Matewuji 23
23
Yesu ohagwihana mulandu anamafundjiha malamulo na aFarizewu
Markuji 12:38-39; Lukaji 11:43,46, 20:45-46
1Yesu ohowongaga na anamamuharaye na mwindji wa atu kafwanyeyaga evale eraga: 2<<Peno anamafundjiha malamulo na aFarizewu bahanlena mabasa ofundjiha malamulo a Mozeji. 3Mwa eno, jatene jinauwandelegeni atu, inafwanela muiregena eto muharihegemo pama. Mbwenye nyo kamwaasazihege aliwa joira jiwa. Mwasiwa aliwa anakalela laleyave bahi, mbwenye irana uwa kinafuna.
4<<Aliwa anamangiha mitolro donyemela dorutcha tukuliwa, akapatchiha afwiwa. Mbwenye mitolro dile aliwa kinafuna nne sakwinya na ibuno yewa imohi ira katukule. 5Joira jiwa jatene anairana ira kawande oniwa na atu. Mwasiwa aliwa joira jiwa anairana ira kaoniwege na atu. Na mwasa wenno anosimbwa ulukuliha mapunda a Mazu anamangiha atu vamuwononi viwa nari vakoveni viwa, eto anosimbwa lapiha ja yavi yavi jinafwanyeya mmagomelo mwa bata diwa.#23:5 mapunda a Mazu anamangiha atu vamuwononi viwa: Muwari mwa malamulo a Mulugu, Mulugu ohawandela aIzarayeli ira mazu kakale na aliwa vandandani vewa nari vakoveni vewa. (Detoronomiyo 6:4-9, 11:13-21) Mulugu awongele eji ira aIzarayeli kawendaga, kahadiwale ira aliwa ba atu a Mulugu. Fwanyeya ira ora ya Yesu, aJudewu koirana ira kaoniwege na atu. 6Kafiya vapwandoni, anaziveliwa dowa garati mamburo oromene eto kadowa munyumbani dofundjamo mazu anagarati mipando dapama doroma. 7Aliwa eto anoziveliwa ira kawendaga murampani kalondjeliwege. Eto anoziveliwa joitaniwaga Namafundjiha.
8<<Nyo mbwenye kamuitaniwege namafundjiha. Mwasiwa Namafundjiha wenyu gu mmohi bahi. Eto nyo atene muli abalive. 9Eto mwilamboni ya vati kamunkayena unamuitana nyo baba. Mwasiwa Baba unna nyo gwenno mmohive unafwanyeya ilambo ya zulu. 10Nne nyo mwawendaga kamuitaniwege <namasunziha>. Mwasiwa Namasunziha wenyu gu mmohive wenno unafwanyeya agali miyo Kiristu! 11Mbwenye unafuna kala mundimuwa muwari mwa nyo gwenno unafuna kala namalaba wenyu. 12Mutu wenne unavitukulela, unoyevihiwa. Mbwenye ule unaviyeviha unotukuleliwa.>>
Markuji 12:40; Lukaji 11:39-42,44,52, 20:47
13Yesu ohowongagave eraga: <<Udilu wa nyo anamafundjiha malamulo na aFarizewu! Nyo angongomwa nyo! Mwasiwa nyo munaabarela atu anafuna volowa Umwene wa zulu ira kahawande volowa. Eto nne masiki na nyenne kamunafuna volowa eto munaakameliha ale anafuna volowa. 14Udilu wa nyo anamafundjiha malamulo na nyo aFarizewu. Nyo angongomwa nyo! Mwasiwa nyo munaawaka amakwele a ahiyana nyumba diwa, amala nyo dowa lapihaga malobelo enyu ira muoniwege na atu. Mbwenye na makalelo munna nyo, munoza mutongiwe na makalelo abure ohokala a masika.
15<<Udilu wa nyo anamafundjiha malamulo na aFarizewu! Nyo angongomwa nyo! Nyo munolambuwa bara, nyo dowaga vilambo dimohi diwa ira muwande mugondjiha mutu mmohi bahi ira avolowe nikuru nenyu, airegena jenyu jatene. Eto mwamuwanda, munomusandutcha liye kala mwana ofuna dowa munloni ohokana goma uwa fendo mbinli ukwaranyani nyo.#23:15 fendo mbinli ukwaranyani nyo: Ku wonga aFarizewu kadediha dowa mmunloni. Eto makalelo a ale kaalaleya atu kafwanyeya kagali makalelo abure kwaranya aFarizewu annya.
16<<Udilu wa nyo asogolrelri ohoona! Nyo munowonga ira: <Mutu wenne unalumbelele Nyumba ya Yehova, kahi yengo, podi hakwakwaneliheda yolumbela yaye. So mutu alumbelela oru unafwanyeya Nyumba ya Yehova, inafwanela akwakwanelihede yenno ilumbenle liye.> 17Nyo azimora ohowanda ona nyo! Kodi ilukuluwa tchivi? Ilukuluwa gu oru, owu tchi Nyumba ya Yehova iwandile tcheniha oru? 18Nyo eto munofundjiha ira: <Mutu wenne unalumbelele ibuwa ya mukuto, liye podi hakwakwaneliheda yenno ilumbenle liye! Mbwenye alumbelela yovelela yenno inafwanyeya vaibuwani vale, wenno mbwenye inafwanela akwakwanelihede ilumbenle liye.> 19Nyo atu ohoona nyo! Kodi ilukuluwa tchivi? Ilukuluwa gu mukutole owu nari tchi ibuwa yenno inawanda tcheniha mukutole? 20Na mwasa wenno miyo nnouwandelani ira mutu wenne unalumbelele ibuwa ya mukuto, unalumbelela ibuwa ya mukuto yenne vamohi na jovelela jatene jinafwanyeya evale!#23:20 Yesu eto ohawandela anamamuharaye ira kahalumbelege wene. So mbwenye yali yofwanela kawongege ibaribari bahi. (Matewuji 5:37) 21Eto mutu wenne unalumbelele Nyumba ya Yehova, unalumbelela Nyumba ile vamohi na Mulugu wenne unakalamo. 22Eto mutu alumbelela zulu, unalumbelela vampandoni va Umwene wa Mulugu, vamohi na Mulugu mwinnyiwene wenno unafwanyeya vampandoni vale.>>
23<<Udilu wa nyo anamafundjiha malamulo na aFarizewu! Nyo angongomwa nyo! Mwasiwa nyo munovelela yanekumi ya jomela jing'onong'ono nnga masirikawu, ndjani, nari pilripilri.#23:23 masirikawu, ndjani, nari pilripilri: Na izugu anawonga hortelã, endro e cominho. Ti jomela jing'onong'ono aJudewu kalabetchana atu ira kazivihena jodja jiwa. Mbwenye munolramwisa matongelo a ibaribari no muwendela nfwawo tangaranga no kana nroromelo, jengo jejo jili jofuneyetchetcha mmalamuloni. Na ibaribari yohofwanela muiragana jeji eto mwahalramwisaga jengo jimohi jiwa joroma ji. 24Nyo asogolrelri ohoona! Nyo munotchitchita jatene jinang'wa nyo tawiha ira munoza mung'we puzuzu. Mbwenye akala kamelo, munoimida.#23:24 munotchitchita jatene jinang'wa nyo… mbwenye akala kamelo, munoimida: Fwanyeya ira Yesu ohagwihana mulandu zela makalelo kanna atu. Aliwa koirana jengo jing'onong'ono jafwanyeya mmalamuloni nnga velela yanekumi ya pilripilri mbwenye koimwanana jengo jilukulu nnga tangaranga na jimohi jiwa. Aliwa koida puzuzu fiyeda aliwa tchitchitaga tawiha ira anaing'we, mbwenye aliwa yengo ilukulu nnga kamelo, kerave imida.
25<<Udilu wa nyo anamafundjiha malamulo na aFarizewu! Nyo angongomwa nyo! Mwasiwa nyo munahuwa unde wa kopo na unde wa parato, agali muwari muwa muli nrima pwi vamohi no irana jotakala jinafuna nyo. 26Nyo aFarizewu ohoona nyo! Inafwanela mubabihe huwa muwari mwa kopo na parato ira na unde wene uwande kala wotchena wene.>>
27<<Udilu wa nyo anamafundjiha malamulo na aFarizewu! Nyo angongomwa nyo! Mwasiwa nyo muli nnga masiye karihediwe undeve.#23:27 nyo muli nnga masiye karihediwe undeve aFarizewu kaoneya nnga atu apama vamentoni va atu mbwenye vamentoni va Mulugu kawenda okwene. Kowara pama eto kowongetcha nzina na Mulugu. Mbwenye mmirimani mwewa mwali motakala mwene, aliwa kanyindela joira jiwa mbwenye tchanna tempu yomuroromela Yesu. Nione Lukaji 18:9-14. Atu kaing'anaga, anaona nnga masiye ale kohoriya pama, agali muwari muwa munafwanyeya makuva a atu kakwile vamohi na jotakala. 28Na nyenne atu kauing'anagani unde, anauonani nnga muli atu apama. Mbwenye muwari muwa muzaleliwe ungongomwa no irana jinakondiha malamulo.
Lukaji 11:47-51
29<<Udilu wa nyo anamafundjiha malamulo na aFarizewu! Nyo angongomwa nyo! Mwasiwa nyo munamanga kampa da anamafiyiheda eto munahela jengo joriya mmafukweni mwemo mukoyiwe atu apama, 30nyo wongaga ira: <Ahakanlege hiyo nikalawo tempu yaliwo makolo ehu, kanairegena jejo jairetcha atu, kavuvihaga sangiri na anamafiyiheda.> 31Mwa eno, munowanda hidedela umboni ovimanga mulandu ira muli ahima a atu anne kaapile anamafiyiheda. 32Nona nnouwandelani ira mudowe mwamarihe mabasa karomile ababinyu.>>#23:32 mudowe mwamarihe mabasa karomile ababinyu: Fwanyeya ira anamafundjiha malamulo na aFarizewu kavikunga nnga atu oirana ja Mulugu. Aliwa ababiwa eto baapile anamafiyiheda a wanle. Aliwa eto kahanlena zelru da ababiwa fiyeda aliwa mpiha Yesu.
33<<Nyowa nyo! Mulogo wa jivili nyo! Kodi munafuna muwande tawa tongiwa odowa munloni ohokana goma uwa moira avi? 34Nona miyo nnoaruma anamafiyiheda, alombwana a toto na anamafundjiha adjindjene. Mbwenye aliwa kaza, amohiwa nyo munoapa moakomela vamuradini, amohiwa munoapa na makalelo amohiwa. Amohiwa nyo munoawaxula muwari mwa nyumba denyu dofundjamo mazu. Amohiwa munoroma aharahara sidadi datene nnatawelege atu.#23:34 miyo nnoaruma anamafiyiheda, alombwana a toto na anamafundjiha adjindjene: Muwari mowonga eno, Yesu ohovioneyiha ira gu Mulugu. Tchoira kalivo mutu mwilamboni ya vati unaaruma anamafiyiheda ahali Mulugu. Na ibaribari Yesu agaarumile anamafiyiheda na atu a zelru, aJudewu omuriheda Mulugu ale kahamuroromenle Yesu kohaharahara eto kohapa. (Joira ja Anamarumiwa 7:57-60, 8:1,3, 9:1-2) 35Na mwasa wenno Mulugu unoutongani zela sangiri na atu atene apama anno kapiwe vasayi mwilamboni ya vati mwatene, romela ukwa wa Abeli wenno ahanna mulandu fiyeda Zakariya mwana Barakiya, wenno mumpile nyo vari va Nyumba ya Yehova na ibuwa ya mukuto. 36Na ibaribari nnouwandelani ira jatene jeji unafuna rumelela sangiri na atu anne ba atu a tempu ili hiyo ila.>>
Yesu ohonlelaga sidadi ya Jeruzalemu na mwasa oizivela
Lukaji 13:34-35
37Yesu ohowongagave eraga: <<Jeruzalemu, Jeruzalemu, weyo uli sidadi inaapa na mabwe anamafiyiheda anno karumiwe ira kafiye wa we! Kodi fendo dingasi difunile miyo agumaniha ahimawo, nnga jinaira nikolo na mwanaku aagumanihaga ahimaye vati va mapepelo aye? Miyo eto dagafunile ira daagumanihe ahimawo, weyo kufunile! 38Mwa eno, nyumba yenyu inoza ikale vadebe.#23:38 nyumba yenyu inoza ikale vadebe: Eto fwanyeya ira Yesu agadowile zulu, vagamanle yaka dingasi dingasi, aRoma kohoza Jeruzalemu, aliwa mala ibwanyula Nyumba ya Yehova. Pakana peno Nyumba ya Yehova kiliwo. Tchoira tempu ili hiyo ila Mulugu umala tamiha mabasa kalabiwa Nyumba ya Yehova ira kalabiwe mwa atu omuroromela Yesu. Nione 1 Korinto 3:16, 6:19. 39Tchoira miyo nnouwandelani ira kamuza mudiona akoka fiyeda muze muwonge ira: <Orelihiwa gu Mwene wenno unaza na nzina na Nabwiya.> >>
ទើបបានជ្រើសរើសហើយ៖
Matewuji 23: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 23
23
Yesu ohagwihana mulandu anamafundjiha malamulo na aFarizewu
Markuji 12:38-39; Lukaji 11:43,46, 20:45-46
1Yesu ohowongaga na anamamuharaye na mwindji wa atu kafwanyeyaga evale eraga: 2<<Peno anamafundjiha malamulo na aFarizewu bahanlena mabasa ofundjiha malamulo a Mozeji. 3Mwa eno, jatene jinauwandelegeni atu, inafwanela muiregena eto muharihegemo pama. Mbwenye nyo kamwaasazihege aliwa joira jiwa. Mwasiwa aliwa anakalela laleyave bahi, mbwenye irana uwa kinafuna.
4<<Aliwa anamangiha mitolro donyemela dorutcha tukuliwa, akapatchiha afwiwa. Mbwenye mitolro dile aliwa kinafuna nne sakwinya na ibuno yewa imohi ira katukule. 5Joira jiwa jatene anairana ira kawande oniwa na atu. Mwasiwa aliwa joira jiwa anairana ira kaoniwege na atu. Na mwasa wenno anosimbwa ulukuliha mapunda a Mazu anamangiha atu vamuwononi viwa nari vakoveni viwa, eto anosimbwa lapiha ja yavi yavi jinafwanyeya mmagomelo mwa bata diwa.#23:5 mapunda a Mazu anamangiha atu vamuwononi viwa: Muwari mwa malamulo a Mulugu, Mulugu ohawandela aIzarayeli ira mazu kakale na aliwa vandandani vewa nari vakoveni vewa. (Detoronomiyo 6:4-9, 11:13-21) Mulugu awongele eji ira aIzarayeli kawendaga, kahadiwale ira aliwa ba atu a Mulugu. Fwanyeya ira ora ya Yesu, aJudewu koirana ira kaoniwege na atu. 6Kafiya vapwandoni, anaziveliwa dowa garati mamburo oromene eto kadowa munyumbani dofundjamo mazu anagarati mipando dapama doroma. 7Aliwa eto anoziveliwa ira kawendaga murampani kalondjeliwege. Eto anoziveliwa joitaniwaga Namafundjiha.
8<<Nyo mbwenye kamuitaniwege namafundjiha. Mwasiwa Namafundjiha wenyu gu mmohi bahi. Eto nyo atene muli abalive. 9Eto mwilamboni ya vati kamunkayena unamuitana nyo baba. Mwasiwa Baba unna nyo gwenno mmohive unafwanyeya ilambo ya zulu. 10Nne nyo mwawendaga kamuitaniwege <namasunziha>. Mwasiwa Namasunziha wenyu gu mmohive wenno unafwanyeya agali miyo Kiristu! 11Mbwenye unafuna kala mundimuwa muwari mwa nyo gwenno unafuna kala namalaba wenyu. 12Mutu wenne unavitukulela, unoyevihiwa. Mbwenye ule unaviyeviha unotukuleliwa.>>
Markuji 12:40; Lukaji 11:39-42,44,52, 20:47
13Yesu ohowongagave eraga: <<Udilu wa nyo anamafundjiha malamulo na aFarizewu! Nyo angongomwa nyo! Mwasiwa nyo munaabarela atu anafuna volowa Umwene wa zulu ira kahawande volowa. Eto nne masiki na nyenne kamunafuna volowa eto munaakameliha ale anafuna volowa. 14Udilu wa nyo anamafundjiha malamulo na nyo aFarizewu. Nyo angongomwa nyo! Mwasiwa nyo munaawaka amakwele a ahiyana nyumba diwa, amala nyo dowa lapihaga malobelo enyu ira muoniwege na atu. Mbwenye na makalelo munna nyo, munoza mutongiwe na makalelo abure ohokala a masika.
15<<Udilu wa nyo anamafundjiha malamulo na aFarizewu! Nyo angongomwa nyo! Nyo munolambuwa bara, nyo dowaga vilambo dimohi diwa ira muwande mugondjiha mutu mmohi bahi ira avolowe nikuru nenyu, airegena jenyu jatene. Eto mwamuwanda, munomusandutcha liye kala mwana ofuna dowa munloni ohokana goma uwa fendo mbinli ukwaranyani nyo.#23:15 fendo mbinli ukwaranyani nyo: Ku wonga aFarizewu kadediha dowa mmunloni. Eto makalelo a ale kaalaleya atu kafwanyeya kagali makalelo abure kwaranya aFarizewu annya.
16<<Udilu wa nyo asogolrelri ohoona! Nyo munowonga ira: <Mutu wenne unalumbelele Nyumba ya Yehova, kahi yengo, podi hakwakwaneliheda yolumbela yaye. So mutu alumbelela oru unafwanyeya Nyumba ya Yehova, inafwanela akwakwanelihede yenno ilumbenle liye.> 17Nyo azimora ohowanda ona nyo! Kodi ilukuluwa tchivi? Ilukuluwa gu oru, owu tchi Nyumba ya Yehova iwandile tcheniha oru? 18Nyo eto munofundjiha ira: <Mutu wenne unalumbelele ibuwa ya mukuto, liye podi hakwakwaneliheda yenno ilumbenle liye! Mbwenye alumbelela yovelela yenno inafwanyeya vaibuwani vale, wenno mbwenye inafwanela akwakwanelihede ilumbenle liye.> 19Nyo atu ohoona nyo! Kodi ilukuluwa tchivi? Ilukuluwa gu mukutole owu nari tchi ibuwa yenno inawanda tcheniha mukutole? 20Na mwasa wenno miyo nnouwandelani ira mutu wenne unalumbelele ibuwa ya mukuto, unalumbelela ibuwa ya mukuto yenne vamohi na jovelela jatene jinafwanyeya evale!#23:20 Yesu eto ohawandela anamamuharaye ira kahalumbelege wene. So mbwenye yali yofwanela kawongege ibaribari bahi. (Matewuji 5:37) 21Eto mutu wenne unalumbelele Nyumba ya Yehova, unalumbelela Nyumba ile vamohi na Mulugu wenne unakalamo. 22Eto mutu alumbelela zulu, unalumbelela vampandoni va Umwene wa Mulugu, vamohi na Mulugu mwinnyiwene wenno unafwanyeya vampandoni vale.>>
23<<Udilu wa nyo anamafundjiha malamulo na aFarizewu! Nyo angongomwa nyo! Mwasiwa nyo munovelela yanekumi ya jomela jing'onong'ono nnga masirikawu, ndjani, nari pilripilri.#23:23 masirikawu, ndjani, nari pilripilri: Na izugu anawonga hortelã, endro e cominho. Ti jomela jing'onong'ono aJudewu kalabetchana atu ira kazivihena jodja jiwa. Mbwenye munolramwisa matongelo a ibaribari no muwendela nfwawo tangaranga no kana nroromelo, jengo jejo jili jofuneyetchetcha mmalamuloni. Na ibaribari yohofwanela muiragana jeji eto mwahalramwisaga jengo jimohi jiwa joroma ji. 24Nyo asogolrelri ohoona! Nyo munotchitchita jatene jinang'wa nyo tawiha ira munoza mung'we puzuzu. Mbwenye akala kamelo, munoimida.#23:24 munotchitchita jatene jinang'wa nyo… mbwenye akala kamelo, munoimida: Fwanyeya ira Yesu ohagwihana mulandu zela makalelo kanna atu. Aliwa koirana jengo jing'onong'ono jafwanyeya mmalamuloni nnga velela yanekumi ya pilripilri mbwenye koimwanana jengo jilukulu nnga tangaranga na jimohi jiwa. Aliwa koida puzuzu fiyeda aliwa tchitchitaga tawiha ira anaing'we, mbwenye aliwa yengo ilukulu nnga kamelo, kerave imida.
25<<Udilu wa nyo anamafundjiha malamulo na aFarizewu! Nyo angongomwa nyo! Mwasiwa nyo munahuwa unde wa kopo na unde wa parato, agali muwari muwa muli nrima pwi vamohi no irana jotakala jinafuna nyo. 26Nyo aFarizewu ohoona nyo! Inafwanela mubabihe huwa muwari mwa kopo na parato ira na unde wene uwande kala wotchena wene.>>
27<<Udilu wa nyo anamafundjiha malamulo na aFarizewu! Nyo angongomwa nyo! Mwasiwa nyo muli nnga masiye karihediwe undeve.#23:27 nyo muli nnga masiye karihediwe undeve aFarizewu kaoneya nnga atu apama vamentoni va atu mbwenye vamentoni va Mulugu kawenda okwene. Kowara pama eto kowongetcha nzina na Mulugu. Mbwenye mmirimani mwewa mwali motakala mwene, aliwa kanyindela joira jiwa mbwenye tchanna tempu yomuroromela Yesu. Nione Lukaji 18:9-14. Atu kaing'anaga, anaona nnga masiye ale kohoriya pama, agali muwari muwa munafwanyeya makuva a atu kakwile vamohi na jotakala. 28Na nyenne atu kauing'anagani unde, anauonani nnga muli atu apama. Mbwenye muwari muwa muzaleliwe ungongomwa no irana jinakondiha malamulo.
Lukaji 11:47-51
29<<Udilu wa nyo anamafundjiha malamulo na aFarizewu! Nyo angongomwa nyo! Mwasiwa nyo munamanga kampa da anamafiyiheda eto munahela jengo joriya mmafukweni mwemo mukoyiwe atu apama, 30nyo wongaga ira: <Ahakanlege hiyo nikalawo tempu yaliwo makolo ehu, kanairegena jejo jairetcha atu, kavuvihaga sangiri na anamafiyiheda.> 31Mwa eno, munowanda hidedela umboni ovimanga mulandu ira muli ahima a atu anne kaapile anamafiyiheda. 32Nona nnouwandelani ira mudowe mwamarihe mabasa karomile ababinyu.>>#23:32 mudowe mwamarihe mabasa karomile ababinyu: Fwanyeya ira anamafundjiha malamulo na aFarizewu kavikunga nnga atu oirana ja Mulugu. Aliwa ababiwa eto baapile anamafiyiheda a wanle. Aliwa eto kahanlena zelru da ababiwa fiyeda aliwa mpiha Yesu.
33<<Nyowa nyo! Mulogo wa jivili nyo! Kodi munafuna muwande tawa tongiwa odowa munloni ohokana goma uwa moira avi? 34Nona miyo nnoaruma anamafiyiheda, alombwana a toto na anamafundjiha adjindjene. Mbwenye aliwa kaza, amohiwa nyo munoapa moakomela vamuradini, amohiwa munoapa na makalelo amohiwa. Amohiwa nyo munoawaxula muwari mwa nyumba denyu dofundjamo mazu. Amohiwa munoroma aharahara sidadi datene nnatawelege atu.#23:34 miyo nnoaruma anamafiyiheda, alombwana a toto na anamafundjiha adjindjene: Muwari mowonga eno, Yesu ohovioneyiha ira gu Mulugu. Tchoira kalivo mutu mwilamboni ya vati unaaruma anamafiyiheda ahali Mulugu. Na ibaribari Yesu agaarumile anamafiyiheda na atu a zelru, aJudewu omuriheda Mulugu ale kahamuroromenle Yesu kohaharahara eto kohapa. (Joira ja Anamarumiwa 7:57-60, 8:1,3, 9:1-2) 35Na mwasa wenno Mulugu unoutongani zela sangiri na atu atene apama anno kapiwe vasayi mwilamboni ya vati mwatene, romela ukwa wa Abeli wenno ahanna mulandu fiyeda Zakariya mwana Barakiya, wenno mumpile nyo vari va Nyumba ya Yehova na ibuwa ya mukuto. 36Na ibaribari nnouwandelani ira jatene jeji unafuna rumelela sangiri na atu anne ba atu a tempu ili hiyo ila.>>
Yesu ohonlelaga sidadi ya Jeruzalemu na mwasa oizivela
Lukaji 13:34-35
37Yesu ohowongagave eraga: <<Jeruzalemu, Jeruzalemu, weyo uli sidadi inaapa na mabwe anamafiyiheda anno karumiwe ira kafiye wa we! Kodi fendo dingasi difunile miyo agumaniha ahimawo, nnga jinaira nikolo na mwanaku aagumanihaga ahimaye vati va mapepelo aye? Miyo eto dagafunile ira daagumanihe ahimawo, weyo kufunile! 38Mwa eno, nyumba yenyu inoza ikale vadebe.#23:38 nyumba yenyu inoza ikale vadebe: Eto fwanyeya ira Yesu agadowile zulu, vagamanle yaka dingasi dingasi, aRoma kohoza Jeruzalemu, aliwa mala ibwanyula Nyumba ya Yehova. Pakana peno Nyumba ya Yehova kiliwo. Tchoira tempu ili hiyo ila Mulugu umala tamiha mabasa kalabiwa Nyumba ya Yehova ira kalabiwe mwa atu omuroromela Yesu. Nione 1 Korinto 3:16, 6:19. 39Tchoira miyo nnouwandelani ira kamuza mudiona akoka fiyeda muze muwonge ira: <Orelihiwa gu Mwene wenno unaza na nzina na Nabwiya.> >>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral