Matewuji 21
21
Yesu ohovolowaga Jeruzalemu nnga mwene
Markuji 11:1-11; Lukaji 19:28-40; Juwawu 12:12-19
1Evale Yesu na anamamuharaye kakwivelaga Jeruzalemu, kagafiyile tatamo ya Betifaji, tatamo yenno inafwanyeya wandamelana Mwango wa Mitengo da Azeti, oharumaga anamamuharaye ambinli, liye awandela eraga: 2<<Mudowe tatamo nnafwanyeya sogolro. Mwavolowaga wene tatamo yenno, munofwanya buru wa muhiyana agamangeleliwe, aganna mwanaye. Mwafwanya, mutapule dambinli dene, muzegena uno.#21:2 mutapule dambinli dene, muzegena uno: Nafwanya livuru nilrembiwe na Markuji nari na Lukaji nari na Juwawu, nnovwa zela buru mmohi bahi. Tchoira aliwa tchabalra buru wenno ahagwenle Yesu. So kawongile zela buru wenno agwenle liye bahi. Ku wonga atene kohowonga ibaribari. So Matewuji oholremba jimohi jiwa jaireyile ejo jaumbuwenle afwaye ira ti jengo ja vammambalo. 3Eto akalavo mutu unafuna wonga na nyo, mmuwandele ira: <Nabwiya gunafuna ira alabena.> Era eno liye unourumelihani mobaranya.>>
4Jatene jeji jaireyele ira jikwakwanelihede mazu kawongiwe na namafiyiheda oira:
5 <<Mudowe mwamuwandele namwali mwana wa Siyawu # 21:5 Namwali wa Siyawu : Mwango Siyawu gu mwango wenno wamangiwe sidadi ya Jeruzalemu. (Izaiya 10:32) Namwali wa Siyawu unawongiwa va ba akuda Jeruzalemu. ira: <Kaing'ana, mwene wawo unaza moviyeviha, agamanle vikunga vazulu va mwana buru wa mulombwana, mwana wa mwanainyama otukula mitolro.> >>#Zakariya 9:9; Izaiya 62:11
6Mwa enne anamamuharaye ambinli ale kohomaruwaga, aliwa irana jatene nnga mwemo Yesu mwaarumele liye. 7Kohozagana buru wa muhiyana ule vamohi na mwanaye wenne. Kagamuzilena kohelaga kapa diwa vazulu va anavinyama ale, Yesu liye gwelavo.#21:7 kohelaga kapa diwa vazulu va anavinyama ale, Yesu liye gwelavo: Va afwase anamamuharaye katukunle mitolro diwa didjindji, aliwa gweliha vazulu va buru mmohi. Nomala aliwa tukula kapa diwa, gweliha vazulu va buru mmohiwa vale, Yesu liye gwelavo. Ku wonga inakala nnga buru mmohi atukunle mitolro bahi. Mbwenye mulombwana Matewuji muwari molremba kafunne muhiya buru mmohiwa wenno Yesu ahamugwenle liye. Voira aliwa kaadowenlege aburu ambinli, nona liye aawongaga aburu ambinlene. Kanimukayikele mulombwana Matewuji. 8Mwa enne atu adjindji kafwanyeya evale, kozaga katandelaga kapa diwa mundila mwemo mwafuna vira Yesu. Eto amohiwa kokotolaga tambi da mitengo, aliwa roma tandelaga mundila. 9Mwa enne anamwindji atene romela ale kaligi sogolro vamohi na ale kaligi mundulri, kokuwaga keraga: <<Hozana#21:9 Atu kamuwatchelaga Yesu keraga: Hozana, kamuwatchela nnga mwene. Hozana ku wonga: <<Nabwiya munivuluse.>> Muwari mowonga: <<Hozana! Hozana!>>, kahi ira atwale kafuna nnga kaleveleliwe jotega jiwa. So aliwa kafuna Yesu akale mwene wewa ira kahatongiweve na aRoma. mwana Davi! Orelihiwa gu Mwene wenno unaza na nzina na Nabwiya! Hozana Mulugu Okwaranya Jatene!>>
10Mwa enne Yesu agavolowile muJeruzalemu, sidadi yatene yalive dugu dugu dugu, atu kafukaga keraga: <<Kodi wenne bani?>> 11Atu amohiwa kowakulaga keraga: <<Ula gu namafiyiheda Yesu wenno ukumile porovinsiya ya Galileya, tatamo ya Nazareti.>>
Zela malivuru mannayi owonga ja Yesu
Kohokalawo malivuru mannayi anawonga zela jowonga na joira ja Yesu. Kada livuru nnalaba nnga umboni. Malivuruwa ba ala: Matewuji, Markuji, Lukaji na Juwawu. Kada mboni ohowonga ibaribari zela jionne liye eto jiwandeliwe liye. Muwari moira jaira Yesu vamohi na jawonga liye johoindjiva, kahi ira aliwa koholremba jatene. Mulombwana Juwawu agamanle lremba jolremba jaye jatene, oira: <<Ahakale nnga jatene jiirile liye jilrembiwa imohi na imohi, miyo nnoona ira malivuru kafuna lrembiwa tchakwakwanamo mwilamboni!>> (Juwawu 22:25)
Muwari mwa malivuru mannayi, kahi ira kada mutu oholremba na makalelo amohive. Amohiwa koholremba jengo kaharaga jaireya kada siku. Amohiwa koholremba jengo kaharaga muselu, muselu. Muwari moileri livuru nimohi, inokala yorutcha onelramo jatene jaireyile sumana yogomiheda Yesu ali liye mwilamboni ya vati, ahanapiwe. So ira mutu aonelremo, unoroma fundja malivuru matene ira awande iziwa nnga muvirile atu.
Nafwanya Markuji, nnowanda iziwa ira Yesu agavolowile muJeruzalemu agagwenle vaburuni, ohoroma kuma, liye gona, mmetcheloni muwa liye tembelrelra mutengo wa mufigera, nomala liye volowa muJeruzalemu akoka, liye atamangihavo aliba guliha jengo Nyumba ya Yehova. Mwa enne kakumaga muJeruzalemu ora ya tchiguwo, tchi tempu yaonne anamamuharaye ira mufigera ohoumma.
Matewuji alrembaga, agumaniha jengo jaireya muJeruzalemu vamohi na ja mufigera. Ku wonga mutu aileri Matewuji, unoiziwa jaireya mbwenye kanaiziwa siku niwa. Mbwenye Markuji alrembaga, liye oharihamo muselu vang'ono vang'ono zela siku naireya jengo jiwa. Ku wonga atene kawonga miselu dimohive mbwenye kohiyana na makalelo otanda miselu diwa.
Yesu ohatamangiha aliba malronda Nyumba ya Yehova
Markuji 11:15-19; Lukaji 19:45-48; Juwawu 2:13-22
12Evale Yesu ohovolowaga vatando va Nyumba ya Yehova, liye roma atamangihavo anamagula na anamaguliha atene eto ohogwihaga meza da aliba tchindja kobiri na kadera da aliba guliha kangayiwa.#21:12 anamagula na anamaguliha… aliba tchindja kobiri… aliba guliha kangayiwa: Ora yenno atu koguliha eto kogula mabila na mbuzi na ng'ombe na kangayiwa vatando va Nyumba ya Yehova. Tchoira jatene ejo jalaba mikuto dafuna atu velela. Kangayiwa yali yovelela ya aliba simela. (Levitiku 12:8) Aliba tchindja kobiri kohokalavo mwasiwa annya a Nyumba ya Yehova kohokana kobiri yalabana atu. Ku wonga hiyaniha no kala nimburo nopwaseya nolobela, vatando va Nyumba ya Yehova valive nnga vaferani. 13Evale Yesu ohawandelaga eraga: <<Ihilrembiwa ira: <Nyumba yaga inaitaniwege Nyumba yolobelamo.> Mbwenye nyo muhuisandutcha kala nimburo noakoyamo ambava!>>
14Mwa enne Yesu agalive muwari mwa Nyumba ya Yehova emule, kohozaga aliba haona na aliba rangala, Yesu liye avulumutcha. 15Mwa enne kohokalawo ahima kakuwaga Nyumba ya Yehova ile keraga: <<Hozana mwana Davi!>> Evale andimuwa a anamakuta na anamafundjiha malamulo kagaonne jotikiniha zela jejo jaira Yesu eto kagaaonne ahimale kakuwaga enne, aliwa kohotakaleliwa.#21:15 andimuwa a anamakuta na anamafundjiha malamulo… kohotakaleliwa: Aliwa katakaleliwe zela ahimale kakuwa vali Yesu mazu oira: Hozana mwana Davi! Tchoira andimuwale kaumbuwela ira: <<Yesu kahi yengo. Liye kahi Namatikeliwa, nne kahi mutu owanda nvulusa mutu. Ahimala anampudja Mulugu.>> 16Eto kohonfukaga Yesu, aliwa ira: <<Kodi kunavwa jinawonga ahima ji?>> Yesu ohawakulaga eraga: <<He, miyo nnovwa! Kodi nyo kamunaileri mazu anawonga ira:
<Vamulomoni va ahima ang'onong'ono na ahima owamwa, muhusakanya ira kawonge mazu outamalelani!>?>>#21:16 Vamulomoni va ahima ang'onong'ono… muhusakanya ira kawonge mazu outamalelani: Mazwala kakumile Salmu 8:2. Muwari mowonga mazwala, Yesu ohorumela ira: <<Mazu wanle kawonga ira inafwanela ahima kamutamalelege Mulugu. Peno mwaaona ahima kaditamalelaga, anosakanya pama mwasiwa miyo nnafwanyeya eto dagali Mulugu.>>
17Noira enne, ohahiyaga evale, liye kuma musidadi mule, dowaga Betaniya. Agadowile, ohogonaga wewo mahiyu anne.
Yesu ohotembelrelra mutengo wa mufigera
Markuji 11:12-14,20-25
18Mmetcheloni muwa ora ya mabebehi Yesu awelelaga musidadi mwakoka mwene, ohokagana ndala. 19Adowagave ohonfwanyaga mutengo mmohi wa mufigera wandamelana mundila. Agamukwivenle kafwanyilegemo yovaha nne imohi so afwanyilegemo matakuruve bahi. Mwa enne ohomutembelrelraga mutengole eraga: <<Kuwelele vaha jovaha akoka.>> Nowonga eno mufigera ule ohoummaga ora imohive.
20Evale anamamuharaye ale kagaonne jejo, kohonfukaga motikiniheya keraga: <<Kodi mutengo wa mufigera ule uwandile umma avi mobaranya?>> 21Evale Yesu ohawakulaga eraga: <<Na ibaribari nnouwandelani ira mwakana nroromelo eto mwahawanganyeda, munerege wanda irana yengo yokwaranya yenno iireyile na mufigera ule, ante munerege fiyeda wonga na mwangola ira: <We mwango, katchikuwa, udowe wamorele mwiko!>, mwaira eno, inerege ireya. 22Eto mwakana nroromelo, munovahiwa jatene jinavepe nyo molobela.>>#21:22 mwakana nroromelo, munovahiwa jatene jinavepe nyo molobela: Mazwala kinatapulela ira jatene jinavepege hiyo jinerege rumeliwa. Tchoira ira yengo irumeliwe, ivepiwe mwa nroromelo eto ikale yengo yolaba ira Mulugu ateteliwe (Juwawu 14:13) eto ikale yengo yozela funa wa Mulugu hiya funa wa maningo. (1 Juwawu 3:22) Eto maliba vepa akale mutu oirana jofuna ja Mulugu. (Juwawu 15:7) Mazwala anonilimbiha ira nahagome nvepa Mulugu muwari mwa nroromelo mwasiwa liye unonivaha jengo japama.
Andimuwa a aJudewu kohonfuka Yesu zela utongi waye
Markuji 11:27-33; Lukaji 20:1-8
23Mwa enne Yesu ohovolowa muNyumbani mwa Nabwiya, liye roma fundjihaga. Evale andimuwa a anamakuta na andimuwa a aJudewu, kohozaga nfuka keraga: <<Kodi jatene jinaira we ji unairana na utongi wa ani? Eto uuvahile utongi ira uiregena jeji bani?>> 24Evale Yesu ohowakulaga eraga: <<Na miyene eto nnafuna dufukeni yengo imohi. Nyo mwadiwandela yenno inafuna miyo ufukani, na miyene nnouwandelani mutu wenno udivahile utongi ira diiregena jinera miyo. 25Yofuka iwa tchi ila. Kodi batiza wa Juwawu Mbatizi wakumenle waani? Wakumenle wa Mulugu uli zulu owu wakumenle wa atu?>> Mwa enne aliwa kohoroma wonga oka oka keraga: <<Nnga mutula nimuwakule avi? Nera niwonge ira: <Anvahile utongi ali Mulugu uli zulu>, liye unonifuka ira: <Nnga mwasiwa gwa nni nyo muza mwahawandaga roromela jawonga Juwawu?>#21:25 muza mwahawandaga roromela jawonga Juwawu? Ahakale nnga andimuwa a aJudewu karumela jowonga ja Juwawu, aliwa tchanfuka Yesu zela utongi waye mwasiwa Juwawu amuhidedela Yesu umboni. Nione Juwawu 1:32-36. 26Eto nawonga ira: <Anvahile utongi ali atu>, kinakala. Tchoira nnaaova anamwindji mwasiwa atene kaimenle ira mulombwana Juwawu ali namafiyiheda.>> 27Na mwasa wenne, kohomuwakulaga Yesu keraga: <<Kanimuiziwile amurumile Juwawu.>> Evale liye ohowonga eraga: <<Bahi, na miyene kannamuwonga mutu udivahile utongi zela jinairana miyo ji!>>
Yofwalrafwaniha ya ahima ambinli
28Yesu ohowongaga eraga: <<Kodi munaonamo avi? Ohokalawo mulombwana mmohi eni anna ahima ambinli a alombwana. Evale mulombwanole ohomuwongana mwanaye mmohi, liye ira: <Mwanaga, udowe walabe munda wa uva peno.> 29Evale mwanaye ule ohomuwakulaga eraga: <Miyo kannafuna!> Mbwenye agawongile enne, babayele agadowile, liye ohotchindjaga zelru, liye dowawo. 30Noira eno, babole ohodowaga wa mwanaye mmohiwole, liye muwongana mazu amohive ira: <Mwanaga miyo nnafuna peno udowe walabe munda wa uva.> Agamuwandenle, mwanole ohowakulaga eraga: <Tabo mbwiyeni, miyo nnoyawo.> Eto agarumenle enne, kadowilegewo. 31Kodi va ahima ambinli ala, uirilena yenno yafunne babiwa guvi?>> Evale aliwa kohowakulaga keraga: <<Airilena funa wa babiwa ali mwana oroma ule.>> Evale Yesu ohowongaga eraga: <<Na ibaribari nnouwandelani ira anamasokiha misoko na aputa banafuna kala sogolro wenyu kavolowaga muUmweneni mwa Mulugu, hiya nyo. 32Mwasiwa mulombwana Juwawu uhuza wa nyo awendaga na ndila ya ibaribari, nne kamufunile rumela jawonga liye. Mbwenye arumenle jowonga jaye ba anamasokiha misoko na aputa. Nyo mbwenye mwagaonne twaruwa wewa, kamufunile tchindja zelru denyu ira muwande rumela jawonga liye.>>#21:32 Nyo mbwenye mwagaonne twaruwa wewa, kamufunile tchindja zelru denyu: Andimuwa a aJudewu kafwalrafwana nnga muzombwe aromile rumela dowa laba mmindani mwa babaye eto kayilewo. Tchoira aliwa kohoroma kala atu oziveliwa ja Mulugu mbwenye vazile Yesu wenno unafwanyeya agali Mulugu mwakoka mwene, aliwa kohomukonda eto kohompiha. Mbwenye anamasokiha misoko na aputa kafwalrafwana nnga muzombwe aromile konda dowa laba mmindani mwa babaye eto agomenle dowa. Tchoira voroma vene aliwa kohoroma lramwisa ja Mulugu, aliwa tamangelaga joraruwa jiwa na ja kobiri jiwa. Mbwenye vazile Yesu, aliwa kagomenle twaruwa, aliwa muroromela, aliwa vulusiwa agali andimuwa a aJudewu kagomenleve zero. Mazwala tapulela ira hiyo kanaalramwise atu a unde tchoira Mulugu afuna, anoza katwaruwe, kakale vasogolro va atu omuriheda Mulugu anno kahanamuroromela Yesu mbwenye ananyindela upama wewa.
Yofwalrafwaniha ya anamalima abure
Markuji 12:1-12; Lukaji 20:9-19
33Evale Yesu ohowongagave akoka eraga: <<Kavuruwanani yofwalrafwaniha imohiwa ila. Ohokalawo mulombwana mmohi eni anna tereno yaye, liye limamo mundaye wa uva. Agazanle munda watene wenne, ohomanga muru liye wereweriha mundole. Noira eno, ohomangaga nimburo ira kanyingalelegemo uva ira akumege vinyu. Eto ohosakanyagamo mmundani mule nyumba yolapa ya gwarda ira aing'anelege munda watene. Noira enne, ohasakaga anamalima, liye aalugariheda. Noira eno, ohodowaga muulrendoni mwaye ilambo imohiwa ya unde. 34Mwa enne yagafiyile tempu yohanda, maliba mundole oharumaga anamalabaye ira kadowe katukule pandi ya uva yafuna kala yaye.#21:33-34 maliba mundole oharumaga anamalabaye ira kadowe katukule pandi ya uva yafuna kala yaye: Malambo a mundulrimu kohokalawo atu kasakanya munda wa uva ira kaalugarihe. Aliwa karoma lima mundole, aliwa manga nyumba emule ya gwarda. Kalima enne aliwa mala zala miratchi diwa. Kaira eno, aliwa nvenda mutu ira aalugari mundole. Maliba alugari aza, mabasaye kakala tawula no pitikelrelra miratchi diwa vaimirini. Uva aroma vaha, liye roma ing'anela mundole. Mwa enne yafiya tempu inaitwa uva, liye roma hatcha. Vogomiheda tchi tempu yaza maliba munda ira kagane uva afuna kuma munda watene. 35Evale anamalima ale kagaaonne anamalaba karumiwe ale, kohahindaga, mmohi aliwa mbubuda, mmohiwa aliwa mpa eto mmohiwa kanvokile na mabwe. 36Noira eno, oharumaga anamalaba amohiwa oindjivene kwaranya oromale. Mbwenye anamalima ale kohasakanyaga na makalelo mamohive. 37Vogomiheda liye ohomuruma mwanaye ambanle liye, aumbuwelaga ira: <Voira dimurumile mwanaga eni, aafwanya, aliwa anomuriheda.> 38Mbwenye anamalima ale kagamuonne mwanole azaga, kohoromaga wonga oka oka keraga: <Ula gu mwana unafuna halana jengo jatene jeji babaye agakwile. Ndoweni nimpeni ira babaye agakwile, niwande halana jengo jatene jafuna kala jaye!> 39Mwa enne kohomuhindaga, aliwa mmburulela unde wa munda ule, aliwa mpa.>>
40Yesu ohowongagave eraga: <<Nnga vire atu kampa enne, mwinnya wa mundole azaga, unaairana avi anamalima ale?>> 41Atu kafwanyeya evale kohomuwakulaga keraga: <<Mwinnya wa mundole aza, unoatolotcha alombwana abure ale na makalelo owopiha ohokala a masika, adowe aasake anamalima amohiwa ira kaze kaalugari mundole ira tempuwa yafiya, kawande nvaheda pandi ya jovaha jaye na makalelo apama.>>
42Evale Yesu ohawandelaga eraga: <<Kodi nyo kamunaileri mMazuni? MMazuni muhulrembiwa ira:
<Nibwe neno nalramwisile aliba manga nyumba, peno ti nibwe na vamwendoni.>#21:42 Yesu awongaga na andimuwa a malamulo, liye ohowonga mMazuni muhulrembiwa ira nibwe nalramwisile aliba manga nigomenle kala nibwe na vamwendoni. Tchoira mutu afunaga manga nyumbaye na mabwe, unavenda nibwe nlukulu ira nikale vamwendoni. Nibwe Yesu nawonga liye ali liye mwinnya. Andimuwa a aJudewu tchanfunne. Mbwenye Nabwiya Mulugu gumutukunle, liye muhela vamwendoni va mabasaye matene. Eto peno Yesu gu nvulusi wa atu atene omuroromela. Kavali vulusiwa mwa mutu mmohiwa. Nione Joira ja Anamarumiwa 4:11-12. Ejo airilena gu Nabwiya eto tchi yengo yapama, yotikiniha vamentoni vehu!>>
43Yesu ohowongagave eraga: <<Na mwasa wenno miyo nnouwandelani ira munowakiwa Umwene wa Mulugu, kavahiwe atu amohiwa anno anafuna vaha jovaha japama. 44Eto wenno unagwele vazulu va nibwe neno unomala gwadanyeya. Eto nibwe no namugwela mutu, mutuyo unomala tchileya.>>#21:44 wenno unagwele vazulu va nibwe: Ku wonga mutu umuharaharile Yesu. Eto nibwe no namugwela mutu ku wonga mutu umulramwisile Yesu. Atu omuharahara Yesu na atu omulramwisa anagomela tongiwa vamohi.
45Mwa enne andimuwa a anamakuta na aFarizewu kagavwile jofwalrafwaniha jejile, kohowanda onelramo ira: <<Yesu jofwalrafwaniha jatene jeji, unawonga malro onigwihana mulandu hiyo!>> 46Na mwasa wenne, kohoroma funafuna ira kamuhinde. Mbwenye tchairilena mwasiwa kaaova anamwindji kafwanyeya evale mwasiwa aliwa kamuona Yesu nnga namafiyiheda.
ទើបបានជ្រើសរើសហើយ៖
Matewuji 21: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 21
21
Yesu ohovolowaga Jeruzalemu nnga mwene
Markuji 11:1-11; Lukaji 19:28-40; Juwawu 12:12-19
1Evale Yesu na anamamuharaye kakwivelaga Jeruzalemu, kagafiyile tatamo ya Betifaji, tatamo yenno inafwanyeya wandamelana Mwango wa Mitengo da Azeti, oharumaga anamamuharaye ambinli, liye awandela eraga: 2<<Mudowe tatamo nnafwanyeya sogolro. Mwavolowaga wene tatamo yenno, munofwanya buru wa muhiyana agamangeleliwe, aganna mwanaye. Mwafwanya, mutapule dambinli dene, muzegena uno.#21:2 mutapule dambinli dene, muzegena uno: Nafwanya livuru nilrembiwe na Markuji nari na Lukaji nari na Juwawu, nnovwa zela buru mmohi bahi. Tchoira aliwa tchabalra buru wenno ahagwenle Yesu. So kawongile zela buru wenno agwenle liye bahi. Ku wonga atene kohowonga ibaribari. So Matewuji oholremba jimohi jiwa jaireyile ejo jaumbuwenle afwaye ira ti jengo ja vammambalo. 3Eto akalavo mutu unafuna wonga na nyo, mmuwandele ira: <Nabwiya gunafuna ira alabena.> Era eno liye unourumelihani mobaranya.>>
4Jatene jeji jaireyele ira jikwakwanelihede mazu kawongiwe na namafiyiheda oira:
5 <<Mudowe mwamuwandele namwali mwana wa Siyawu # 21:5 Namwali wa Siyawu : Mwango Siyawu gu mwango wenno wamangiwe sidadi ya Jeruzalemu. (Izaiya 10:32) Namwali wa Siyawu unawongiwa va ba akuda Jeruzalemu. ira: <Kaing'ana, mwene wawo unaza moviyeviha, agamanle vikunga vazulu va mwana buru wa mulombwana, mwana wa mwanainyama otukula mitolro.> >>#Zakariya 9:9; Izaiya 62:11
6Mwa enne anamamuharaye ambinli ale kohomaruwaga, aliwa irana jatene nnga mwemo Yesu mwaarumele liye. 7Kohozagana buru wa muhiyana ule vamohi na mwanaye wenne. Kagamuzilena kohelaga kapa diwa vazulu va anavinyama ale, Yesu liye gwelavo.#21:7 kohelaga kapa diwa vazulu va anavinyama ale, Yesu liye gwelavo: Va afwase anamamuharaye katukunle mitolro diwa didjindji, aliwa gweliha vazulu va buru mmohi. Nomala aliwa tukula kapa diwa, gweliha vazulu va buru mmohiwa vale, Yesu liye gwelavo. Ku wonga inakala nnga buru mmohi atukunle mitolro bahi. Mbwenye mulombwana Matewuji muwari molremba kafunne muhiya buru mmohiwa wenno Yesu ahamugwenle liye. Voira aliwa kaadowenlege aburu ambinli, nona liye aawongaga aburu ambinlene. Kanimukayikele mulombwana Matewuji. 8Mwa enne atu adjindji kafwanyeya evale, kozaga katandelaga kapa diwa mundila mwemo mwafuna vira Yesu. Eto amohiwa kokotolaga tambi da mitengo, aliwa roma tandelaga mundila. 9Mwa enne anamwindji atene romela ale kaligi sogolro vamohi na ale kaligi mundulri, kokuwaga keraga: <<Hozana#21:9 Atu kamuwatchelaga Yesu keraga: Hozana, kamuwatchela nnga mwene. Hozana ku wonga: <<Nabwiya munivuluse.>> Muwari mowonga: <<Hozana! Hozana!>>, kahi ira atwale kafuna nnga kaleveleliwe jotega jiwa. So aliwa kafuna Yesu akale mwene wewa ira kahatongiweve na aRoma. mwana Davi! Orelihiwa gu Mwene wenno unaza na nzina na Nabwiya! Hozana Mulugu Okwaranya Jatene!>>
10Mwa enne Yesu agavolowile muJeruzalemu, sidadi yatene yalive dugu dugu dugu, atu kafukaga keraga: <<Kodi wenne bani?>> 11Atu amohiwa kowakulaga keraga: <<Ula gu namafiyiheda Yesu wenno ukumile porovinsiya ya Galileya, tatamo ya Nazareti.>>
Zela malivuru mannayi owonga ja Yesu
Kohokalawo malivuru mannayi anawonga zela jowonga na joira ja Yesu. Kada livuru nnalaba nnga umboni. Malivuruwa ba ala: Matewuji, Markuji, Lukaji na Juwawu. Kada mboni ohowonga ibaribari zela jionne liye eto jiwandeliwe liye. Muwari moira jaira Yesu vamohi na jawonga liye johoindjiva, kahi ira aliwa koholremba jatene. Mulombwana Juwawu agamanle lremba jolremba jaye jatene, oira: <<Ahakale nnga jatene jiirile liye jilrembiwa imohi na imohi, miyo nnoona ira malivuru kafuna lrembiwa tchakwakwanamo mwilamboni!>> (Juwawu 22:25)
Muwari mwa malivuru mannayi, kahi ira kada mutu oholremba na makalelo amohive. Amohiwa koholremba jengo kaharaga jaireya kada siku. Amohiwa koholremba jengo kaharaga muselu, muselu. Muwari moileri livuru nimohi, inokala yorutcha onelramo jatene jaireyile sumana yogomiheda Yesu ali liye mwilamboni ya vati, ahanapiwe. So ira mutu aonelremo, unoroma fundja malivuru matene ira awande iziwa nnga muvirile atu.
Nafwanya Markuji, nnowanda iziwa ira Yesu agavolowile muJeruzalemu agagwenle vaburuni, ohoroma kuma, liye gona, mmetcheloni muwa liye tembelrelra mutengo wa mufigera, nomala liye volowa muJeruzalemu akoka, liye atamangihavo aliba guliha jengo Nyumba ya Yehova. Mwa enne kakumaga muJeruzalemu ora ya tchiguwo, tchi tempu yaonne anamamuharaye ira mufigera ohoumma.
Matewuji alrembaga, agumaniha jengo jaireya muJeruzalemu vamohi na ja mufigera. Ku wonga mutu aileri Matewuji, unoiziwa jaireya mbwenye kanaiziwa siku niwa. Mbwenye Markuji alrembaga, liye oharihamo muselu vang'ono vang'ono zela siku naireya jengo jiwa. Ku wonga atene kawonga miselu dimohive mbwenye kohiyana na makalelo otanda miselu diwa.
Yesu ohatamangiha aliba malronda Nyumba ya Yehova
Markuji 11:15-19; Lukaji 19:45-48; Juwawu 2:13-22
12Evale Yesu ohovolowaga vatando va Nyumba ya Yehova, liye roma atamangihavo anamagula na anamaguliha atene eto ohogwihaga meza da aliba tchindja kobiri na kadera da aliba guliha kangayiwa.#21:12 anamagula na anamaguliha… aliba tchindja kobiri… aliba guliha kangayiwa: Ora yenno atu koguliha eto kogula mabila na mbuzi na ng'ombe na kangayiwa vatando va Nyumba ya Yehova. Tchoira jatene ejo jalaba mikuto dafuna atu velela. Kangayiwa yali yovelela ya aliba simela. (Levitiku 12:8) Aliba tchindja kobiri kohokalavo mwasiwa annya a Nyumba ya Yehova kohokana kobiri yalabana atu. Ku wonga hiyaniha no kala nimburo nopwaseya nolobela, vatando va Nyumba ya Yehova valive nnga vaferani. 13Evale Yesu ohawandelaga eraga: <<Ihilrembiwa ira: <Nyumba yaga inaitaniwege Nyumba yolobelamo.> Mbwenye nyo muhuisandutcha kala nimburo noakoyamo ambava!>>
14Mwa enne Yesu agalive muwari mwa Nyumba ya Yehova emule, kohozaga aliba haona na aliba rangala, Yesu liye avulumutcha. 15Mwa enne kohokalawo ahima kakuwaga Nyumba ya Yehova ile keraga: <<Hozana mwana Davi!>> Evale andimuwa a anamakuta na anamafundjiha malamulo kagaonne jotikiniha zela jejo jaira Yesu eto kagaaonne ahimale kakuwaga enne, aliwa kohotakaleliwa.#21:15 andimuwa a anamakuta na anamafundjiha malamulo… kohotakaleliwa: Aliwa katakaleliwe zela ahimale kakuwa vali Yesu mazu oira: Hozana mwana Davi! Tchoira andimuwale kaumbuwela ira: <<Yesu kahi yengo. Liye kahi Namatikeliwa, nne kahi mutu owanda nvulusa mutu. Ahimala anampudja Mulugu.>> 16Eto kohonfukaga Yesu, aliwa ira: <<Kodi kunavwa jinawonga ahima ji?>> Yesu ohawakulaga eraga: <<He, miyo nnovwa! Kodi nyo kamunaileri mazu anawonga ira:
<Vamulomoni va ahima ang'onong'ono na ahima owamwa, muhusakanya ira kawonge mazu outamalelani!>?>>#21:16 Vamulomoni va ahima ang'onong'ono… muhusakanya ira kawonge mazu outamalelani: Mazwala kakumile Salmu 8:2. Muwari mowonga mazwala, Yesu ohorumela ira: <<Mazu wanle kawonga ira inafwanela ahima kamutamalelege Mulugu. Peno mwaaona ahima kaditamalelaga, anosakanya pama mwasiwa miyo nnafwanyeya eto dagali Mulugu.>>
17Noira enne, ohahiyaga evale, liye kuma musidadi mule, dowaga Betaniya. Agadowile, ohogonaga wewo mahiyu anne.
Yesu ohotembelrelra mutengo wa mufigera
Markuji 11:12-14,20-25
18Mmetcheloni muwa ora ya mabebehi Yesu awelelaga musidadi mwakoka mwene, ohokagana ndala. 19Adowagave ohonfwanyaga mutengo mmohi wa mufigera wandamelana mundila. Agamukwivenle kafwanyilegemo yovaha nne imohi so afwanyilegemo matakuruve bahi. Mwa enne ohomutembelrelraga mutengole eraga: <<Kuwelele vaha jovaha akoka.>> Nowonga eno mufigera ule ohoummaga ora imohive.
20Evale anamamuharaye ale kagaonne jejo, kohonfukaga motikiniheya keraga: <<Kodi mutengo wa mufigera ule uwandile umma avi mobaranya?>> 21Evale Yesu ohawakulaga eraga: <<Na ibaribari nnouwandelani ira mwakana nroromelo eto mwahawanganyeda, munerege wanda irana yengo yokwaranya yenno iireyile na mufigera ule, ante munerege fiyeda wonga na mwangola ira: <We mwango, katchikuwa, udowe wamorele mwiko!>, mwaira eno, inerege ireya. 22Eto mwakana nroromelo, munovahiwa jatene jinavepe nyo molobela.>>#21:22 mwakana nroromelo, munovahiwa jatene jinavepe nyo molobela: Mazwala kinatapulela ira jatene jinavepege hiyo jinerege rumeliwa. Tchoira ira yengo irumeliwe, ivepiwe mwa nroromelo eto ikale yengo yolaba ira Mulugu ateteliwe (Juwawu 14:13) eto ikale yengo yozela funa wa Mulugu hiya funa wa maningo. (1 Juwawu 3:22) Eto maliba vepa akale mutu oirana jofuna ja Mulugu. (Juwawu 15:7) Mazwala anonilimbiha ira nahagome nvepa Mulugu muwari mwa nroromelo mwasiwa liye unonivaha jengo japama.
Andimuwa a aJudewu kohonfuka Yesu zela utongi waye
Markuji 11:27-33; Lukaji 20:1-8
23Mwa enne Yesu ohovolowa muNyumbani mwa Nabwiya, liye roma fundjihaga. Evale andimuwa a anamakuta na andimuwa a aJudewu, kohozaga nfuka keraga: <<Kodi jatene jinaira we ji unairana na utongi wa ani? Eto uuvahile utongi ira uiregena jeji bani?>> 24Evale Yesu ohowakulaga eraga: <<Na miyene eto nnafuna dufukeni yengo imohi. Nyo mwadiwandela yenno inafuna miyo ufukani, na miyene nnouwandelani mutu wenno udivahile utongi ira diiregena jinera miyo. 25Yofuka iwa tchi ila. Kodi batiza wa Juwawu Mbatizi wakumenle waani? Wakumenle wa Mulugu uli zulu owu wakumenle wa atu?>> Mwa enne aliwa kohoroma wonga oka oka keraga: <<Nnga mutula nimuwakule avi? Nera niwonge ira: <Anvahile utongi ali Mulugu uli zulu>, liye unonifuka ira: <Nnga mwasiwa gwa nni nyo muza mwahawandaga roromela jawonga Juwawu?>#21:25 muza mwahawandaga roromela jawonga Juwawu? Ahakale nnga andimuwa a aJudewu karumela jowonga ja Juwawu, aliwa tchanfuka Yesu zela utongi waye mwasiwa Juwawu amuhidedela Yesu umboni. Nione Juwawu 1:32-36. 26Eto nawonga ira: <Anvahile utongi ali atu>, kinakala. Tchoira nnaaova anamwindji mwasiwa atene kaimenle ira mulombwana Juwawu ali namafiyiheda.>> 27Na mwasa wenne, kohomuwakulaga Yesu keraga: <<Kanimuiziwile amurumile Juwawu.>> Evale liye ohowonga eraga: <<Bahi, na miyene kannamuwonga mutu udivahile utongi zela jinairana miyo ji!>>
Yofwalrafwaniha ya ahima ambinli
28Yesu ohowongaga eraga: <<Kodi munaonamo avi? Ohokalawo mulombwana mmohi eni anna ahima ambinli a alombwana. Evale mulombwanole ohomuwongana mwanaye mmohi, liye ira: <Mwanaga, udowe walabe munda wa uva peno.> 29Evale mwanaye ule ohomuwakulaga eraga: <Miyo kannafuna!> Mbwenye agawongile enne, babayele agadowile, liye ohotchindjaga zelru, liye dowawo. 30Noira eno, babole ohodowaga wa mwanaye mmohiwole, liye muwongana mazu amohive ira: <Mwanaga miyo nnafuna peno udowe walabe munda wa uva.> Agamuwandenle, mwanole ohowakulaga eraga: <Tabo mbwiyeni, miyo nnoyawo.> Eto agarumenle enne, kadowilegewo. 31Kodi va ahima ambinli ala, uirilena yenno yafunne babiwa guvi?>> Evale aliwa kohowakulaga keraga: <<Airilena funa wa babiwa ali mwana oroma ule.>> Evale Yesu ohowongaga eraga: <<Na ibaribari nnouwandelani ira anamasokiha misoko na aputa banafuna kala sogolro wenyu kavolowaga muUmweneni mwa Mulugu, hiya nyo. 32Mwasiwa mulombwana Juwawu uhuza wa nyo awendaga na ndila ya ibaribari, nne kamufunile rumela jawonga liye. Mbwenye arumenle jowonga jaye ba anamasokiha misoko na aputa. Nyo mbwenye mwagaonne twaruwa wewa, kamufunile tchindja zelru denyu ira muwande rumela jawonga liye.>>#21:32 Nyo mbwenye mwagaonne twaruwa wewa, kamufunile tchindja zelru denyu: Andimuwa a aJudewu kafwalrafwana nnga muzombwe aromile rumela dowa laba mmindani mwa babaye eto kayilewo. Tchoira aliwa kohoroma kala atu oziveliwa ja Mulugu mbwenye vazile Yesu wenno unafwanyeya agali Mulugu mwakoka mwene, aliwa kohomukonda eto kohompiha. Mbwenye anamasokiha misoko na aputa kafwalrafwana nnga muzombwe aromile konda dowa laba mmindani mwa babaye eto agomenle dowa. Tchoira voroma vene aliwa kohoroma lramwisa ja Mulugu, aliwa tamangelaga joraruwa jiwa na ja kobiri jiwa. Mbwenye vazile Yesu, aliwa kagomenle twaruwa, aliwa muroromela, aliwa vulusiwa agali andimuwa a aJudewu kagomenleve zero. Mazwala tapulela ira hiyo kanaalramwise atu a unde tchoira Mulugu afuna, anoza katwaruwe, kakale vasogolro va atu omuriheda Mulugu anno kahanamuroromela Yesu mbwenye ananyindela upama wewa.
Yofwalrafwaniha ya anamalima abure
Markuji 12:1-12; Lukaji 20:9-19
33Evale Yesu ohowongagave akoka eraga: <<Kavuruwanani yofwalrafwaniha imohiwa ila. Ohokalawo mulombwana mmohi eni anna tereno yaye, liye limamo mundaye wa uva. Agazanle munda watene wenne, ohomanga muru liye wereweriha mundole. Noira eno, ohomangaga nimburo ira kanyingalelegemo uva ira akumege vinyu. Eto ohosakanyagamo mmundani mule nyumba yolapa ya gwarda ira aing'anelege munda watene. Noira enne, ohasakaga anamalima, liye aalugariheda. Noira eno, ohodowaga muulrendoni mwaye ilambo imohiwa ya unde. 34Mwa enne yagafiyile tempu yohanda, maliba mundole oharumaga anamalabaye ira kadowe katukule pandi ya uva yafuna kala yaye.#21:33-34 maliba mundole oharumaga anamalabaye ira kadowe katukule pandi ya uva yafuna kala yaye: Malambo a mundulrimu kohokalawo atu kasakanya munda wa uva ira kaalugarihe. Aliwa karoma lima mundole, aliwa manga nyumba emule ya gwarda. Kalima enne aliwa mala zala miratchi diwa. Kaira eno, aliwa nvenda mutu ira aalugari mundole. Maliba alugari aza, mabasaye kakala tawula no pitikelrelra miratchi diwa vaimirini. Uva aroma vaha, liye roma ing'anela mundole. Mwa enne yafiya tempu inaitwa uva, liye roma hatcha. Vogomiheda tchi tempu yaza maliba munda ira kagane uva afuna kuma munda watene. 35Evale anamalima ale kagaaonne anamalaba karumiwe ale, kohahindaga, mmohi aliwa mbubuda, mmohiwa aliwa mpa eto mmohiwa kanvokile na mabwe. 36Noira eno, oharumaga anamalaba amohiwa oindjivene kwaranya oromale. Mbwenye anamalima ale kohasakanyaga na makalelo mamohive. 37Vogomiheda liye ohomuruma mwanaye ambanle liye, aumbuwelaga ira: <Voira dimurumile mwanaga eni, aafwanya, aliwa anomuriheda.> 38Mbwenye anamalima ale kagamuonne mwanole azaga, kohoromaga wonga oka oka keraga: <Ula gu mwana unafuna halana jengo jatene jeji babaye agakwile. Ndoweni nimpeni ira babaye agakwile, niwande halana jengo jatene jafuna kala jaye!> 39Mwa enne kohomuhindaga, aliwa mmburulela unde wa munda ule, aliwa mpa.>>
40Yesu ohowongagave eraga: <<Nnga vire atu kampa enne, mwinnya wa mundole azaga, unaairana avi anamalima ale?>> 41Atu kafwanyeya evale kohomuwakulaga keraga: <<Mwinnya wa mundole aza, unoatolotcha alombwana abure ale na makalelo owopiha ohokala a masika, adowe aasake anamalima amohiwa ira kaze kaalugari mundole ira tempuwa yafiya, kawande nvaheda pandi ya jovaha jaye na makalelo apama.>>
42Evale Yesu ohawandelaga eraga: <<Kodi nyo kamunaileri mMazuni? MMazuni muhulrembiwa ira:
<Nibwe neno nalramwisile aliba manga nyumba, peno ti nibwe na vamwendoni.>#21:42 Yesu awongaga na andimuwa a malamulo, liye ohowonga mMazuni muhulrembiwa ira nibwe nalramwisile aliba manga nigomenle kala nibwe na vamwendoni. Tchoira mutu afunaga manga nyumbaye na mabwe, unavenda nibwe nlukulu ira nikale vamwendoni. Nibwe Yesu nawonga liye ali liye mwinnya. Andimuwa a aJudewu tchanfunne. Mbwenye Nabwiya Mulugu gumutukunle, liye muhela vamwendoni va mabasaye matene. Eto peno Yesu gu nvulusi wa atu atene omuroromela. Kavali vulusiwa mwa mutu mmohiwa. Nione Joira ja Anamarumiwa 4:11-12. Ejo airilena gu Nabwiya eto tchi yengo yapama, yotikiniha vamentoni vehu!>>
43Yesu ohowongagave eraga: <<Na mwasa wenno miyo nnouwandelani ira munowakiwa Umwene wa Mulugu, kavahiwe atu amohiwa anno anafuna vaha jovaha japama. 44Eto wenno unagwele vazulu va nibwe neno unomala gwadanyeya. Eto nibwe no namugwela mutu, mutuyo unomala tchileya.>>#21:44 wenno unagwele vazulu va nibwe: Ku wonga mutu umuharaharile Yesu. Eto nibwe no namugwela mutu ku wonga mutu umulramwisile Yesu. Atu omuharahara Yesu na atu omulramwisa anagomela tongiwa vamohi.
45Mwa enne andimuwa a anamakuta na aFarizewu kagavwile jofwalrafwaniha jejile, kohowanda onelramo ira: <<Yesu jofwalrafwaniha jatene jeji, unawonga malro onigwihana mulandu hiyo!>> 46Na mwasa wenne, kohoroma funafuna ira kamuhinde. Mbwenye tchairilena mwasiwa kaaova anamwindji kafwanyeya evale mwasiwa aliwa kamuona Yesu nnga namafiyiheda.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral