Matewuji 22
22
Yofwalrafwaniha ya pwando ya matelo
Lukaji 14:15-24
1Yesu ohowelela wonga na atwale muwari mwa jofwalrafwaniha jimohi jiwa, eraga: 2<<Umwene wa zulu unafwalrafwana na mwene mmohi asakanyile pwando ya matelo para mwanaye wa mwanapongwe. 3Siku niwa nifiyaga, oharuma anamalabaye ira: <Venyani, mudowe mwaawandele atu anne naaitanile hiyo, kaze kadje pwando ya matelo a mwanaga.> Mbwenye anamalabaye ale kagadowile, kagaawandenle, atwale tchazilewo. 4Evale ndimuwole oharuma anamalabaye amohiwa eraga: <Kadowani mwaawandele atwale akoka, mwaire: <<Kerile muze. Ng'ombe dilukulu na ng'ombe ding'onong'ono donuna dihimala piwa. Jengo ja pwando jihimala piyiwa. Jatene jihikwakwanela. Muze mudje pwando ya matelo.>>>
5<<Mbwenye ale kaitaniwe tchaabanlre anamalaba a mwenole. Amohiwa kohodowa mmindani mwiwa. Amohiwa kohodowa ira kagulihege malrondiwa.#22:5 Amohiwa kohodowa mmindani mwiwa. Amohiwa kohodowa ira kagulihege malrondiwa. Muwari mwa mazwala, nnovwa miselu dawonga atu muwari mokonda dowa matelo a mwene. Yesu unaniwandela zela jengo jobarela ndila ira mutu ahavolowe muwari mwa Umwene wa zulu. Fwanyeya ira kohokalawo anaimwanana volowa muUmweneni mwa Mulugu na mwasa oira kagali mwilamboni ya vati muno, kolramwisa ja Mulugu, aliwa limbelaga jolima na ja joguliha malronda. 6Amohiwa kohofiyeda mwezo oahinda aliba alaleya ja matelo jile, roma airelaga jengo johokala pama, fiyeda apa. 7Mwenole agavwile makalelo anne, ohotakaleliwaga, liye aruma anyakondwaye ira: <Mudowe, mwaape apanga anno kaapile anamalabaga.> Kagamanle apa atwale, kohotumeya sidadiwele.
8<<Jagaireyile eno, oharuma anamalabaye amohiwa eraga: <Pwando ya matelo ihimala sakanyediwa eto ale kalaleyiwale tchali atu ofwanelela za. 9Venyani. Mwerege wenda marampa mandimuwa. Atene munaafwanya nyo mundila, mwaawandele ira kaze kadje pwando.> 10Anamalabaye ale kagadowile mmandila, kohoroma agumaniha atu atene kaafwanya atu, abure vamohi na apama.#22:10 abure vamohi na apama: Fwanyeya ira muwari mwa atu atene anafuna kavolowe muUmweneni mwa Mulugu, amohiwa karomile kana mawendelo abure nnga anamasokiha misoko na aputa nari mbava apiwe na Yesu. Amohiwa karomile kana mawendelo apama nnga Nikodemu wenno anfwannye Yesu na mahiyu. Fwanyeya ira atu apama nari abure anavulusiwa muwari mobaliwa fendo yanembinli momuroromela Yesu. Nione Juwawu 3:3-5,14-17. Mwa enne nyumba ya matelo mwadja atu mule yohozala aliba itaniwa.
11<<Mbwenye mwenole agavolowile mmba mule ira arome aing'ana aliba itaniwa ale, ohonfwanyaga mutu mmohi ahawarile yowara ya vamateloni.#22:11 mutu mmohi ahawarile yowara ya vamateloni: Inafwanela niumbuwele ira atu atene kavolowile mmateloni ali atu kadodiwe kawendaga murampani, aliwa dowiwana wa mwene. Kalivo avennye vande vaye eraga: <<Nnadowa matelo a mwana mwene.>> Nona ira atwale kaware jowara ja matelo, aawarihile atu ali mwenole. Tchoira nahanafiye siku na matelo, mwene ohosambawulra jowara ira alendo atene kakale okwakwanelene. Alendo tchavolowa na jowara jewa, mbwenye karoma wungula jewa jakumilena atu vande, aliwa wara jowara javahiwe atu na mwene. Wenno ahawarile jowara ja mwene, esaga: <<Jowara jinna miyo jinokwakwanela.>> Afuna ajingari na jowara jaye. Liye afwalrafwana na mutu ovitukulela, onyindela joira jaye japama ira avulusiwe, hiya vahiwa vulusiwa. Tchoira alendo kohovahiwa jowara jiwa nnga Mulugu unanivaha liye vulusiwa. Maliba hafwanyeyana jowara ja matelo, gwenno unawenda na atu omuroromela Yesu, anno anafwanyeya kagamanle vulusiwa, agali liye ulive eno kanavulusiwe, so unawenda muisezoni bahi, kanakayena ibaribari. (Zela vahiwa jowara jovulusiwa, nione eto Izaiya 61:10, Zakariya 3:3-5) 12Evale mwenole ohonfukaga mutule eraga: <Moya weyo uvolowile avi wahawarile yowara ya matelo?> Mutule kaannaga yowakula, ohokalaga lohulo. 13Mwa enne mwenole oharuma anamalabaye eraga: <Kamutukuleni, mummange manda na manyalwene, mmutatilele unde uli isi, wewo uli nla no takuna meno.> >>
14Yesu nomala eno, ohowonga ira: <<Tchoira adjindji boitaniwa eto osakulriwa ba a vang'ono.>>
Yofuka zela misoko da Sezare
Markuji 12:13-17; Lukaji 20:20-26
15AFarizewu kohodowaga garatela zelru ira: <<Ndoweni nivendeni makalelo bavi anafuna hiyo mugwihana mulandu Yesu mwa jowonga jaye.>> 16Evale kagagaratenle, koharuma asempurwiwa vamohi na aJudewu ofuna ja Erodi ira kadowe kanfuke, mofuna ira awonga yengo yohokala yenno, kamuhinde. Kaganfwannye Yesu, kohonfuka, aliwa ira: <<Namafundjiha, hiyo nuhuiziwani ira nyo muli wa ibaribari eto munafundjiha ndila ya Mulugu mwa ibaribari. Nyo kamunabalra joumbuwela ja atu, tchoira nyo kamunatonga zela baleya wa mutu. 17Hiyo nnafuna nufukeni. Moonelramo mwenyu zela misoko, munaona avi? Kodi mwa malamulo ehu inorumelihiwa ira nimpagalrigi Sezare misoko, owu hehi kanimpagalrigi?>>#22:17 mwa malamulo ehu inorumelihiwa ira nimpagalrigi Sezare misoko, owu hehi kanimpagalrigi? Ora yenno aJudewu kafwanyeya kagali ogondjihiwene na aRoma. Kohokalawo aJudewu kaumbuwela ira muwari mwa malamulo a Mulugu, kinafwanela atu a Mulugu kaapagalrigi misoko atu a unde. AFarizewu kafuna nnga Yesu awonge ira: <<Kanipagalrigi misoko>>, ira kakayena mwasa omusumela vamentoni va guverno ira: <<Ukala unalaleya ira kanipagalrigi misoko.>>
18Yesu mbwenye muwari moiziwa ubure waumbuwela atu, ohowakula eraga: <<Nyo angongomwa nyo! Kodi munafunela nni jodixixa miyo? 19Kazanani uno kobiri yenno inapagalriwa musoko, mudionihe.>> Evale kohozana kobiri imohi ya parata yenno yapagalretcha atu musoko. 20Kagazilena kobirile, Yesu ohafukaga eraga: <<Vakobirini va valrembiwe nzina na ani? Eto kove ilivo tchaani?>> 21Kohowakulaga keraga: <<Ja Sezare.>> Mwa enne Yesu ohowongaga eraga: <<Bahi eto, ja Sezare, munvahege Sezare. Ja Mulugu, munvahege Mulugu.>> 22Evale kagavwile mazu awongilege liye, kohotikiniheya. Aliwa muhiya Yesu, dowaga jiwa.
Yofuka ya aSadusewu zela venya mokwani
Markuji 12:18-27; Lukaji 20:27-40
23Siku nimohive kohokala aSadusewu kavennye kadowaga wali Yesu. ASadusewu banno ani: <<Mutu akwa, kanavenya mokwani.>> Kagafiyile vali Yesu, kohonfuka ira: 24<<Namafundjiha, Mozeji ohowonga nlamulo noira: <Mulombwana akwa ahanambale mwana na muhiyanaye, mbalaye adowe amutele muhiyanole ira ambalena mwana wenno unafuna tukula nzina na mbalaye ukwile ule.>#22:24 mbalaye adowe amutele muhiyanole ira ambalena mwana: Nlamulo noira mulombwana akwa ahanambale mwana na muhiyanaye, mbalaye amuhambe nyumba, nnafwanyeya Detoronomiyo 25:5-10. 25So mbwenye iireyile tchoira muwari mwa hiyo kohokala alombwana atanu na ambinli kabaliwe ingulu imohive. Murandji ohodowa liye mutela muhiyanaye. Agamutenle muhiyanole, ohokwa ahanambalena mwana. 26Noira enne, mbalaye wanembinli ohoza mutela. Mbwenye na liyene ohokwa ahanambale mwana na muhiyanole. Aliwa ireyagave enne fiyeda alombwana atene atanu na ambinli ale, aliwa mala kwa. 27Mwa enne alombwana atene anne kagamanle kwa, vogomiheda eto na muhiyana wenne ohokwa. 28Nnga vire atu jiireya eno, siku nnafuna za venyihiwa atu atene mokwani, muhiyanole mamunaye unakala ani? Tchoira alombwana atanu na ambinli atene anne kohomutela!>>
29Evale Yesu ohawakulaga eraga: <<Nyo muhumala holowa na mwasa oira kamuiziwile jinawongiwa mMazuni, nne kopolo da Mulugu kamuiziwile! 30Tchoira atu kavenyihiwa mokwani, kunakala telana. Mbwenye atu atene anaza kakale nnga angelro a zulu. 31Kodi nyo kamunaileri mMazuni jejo jauwandenleni Mulugu zela venya mokwani? [Abarahamu, Izaki na Jako kagakwile wanle, mMazuni muhulrembiwa ira] Mulugu ohowonga ira: 32<Miyo dili Mulugu wa Abarahamu, Mulugu wa Izaki na Mulugu wa Jako!> Liye kahi Mulugu wa atu okwa, mbwenye gu Mulugu wa atu okalawo!>>#22:32 Abarahamu agakwile, vagamanle yaka didjindji dene Mulugu ohowonga ira: Miyo dili Mulugu wa Abarahamu: Mulugu kawongile ira: <<Miyo dali Mulugu wa Abarahamu.>> Nona Yesu awongaga ira: Liye kahi Mulugu wa atu okwa, mbwenye gu Mulugu wa atu okalawo! Tchoira zela ona wa Mulugu, Abarahamu ukalawove. Tchoira maningo a mutu kagalive teyani, mazu a Mulugu ananiwandela ira munemba waye unodowa wa Mulugu. Nione Ekeleziyaste 12:7; Lukaji 16:22-31; Filipo 1:21-23; Jowandeliwa 6:9-11.
33Yesu agawongile enne, anamwindji kafwanyeyaga evale ale, kohotikinaga zela jofundjiha jaye.
Malamulo okwaranya malamulo matene
Markuji 12:28-34; Lukaji 10:25-28
34AFarizewu kagaiziwile ira Yesu ohamiyaliha aSadusewu, kohogumanelaga vamohive. 35Muwari mwa aFarizewu ale, ohokala mmohi ali eto namafundjiha malamulo. Liye muwari mofuna muxixa Yesu, ohonfukaga eraga: 36<<Namafundjiha, muwari mwa malamulo matene anafwanyeya mmalamuloni, kodi nlamulo nindimuwa kwaranya matene tivi?>> 37Evale Yesu ohomuwakulaga eraga: <<Nlamulo nindimuwa ti ni: Umuziveliwege Nabwiya Mulugu wawo na murimawo watene, no kalawo wawo watene, no onelramo wawo watene. 38Ni ti nlamulo nlukulu noroma. 39Nlamulo nanembinli nindimuwa nolingana na neni, ti ni: Umuziveliwege mutu uli watene nnga munaviziveliwela we wa mwinnya. 40Malamulo matene a Mozeji na jofundjiha jatene ja anamafiyiheda jinafwanyeya muwari mwa malamulo menli anna.>>
Namatikeliwa gu Nabwiya wa Davi
Markuji 12:35-37; Lukaji 20:41-44
41AFarizewu kagalive ogumanene vevale, Yesu ohafukaga eraga:
42<<Kodi nyo munaumbuwela avi zela Namatikeliwa? Namatikeliwa gu mwana ani?>> Evale aliwa kohomuwakulaga keraga: <<Namatikeliwa gu mwana Davi.>>
43Evale Yesu ohawelihedagave eraga: <<Akala Namatikeliwa gu mwana Davi, nnga Davi unawanda avi muitana Namatikeliwa na nzina na <Nabwiya>? Tchoira Davi mwa Munemba, ohowonga ira:
44 Nabwiya uwonga na Nabwiya waga eraga: Ugarati muwononi waga odjana ante difiyede agondjiha amwidanawo ira kakale nnga yengo yonyingalihavo manyalo awo.
45<<Akala Davi amuira Namatikeliwa: <Nabwiya waga>, nnga unawande avi tempu imohive kala mwana Davi?>>#22:45 unawande avi tempu imohive kala mwana Davi? Yesu mazwala kawongile muwari moruniha ira: <<Miyo kadili mwana Davi.>> Awongela ira kaiziwe ira Yesu gu mundimuwa omukwaranya Davi. 46Mwa enne kalivo awandile wakula eto romela siku nenne dowaga sogolro kalivo awandile nfuka Yesu yengo imohiwa.
ទើបបានជ្រើសរើសហើយ៖
Matewuji 22: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 22
22
Yofwalrafwaniha ya pwando ya matelo
Lukaji 14:15-24
1Yesu ohowelela wonga na atwale muwari mwa jofwalrafwaniha jimohi jiwa, eraga: 2<<Umwene wa zulu unafwalrafwana na mwene mmohi asakanyile pwando ya matelo para mwanaye wa mwanapongwe. 3Siku niwa nifiyaga, oharuma anamalabaye ira: <Venyani, mudowe mwaawandele atu anne naaitanile hiyo, kaze kadje pwando ya matelo a mwanaga.> Mbwenye anamalabaye ale kagadowile, kagaawandenle, atwale tchazilewo. 4Evale ndimuwole oharuma anamalabaye amohiwa eraga: <Kadowani mwaawandele atwale akoka, mwaire: <<Kerile muze. Ng'ombe dilukulu na ng'ombe ding'onong'ono donuna dihimala piwa. Jengo ja pwando jihimala piyiwa. Jatene jihikwakwanela. Muze mudje pwando ya matelo.>>>
5<<Mbwenye ale kaitaniwe tchaabanlre anamalaba a mwenole. Amohiwa kohodowa mmindani mwiwa. Amohiwa kohodowa ira kagulihege malrondiwa.#22:5 Amohiwa kohodowa mmindani mwiwa. Amohiwa kohodowa ira kagulihege malrondiwa. Muwari mwa mazwala, nnovwa miselu dawonga atu muwari mokonda dowa matelo a mwene. Yesu unaniwandela zela jengo jobarela ndila ira mutu ahavolowe muwari mwa Umwene wa zulu. Fwanyeya ira kohokalawo anaimwanana volowa muUmweneni mwa Mulugu na mwasa oira kagali mwilamboni ya vati muno, kolramwisa ja Mulugu, aliwa limbelaga jolima na ja joguliha malronda. 6Amohiwa kohofiyeda mwezo oahinda aliba alaleya ja matelo jile, roma airelaga jengo johokala pama, fiyeda apa. 7Mwenole agavwile makalelo anne, ohotakaleliwaga, liye aruma anyakondwaye ira: <Mudowe, mwaape apanga anno kaapile anamalabaga.> Kagamanle apa atwale, kohotumeya sidadiwele.
8<<Jagaireyile eno, oharuma anamalabaye amohiwa eraga: <Pwando ya matelo ihimala sakanyediwa eto ale kalaleyiwale tchali atu ofwanelela za. 9Venyani. Mwerege wenda marampa mandimuwa. Atene munaafwanya nyo mundila, mwaawandele ira kaze kadje pwando.> 10Anamalabaye ale kagadowile mmandila, kohoroma agumaniha atu atene kaafwanya atu, abure vamohi na apama.#22:10 abure vamohi na apama: Fwanyeya ira muwari mwa atu atene anafuna kavolowe muUmweneni mwa Mulugu, amohiwa karomile kana mawendelo abure nnga anamasokiha misoko na aputa nari mbava apiwe na Yesu. Amohiwa karomile kana mawendelo apama nnga Nikodemu wenno anfwannye Yesu na mahiyu. Fwanyeya ira atu apama nari abure anavulusiwa muwari mobaliwa fendo yanembinli momuroromela Yesu. Nione Juwawu 3:3-5,14-17. Mwa enne nyumba ya matelo mwadja atu mule yohozala aliba itaniwa.
11<<Mbwenye mwenole agavolowile mmba mule ira arome aing'ana aliba itaniwa ale, ohonfwanyaga mutu mmohi ahawarile yowara ya vamateloni.#22:11 mutu mmohi ahawarile yowara ya vamateloni: Inafwanela niumbuwele ira atu atene kavolowile mmateloni ali atu kadodiwe kawendaga murampani, aliwa dowiwana wa mwene. Kalivo avennye vande vaye eraga: <<Nnadowa matelo a mwana mwene.>> Nona ira atwale kaware jowara ja matelo, aawarihile atu ali mwenole. Tchoira nahanafiye siku na matelo, mwene ohosambawulra jowara ira alendo atene kakale okwakwanelene. Alendo tchavolowa na jowara jewa, mbwenye karoma wungula jewa jakumilena atu vande, aliwa wara jowara javahiwe atu na mwene. Wenno ahawarile jowara ja mwene, esaga: <<Jowara jinna miyo jinokwakwanela.>> Afuna ajingari na jowara jaye. Liye afwalrafwana na mutu ovitukulela, onyindela joira jaye japama ira avulusiwe, hiya vahiwa vulusiwa. Tchoira alendo kohovahiwa jowara jiwa nnga Mulugu unanivaha liye vulusiwa. Maliba hafwanyeyana jowara ja matelo, gwenno unawenda na atu omuroromela Yesu, anno anafwanyeya kagamanle vulusiwa, agali liye ulive eno kanavulusiwe, so unawenda muisezoni bahi, kanakayena ibaribari. (Zela vahiwa jowara jovulusiwa, nione eto Izaiya 61:10, Zakariya 3:3-5) 12Evale mwenole ohonfukaga mutule eraga: <Moya weyo uvolowile avi wahawarile yowara ya matelo?> Mutule kaannaga yowakula, ohokalaga lohulo. 13Mwa enne mwenole oharuma anamalabaye eraga: <Kamutukuleni, mummange manda na manyalwene, mmutatilele unde uli isi, wewo uli nla no takuna meno.> >>
14Yesu nomala eno, ohowonga ira: <<Tchoira adjindji boitaniwa eto osakulriwa ba a vang'ono.>>
Yofuka zela misoko da Sezare
Markuji 12:13-17; Lukaji 20:20-26
15AFarizewu kohodowaga garatela zelru ira: <<Ndoweni nivendeni makalelo bavi anafuna hiyo mugwihana mulandu Yesu mwa jowonga jaye.>> 16Evale kagagaratenle, koharuma asempurwiwa vamohi na aJudewu ofuna ja Erodi ira kadowe kanfuke, mofuna ira awonga yengo yohokala yenno, kamuhinde. Kaganfwannye Yesu, kohonfuka, aliwa ira: <<Namafundjiha, hiyo nuhuiziwani ira nyo muli wa ibaribari eto munafundjiha ndila ya Mulugu mwa ibaribari. Nyo kamunabalra joumbuwela ja atu, tchoira nyo kamunatonga zela baleya wa mutu. 17Hiyo nnafuna nufukeni. Moonelramo mwenyu zela misoko, munaona avi? Kodi mwa malamulo ehu inorumelihiwa ira nimpagalrigi Sezare misoko, owu hehi kanimpagalrigi?>>#22:17 mwa malamulo ehu inorumelihiwa ira nimpagalrigi Sezare misoko, owu hehi kanimpagalrigi? Ora yenno aJudewu kafwanyeya kagali ogondjihiwene na aRoma. Kohokalawo aJudewu kaumbuwela ira muwari mwa malamulo a Mulugu, kinafwanela atu a Mulugu kaapagalrigi misoko atu a unde. AFarizewu kafuna nnga Yesu awonge ira: <<Kanipagalrigi misoko>>, ira kakayena mwasa omusumela vamentoni va guverno ira: <<Ukala unalaleya ira kanipagalrigi misoko.>>
18Yesu mbwenye muwari moiziwa ubure waumbuwela atu, ohowakula eraga: <<Nyo angongomwa nyo! Kodi munafunela nni jodixixa miyo? 19Kazanani uno kobiri yenno inapagalriwa musoko, mudionihe.>> Evale kohozana kobiri imohi ya parata yenno yapagalretcha atu musoko. 20Kagazilena kobirile, Yesu ohafukaga eraga: <<Vakobirini va valrembiwe nzina na ani? Eto kove ilivo tchaani?>> 21Kohowakulaga keraga: <<Ja Sezare.>> Mwa enne Yesu ohowongaga eraga: <<Bahi eto, ja Sezare, munvahege Sezare. Ja Mulugu, munvahege Mulugu.>> 22Evale kagavwile mazu awongilege liye, kohotikiniheya. Aliwa muhiya Yesu, dowaga jiwa.
Yofuka ya aSadusewu zela venya mokwani
Markuji 12:18-27; Lukaji 20:27-40
23Siku nimohive kohokala aSadusewu kavennye kadowaga wali Yesu. ASadusewu banno ani: <<Mutu akwa, kanavenya mokwani.>> Kagafiyile vali Yesu, kohonfuka ira: 24<<Namafundjiha, Mozeji ohowonga nlamulo noira: <Mulombwana akwa ahanambale mwana na muhiyanaye, mbalaye adowe amutele muhiyanole ira ambalena mwana wenno unafuna tukula nzina na mbalaye ukwile ule.>#22:24 mbalaye adowe amutele muhiyanole ira ambalena mwana: Nlamulo noira mulombwana akwa ahanambale mwana na muhiyanaye, mbalaye amuhambe nyumba, nnafwanyeya Detoronomiyo 25:5-10. 25So mbwenye iireyile tchoira muwari mwa hiyo kohokala alombwana atanu na ambinli kabaliwe ingulu imohive. Murandji ohodowa liye mutela muhiyanaye. Agamutenle muhiyanole, ohokwa ahanambalena mwana. 26Noira enne, mbalaye wanembinli ohoza mutela. Mbwenye na liyene ohokwa ahanambale mwana na muhiyanole. Aliwa ireyagave enne fiyeda alombwana atene atanu na ambinli ale, aliwa mala kwa. 27Mwa enne alombwana atene anne kagamanle kwa, vogomiheda eto na muhiyana wenne ohokwa. 28Nnga vire atu jiireya eno, siku nnafuna za venyihiwa atu atene mokwani, muhiyanole mamunaye unakala ani? Tchoira alombwana atanu na ambinli atene anne kohomutela!>>
29Evale Yesu ohawakulaga eraga: <<Nyo muhumala holowa na mwasa oira kamuiziwile jinawongiwa mMazuni, nne kopolo da Mulugu kamuiziwile! 30Tchoira atu kavenyihiwa mokwani, kunakala telana. Mbwenye atu atene anaza kakale nnga angelro a zulu. 31Kodi nyo kamunaileri mMazuni jejo jauwandenleni Mulugu zela venya mokwani? [Abarahamu, Izaki na Jako kagakwile wanle, mMazuni muhulrembiwa ira] Mulugu ohowonga ira: 32<Miyo dili Mulugu wa Abarahamu, Mulugu wa Izaki na Mulugu wa Jako!> Liye kahi Mulugu wa atu okwa, mbwenye gu Mulugu wa atu okalawo!>>#22:32 Abarahamu agakwile, vagamanle yaka didjindji dene Mulugu ohowonga ira: Miyo dili Mulugu wa Abarahamu: Mulugu kawongile ira: <<Miyo dali Mulugu wa Abarahamu.>> Nona Yesu awongaga ira: Liye kahi Mulugu wa atu okwa, mbwenye gu Mulugu wa atu okalawo! Tchoira zela ona wa Mulugu, Abarahamu ukalawove. Tchoira maningo a mutu kagalive teyani, mazu a Mulugu ananiwandela ira munemba waye unodowa wa Mulugu. Nione Ekeleziyaste 12:7; Lukaji 16:22-31; Filipo 1:21-23; Jowandeliwa 6:9-11.
33Yesu agawongile enne, anamwindji kafwanyeyaga evale ale, kohotikinaga zela jofundjiha jaye.
Malamulo okwaranya malamulo matene
Markuji 12:28-34; Lukaji 10:25-28
34AFarizewu kagaiziwile ira Yesu ohamiyaliha aSadusewu, kohogumanelaga vamohive. 35Muwari mwa aFarizewu ale, ohokala mmohi ali eto namafundjiha malamulo. Liye muwari mofuna muxixa Yesu, ohonfukaga eraga: 36<<Namafundjiha, muwari mwa malamulo matene anafwanyeya mmalamuloni, kodi nlamulo nindimuwa kwaranya matene tivi?>> 37Evale Yesu ohomuwakulaga eraga: <<Nlamulo nindimuwa ti ni: Umuziveliwege Nabwiya Mulugu wawo na murimawo watene, no kalawo wawo watene, no onelramo wawo watene. 38Ni ti nlamulo nlukulu noroma. 39Nlamulo nanembinli nindimuwa nolingana na neni, ti ni: Umuziveliwege mutu uli watene nnga munaviziveliwela we wa mwinnya. 40Malamulo matene a Mozeji na jofundjiha jatene ja anamafiyiheda jinafwanyeya muwari mwa malamulo menli anna.>>
Namatikeliwa gu Nabwiya wa Davi
Markuji 12:35-37; Lukaji 20:41-44
41AFarizewu kagalive ogumanene vevale, Yesu ohafukaga eraga:
42<<Kodi nyo munaumbuwela avi zela Namatikeliwa? Namatikeliwa gu mwana ani?>> Evale aliwa kohomuwakulaga keraga: <<Namatikeliwa gu mwana Davi.>>
43Evale Yesu ohawelihedagave eraga: <<Akala Namatikeliwa gu mwana Davi, nnga Davi unawanda avi muitana Namatikeliwa na nzina na <Nabwiya>? Tchoira Davi mwa Munemba, ohowonga ira:
44 Nabwiya uwonga na Nabwiya waga eraga: Ugarati muwononi waga odjana ante difiyede agondjiha amwidanawo ira kakale nnga yengo yonyingalihavo manyalo awo.
45<<Akala Davi amuira Namatikeliwa: <Nabwiya waga>, nnga unawande avi tempu imohive kala mwana Davi?>>#22:45 unawande avi tempu imohive kala mwana Davi? Yesu mazwala kawongile muwari moruniha ira: <<Miyo kadili mwana Davi.>> Awongela ira kaiziwe ira Yesu gu mundimuwa omukwaranya Davi. 46Mwa enne kalivo awandile wakula eto romela siku nenne dowaga sogolro kalivo awandile nfuka Yesu yengo imohiwa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral