Matewuji 18
18
Kodi mundimuwa muwari mwa Umwene wa zulu bani?
Markuji 9:33-37; Lukaji 9:46-48
1Mwa tempu yenne anamamuhara a Yesu kohodowaga valigi liye, aliwa nfuka keraga: <<Namafundjiha, kodi mundimuwa muwari mwa Umwene wa zulu bani?>>
2Evale Yesu ohomuitanaga mwana mmohi, liye dowa muimeliha vari vewa. 3Noira enne, ohowongaga eraga: <<Na ibaribari nnouwandelani ira nyo mwahasanduwe, mukala nnga ahima, kamuza muvolowa muwari mwa Umwene wa zulu. 4Tchoira mutu wenne unaviyevihe akala nnga mwana uimenle va ula, wenno guli mundimuwa muwari mwa Umwene wa zulu.#18:4 wenne unaviyevihe akala nnga mwana uimenle va ula, wenno guli mundimuwa muwari mwa Umwene wa zulu: Mazwala kinawonga ira anafuna volowa muUmweneni mwa Mulugu ba ahima bahi. So anawonga ira mutu avolowe muUmweneni, unoroma kala nnga mwana mung'onong'ono. Tchoira mwana mung'onong'ono awendaga kanakala mutu ovitukulela mbwenye unakala mutu omuroromela babaye. Mutu ira avulusiwe, unoroma kana viyeviha no muroromela Mulugu nnga mwana. 5Eto mutu wenne unamuwatchele mwana okala nnga wenna mwa nzina naga, unadiwatchela miyo. 6Mbwenye mutu wenne unamutegihe mwana mmohi okala ha wenna wenno unadiroromela miyo, yali yapama amangeleliwe nibwe nlukulu#18:6 nibwe nlukulu nnawongiwa ti ntchilo neno nalabetchana ahiyana a tempu yenno katchilaga utu. munikohini mwaye, adowe atatileliwe mbara, akwele emo, hiyaniha no kana mulandu wenno.>>
Yowopiha ya yotega
Markuji 9:42-48; Lukaji 17:1-2
7Yesu ohowongagave eraga: <<Udilu wa atu a ilambo ya vati anno anaziha joxixa ira afwiwa katege. Tchoira inofuneya ira joxixa jize. Mbwenye udilu wa mutu wenno unafuna ziha joxixa jile!#18:7 udilu wa mutu wenno unafuna ziha joxixa jile: Joxixa ja mutu mmohi jomutegiha nfwaye inakala nnga mutu wenno unaziha jolrezelriha pwi vazonani ira atu kalrezelrege nari mutu wenno unaziha vidiyo ira ahima kalande zelru dohokala pama nari mutu wenno unaziha unyambi nari mutu wenno unanvaha nfwaye zelru yohokala pama nari mutu wenno unaziha musukumo ira atu kaakutelege azimu. 8Tchoira akala ndanda nawo nari nnyalo nawo nnoutegiha, inafwanela ugwadewo utatilele olapela wene na weyo. Tchoira ili yapama we volowa muingumini wagali mutu orangala nari ohowenda pama hiyanihana we kana manda amenlene na mendo daminli dene, we dowa munloni ohokana goma uwa. 9Eto akala niso nawo nnoutegiha, inafwanela ukumihemo, utatilele olapela wene na weyo. Mwasiwa ili yapama we kana ingumi na niso nawo nimohi, hiyaniha no kana meso amenlene eto weyo dowa tatileliwa munloni ohokana goma uwa.#Matewuji 5:29-30
Nibila nodimela
Lukaji 15:3-7
10<<Kaing'anani! Vari va ahima ang'onong'ono okala ha anna, kammulramwisevo nne mwana mmohi. Mwasiwa miyo nnouwandelani ira angelro ewa zulu ora datene anakala vamentoni va Baba wenno unafwanyeya zulu.#18:10 angelro ewa zulu: Mazwala tapulela ira Mulugu kanaalramwisa anaye omuroromela Yesu mbwenye unaaruma angelro ira kaakamihedege. Nione Eberewu 1:13-14. Akala Mulugu kanamulramwisa mwanaye omuroromela Yesu, na hiyene inafwanela nahawande mulramwisa mutu uli watene omuroromela Yesu masiki akale mutu ohokana izo, ohokana mabasa vamentoni va atu. Eto fwanyeya ira angelro anno anakala vamentoni va Baba anowanda rumiwa na Mulugu. 11Mwasiwa Mwana wa Mutu uzele avulusa atu anne kadimenle!
12<<Kodi nyo munaonamo avi? Mutu aganna mabilaye 100, nimohi nadimela, kodi neno nidimenle unonihiya wene eno? Nari. Liye unohiya mabila amohiwa 99 mwangoni wewule ira adowe asake nibila nimohi neno nidimenle. 13Liye agasayenle nibila nne, afwanya, na ibaribari nnouwandelani ira unokana ziveliwa ulukulu zela nibila nimohi nne, hiyaniha na mabila 99 anno kahadimenle. 14Sawasawa Baba na ahimaye. Kahi funa wa Baba uli zulu ira muwari mwa ahima ang'ining'ini ala adimele mwana mmohi!>>
Makalelo ofwanela zela mbalawo autegela
15Yesu ohowongagave eraga: <<Akala mbalawo uhutegela, uvenye udowe wamuwandele yoviringaniha yaye. Eto wamuwandelaga, mukale ambinli, weyo na liye bahi! Liye auvwa, uhuwanda muganyalri mbalawo! 16Mbwenye wadowa wamuwandela, ahafune uvwa, uvenye udowe wamutukule nfwawo mmohiwa nari atu ambinli ira muwelelewo akoka. Tchoira ira mutu atongiwe inafwanela ikale ibaribari mohokayikela muwari mwa amboni ambinli owu araru. 17Eto mwawelelawo, liye ahafuneve uvwani, muvenye mudowe mwaawandele atu atene a nikuru neno nnga munakalela nyo. Eto atu a nikuru natene kawonga, liye ahafuneve vwa, mmuhele nnga mutu wa unde nari namasokiha misoko.#18:17 mmuhele nnga mutu wa unde nari namasokiha misoko: Yesu awongaga zela atu anne, unawonga zela atu ohokana tempu yovuruwana nzina na Mulugu anno anairana jotega komove. Ku wonga mutu ahawande sumululiwa muwari mwa anamwindji, inafwanela anamwindji ale kambalrege nnga mutu wa unde.
Yesu ohavaha anamamuharaye utongi
18<<Na ibaribari nnouwandelani ira jatene jinamangege nyo mwilamboni ya vati, na zulu wene jinerege mangiwa. Eto jatene jinamasule nyo vati vano, na zulu wene jinerege masuliwa.#18:18 jatene jinamangege nyo mwilamboni ya vati, na zulu wene jinerege mangiwa: Nafwanya Matewuji 16:18-19, nnovwa ira Yesu aromile nvaha Peduru utongi wenno. Va Yesu aavahile anamamuharaye kumi na ambinli utongi omanga no masula ja Umwene wa Mulugu. Muwari mwa anamamuharaye kumi na ambinli anno puzile atu omuroromela Yesu rumiwa mabasiwa eto muwari mwa aliwa puzile atu omuroromela Yesu kamelihiwa jabure. Hiyo muwari moileri mazu a Mulugu kalrembile atu, nnowanda iziwa jimangile atu ira nahairegena. Eto muwari mwa Mazu anno, nnowanda iziwa jengo jimasuliwe ira hiyo niiregena. Mutu tempu ili hiyo ila unowanda masuwa muwari mowenda na jengo jawongile anamamuhara Yesu. Akonda jowonga jiwa jinafwanyeya mBibiliyani, mutule unagomela kala omangiwene. 19Vamohive vevo eto nnouwandelani ira mwa nyo kakalawo atu ambinli anavwanana muwari moilobelela yengo imohive, yengo ili yatene inavepe atu, na ibaribari anovahiwa na Baba uli zulu! 20Tchoira vevo vagumanne atu ambinli nari araru mwa nzina naga, miyo dili vari vewa!>>#18:20 miyo dili vari vewa: Muwari mowonga eno, Yesu ohowonga mazu ira niiziwe ira liye gu Nabwiya eto gu Mulugu. Tchoira muwari mwa ilambo ya vati anagumana na nzina na Yesu ora imohive kahi ang'ono. Akala Yesu unowanda kala vilambo datene ora imohive vili atu kagumanne na nzina naye, yenno inowanda oniha ira liye gu Mulugu.
Yofwalrafwaniha zela mulevelela nfwawo
21Mwa enne Peduru ohovenya dowa valigi Yesu anfukaga eraga: <<Nabwiya, kodi mbalaga adidawela, dimulevelele fendo dingasi? Dimulevelele ante fendo tanu na mbinli?>> 22Yesu ohomuwakula eraga: <<Miyo kannawonga ira: <Umulevelele fendo tanu na mbinli.> Mbwenye nnawonga ira: <Umulevelele fendo 77.> >>
23<<Tchoira Umwene wa zulu unakala nnga mwene mmohi afuna akosa anamalabaye kafiyarile kobiri daye. 24Mwa enne ohomuromaga namalaba mmohi afiyarile kobiri ilukulu yohokala ya masika yagali talentu 10.000.#18:24 talentu 10.000: Kobiri inawongiwa va kahi kobiri ya vang'ono. Tchoira talentu imohi tchi kobiri yafuna mutu vahiwa agamanle laba mmindani mwa nfwaye yaka 15. Eto namalaba ule abolihile talentu 10.000. Para mutu vahiwa kobiri yokala ha yenne ku wonga liye inafwanela alime mmindani mwa nfwaye yaka 150.000! Ku wonga kobiri ilukulu yohowanda kontareya. 25Voira namalabole kawandile velela kobiri daye, patarawaye ule ohokumiha utongi ira: <Nnafuna mmugulihe liye na muhiyanayene na ahimayene vamohi na fwaramento datene da vande vaye ira awande divaha kobiri dafiyarile liye.> 26Evale namalabole ohomukokorela mbwiyaye ule amuguzelaga mendo ira: <Pepani, nnouvepani ira mudidedihe. Miyo kobiri datene nnouvahani.> 27Mwa enne patarawayele na tangaranga danna liye ohomukutcha ira: <Mangawa matene dihimala ulevelela.>
28<<Mbwenye maliba leveleliwa ule agavenyilevo evale, ohongumanana namalaba nfwaye afiyarile kobiri daye da parata 100.#18:28 kobiri daye da parata 100: Kobiri inawongiwa ku wonga kobiri mutu unatambilra liye agamanle laba mmindani mwa nfwaye malambo 100. Ku wonga dali kobiri ding'onong'ono dohokana mabasa hiyaniha na kobiri yafiyarile mutule na mwene. Agangumannena, ohomuhinda, roma mudjizaga vanikohini eraga: <Nnafuna udivahede kobiri daga difiyarile we.> 29Evale nfwayele ohonkokorela amuguzelaga mendo ira: <Pepani, nnouvepani mudidedihe. Miyo kobiri datene nnouvahani.> 30Mbwenye nfwayele karumenle. Ofiyedaga muheliha kadeya ira akale mwemo fiyeda amale pagalri mangawa anna liye. 31Mbwenye anamalaba afwaye kagamuonne liye amuiragana enne nfwayele, kohokumbanyaga valukulu. Mwa enne kohovenyaga, aliwa dowa nfwanya patarawayele, muwandela jatene jairile namalaba nfwiwole.
32<<Patarawayele agavwile, ohomuitanihaga. Agazile, ohomuwongagana eraga: <Namalaba wabure we! Miyo duhulevelela kobiri datene edile na mwasa oira weyo wohodivepa. 33Kodi tchafwanenle na wenne umuwendela tangaranga namalaba nfwawole nnga duirele miyo?> 34Mwa enne motakaleliwa mwaye, patarawayele ohonvahedaga mmandani mwa aliba kadeya ira kamuzuzumihege fiyeda ira avelele kobiri datene dadjile liye.>>
35Yesu ohowongaga eraga: <<Tapulela nnga nyo na Mulugu. Mwahawandege akurumuwela na mmirimani mwenyu mwatene abalinyu oudawelani, Baba wa zulu unouirelani eno.>>
ទើបបានជ្រើសរើសហើយ៖
Matewuji 18: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 18
18
Kodi mundimuwa muwari mwa Umwene wa zulu bani?
Markuji 9:33-37; Lukaji 9:46-48
1Mwa tempu yenne anamamuhara a Yesu kohodowaga valigi liye, aliwa nfuka keraga: <<Namafundjiha, kodi mundimuwa muwari mwa Umwene wa zulu bani?>>
2Evale Yesu ohomuitanaga mwana mmohi, liye dowa muimeliha vari vewa. 3Noira enne, ohowongaga eraga: <<Na ibaribari nnouwandelani ira nyo mwahasanduwe, mukala nnga ahima, kamuza muvolowa muwari mwa Umwene wa zulu. 4Tchoira mutu wenne unaviyevihe akala nnga mwana uimenle va ula, wenno guli mundimuwa muwari mwa Umwene wa zulu.#18:4 wenne unaviyevihe akala nnga mwana uimenle va ula, wenno guli mundimuwa muwari mwa Umwene wa zulu: Mazwala kinawonga ira anafuna volowa muUmweneni mwa Mulugu ba ahima bahi. So anawonga ira mutu avolowe muUmweneni, unoroma kala nnga mwana mung'onong'ono. Tchoira mwana mung'onong'ono awendaga kanakala mutu ovitukulela mbwenye unakala mutu omuroromela babaye. Mutu ira avulusiwe, unoroma kana viyeviha no muroromela Mulugu nnga mwana. 5Eto mutu wenne unamuwatchele mwana okala nnga wenna mwa nzina naga, unadiwatchela miyo. 6Mbwenye mutu wenne unamutegihe mwana mmohi okala ha wenna wenno unadiroromela miyo, yali yapama amangeleliwe nibwe nlukulu#18:6 nibwe nlukulu nnawongiwa ti ntchilo neno nalabetchana ahiyana a tempu yenno katchilaga utu. munikohini mwaye, adowe atatileliwe mbara, akwele emo, hiyaniha no kana mulandu wenno.>>
Yowopiha ya yotega
Markuji 9:42-48; Lukaji 17:1-2
7Yesu ohowongagave eraga: <<Udilu wa atu a ilambo ya vati anno anaziha joxixa ira afwiwa katege. Tchoira inofuneya ira joxixa jize. Mbwenye udilu wa mutu wenno unafuna ziha joxixa jile!#18:7 udilu wa mutu wenno unafuna ziha joxixa jile: Joxixa ja mutu mmohi jomutegiha nfwaye inakala nnga mutu wenno unaziha jolrezelriha pwi vazonani ira atu kalrezelrege nari mutu wenno unaziha vidiyo ira ahima kalande zelru dohokala pama nari mutu wenno unaziha unyambi nari mutu wenno unanvaha nfwaye zelru yohokala pama nari mutu wenno unaziha musukumo ira atu kaakutelege azimu. 8Tchoira akala ndanda nawo nari nnyalo nawo nnoutegiha, inafwanela ugwadewo utatilele olapela wene na weyo. Tchoira ili yapama we volowa muingumini wagali mutu orangala nari ohowenda pama hiyanihana we kana manda amenlene na mendo daminli dene, we dowa munloni ohokana goma uwa. 9Eto akala niso nawo nnoutegiha, inafwanela ukumihemo, utatilele olapela wene na weyo. Mwasiwa ili yapama we kana ingumi na niso nawo nimohi, hiyaniha no kana meso amenlene eto weyo dowa tatileliwa munloni ohokana goma uwa.#Matewuji 5:29-30
Nibila nodimela
Lukaji 15:3-7
10<<Kaing'anani! Vari va ahima ang'onong'ono okala ha anna, kammulramwisevo nne mwana mmohi. Mwasiwa miyo nnouwandelani ira angelro ewa zulu ora datene anakala vamentoni va Baba wenno unafwanyeya zulu.#18:10 angelro ewa zulu: Mazwala tapulela ira Mulugu kanaalramwisa anaye omuroromela Yesu mbwenye unaaruma angelro ira kaakamihedege. Nione Eberewu 1:13-14. Akala Mulugu kanamulramwisa mwanaye omuroromela Yesu, na hiyene inafwanela nahawande mulramwisa mutu uli watene omuroromela Yesu masiki akale mutu ohokana izo, ohokana mabasa vamentoni va atu. Eto fwanyeya ira angelro anno anakala vamentoni va Baba anowanda rumiwa na Mulugu. 11Mwasiwa Mwana wa Mutu uzele avulusa atu anne kadimenle!
12<<Kodi nyo munaonamo avi? Mutu aganna mabilaye 100, nimohi nadimela, kodi neno nidimenle unonihiya wene eno? Nari. Liye unohiya mabila amohiwa 99 mwangoni wewule ira adowe asake nibila nimohi neno nidimenle. 13Liye agasayenle nibila nne, afwanya, na ibaribari nnouwandelani ira unokana ziveliwa ulukulu zela nibila nimohi nne, hiyaniha na mabila 99 anno kahadimenle. 14Sawasawa Baba na ahimaye. Kahi funa wa Baba uli zulu ira muwari mwa ahima ang'ining'ini ala adimele mwana mmohi!>>
Makalelo ofwanela zela mbalawo autegela
15Yesu ohowongagave eraga: <<Akala mbalawo uhutegela, uvenye udowe wamuwandele yoviringaniha yaye. Eto wamuwandelaga, mukale ambinli, weyo na liye bahi! Liye auvwa, uhuwanda muganyalri mbalawo! 16Mbwenye wadowa wamuwandela, ahafune uvwa, uvenye udowe wamutukule nfwawo mmohiwa nari atu ambinli ira muwelelewo akoka. Tchoira ira mutu atongiwe inafwanela ikale ibaribari mohokayikela muwari mwa amboni ambinli owu araru. 17Eto mwawelelawo, liye ahafuneve uvwani, muvenye mudowe mwaawandele atu atene a nikuru neno nnga munakalela nyo. Eto atu a nikuru natene kawonga, liye ahafuneve vwa, mmuhele nnga mutu wa unde nari namasokiha misoko.#18:17 mmuhele nnga mutu wa unde nari namasokiha misoko: Yesu awongaga zela atu anne, unawonga zela atu ohokana tempu yovuruwana nzina na Mulugu anno anairana jotega komove. Ku wonga mutu ahawande sumululiwa muwari mwa anamwindji, inafwanela anamwindji ale kambalrege nnga mutu wa unde.
Yesu ohavaha anamamuharaye utongi
18<<Na ibaribari nnouwandelani ira jatene jinamangege nyo mwilamboni ya vati, na zulu wene jinerege mangiwa. Eto jatene jinamasule nyo vati vano, na zulu wene jinerege masuliwa.#18:18 jatene jinamangege nyo mwilamboni ya vati, na zulu wene jinerege mangiwa: Nafwanya Matewuji 16:18-19, nnovwa ira Yesu aromile nvaha Peduru utongi wenno. Va Yesu aavahile anamamuharaye kumi na ambinli utongi omanga no masula ja Umwene wa Mulugu. Muwari mwa anamamuharaye kumi na ambinli anno puzile atu omuroromela Yesu rumiwa mabasiwa eto muwari mwa aliwa puzile atu omuroromela Yesu kamelihiwa jabure. Hiyo muwari moileri mazu a Mulugu kalrembile atu, nnowanda iziwa jimangile atu ira nahairegena. Eto muwari mwa Mazu anno, nnowanda iziwa jengo jimasuliwe ira hiyo niiregena. Mutu tempu ili hiyo ila unowanda masuwa muwari mowenda na jengo jawongile anamamuhara Yesu. Akonda jowonga jiwa jinafwanyeya mBibiliyani, mutule unagomela kala omangiwene. 19Vamohive vevo eto nnouwandelani ira mwa nyo kakalawo atu ambinli anavwanana muwari moilobelela yengo imohive, yengo ili yatene inavepe atu, na ibaribari anovahiwa na Baba uli zulu! 20Tchoira vevo vagumanne atu ambinli nari araru mwa nzina naga, miyo dili vari vewa!>>#18:20 miyo dili vari vewa: Muwari mowonga eno, Yesu ohowonga mazu ira niiziwe ira liye gu Nabwiya eto gu Mulugu. Tchoira muwari mwa ilambo ya vati anagumana na nzina na Yesu ora imohive kahi ang'ono. Akala Yesu unowanda kala vilambo datene ora imohive vili atu kagumanne na nzina naye, yenno inowanda oniha ira liye gu Mulugu.
Yofwalrafwaniha zela mulevelela nfwawo
21Mwa enne Peduru ohovenya dowa valigi Yesu anfukaga eraga: <<Nabwiya, kodi mbalaga adidawela, dimulevelele fendo dingasi? Dimulevelele ante fendo tanu na mbinli?>> 22Yesu ohomuwakula eraga: <<Miyo kannawonga ira: <Umulevelele fendo tanu na mbinli.> Mbwenye nnawonga ira: <Umulevelele fendo 77.> >>
23<<Tchoira Umwene wa zulu unakala nnga mwene mmohi afuna akosa anamalabaye kafiyarile kobiri daye. 24Mwa enne ohomuromaga namalaba mmohi afiyarile kobiri ilukulu yohokala ya masika yagali talentu 10.000.#18:24 talentu 10.000: Kobiri inawongiwa va kahi kobiri ya vang'ono. Tchoira talentu imohi tchi kobiri yafuna mutu vahiwa agamanle laba mmindani mwa nfwaye yaka 15. Eto namalaba ule abolihile talentu 10.000. Para mutu vahiwa kobiri yokala ha yenne ku wonga liye inafwanela alime mmindani mwa nfwaye yaka 150.000! Ku wonga kobiri ilukulu yohowanda kontareya. 25Voira namalabole kawandile velela kobiri daye, patarawaye ule ohokumiha utongi ira: <Nnafuna mmugulihe liye na muhiyanayene na ahimayene vamohi na fwaramento datene da vande vaye ira awande divaha kobiri dafiyarile liye.> 26Evale namalabole ohomukokorela mbwiyaye ule amuguzelaga mendo ira: <Pepani, nnouvepani ira mudidedihe. Miyo kobiri datene nnouvahani.> 27Mwa enne patarawayele na tangaranga danna liye ohomukutcha ira: <Mangawa matene dihimala ulevelela.>
28<<Mbwenye maliba leveleliwa ule agavenyilevo evale, ohongumanana namalaba nfwaye afiyarile kobiri daye da parata 100.#18:28 kobiri daye da parata 100: Kobiri inawongiwa ku wonga kobiri mutu unatambilra liye agamanle laba mmindani mwa nfwaye malambo 100. Ku wonga dali kobiri ding'onong'ono dohokana mabasa hiyaniha na kobiri yafiyarile mutule na mwene. Agangumannena, ohomuhinda, roma mudjizaga vanikohini eraga: <Nnafuna udivahede kobiri daga difiyarile we.> 29Evale nfwayele ohonkokorela amuguzelaga mendo ira: <Pepani, nnouvepani mudidedihe. Miyo kobiri datene nnouvahani.> 30Mbwenye nfwayele karumenle. Ofiyedaga muheliha kadeya ira akale mwemo fiyeda amale pagalri mangawa anna liye. 31Mbwenye anamalaba afwaye kagamuonne liye amuiragana enne nfwayele, kohokumbanyaga valukulu. Mwa enne kohovenyaga, aliwa dowa nfwanya patarawayele, muwandela jatene jairile namalaba nfwiwole.
32<<Patarawayele agavwile, ohomuitanihaga. Agazile, ohomuwongagana eraga: <Namalaba wabure we! Miyo duhulevelela kobiri datene edile na mwasa oira weyo wohodivepa. 33Kodi tchafwanenle na wenne umuwendela tangaranga namalaba nfwawole nnga duirele miyo?> 34Mwa enne motakaleliwa mwaye, patarawayele ohonvahedaga mmandani mwa aliba kadeya ira kamuzuzumihege fiyeda ira avelele kobiri datene dadjile liye.>>
35Yesu ohowongaga eraga: <<Tapulela nnga nyo na Mulugu. Mwahawandege akurumuwela na mmirimani mwenyu mwatene abalinyu oudawelani, Baba wa zulu unouirelani eno.>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral