yahanagomela vituleya. 27Jatene jinauwandelani miyo na mahiyu wagali isi, mudowe mwawongege na ntana eto jejo jinauwandelani miyo monong'ona, mudowe mwalaleyege movweya, mwagagwenle vazulu va nyumba!#10:27 jinauwandelani miyo monong'ona, mudowe mwalaleyege movweya, mwagagwenle vazulu va nyumba: Mazwala anatapulela ira Yesu ohawandela anamamuharaye jengo jimohi jiwa ira agadowile, kawande awandela atu atene a malogo matene ira kakale anamamuharaye. Hiya wongaga muwari mwa segeredo. Nione Matewuji 28:18-20.
28<<Nyo kamwaovege atu anne anawanda pa maningo eto kahawandaga pa munemba. Mbwenye mmuovege wenne unawanda tolotcha munemba na maningwene motatilela munloni ohokana goma uwa. 29Mariye menli anogulihiwa na mwana kobiri imohive. Eto masiki kagulihiwege na kobiri imohi, kilivo mbalrame imohi inakwa ahali funa wa Babinyu. 30Fiyeda ante masisi anafwanyeya mmuruni mwinyu, Mulugu umala iziwa indjiva uwa. 31Nona nyo kamuove, mwasiwa nyo muli ofuneyetchetcha kwaranya mariye madjindji. 32Na mwasa wenno, mutu wenne unadirumelele vari va atu, na miyene nnoza dimurumelele#10:32 Na mwasa wenno, mutu wenne unadirumelele vari va atu, na miyene nnoza dimurumelele: Akala nihiiziwa ira nili ofuneya kwaranya mbalrame eto mbalrame nnafwanyeya mmandani mwa Mulugu, inafwanela niwande murumela Yesu vamentoni va atu. Tchoira masiki nipiwele nzina na Yesu, nihiiziwa ira nnakwa mmandani mwa Mulugu, liye gunanifunana. Nona kavikale ova yengo ili yatene. vamentoni va Baba wenno uli zulu. 33Mbwenye wenne unadirune vari va atu, na miyene nnoza dimurune vamentoni va Baba uli zulu.
Yesu kazilena murendele mwilamboni, mbwenye azilena supada
Lukaji 12:51-53, 14:26-27
34<<Nyo kamuumbuwele ira miyo dizilena murendele mwilamboni ya vati. Miyo kadazana murendele, mbwenye dazana supada.#10:34 Miyo kadazana murendele, mbwenye dazana supada. Ku wonga ale anamuroromela Yesu, muwari momuhara Yesu kinadediha murendele mbwenye anadediha tamangihiwa na supada. Nione Matewuji 10:17-23. Eto fwanyeya ira atu omuroromela Yesu oroma tchaonne murendele ozela garati na mmavande muwa mbwenye aliwa koharahariwa. Nione Joira ja Anamarumiwa 8:1,3, 9:1-2, 12:1,2. 35Mwasiwa miyo dazela mwidaniha mwana wa mulombwana na babaye, mwana wa muhiyana na mmaye eto nijali na nijaliye!#10:35 nijali na nijaliye: Nijaliye unawongiwa va gwa muhiyana hiya wa mulombwana. 36Eto amwidani alukulu a mutu anakalege atu a vande vaye.
37<<Mutu unasimbwa muziveliwa mmaye na babaye dikwaranya miyo, mutuyo kahi ofwanela kala namadiharaga. Eto wenne unamuziveliwa simbwa mwanaye wa mulombwana nari wa muhiyana dikwaranya miyo, mutuyo kahi ofwanela kala namadiharaga. 38Eto mutu wenne ahanatukula muradi waye aroma diharaga, mutuyo kahi ofwanela kala namadiharaga.#10:38 wenne ahanatukula muradi waye aroma diharaga, mutuyo kahi ofwanela kala namadiharaga: Tukula muradi wawo we roma muharaga Yesu ku wonga vilela kwela mabasa a Yesu, hiya tukula ikwamutu yosema ya Yesu Kiristu, kapatchiha mukohini mwawo. Tchoira Yesu kaarumile atu ira: <<Mutukule muradi waga.>> mbwenye aarumile ira kada mutu atukule muradi waye. 39Mutu wenne unafune djavo ingumi yaye mwilamboni ya vati, unoyelela ingumi yaye. Mbwenye wenne unayelela ingumi yaye na mwasa wa miyo, gunafuna kana ingumi ya ibaribari.#10:39 wenne unayelela ingumi yaye na mwasa wa miyo, gunafuna kana ingumi ya ibaribari: Ku wonga wenno unavenda irana jofuna ja Yesu hiya irana jofuna jaye ira adjevo ja ilambo ya vati gunakana ingumi ya ibaribari. Wenno unavenda djavo ja ilambo ya vati unagomela hakana ingumi yohomala.
Yotambilra ya wenno unamukamiheda namamuhara wa Yesu
Markuji 9:41
40<<Mutu wenno unauwatchelani, udiwatchela miyo. Eto ule unadiwatchela miyo, umuwatchela wenno udirumile. 41Mutu wenne unamuwatchele namafiyiheda momuona ira ula gu namafiyiheda, unoza atambilre yotambilra ya namafiyiheda. Eto wenne unamuwatchela mutu wapama momuona ira ula gu mutu wapama, na liyene unoza atambilre yotambilra ya mutu wapama.#10:41 unamuwatchela mutu wapama… na liyene unoza atambilre yotambilra ya mutu wapama: Mazwala ananiwandela ira mutu wenno unamukamiheda nfwaye olaba mabasa a Mulugu unoza awatchele yotambilra yaye na Mulugu zela mukamiheda amukamihedile liye. Ku wonga wenno unvahile namalaleya mbwani ira adjege mundila, vamentoni va Mulugu uvolowa mabasa amohive anno. Nione 3 Juwawu 1:5-8.
42<<Eto mutu wenne unanvahe masiki kopo imohi ya mahindje odidila muwari mwa atu olramwiseya ala, anvahaga muwari moira gu namadiharaga, miyo na ibaribari nnouwandelani ira liye unoza akayena yotambilra yaye!>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral