Matewuji 8
8
Yesu ohonvulumutcha maliba maranya
Markuji 1:40-45; Lukaji 5:12-16
1Evale Yesu agatitile mwangoni ule, mwindji wa atu ohokala a masika komuharaga. 2Mwa enne ohokala maliba maranya mmohi afiyilege vamentoni va Yesu, liye mukokorela eraga: <<Nabwiya, mwafuna dera mudivulumutche.>> 3Evale Yesu ohotapulaga ndanda naye, musakwinya mulombwana wa maranya ule eraga: <<Miyo dihifuna ira weyo ukale pama!>> Agawongile mazu anne, tempu imohive mutule ohovulumuwaga, liye kala pama zela maranya anna liye.
4Noira enne, Yesu ohomuwandelaga eraga: <<Wadowa kuwonge na atu amohiwa zela yenno iireyile eva. So mbwenye udowe wanvepe namakuta ira auing'ane. Wamala eno, udowe wavelele yovelela yenno Mozeji yawongile liye para mutu wenno unavulumuwe urenda wa maranya.#8:4 wavelele yovelela yenno Mozeji yawongile liye: Malambo a mundulrimu Mulugu ohomuwandela Mozeji makalelo kafuna aIzarayeli irana kagamanle vulumuwa urenda wa maranya. Manganuwa anafwanyeya Levitiku 14:2-32. Udowe wairena eno ira ikale umboni ira weyo uhuvulumuwa.>>
Yesu ohonvulumutcha namalaba wa mundimuwa wa anyakondo
Lukaji 7:1-10
5Yesu avolowaga sidadi ya Kafaranamu, ohozaga musogolrelri mmohi wa anyakondo 100,#8:5 musogolrelri mmohi wa anyakondo unawongiwa kaali muJudewu mbwenye ali mutu ohokala muJudewu wenno aalaba aRoma. liye nvepa eraga: 6<<Mbwiyeni miyo vande vaga dihinkana namalabaga uli murenda. Liye kanawanda rungunuwa vanipawuni vili liye. Eto jopa jinna liye kahi jing'ono.>>
7Yesu agavwile mazwale, ohoira: <<Tabo, ndoweni vande vawo, danvulumutche murendoyo.>> 8Mbwenye musogolrelri ule ohomuwongana Yesu ira: <<Mbwiyeni, miyo kadili mutu ofwanela ira nyo mufiye vande vaga. Mbwenye dihiiziwa ira nyo mwawonga bahi, mwera: <Mutule avulumuwe>, namalabagole unovulumuwa. 9Mwasiwa na miyene dihikana andimuwa anaditonga. Eto miyo dihikana anyakondo nnaatonga miyo. Miyo damuwongana mmohi ira: <Udowe wa Udje>, liye unodowa. Eto damuwongana mmohiwa ira: <Kaza uno>, liye unoza. Eto damuwongana namalaba waga ira: <Kadowa wahinde mabasa ala>, liye unoirana. Na nyenne, mwawonga bahi, liye unovulumuwa.>>
10Yesu agavwile yowakula ya ndimuwole, ohotikiniheyaga valukulu, liye awongana atu kamuharagale eraga: <<Na ibaribari nnouwandelani ira mwa aIzarayeli atene, miyo kannangumanena mutu okana nroromelo nnga mutula. 11Nnouwandelani ira atu adjindji anoza kakumelege makumelo wa nzuwa fiyeda mavirelo wa nzuwa ira kadowe kadje vameza#8:11 kadje vameza: Owu hehi kagonati vameza. Tempu ya Yesu atu kadjaga, kadjetcha vameza yokwiva kagali ogonatene vakuluxawuni. Ku wonga aliwa tchadjetcha vamezani voregama. vamohi na Abarahamu na Izaki na Jako muwari mwa Umwene wa zulu.#8:11 atu adjindji anoza kakumelege makumelo wa nzuwa fiyeda mavirelo wa nzuwa ira kadowe kadje vameza… muwari mwa Umwene wa zulu: Mazwala anatapulela ira anafuna volowa muUmweneni mwa Mulugu anoza kakale atu ohiyana-hiyana okumela malogo matene, hiya azugu ve owu aJudewu ve. Eto fwanyeya ira Yesu ohawandela anamamuharaye ira kaalaleyege atu a malogo matene. (Matewuji 28:18-20) Eto fwanyeya ira atu owomboliwa anafuna kala muJeruzalemu Muxa anaza kakale atu a malogo matene. (Jowandeliwa 5:9-12, 7:9-10) 12Eto ale kafuna kakale ahima a muUmweneni mule, anoza kavokediwe unde wewo uli isi yohokala ya masika. Wewule unoza ukale nla no takuna meno.>>#8:12 ale kafuna kakale ahima a muUmweneni mule, anoza kavokediwe unde: Atu anawongiwa va ba aJudewu. Tchoira Yesu azaga, azile agali muJudewu eto aromile alaleya aJudewu. Mbwenye muwari mwa aJudewu, omuroromela Yesu tchali anene. (Juwawu 1:10-12; Roma 9:30-10:4) Nona aJudewu oindjiva anoza kavokediwe unde wewo uli isi yohokala ya masika.
13Noira enne, Yesu ohomugunya ndimuwole ira: <<Tiyege. Jatene jene jinokwakwanela nnga mwadiroromele we.>> Nowonga eno, namalabole ohovulumuwa, ora imohive yawonga Yesu.
Yesu ohavulumutcha arenda adjindji
Markuji 1:29-34; Lukaji 4:38-41
14Noira enne, Yesu ohodowaga vande va Peduru. Agadowile, anfwanyilege Peduru mbogohaye ogonatene, aganna febiri. 15Evale Yesu ohomuhindaga ndanda naye. Agamuhindile, febiri yanna liye yohomala, liye roma asakanyela jodja.
16Nzuwa nagavirile, itchiguwo tchiguwo atu kohoromaga azana atu oindjiva kazuzumihiwa na minemba dabure. Evale Yesu ohoromaga tamangiha minemba dabure eto ohovulumutcha maurenda matene mowonga bahi. 17Yesu ohoirana jatene jeji ira jiwande kwakwaneliheda nnga mwemo mwawongele namafiyiheda Izaiya ira: <<Liye ohotukula makatamiho ehu eto ohotukula maurenda ehu.>>#Izaiya 53:4
Muselu wa atu amohiwa kafuna muhara Yesu
Lukaji 9:57-62
18Evale Yesu agaonne mwindji wa atu kazaga vali liye vale, oharumaga anamamuharaye ira: <<Ndoweni nimaruweni ira niyeni kombela ya ule ya ntiya.>> 19Kahanamaruwe, ohokalagavo namafundjiha malamulo mmohi azilege wa Yesu, liye kwi: <<Namafundjiha, miyo nnerege uharani watene munayege nyo!>> 20Evale Yesu ohomuwakulaga, liye ira: <<Anambwa a mukokolani kohokana miliha nnakala atu eto mbalrame dovava zulu dihikana jitundji jiwa. Mbwenye Mwana wa Mutu#8:20 Mwana wa Mutu: Zela nzina na Mwana wa Mutu, Yesu Kiristu awendaga mwilamboni ya vati, liye aviitanetcha Mwana wa Mutu. (Juwawu 3:13,14, 5:27, 6:27,53,62, 8:28, 9:35) Muwari moviitana Mwana wa Mutu, ku wonga Yesu aviona nnga mutu okwakwanela, mutu okala nnga Adawu ahanamutegele Mulugu. Yesu aviitanaga Mwana wa Mutu ku tapulela ira liye gu mutu wa ibaribari hiya kala niguruguzu nohokana mabasa nnga atu otega. Eto tapulela ira Yesu gu mutu wenno unawongiwa muwari mwa Daniyeli 7:13-14 unafuna za kana utongi wohomala ira aatongege atu atene. kanna vosameliha muru waye.>>#8:20 Mwana wa Mutu kanna vosameliha muru waye: Yesu awongela eno ira mutule aiziwe ira muhara Yesu tchi yengo ya goyi hiyaniha no umbuwela ira muhara Yesu tchi yengo yohorutcha. Tchoira akala Yesu kaanna nimburo nosameliha muru waye, inafwanela namamuhara waye aumbuwele ira: <<Afwase na miyene kannakana vosameliha muru waga.>>
21Eto mutu mmohi afwanyeya muwari mwa anamamuharaye ale ohowongaga eraga: <<Nabwiya, miyo dera mudirumelihe dibabihe dowa damukoye babaga,#8:21 dibabihe dowa damukoye babaga: Hiyo kaniiziwile akala mutule awongaga eno awongela moira babaye ohokwa owu hehi ali murenda owu hehi ere ulula. So mbwenye Yesu afuna yengo yoroma ikale yoroma, yowelela ikale yowelela. Fiyeda peno, Yesu amuitana mutu ira alabe yengo, inafwanela arumele itaniwa wewo mobaranya wahanna yowonga ira: <<Dibabihe hinda ila.>> amala duharegeni!>> 22Yesu mbwenye ohomuwakulaga eraga: <<Kadiharege miyo! Waahiye aliba kwa kakoyanege aliba kwave!>>#8:22 Waahiye aliba kwa kakoyanege aliba kwave! Ku wonga Yesu afuna mutule alabe ja Mulugu mwasiwa ale anawenda okwene kohokwakwana ira kalabege ja ilambo ya vati.
Yesu ohomiyaliha nipevo nlukulu
Markuji 4:35-41; Lukaji 8:22-25
23Noira enne, Yesu ohogwelaga mmwadeyani eto anamamuharaye kohodowaga vamohi na liye. 24Mwa enne kagali mmwadeyani mule kadowaga, nohooneyaga nipevo nohokala na masika. Evale mahindje omanganyeya kohoroma volowa mmwadeyani mule. Mbwenye Yesu eraga gona. 25Mwa enne anamamuharaye kohonvenyiha keraga: <<Nivulumutcheni Nabwiya, nnokwa na mahindje!>>
26Evale liye ohawakulaga eraga: <<Nyo atu oyeva nroromelo nyo, kodi munaovela nni?>> Noira enne, Yesu ohovenyaga, roma sumulula nipevo vamohi na mahindje omanganyeya ale. Evale nipevo nohomiyalaga, jatene aliwa kala pama. 27Evale aliwa kohotikiniheyaga kawongaga keraga: <<Kodi wenna bani unafiyeda ante nipevo na mahindje nvwelelaga?>>
Yesu ohavulumutcha alombwana ambinli ozuzumihiwa na minemba dabure
Markuji 5:1-20; Lukaji 8:26-39
28Evale aliwa kagafiyile kombela ya ule, ilambo ya akuda Gadara, kohozaga alombwana ambinli okana minemba dabure, kakumelaga masiye.#8:28 kohozaga alombwana ambinli okana minemba dabure, kakumelaga masiye: Malivuru mannayi roma Matewuji, Markuji, Lukaji na Juwawu anawonga zela jowonga na joira ja Yesu. Kada livuru nnalaba nnga umboni, atene kawongaga ibaribari. Mbwenye kahi ira atene kalrembile na makalelo amohive. Tchoira Matewuji alrembile zela arenda ambinli. Mbwenye Markuji na Lukaji kalrembile zela murenda mmohi. Eto aliwa koholremba yengo Matewuji yahalrembile liye ira murendole agavulumutchiwe, afuna jomuhara Yesu mbwenye Yesu ohomuwandela ira: Wela udowege vande ira waawandele afwawo zela upama uuirele Nabwiya na tangaranga duwendenle liye. (Markuji 5:19) Evale liye ohoirana. Ira Markuji na Lukaji kawonge zela mutu mmohi bahi, afwase na ibaribari kohovulumutchiwa atu ambinli mbwenye muwari mwa ambinli, so mmohi gwamuharile Yesu agavulumutchiwe. Nona Markuji na Lukaji kamuwongaga mutu mmohi bahi. Aliwa kali atu owopihetchetcha, fiyeda ira ndila yenno yakala atu, kaliwo awanda virawo. 29Evale aliwa kagamuonne Yesu, kohokuwaga keraga: <<Kodi munafuna munikayena ani, nyo Mwana Mulugu? Kodi mwazela ira munionihe goyi tempuwa yahanafiye?>> 30Eto wandamelana valigi atu vale vohokalaga nikuru na nguluwe dohokala da masika deraga dja.#8:30 vohokalaga nikuru na nguluwe: Mulugu oharuma aIzarayeli ira kahadjege nguluwe. (Detoronomiyo 14:8) Kalaga nnga ale kafuwa nguluwe dile kairana muwari mopokiha mazu a Mulugu. 31Evale minemba dabure dile dohonvepaga Yesu ira: <<Akala munafuna munitamangihe mwa atwala, nnouvepani ira munirumelihe nidowe navolowe munguluweni mule.>> 32Evale Yesu ohowakulaga eraga: <<Kadowani.>> Mwa enne minemba dile dagakumile mwa atwale, dohovolowaga munguluweni mule. Noira enne, nguluwe datene edile dohotitelaga vodiha, aliwa dowa morela mbara, kwela emule.
33Nguluwe dile dohokagana anamakumbuza kadjihaga. Evale aliwa kagaonne jairilege nguluwe diwa dile, kohotawaga. Kagafiyile musidadi mule, kohoromaga wongamo jatene ejile makamaka jejo jaaireyele alombwana a minemba dabure ale. 34Mwa enne atu atene a musidadi mule kagavwile enne, kohomaruwaga, aliwa dowaga wewo wafwanyeya Yesu ira kagumane na liye. Evale aliwa kagamuonne, kohonvepaga ira akumemo mwilamboni mwiwa.#8:34 kohonvepaga ira akumemo mwilamboni mwiwa: Ira aliwa kamutamangihemo Yesu mwilamboni mwiwa mule, afwase kohotakaleliwa zela nguluwe diwa. Kagamuonne, tchaumbuwenle zela atu kavulumuwile, nne tchafunne ira kavwe jowonga ja Yesu, so aliwa kohovayela mutamangiha.
ទើបបានជ្រើសរើសហើយ៖
Matewuji 8: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 8
8
Yesu ohonvulumutcha maliba maranya
Markuji 1:40-45; Lukaji 5:12-16
1Evale Yesu agatitile mwangoni ule, mwindji wa atu ohokala a masika komuharaga. 2Mwa enne ohokala maliba maranya mmohi afiyilege vamentoni va Yesu, liye mukokorela eraga: <<Nabwiya, mwafuna dera mudivulumutche.>> 3Evale Yesu ohotapulaga ndanda naye, musakwinya mulombwana wa maranya ule eraga: <<Miyo dihifuna ira weyo ukale pama!>> Agawongile mazu anne, tempu imohive mutule ohovulumuwaga, liye kala pama zela maranya anna liye.
4Noira enne, Yesu ohomuwandelaga eraga: <<Wadowa kuwonge na atu amohiwa zela yenno iireyile eva. So mbwenye udowe wanvepe namakuta ira auing'ane. Wamala eno, udowe wavelele yovelela yenno Mozeji yawongile liye para mutu wenno unavulumuwe urenda wa maranya.#8:4 wavelele yovelela yenno Mozeji yawongile liye: Malambo a mundulrimu Mulugu ohomuwandela Mozeji makalelo kafuna aIzarayeli irana kagamanle vulumuwa urenda wa maranya. Manganuwa anafwanyeya Levitiku 14:2-32. Udowe wairena eno ira ikale umboni ira weyo uhuvulumuwa.>>
Yesu ohonvulumutcha namalaba wa mundimuwa wa anyakondo
Lukaji 7:1-10
5Yesu avolowaga sidadi ya Kafaranamu, ohozaga musogolrelri mmohi wa anyakondo 100,#8:5 musogolrelri mmohi wa anyakondo unawongiwa kaali muJudewu mbwenye ali mutu ohokala muJudewu wenno aalaba aRoma. liye nvepa eraga: 6<<Mbwiyeni miyo vande vaga dihinkana namalabaga uli murenda. Liye kanawanda rungunuwa vanipawuni vili liye. Eto jopa jinna liye kahi jing'ono.>>
7Yesu agavwile mazwale, ohoira: <<Tabo, ndoweni vande vawo, danvulumutche murendoyo.>> 8Mbwenye musogolrelri ule ohomuwongana Yesu ira: <<Mbwiyeni, miyo kadili mutu ofwanela ira nyo mufiye vande vaga. Mbwenye dihiiziwa ira nyo mwawonga bahi, mwera: <Mutule avulumuwe>, namalabagole unovulumuwa. 9Mwasiwa na miyene dihikana andimuwa anaditonga. Eto miyo dihikana anyakondo nnaatonga miyo. Miyo damuwongana mmohi ira: <Udowe wa Udje>, liye unodowa. Eto damuwongana mmohiwa ira: <Kaza uno>, liye unoza. Eto damuwongana namalaba waga ira: <Kadowa wahinde mabasa ala>, liye unoirana. Na nyenne, mwawonga bahi, liye unovulumuwa.>>
10Yesu agavwile yowakula ya ndimuwole, ohotikiniheyaga valukulu, liye awongana atu kamuharagale eraga: <<Na ibaribari nnouwandelani ira mwa aIzarayeli atene, miyo kannangumanena mutu okana nroromelo nnga mutula. 11Nnouwandelani ira atu adjindji anoza kakumelege makumelo wa nzuwa fiyeda mavirelo wa nzuwa ira kadowe kadje vameza#8:11 kadje vameza: Owu hehi kagonati vameza. Tempu ya Yesu atu kadjaga, kadjetcha vameza yokwiva kagali ogonatene vakuluxawuni. Ku wonga aliwa tchadjetcha vamezani voregama. vamohi na Abarahamu na Izaki na Jako muwari mwa Umwene wa zulu.#8:11 atu adjindji anoza kakumelege makumelo wa nzuwa fiyeda mavirelo wa nzuwa ira kadowe kadje vameza… muwari mwa Umwene wa zulu: Mazwala anatapulela ira anafuna volowa muUmweneni mwa Mulugu anoza kakale atu ohiyana-hiyana okumela malogo matene, hiya azugu ve owu aJudewu ve. Eto fwanyeya ira Yesu ohawandela anamamuharaye ira kaalaleyege atu a malogo matene. (Matewuji 28:18-20) Eto fwanyeya ira atu owomboliwa anafuna kala muJeruzalemu Muxa anaza kakale atu a malogo matene. (Jowandeliwa 5:9-12, 7:9-10) 12Eto ale kafuna kakale ahima a muUmweneni mule, anoza kavokediwe unde wewo uli isi yohokala ya masika. Wewule unoza ukale nla no takuna meno.>>#8:12 ale kafuna kakale ahima a muUmweneni mule, anoza kavokediwe unde: Atu anawongiwa va ba aJudewu. Tchoira Yesu azaga, azile agali muJudewu eto aromile alaleya aJudewu. Mbwenye muwari mwa aJudewu, omuroromela Yesu tchali anene. (Juwawu 1:10-12; Roma 9:30-10:4) Nona aJudewu oindjiva anoza kavokediwe unde wewo uli isi yohokala ya masika.
13Noira enne, Yesu ohomugunya ndimuwole ira: <<Tiyege. Jatene jene jinokwakwanela nnga mwadiroromele we.>> Nowonga eno, namalabole ohovulumuwa, ora imohive yawonga Yesu.
Yesu ohavulumutcha arenda adjindji
Markuji 1:29-34; Lukaji 4:38-41
14Noira enne, Yesu ohodowaga vande va Peduru. Agadowile, anfwanyilege Peduru mbogohaye ogonatene, aganna febiri. 15Evale Yesu ohomuhindaga ndanda naye. Agamuhindile, febiri yanna liye yohomala, liye roma asakanyela jodja.
16Nzuwa nagavirile, itchiguwo tchiguwo atu kohoromaga azana atu oindjiva kazuzumihiwa na minemba dabure. Evale Yesu ohoromaga tamangiha minemba dabure eto ohovulumutcha maurenda matene mowonga bahi. 17Yesu ohoirana jatene jeji ira jiwande kwakwaneliheda nnga mwemo mwawongele namafiyiheda Izaiya ira: <<Liye ohotukula makatamiho ehu eto ohotukula maurenda ehu.>>#Izaiya 53:4
Muselu wa atu amohiwa kafuna muhara Yesu
Lukaji 9:57-62
18Evale Yesu agaonne mwindji wa atu kazaga vali liye vale, oharumaga anamamuharaye ira: <<Ndoweni nimaruweni ira niyeni kombela ya ule ya ntiya.>> 19Kahanamaruwe, ohokalagavo namafundjiha malamulo mmohi azilege wa Yesu, liye kwi: <<Namafundjiha, miyo nnerege uharani watene munayege nyo!>> 20Evale Yesu ohomuwakulaga, liye ira: <<Anambwa a mukokolani kohokana miliha nnakala atu eto mbalrame dovava zulu dihikana jitundji jiwa. Mbwenye Mwana wa Mutu#8:20 Mwana wa Mutu: Zela nzina na Mwana wa Mutu, Yesu Kiristu awendaga mwilamboni ya vati, liye aviitanetcha Mwana wa Mutu. (Juwawu 3:13,14, 5:27, 6:27,53,62, 8:28, 9:35) Muwari moviitana Mwana wa Mutu, ku wonga Yesu aviona nnga mutu okwakwanela, mutu okala nnga Adawu ahanamutegele Mulugu. Yesu aviitanaga Mwana wa Mutu ku tapulela ira liye gu mutu wa ibaribari hiya kala niguruguzu nohokana mabasa nnga atu otega. Eto tapulela ira Yesu gu mutu wenno unawongiwa muwari mwa Daniyeli 7:13-14 unafuna za kana utongi wohomala ira aatongege atu atene. kanna vosameliha muru waye.>>#8:20 Mwana wa Mutu kanna vosameliha muru waye: Yesu awongela eno ira mutule aiziwe ira muhara Yesu tchi yengo ya goyi hiyaniha no umbuwela ira muhara Yesu tchi yengo yohorutcha. Tchoira akala Yesu kaanna nimburo nosameliha muru waye, inafwanela namamuhara waye aumbuwele ira: <<Afwase na miyene kannakana vosameliha muru waga.>>
21Eto mutu mmohi afwanyeya muwari mwa anamamuharaye ale ohowongaga eraga: <<Nabwiya, miyo dera mudirumelihe dibabihe dowa damukoye babaga,#8:21 dibabihe dowa damukoye babaga: Hiyo kaniiziwile akala mutule awongaga eno awongela moira babaye ohokwa owu hehi ali murenda owu hehi ere ulula. So mbwenye Yesu afuna yengo yoroma ikale yoroma, yowelela ikale yowelela. Fiyeda peno, Yesu amuitana mutu ira alabe yengo, inafwanela arumele itaniwa wewo mobaranya wahanna yowonga ira: <<Dibabihe hinda ila.>> amala duharegeni!>> 22Yesu mbwenye ohomuwakulaga eraga: <<Kadiharege miyo! Waahiye aliba kwa kakoyanege aliba kwave!>>#8:22 Waahiye aliba kwa kakoyanege aliba kwave! Ku wonga Yesu afuna mutule alabe ja Mulugu mwasiwa ale anawenda okwene kohokwakwana ira kalabege ja ilambo ya vati.
Yesu ohomiyaliha nipevo nlukulu
Markuji 4:35-41; Lukaji 8:22-25
23Noira enne, Yesu ohogwelaga mmwadeyani eto anamamuharaye kohodowaga vamohi na liye. 24Mwa enne kagali mmwadeyani mule kadowaga, nohooneyaga nipevo nohokala na masika. Evale mahindje omanganyeya kohoroma volowa mmwadeyani mule. Mbwenye Yesu eraga gona. 25Mwa enne anamamuharaye kohonvenyiha keraga: <<Nivulumutcheni Nabwiya, nnokwa na mahindje!>>
26Evale liye ohawakulaga eraga: <<Nyo atu oyeva nroromelo nyo, kodi munaovela nni?>> Noira enne, Yesu ohovenyaga, roma sumulula nipevo vamohi na mahindje omanganyeya ale. Evale nipevo nohomiyalaga, jatene aliwa kala pama. 27Evale aliwa kohotikiniheyaga kawongaga keraga: <<Kodi wenna bani unafiyeda ante nipevo na mahindje nvwelelaga?>>
Yesu ohavulumutcha alombwana ambinli ozuzumihiwa na minemba dabure
Markuji 5:1-20; Lukaji 8:26-39
28Evale aliwa kagafiyile kombela ya ule, ilambo ya akuda Gadara, kohozaga alombwana ambinli okana minemba dabure, kakumelaga masiye.#8:28 kohozaga alombwana ambinli okana minemba dabure, kakumelaga masiye: Malivuru mannayi roma Matewuji, Markuji, Lukaji na Juwawu anawonga zela jowonga na joira ja Yesu. Kada livuru nnalaba nnga umboni, atene kawongaga ibaribari. Mbwenye kahi ira atene kalrembile na makalelo amohive. Tchoira Matewuji alrembile zela arenda ambinli. Mbwenye Markuji na Lukaji kalrembile zela murenda mmohi. Eto aliwa koholremba yengo Matewuji yahalrembile liye ira murendole agavulumutchiwe, afuna jomuhara Yesu mbwenye Yesu ohomuwandela ira: Wela udowege vande ira waawandele afwawo zela upama uuirele Nabwiya na tangaranga duwendenle liye. (Markuji 5:19) Evale liye ohoirana. Ira Markuji na Lukaji kawonge zela mutu mmohi bahi, afwase na ibaribari kohovulumutchiwa atu ambinli mbwenye muwari mwa ambinli, so mmohi gwamuharile Yesu agavulumutchiwe. Nona Markuji na Lukaji kamuwongaga mutu mmohi bahi. Aliwa kali atu owopihetchetcha, fiyeda ira ndila yenno yakala atu, kaliwo awanda virawo. 29Evale aliwa kagamuonne Yesu, kohokuwaga keraga: <<Kodi munafuna munikayena ani, nyo Mwana Mulugu? Kodi mwazela ira munionihe goyi tempuwa yahanafiye?>> 30Eto wandamelana valigi atu vale vohokalaga nikuru na nguluwe dohokala da masika deraga dja.#8:30 vohokalaga nikuru na nguluwe: Mulugu oharuma aIzarayeli ira kahadjege nguluwe. (Detoronomiyo 14:8) Kalaga nnga ale kafuwa nguluwe dile kairana muwari mopokiha mazu a Mulugu. 31Evale minemba dabure dile dohonvepaga Yesu ira: <<Akala munafuna munitamangihe mwa atwala, nnouvepani ira munirumelihe nidowe navolowe munguluweni mule.>> 32Evale Yesu ohowakulaga eraga: <<Kadowani.>> Mwa enne minemba dile dagakumile mwa atwale, dohovolowaga munguluweni mule. Noira enne, nguluwe datene edile dohotitelaga vodiha, aliwa dowa morela mbara, kwela emule.
33Nguluwe dile dohokagana anamakumbuza kadjihaga. Evale aliwa kagaonne jairilege nguluwe diwa dile, kohotawaga. Kagafiyile musidadi mule, kohoromaga wongamo jatene ejile makamaka jejo jaaireyele alombwana a minemba dabure ale. 34Mwa enne atu atene a musidadi mule kagavwile enne, kohomaruwaga, aliwa dowaga wewo wafwanyeya Yesu ira kagumane na liye. Evale aliwa kagamuonne, kohonvepaga ira akumemo mwilamboni mwiwa.#8:34 kohonvepaga ira akumemo mwilamboni mwiwa: Ira aliwa kamutamangihemo Yesu mwilamboni mwiwa mule, afwase kohotakaleliwa zela nguluwe diwa. Kagamuonne, tchaumbuwenle zela atu kavulumuwile, nne tchafunne ira kavwe jowonga ja Yesu, so aliwa kohovayela mutamangiha.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral