Matewuji 7
7
Zela muselu oatonga afwawo
Lukaji 6:37-38,41-42
1<<Kamutongege tawiha ira na nyenne munaze mutongiwe. 2Mwasiwa makalelo anafuna nyo atongana afwinyu, ba makalelo anafuna nyo za tongiwana. Eto mpimo wenno munaapimelana nyo afwinyu, Mulugu unaza aupimelenani mpimo mmohive wenno. 3Kodi mwasiwa gwa nni we wandaga ona ikata inafwanyeya mwintoni mwa mbalawo eto we hawandaga ona mungulru unafwanyeya mwintoni mwawo? 4Owu hehi weyo unawanda wonga avi na mbalawo ira: <Kadihiye dikumihemo ikata inafwanyeya mwintoni mwawo!>, agali na wenne eto uhukana mungulru unafwanyeya mwintoni mwawo? 5We ngongomwa we! Inafwanela ubabihe kumihamo mungulru unafwanyeya mwintoni mwawo. Waira eno mbwenye unowanda ona pama ikata inafwanyeya mwintoni mwa mbalawo ira ukumihemo.#7:1-5 Kamutongege…: Muwari mwa mazu matene ala, Yesu kanakameliha mutu dowa musumulula nfwaye unafwanyeyana yotega. Tchoira nafwanya Matewuji 18:15-17, nnovwa makalelo onfwanya mbalawo utegile. So inawonga Yesu, inafwanela mutu ahanadowe nfwanya nfwaye ira amusumulule, inafwanela arome vifuka mmirimani mwaye akala liye ukana yotega yahalrapile liye, inawendana liye. Aona ira ikalawo, arome lrapa yotega yaye ahananfwanye nfwaye. Eto inafwanela mutu ahawande mutonga nfwaye mwa pora pora nnga liye gu Mulugu. Ba makalelo oirana yawongile Yesu yoira: ubabihe kumihamo mungulru unafwanyeya mwintoni mwawo. Nione 1 Korinto 5:1-13; Galasiya 6:1.
6<<Kamwaavahege jengo jotchena anambwa. Mwasiwa mwaavaha aliwa anourungunuwelani ira kaulumeni. Eto nne kamuvahege nguluwe jengo jenyu jofuneyetchetcha,#7:6 Jengo jenyu jofuneyetchetcha: Na izugu ani pérolas. mwasiwa mwavaha, nnomala nyingalela.#7:6 Kamwaavahege jengo jotchena anambwa… kamuvahege nguluwe jengo jenyu jofuneyetchetcha: Mazwala tapulela ira wamulaleya mutu mazu a Mulugu, aruniha, kudowegeve sogolro muwandelaga. Urome kwaranyavo ira udowe waalaleyege atu amohiwa. Mbwenye waakalela ntindi anno anapeta mazu a Mulugu, atwale anagomela urungunuwela we maliba laleya. So yapamiwa ku tata tumbulru, we kwaranyavo. Nione Matewuji 10:14 nari Joira ja Anamarumiwa 13:51.
Mulugu unavaha jengo japama
Lukaji 11:9-13
7<<Muvepe. Mwaira eno munovahiwa. Muvende. Mwaira eno munofwanya. Mugogode musuwo. Mwaira eno munohuleliwa. 8Tchoira mutu uli watene unavepa, unovahiwa. Eto mutu wenne unavenda, unofwanya eto ule unagogoda, unohuleliwa. 9Owu hehi, kodi muwari mwa nyo mulombwana guvi uni mwanaye aganvepile pawu, liye atukula nibwe anvaha? 10Owu hehi, mulombwana guvi uni mwanaye aganvepile somba, liye atukula nyowa anvaha? 11Akala nyo mwagalive atu abure muhuiziwa avaha ahiminyu jengo japama, nnga ikalele Babinyu uli zulu avi? Kodi liye kanawanda avaha jengo japama atu anne ananvepa?#7:11 Kodi liye kanawanda avaha jengo japama atu anne ananvepa? Inafwanela niiziwe ira jatene Mulugu unanivaha liye nagalobenle ti jengo jofuneya para hiyo. Masiki Mulugu anivahe na makalelo mamohiwene hiya yenno ivepile hiyo, inafwanela niiziwe ira yenno Mulugu univahile liye tchi yengo yapama kwaranya yenno ivepile hiyo. Kalaga nnga mulombwana Pawulo. Liye ohonvepa Mulugu ira anvulumutche. Mbwenye Mulugu karumenle yovepa yaye. Anvahile yengo yapama kwaranya vulumuwa. Mulugu anvahile ira akaleve murenda ira akaleve mutu oviyeviha. Eto Mulugu anvahile kopolo dowenda muwari mwa urenda wanna liye. Nione 2 Korinto 12:7-10. Na ibaribari unoavaha na makalelo okwaranya.
12<<Nona inafwanela mwaairelege afwinyu jengo jatene jejo jinafuna nyo nnga aliwa kauireleni nyo. Tchoira tchenna inakokomeziwa muwari mwa malamulo matene na mazu matene kawongile anamafiyiheda.
Ndila mbinli
Lukaji 13:24
13<<Inafwanela muvolowele mulango opurana. Mwasiwa mulango mulukulu na ndila yohorutcha jinamudowiha mutu wewo unafwanyeya tolotchiwa. Eto anahara ndila yenno kahi ang'ono. 14Mbwenye mulango opurana na ndila yorutcha jinaadowiha atu ingumini. Eto atu anafwanya ndila yenno ba a vang'ono.#7:13-14 ndila yohorutcha tchi ndila yowenda na jofuna jawo wahanna kukumuwa zela yengo ili yatene. Mbwenye ndila yorutcha tchi ndila yomuroromela Yesu ira auvuluse eto ausogolrelre. Tchi ndila yowana kondo na jofuna jawo muwari mwa kopolo da Munemba Otchena ira uiregena jofuna ja Mulugu. Nione Roma 8:13 nari Galasiya 5:16-23.
Zela anamafiyiheda onama
Lukaji 6:43-44
15<<Polre polre zela anamafiyiheda onama. Aliwa anoza wa nyo kagawarile matembe a mabila, mbwenye muwari muwa anafwanyeya kagali anambwa a mukokolani otolotcha.#7:15 anoza wa nyo kagawarile matembe a mabila, mbwenye muwari muwa anafwanyeya kagali anambwa a mukokolani otolotcha: Yesu unawonga zela anamafiyiheda onama anavenda vikaliha nnga atu a ibaribari ira kawande anyenga atu a ibaribari. Mbwenye Yesu uhumala niwandela ira nnowanda aiziwa muwari mwa joira jiwa. Naona ira joira jiwa kahi jofwanela vamentoni va Mulugu, pa evo vanafuna hiyo wanda iziwa ira ba anambwa a mukokolani otolotcha. 16Nyo mbwenye munowanda aiziwa anamafiyiheda onama mwa misapo diwa. Tchoira kalivo unadowa mmutengoni mwa minga, ahatchamo magiyawu. Eto kavili jowandeya hatcha mangu vamuratchini va ulrilri.#7:16 kavili jowandeya hatcha: Na iGerego Yesu awongile ira: <<Kalivo unadowa mmingani, ahatchamo uva. Eto kavili jowandeya hatcha jovaha ja mufigera vamakaruweni.>> Ku tapulela ira wamuona mutu airagana jabure, jili mmirimani mwaye ti ejo. 17So mbwenye mutengo watene unna ingumi yapama unavaha misapo dapama. Eto mutengo obulela unavaha misapo dabure. 18Mutengo wapama kaza avaha misapo dabure. Nne mutengo obulela kaza avaha misapo dapama. 19Eto mutengo uli watene ahanavaha misapo dapama, unogwadiwa, dowa tatileliwa munloni. 20Na mwasa wenno nyo munowanda aiziwa anamafiyiheda onama mwa misapo diwa.
Zela atu anne anafuna volowa Umwene wa zulu
Lukaji 13:25-27
21<<Kahi atene anadiitana keraga: <Nabwiya, Nabwiya!>, anafuna za volowa muwari mwa Umwene wa zulu. Mbwenye unafuna volowa gwenno unairana funa wa Baba uli zulu.#7:21 unafuna volowa gwenno unairana funa wa Baba: Unairana yofuna ya Mulugu gwenno unamuroromela Yesu. Mutu akala ahanamuroromele Yesu kanairana funa wa Mulugu. Kalaga nnga mazu Yesu awongile liye oira: Mabasa anafuna Mulugu boira mmuroromelege wenno umurumile liye. (Juwawu 6:29) Eto fwanyeya ira wenno uvahiwe ingumi ixa unokana makalelo oirana jofuna ja Mulugu. (1 Juwawu 3:4-10) Wenno unawonga ira: <<Miyo nnamuroromela Yesu.>> eto agali joira jaye ti jimohi jiwa jene, mutu wenno kanna pandi na Mulugu. (1 Korinto 6:9-10; Eberewu 10:26-27) Kohokalawo atu pwi okala ha Kayini analobela na nzina na Nabwiya eto kahanna pandi muUmweneni mwa Mulugu. Nione Lukaji 18:9-14. 22Siku neno nafiya, atu adjindji anoza kawongege kerege: <Nabwiya, Nabwiya, kahi hiyene nafiyihedetcha mazwinyu mwa nzina nenyu? Eto kahi hiyene natamangiha minemba dabure mwa nzina nenyu?#7:22 kahi hiyene natamangiha minemba dabure mwa nzina nenyu? Nafwanya Joira ja Anamarumiwa 19:14-16, nnovwa zela atu kahanna pandi na Mulugu katamangiha minemba dabure na nzina na Yesu Kiristu. Ku wonga kahi atene anairana matikiniho anafwanyeya kagali atu okana pandi na Mulugu. Eto kahi hiyene nairetchana jotikiniha jidjindji mwa nzina nenyu?> 23Miyo mbwenye nnoza daawakule ira: <Miyo kannababihege uiziwani! Kakumanivo vamentoni vaga, nyo atu oirana jabure!>
Yofwalrafwaniha ya mutu ovwa na mutu ohovwa mazu a Yesu
Lukaji 6:46-49
24<<Mutu wenno unavwa mazwaga anawonga miyo ala, amala airagana, liye unalingana na mulombwana mmohi wa zelru wenno amangile nyumba vazulu va nibwe. 25Agamanle manga nyumbaye ile, ohozaga muzongwe na mahindje otamanga ohokala a masika. Eto nipevo novandaga nyumbele, mbwenye nyumbele tchagwilege. Mwasiwa nyumbele yaimetchiwe vazulu va nibwe. 26Mbwenye mutu uli watene unavwa mazwaga anawonga miyo ala eto ahairagana, unalingana na mulombwana mmohiwa ovuta wenno aromile manga nyumbaye vamisevani vene. 27Agamanle manga nyumbaye ile, ohozaga muzongwe na mahindje otamanga ohokala a masika. Eto nipevo novandaga nyumbele. Voira nyumbele yamangiwe vamisevani vene, yohofiyeda gwa yatene na makalelo ohokala a masika.>>
Atu kohotikina utongi wanna Yesu
28Evale Yesu agamanle wonga jowonga jejile, mwindji wa atu kafwanyeyaga vevale kohoromaga tikiniheya zela jofundjiha jaye. 29Mwasiwa liye afundjiha nnga mutu okana utongi, hiya fundjiha nnga anamafundjiha malamulo kaawendana atu.
ទើបបានជ្រើសរើសហើយ៖
Matewuji 7: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 7
7
Zela muselu oatonga afwawo
Lukaji 6:37-38,41-42
1<<Kamutongege tawiha ira na nyenne munaze mutongiwe. 2Mwasiwa makalelo anafuna nyo atongana afwinyu, ba makalelo anafuna nyo za tongiwana. Eto mpimo wenno munaapimelana nyo afwinyu, Mulugu unaza aupimelenani mpimo mmohive wenno. 3Kodi mwasiwa gwa nni we wandaga ona ikata inafwanyeya mwintoni mwa mbalawo eto we hawandaga ona mungulru unafwanyeya mwintoni mwawo? 4Owu hehi weyo unawanda wonga avi na mbalawo ira: <Kadihiye dikumihemo ikata inafwanyeya mwintoni mwawo!>, agali na wenne eto uhukana mungulru unafwanyeya mwintoni mwawo? 5We ngongomwa we! Inafwanela ubabihe kumihamo mungulru unafwanyeya mwintoni mwawo. Waira eno mbwenye unowanda ona pama ikata inafwanyeya mwintoni mwa mbalawo ira ukumihemo.#7:1-5 Kamutongege…: Muwari mwa mazu matene ala, Yesu kanakameliha mutu dowa musumulula nfwaye unafwanyeyana yotega. Tchoira nafwanya Matewuji 18:15-17, nnovwa makalelo onfwanya mbalawo utegile. So inawonga Yesu, inafwanela mutu ahanadowe nfwanya nfwaye ira amusumulule, inafwanela arome vifuka mmirimani mwaye akala liye ukana yotega yahalrapile liye, inawendana liye. Aona ira ikalawo, arome lrapa yotega yaye ahananfwanye nfwaye. Eto inafwanela mutu ahawande mutonga nfwaye mwa pora pora nnga liye gu Mulugu. Ba makalelo oirana yawongile Yesu yoira: ubabihe kumihamo mungulru unafwanyeya mwintoni mwawo. Nione 1 Korinto 5:1-13; Galasiya 6:1.
6<<Kamwaavahege jengo jotchena anambwa. Mwasiwa mwaavaha aliwa anourungunuwelani ira kaulumeni. Eto nne kamuvahege nguluwe jengo jenyu jofuneyetchetcha,#7:6 Jengo jenyu jofuneyetchetcha: Na izugu ani pérolas. mwasiwa mwavaha, nnomala nyingalela.#7:6 Kamwaavahege jengo jotchena anambwa… kamuvahege nguluwe jengo jenyu jofuneyetchetcha: Mazwala tapulela ira wamulaleya mutu mazu a Mulugu, aruniha, kudowegeve sogolro muwandelaga. Urome kwaranyavo ira udowe waalaleyege atu amohiwa. Mbwenye waakalela ntindi anno anapeta mazu a Mulugu, atwale anagomela urungunuwela we maliba laleya. So yapamiwa ku tata tumbulru, we kwaranyavo. Nione Matewuji 10:14 nari Joira ja Anamarumiwa 13:51.
Mulugu unavaha jengo japama
Lukaji 11:9-13
7<<Muvepe. Mwaira eno munovahiwa. Muvende. Mwaira eno munofwanya. Mugogode musuwo. Mwaira eno munohuleliwa. 8Tchoira mutu uli watene unavepa, unovahiwa. Eto mutu wenne unavenda, unofwanya eto ule unagogoda, unohuleliwa. 9Owu hehi, kodi muwari mwa nyo mulombwana guvi uni mwanaye aganvepile pawu, liye atukula nibwe anvaha? 10Owu hehi, mulombwana guvi uni mwanaye aganvepile somba, liye atukula nyowa anvaha? 11Akala nyo mwagalive atu abure muhuiziwa avaha ahiminyu jengo japama, nnga ikalele Babinyu uli zulu avi? Kodi liye kanawanda avaha jengo japama atu anne ananvepa?#7:11 Kodi liye kanawanda avaha jengo japama atu anne ananvepa? Inafwanela niiziwe ira jatene Mulugu unanivaha liye nagalobenle ti jengo jofuneya para hiyo. Masiki Mulugu anivahe na makalelo mamohiwene hiya yenno ivepile hiyo, inafwanela niiziwe ira yenno Mulugu univahile liye tchi yengo yapama kwaranya yenno ivepile hiyo. Kalaga nnga mulombwana Pawulo. Liye ohonvepa Mulugu ira anvulumutche. Mbwenye Mulugu karumenle yovepa yaye. Anvahile yengo yapama kwaranya vulumuwa. Mulugu anvahile ira akaleve murenda ira akaleve mutu oviyeviha. Eto Mulugu anvahile kopolo dowenda muwari mwa urenda wanna liye. Nione 2 Korinto 12:7-10. Na ibaribari unoavaha na makalelo okwaranya.
12<<Nona inafwanela mwaairelege afwinyu jengo jatene jejo jinafuna nyo nnga aliwa kauireleni nyo. Tchoira tchenna inakokomeziwa muwari mwa malamulo matene na mazu matene kawongile anamafiyiheda.
Ndila mbinli
Lukaji 13:24
13<<Inafwanela muvolowele mulango opurana. Mwasiwa mulango mulukulu na ndila yohorutcha jinamudowiha mutu wewo unafwanyeya tolotchiwa. Eto anahara ndila yenno kahi ang'ono. 14Mbwenye mulango opurana na ndila yorutcha jinaadowiha atu ingumini. Eto atu anafwanya ndila yenno ba a vang'ono.#7:13-14 ndila yohorutcha tchi ndila yowenda na jofuna jawo wahanna kukumuwa zela yengo ili yatene. Mbwenye ndila yorutcha tchi ndila yomuroromela Yesu ira auvuluse eto ausogolrelre. Tchi ndila yowana kondo na jofuna jawo muwari mwa kopolo da Munemba Otchena ira uiregena jofuna ja Mulugu. Nione Roma 8:13 nari Galasiya 5:16-23.
Zela anamafiyiheda onama
Lukaji 6:43-44
15<<Polre polre zela anamafiyiheda onama. Aliwa anoza wa nyo kagawarile matembe a mabila, mbwenye muwari muwa anafwanyeya kagali anambwa a mukokolani otolotcha.#7:15 anoza wa nyo kagawarile matembe a mabila, mbwenye muwari muwa anafwanyeya kagali anambwa a mukokolani otolotcha: Yesu unawonga zela anamafiyiheda onama anavenda vikaliha nnga atu a ibaribari ira kawande anyenga atu a ibaribari. Mbwenye Yesu uhumala niwandela ira nnowanda aiziwa muwari mwa joira jiwa. Naona ira joira jiwa kahi jofwanela vamentoni va Mulugu, pa evo vanafuna hiyo wanda iziwa ira ba anambwa a mukokolani otolotcha. 16Nyo mbwenye munowanda aiziwa anamafiyiheda onama mwa misapo diwa. Tchoira kalivo unadowa mmutengoni mwa minga, ahatchamo magiyawu. Eto kavili jowandeya hatcha mangu vamuratchini va ulrilri.#7:16 kavili jowandeya hatcha: Na iGerego Yesu awongile ira: <<Kalivo unadowa mmingani, ahatchamo uva. Eto kavili jowandeya hatcha jovaha ja mufigera vamakaruweni.>> Ku tapulela ira wamuona mutu airagana jabure, jili mmirimani mwaye ti ejo. 17So mbwenye mutengo watene unna ingumi yapama unavaha misapo dapama. Eto mutengo obulela unavaha misapo dabure. 18Mutengo wapama kaza avaha misapo dabure. Nne mutengo obulela kaza avaha misapo dapama. 19Eto mutengo uli watene ahanavaha misapo dapama, unogwadiwa, dowa tatileliwa munloni. 20Na mwasa wenno nyo munowanda aiziwa anamafiyiheda onama mwa misapo diwa.
Zela atu anne anafuna volowa Umwene wa zulu
Lukaji 13:25-27
21<<Kahi atene anadiitana keraga: <Nabwiya, Nabwiya!>, anafuna za volowa muwari mwa Umwene wa zulu. Mbwenye unafuna volowa gwenno unairana funa wa Baba uli zulu.#7:21 unafuna volowa gwenno unairana funa wa Baba: Unairana yofuna ya Mulugu gwenno unamuroromela Yesu. Mutu akala ahanamuroromele Yesu kanairana funa wa Mulugu. Kalaga nnga mazu Yesu awongile liye oira: Mabasa anafuna Mulugu boira mmuroromelege wenno umurumile liye. (Juwawu 6:29) Eto fwanyeya ira wenno uvahiwe ingumi ixa unokana makalelo oirana jofuna ja Mulugu. (1 Juwawu 3:4-10) Wenno unawonga ira: <<Miyo nnamuroromela Yesu.>> eto agali joira jaye ti jimohi jiwa jene, mutu wenno kanna pandi na Mulugu. (1 Korinto 6:9-10; Eberewu 10:26-27) Kohokalawo atu pwi okala ha Kayini analobela na nzina na Nabwiya eto kahanna pandi muUmweneni mwa Mulugu. Nione Lukaji 18:9-14. 22Siku neno nafiya, atu adjindji anoza kawongege kerege: <Nabwiya, Nabwiya, kahi hiyene nafiyihedetcha mazwinyu mwa nzina nenyu? Eto kahi hiyene natamangiha minemba dabure mwa nzina nenyu?#7:22 kahi hiyene natamangiha minemba dabure mwa nzina nenyu? Nafwanya Joira ja Anamarumiwa 19:14-16, nnovwa zela atu kahanna pandi na Mulugu katamangiha minemba dabure na nzina na Yesu Kiristu. Ku wonga kahi atene anairana matikiniho anafwanyeya kagali atu okana pandi na Mulugu. Eto kahi hiyene nairetchana jotikiniha jidjindji mwa nzina nenyu?> 23Miyo mbwenye nnoza daawakule ira: <Miyo kannababihege uiziwani! Kakumanivo vamentoni vaga, nyo atu oirana jabure!>
Yofwalrafwaniha ya mutu ovwa na mutu ohovwa mazu a Yesu
Lukaji 6:46-49
24<<Mutu wenno unavwa mazwaga anawonga miyo ala, amala airagana, liye unalingana na mulombwana mmohi wa zelru wenno amangile nyumba vazulu va nibwe. 25Agamanle manga nyumbaye ile, ohozaga muzongwe na mahindje otamanga ohokala a masika. Eto nipevo novandaga nyumbele, mbwenye nyumbele tchagwilege. Mwasiwa nyumbele yaimetchiwe vazulu va nibwe. 26Mbwenye mutu uli watene unavwa mazwaga anawonga miyo ala eto ahairagana, unalingana na mulombwana mmohiwa ovuta wenno aromile manga nyumbaye vamisevani vene. 27Agamanle manga nyumbaye ile, ohozaga muzongwe na mahindje otamanga ohokala a masika. Eto nipevo novandaga nyumbele. Voira nyumbele yamangiwe vamisevani vene, yohofiyeda gwa yatene na makalelo ohokala a masika.>>
Atu kohotikina utongi wanna Yesu
28Evale Yesu agamanle wonga jowonga jejile, mwindji wa atu kafwanyeyaga vevale kohoromaga tikiniheya zela jofundjiha jaye. 29Mwasiwa liye afundjiha nnga mutu okana utongi, hiya fundjiha nnga anamafundjiha malamulo kaawendana atu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral