Matewuji 17
17
Tchindjeya wa Yesu agali vamwangoni
Markuji 9:2-13; Lukaji 9:28-36
1Vagamanle malambo matanu na nimohi, Yesu ohomutukulaga Peduru, Tiyagu na mbalaye Juwawu, aliwa dowa gwela mwango olapa. 2Kagagwenle vazulu vale, anamamuharaye ale kohoonaga makalelo a Yesu tchindjeya. Kove yaye yohoromaga jerimela nnga nzuwa eto jowara jaye johosanduwaga, aliwa kala jotchena nnga wareya. 3Evale morurumutcha kohatwanyuwelaga alombwana ambinli, Mozeji na Eliya, aliwa za wongaga na Yesu. 4Evale mulombwana Peduru ohowongaga na Yesu eraga: <<Nabwiya, yali yapama nikalegeni wewuno. Mwafuna, miyo nnosakanya misasa miraru. Mmohi wenyu, mmohiwa wa Mozeji, mmohiwa wa Eliya.>> 5Mwa enne mulombwana Peduru awongagave enne murambo omoneya ohozaga, akunela atene. Kavuruwanaga, mmiramboni mule mohokumelaga nizu nawongaga niiraga: <<Ula gu Mwanaga unamuziveliwa miyo, wenno unadihagalaliha. Munvwelelege liyene!>> 6Anamamuharaye ale kagavwile nizu nne, kohorendjeyaga, aliwa gwa, kaing'anihaga kove diwa vati. 7Evale Yesu ohozaga, liye asakwinya, aawandelaga eraga: <<Kavenyani, kamuove!>> 8Aliwa kagavenyile, kagaing'anihile meso ewa vevale vafwanyeya Yesu, kamuonnevo Yesu bahi. 9Mwa enne kawelagawo mwangoni ule, Yesu ohawandelaga eraga: <<Kamumwandele mutu zela jejo jionne nyo, fiyeda Mwana wa Mutu avenyihiwe mokwani!>>
10Evale anamamuharaye ale kohonfukaga keraga: <<Nnga mwasiwa gwa nni anamafundjiha malamulo wongaga ira Eliya unakala murandji za Namatikeliwa ahanaze?>>#17:10 Eliya unakala murandji za Namatikeliwa ahanaze: Eliya ali namafiyiheda aliwo wanle. Joira jaye jinafwanyeya muwari mwa malivuru a 1 Amwene kapitulu 17-21 na 2 Amwene kapitulu 1-2. Liye kakwile mbwenye Mulugu ohomutukulela zulu na makalelo otikiniheya. (2 Amwene 2:9-11) Agatukuleliwe zulu, vagamanle yaka didjindji dene, namafiyiheda Malakiya ohowonga ira Namatikeliwa ahanaze, Eliya gwafuna kala murandji za. (Malakiya 4:5-6) Nafwanya Lukaji 1:17 nnovwa ira Juwawu Mbatizi ahanabaliwe, mungelro ohomuwandela babaye Zakariya zela mwanaye ira: Makalelo aye na kopolo nnafuna liye kana unalinganege na namafiyiheda Eliya. Ku wonga kahi ira Eliya mwinnya afuna aze akoka. Mbwenye Juwawu Mbatizi alaba na makalelo na kopolo nnga mulombwana Eliya. Ira anamamuhara Yesu kafuke eno, aliwa kohoiziwa ira: <<Yesu gu Namatikeliwa. Hiyo kaniromile muona tchineneva. Mbwenye Eliya niromile muona peno eva.>> Voira anamafundjiha malamulo keretcha: <<Eliya unoza Namatikeliwa ahanaze>>, nona aliwa kanfukaga Yesu zela nkani wa Eliya. Tchoira kahanafuke, aliwa tchawanda iziwa ira Eliya awongiwa ali Juwawu Mbatizi. 11Evale liye ohowakulaga eraga: <<Tchi ibaribari ira murandji za unakala Eliya eto aza unosakanyeda jatene. 12Mbwenye miyo nnouwandelani ira Eliya uhuza eto aliwa kiwandile muiziwa. Komusasanya na makalelo ohokala pama nnga mufunele atu. Sawasawa eto Mwana wa Mutu, na liyene unoza aonihiwe goyi mmandani mwiwa.>> 13Mwa enne anamamuharaye ale kohowanda onelramo ira liye awongaga zela Eliya, amuwonga mulombwana Juwawu Mbatizi.#17:12-13 Nione Matewuji 11:14.
Vulumutchiwa wa mwana mmohi
Markuji 9:14-29; Lukaji 9:37-43
14Mwa enne kagafiyile nimburo vafwanyeya mwindji wa atu, mulombwana mmohi ohozaga wa Yesu, liye mukokorela awongaga eraga: 15<<Nabwiya, muwendeleni tangaranga mwanaga. Mwasiwa liye unafwanyeyana vindjilendjile eto unozuzumihiwa bure. Fendo didjindji dene liye unogwela veko nari mwiko. 16Miyo dohomutukula, muzana wa anamauharaninyu, mbwenye aliwa kiwandile nvulumutcha!>> 17Evale Yesu ohowakulaga eraga: <<Nyo atu ohokana nroromelo eto oviringana nyo! Kodi miyo nnafuna dikale na nyo fiyeda alini? Miyo nnafuna divilele na joira jenyu fiyeda alini?>> Evale ohomuwongana mulombwanole, liye kwi: <<Kamuzena mwanawo uyo vali miyo va.>> 18Kagamuzilena, Yesu ohomusumululaga munemba wabure ule, liye kumamo mwa muzombole. Roma ora imohive yenne muzombole ohovulumuwaga.
19Noira eno, anamamuharaye kohomuwandamelaga Yesu, aliwa nfuka vewa vene keraga: <<Nnga mwasiwa gwa nni hiyo niza nahawandaga mutamangiha?>> 20Liye ohawakulaga eraga: <<Muza mwahawandaga nvulumutcha mwasiwa muire kana nroromelo noyeva! Tchoira na ibaribari nnouwandelani ira mwakana nroromelo nnga mbewu imohi ya mostarda, nyo munerege wonga na mwangola ira: <We mwango katama, udowe wakale ule.> Eto mwaira eno, jatene jinerege ireya. Kinakalavo inaurutchegeni!>> 21Mbwenye munemba wabure wenne ira atamangihiwe, unazela muwari mwa nyo lobela no jejuwari.
Yesu ohowongave akoka zela kwa waye no venya waye mokwani
Markuji 9:30-32; Lukaji 9:43b-45
22Siku nimohi Yesu na anamamuharaye kagali vamohi ilambo ya Galileya, Yesu ohawandelaga eraga: <<Mwana wa Mutu unovahediwa mmandani mwa atu, 23eto anofiyeda mpa. Mbwenye akwa, siku naneraru unovenya mokwani!>> Mwa enne anamamuharaye ale kagavwile mazu anne kohokagana kumbanya ulukulu.
Yesu na Peduru kohovelela misoko
24Evale kagafiyile Kafaranamu, anamasokiha misoko anno kasoka misoko da Nyumba ya Yehova kohonfwanya Peduru, aliwa nfuka keraga: <<Kodi namafundjiha wenyule kanavelela misoko da Nyumba ya Yehova?>> 25Peduru ohowakulaga, liye ira: <<He, liye unovelela!>> Noira enne, Peduru ohofiyaga vande vali Yesu. Agavolowile mmba mwali Yesu mule, ahanamuwandelemove, Yesu ohonfukaga eraga: <<Katchiye Simawu, weyo unaonamo avi? Kodi amwene a ilambwela anaasoketcha ani misoko? Anaasoketcha ahimiwa owu atu amohiwa?>> 26Evale Peduru ohowakulaga eraga: <<Amwene anaasoketcha atu amohiwa hiya ahimiwa!>> Mwa enne Yesu ohowonga eraga: <<Uhuwakula pama! Ku wonga ana mwene kinasokiwa misoko. 27Mbwenye masiki eno, voira hiyo kannafuna atakaleliwiha aliwa, miyo nnouwandela ira inafwanela uvenye, udowe iko, watatilele imezo yawo mwiko, umeze somba yoromene inafuna za imezoni ule. Wagaimezile sombele, ugudubulre wanoni waye ule, unofwanya kobiri imohi yokwakwana misoko da atu ambinli. Utukule ira udowe wavelele musoko waga na musoko wawo!>>#17:27 Utukule ira udowe wavelele musoko waga na musoko wawo: Muwari mwa istoriya ila, Yesu ohorumela ira: <<Muwari mokala ana mwene, ahakale nnga jinaira atu a ilambo ya vati, tchafwanela hiyo pagalrihiwa misoko. Mbwenye ira atu kahatakaleliwe, nnopagalri.>> Mazwala tapulela ira Mulugu kanasauwela kobiri eto anonikokomeza ira nipagalrigi misoko dili datene. Nione Roma 13:6.
ទើបបានជ្រើសរើសហើយ៖
Matewuji 17: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 17
17
Tchindjeya wa Yesu agali vamwangoni
Markuji 9:2-13; Lukaji 9:28-36
1Vagamanle malambo matanu na nimohi, Yesu ohomutukulaga Peduru, Tiyagu na mbalaye Juwawu, aliwa dowa gwela mwango olapa. 2Kagagwenle vazulu vale, anamamuharaye ale kohoonaga makalelo a Yesu tchindjeya. Kove yaye yohoromaga jerimela nnga nzuwa eto jowara jaye johosanduwaga, aliwa kala jotchena nnga wareya. 3Evale morurumutcha kohatwanyuwelaga alombwana ambinli, Mozeji na Eliya, aliwa za wongaga na Yesu. 4Evale mulombwana Peduru ohowongaga na Yesu eraga: <<Nabwiya, yali yapama nikalegeni wewuno. Mwafuna, miyo nnosakanya misasa miraru. Mmohi wenyu, mmohiwa wa Mozeji, mmohiwa wa Eliya.>> 5Mwa enne mulombwana Peduru awongagave enne murambo omoneya ohozaga, akunela atene. Kavuruwanaga, mmiramboni mule mohokumelaga nizu nawongaga niiraga: <<Ula gu Mwanaga unamuziveliwa miyo, wenno unadihagalaliha. Munvwelelege liyene!>> 6Anamamuharaye ale kagavwile nizu nne, kohorendjeyaga, aliwa gwa, kaing'anihaga kove diwa vati. 7Evale Yesu ohozaga, liye asakwinya, aawandelaga eraga: <<Kavenyani, kamuove!>> 8Aliwa kagavenyile, kagaing'anihile meso ewa vevale vafwanyeya Yesu, kamuonnevo Yesu bahi. 9Mwa enne kawelagawo mwangoni ule, Yesu ohawandelaga eraga: <<Kamumwandele mutu zela jejo jionne nyo, fiyeda Mwana wa Mutu avenyihiwe mokwani!>>
10Evale anamamuharaye ale kohonfukaga keraga: <<Nnga mwasiwa gwa nni anamafundjiha malamulo wongaga ira Eliya unakala murandji za Namatikeliwa ahanaze?>>#17:10 Eliya unakala murandji za Namatikeliwa ahanaze: Eliya ali namafiyiheda aliwo wanle. Joira jaye jinafwanyeya muwari mwa malivuru a 1 Amwene kapitulu 17-21 na 2 Amwene kapitulu 1-2. Liye kakwile mbwenye Mulugu ohomutukulela zulu na makalelo otikiniheya. (2 Amwene 2:9-11) Agatukuleliwe zulu, vagamanle yaka didjindji dene, namafiyiheda Malakiya ohowonga ira Namatikeliwa ahanaze, Eliya gwafuna kala murandji za. (Malakiya 4:5-6) Nafwanya Lukaji 1:17 nnovwa ira Juwawu Mbatizi ahanabaliwe, mungelro ohomuwandela babaye Zakariya zela mwanaye ira: Makalelo aye na kopolo nnafuna liye kana unalinganege na namafiyiheda Eliya. Ku wonga kahi ira Eliya mwinnya afuna aze akoka. Mbwenye Juwawu Mbatizi alaba na makalelo na kopolo nnga mulombwana Eliya. Ira anamamuhara Yesu kafuke eno, aliwa kohoiziwa ira: <<Yesu gu Namatikeliwa. Hiyo kaniromile muona tchineneva. Mbwenye Eliya niromile muona peno eva.>> Voira anamafundjiha malamulo keretcha: <<Eliya unoza Namatikeliwa ahanaze>>, nona aliwa kanfukaga Yesu zela nkani wa Eliya. Tchoira kahanafuke, aliwa tchawanda iziwa ira Eliya awongiwa ali Juwawu Mbatizi. 11Evale liye ohowakulaga eraga: <<Tchi ibaribari ira murandji za unakala Eliya eto aza unosakanyeda jatene. 12Mbwenye miyo nnouwandelani ira Eliya uhuza eto aliwa kiwandile muiziwa. Komusasanya na makalelo ohokala pama nnga mufunele atu. Sawasawa eto Mwana wa Mutu, na liyene unoza aonihiwe goyi mmandani mwiwa.>> 13Mwa enne anamamuharaye ale kohowanda onelramo ira liye awongaga zela Eliya, amuwonga mulombwana Juwawu Mbatizi.#17:12-13 Nione Matewuji 11:14.
Vulumutchiwa wa mwana mmohi
Markuji 9:14-29; Lukaji 9:37-43
14Mwa enne kagafiyile nimburo vafwanyeya mwindji wa atu, mulombwana mmohi ohozaga wa Yesu, liye mukokorela awongaga eraga: 15<<Nabwiya, muwendeleni tangaranga mwanaga. Mwasiwa liye unafwanyeyana vindjilendjile eto unozuzumihiwa bure. Fendo didjindji dene liye unogwela veko nari mwiko. 16Miyo dohomutukula, muzana wa anamauharaninyu, mbwenye aliwa kiwandile nvulumutcha!>> 17Evale Yesu ohowakulaga eraga: <<Nyo atu ohokana nroromelo eto oviringana nyo! Kodi miyo nnafuna dikale na nyo fiyeda alini? Miyo nnafuna divilele na joira jenyu fiyeda alini?>> Evale ohomuwongana mulombwanole, liye kwi: <<Kamuzena mwanawo uyo vali miyo va.>> 18Kagamuzilena, Yesu ohomusumululaga munemba wabure ule, liye kumamo mwa muzombole. Roma ora imohive yenne muzombole ohovulumuwaga.
19Noira eno, anamamuharaye kohomuwandamelaga Yesu, aliwa nfuka vewa vene keraga: <<Nnga mwasiwa gwa nni hiyo niza nahawandaga mutamangiha?>> 20Liye ohawakulaga eraga: <<Muza mwahawandaga nvulumutcha mwasiwa muire kana nroromelo noyeva! Tchoira na ibaribari nnouwandelani ira mwakana nroromelo nnga mbewu imohi ya mostarda, nyo munerege wonga na mwangola ira: <We mwango katama, udowe wakale ule.> Eto mwaira eno, jatene jinerege ireya. Kinakalavo inaurutchegeni!>> 21Mbwenye munemba wabure wenne ira atamangihiwe, unazela muwari mwa nyo lobela no jejuwari.
Yesu ohowongave akoka zela kwa waye no venya waye mokwani
Markuji 9:30-32; Lukaji 9:43b-45
22Siku nimohi Yesu na anamamuharaye kagali vamohi ilambo ya Galileya, Yesu ohawandelaga eraga: <<Mwana wa Mutu unovahediwa mmandani mwa atu, 23eto anofiyeda mpa. Mbwenye akwa, siku naneraru unovenya mokwani!>> Mwa enne anamamuharaye ale kagavwile mazu anne kohokagana kumbanya ulukulu.
Yesu na Peduru kohovelela misoko
24Evale kagafiyile Kafaranamu, anamasokiha misoko anno kasoka misoko da Nyumba ya Yehova kohonfwanya Peduru, aliwa nfuka keraga: <<Kodi namafundjiha wenyule kanavelela misoko da Nyumba ya Yehova?>> 25Peduru ohowakulaga, liye ira: <<He, liye unovelela!>> Noira enne, Peduru ohofiyaga vande vali Yesu. Agavolowile mmba mwali Yesu mule, ahanamuwandelemove, Yesu ohonfukaga eraga: <<Katchiye Simawu, weyo unaonamo avi? Kodi amwene a ilambwela anaasoketcha ani misoko? Anaasoketcha ahimiwa owu atu amohiwa?>> 26Evale Peduru ohowakulaga eraga: <<Amwene anaasoketcha atu amohiwa hiya ahimiwa!>> Mwa enne Yesu ohowonga eraga: <<Uhuwakula pama! Ku wonga ana mwene kinasokiwa misoko. 27Mbwenye masiki eno, voira hiyo kannafuna atakaleliwiha aliwa, miyo nnouwandela ira inafwanela uvenye, udowe iko, watatilele imezo yawo mwiko, umeze somba yoromene inafuna za imezoni ule. Wagaimezile sombele, ugudubulre wanoni waye ule, unofwanya kobiri imohi yokwakwana misoko da atu ambinli. Utukule ira udowe wavelele musoko waga na musoko wawo!>>#17:27 Utukule ira udowe wavelele musoko waga na musoko wawo: Muwari mwa istoriya ila, Yesu ohorumela ira: <<Muwari mokala ana mwene, ahakale nnga jinaira atu a ilambo ya vati, tchafwanela hiyo pagalrihiwa misoko. Mbwenye ira atu kahatakaleliwe, nnopagalri.>> Mazwala tapulela ira Mulugu kanasauwela kobiri eto anonikokomeza ira nipagalrigi misoko dili datene. Nione Roma 13:6.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral