Matewuji 19
19
Zela muselu omwalana
Matewuji 5:31-32; Markuji 10:1-12; Lukaji 16:18
1Yesu agamanle wonga mazu anne, ohomaruwaga porovinsiya ya Galileya adowaga ilambo ya Judeya, kombela ya muhindje Jordawu. 2Evale atu oindjiva kohomuharaga. Mwa enne liye ohavulumutcha maurenda kafwanyeyana atu wewule.
3Noira enne, kohokalawo aFarizewu kazilege wa liye kamuxixaga keraga: <<Kodi muwari mwa malamulo inowandeya mutu mulanya muhiyanaye na mwasa uli watene unaumbuwela liye?>> 4Evale Yesu ohawakulaga eraga: <<Kodi nyo kamunaileri ira voroma vene Namapandutcha aapandutchaga atu oroma, ampandutchile mulombwana mmohi na muhiyana mmohi?#19:4 ampandutchile mulombwana mmohi na muhiyana mmohi: Mazwala anawonga ira kavali wandeya mutu omuhara Yesu dowa valanya nari rumela valanyiwa. Tchoira Yesu mwinnya guwongile ira Mulugu asakannye ira bandja nikale mulombwana mmohi na muhiyana mmohi. 5Eto Namapandutcha ohowonga ira: <Nona mulombwana unerege muhiya babaye na mmaye ira adowe ambande muhiyanaye, era eno, ambinlene anokala maningo mamohive bahi.> 6Kera eno, kili maningo menli nari. Mbwenye ba maningo mamohive bahi! Nona kakalevo mutu unafuna mwalaniha yenno igumanihile Mulugu.>>#19:6 kakalevo mutu unafuna mwalaniha yenno igumanihile Mulugu: Ku wonga telana kahi yengo inaiziweya muwari mwa hiyo atu bahi. Atu katelana, umboni okwaranya gu Mulugu unagumaniha ira atu ambinli kakale bandja nimohive. Ku wonga akoswe kinna utongi oamwalaniha atu ahali na mwasa oraruwa. Eto masiki koswe akwa nari akumavo, bandja niwa nnakala noimela nene pama vamentoni va Mulugu mwasiwa Mulugu kakwile eto liye gungumanihile mulombwana na muhiyanaye. Nona unavenda jomulanya muhiyanaye ahali na mwasa oraruwa unawana kondo na mabasa Mulugu alabile liye.
7Evale aFarizewu kagavwile mazwale, kohonfukaga keraga: <<Nnga akala jengo jiwa jili eno, mwasiwa gwa nni mulombwana Mozeji awongaga ira mutu afunaga mulanya muhiyanaye inafwanela alrembe karta, anvahede, amala eno amugunye?>> 8Yesu ohawakulaga eraga: <<Mulombwana Mozeji aza aurumelihagani ira mutu amulanye muhiyanaye, awongele eno na mwasa oira nyo muli atu ovanda mirima.#19:8 Mozeji… awongele eno na mwasa oira nyo muli atu ovanda mirima. Yesu ohorumela ira jimohi jiwa jinafwanyeya mMazuni jaireyile wanle kajali jofuna ja Mulugu. So Mulugu aahiyile atu kairegena jengo mwasiwa kohokana mirima dovanda. Mbwenye Mulugu yofuna yaye ili nnga mwaapandutchele liye atu. Yofuna yaye tchoira mulombwana mmohi amutele muhiyana mmohi. Nione Matewuji 19:4. Ku wonga agali atu mBibiliyani kohovalanya, kahi yengo yofwanela vamentoni va Mulugu ira niiregena tempu ili hiyo ila. Mbwenye voroma vene jengo kajali eno! 9Miyo eto nnouwandelani ira mutu wenne unamulanye muhiyanaye ahali na muselu oraruwa,#19:9 ahali na muselu oraruwa: Ku wonga muselu mmohive Yesu aarumelihile liye ira atu kamwalane gu muselu oraruwa. Mbwenye zela yengo imohiwa, kavali wandeya ira mulombwana amuhiye muhiyanaye nne muhiyana amuhiye mamunaye. amaruwa adowa amutela muhiyana mmohiwa, eno unararuwa.>>
10Noira enne, anamamuharaye kohomuwongagana keraga: <<Akala jotelana jili eno, yali yapama mulombwana ahatele!>> 11Evale Yesu ohowakulaga eraga: <<Jofundjiha jeji, kahi ira atu atene anowanda vwa. Jeji jili para atu anne Mulugu uavahile liye. 12Mwasiwa kohokalawo atu ohotela kabaliwileve eno. Eto kohokalawo atu ohotela oira nongiwa na atu afwiwa. Eto kohokalawo atu amohiwa kahatenle muwari mofuna mwewa ira ja Umwene wa zulu jidowege sogolro.#19:12 kohokalawo atu amohiwa kahatenle muwari mofuna mwewa ira ja Umwene wa zulu jidowege sogolro: Kalaga nnga mulombwana Pawulo. (1 Korinto 7:8) Liye muwari molaba ja Umwene wa zulu, kaanna tempu yotela. So liye ohorumela wendawenda vilambo didjindji dene, heliwa kadeya, bubudiwa na mwasa olaleya mazu a Mulugu. Yesu kawongile ira inafwanela atu atene kakale eno, mbwenye zela wenno uvahiwe na Mulugu ira airegena, Mulugu unonvaha kopolo doirana. Eto fwanyeya ira zela mutu ohobala omuhara Yesu, Mulugu unoza amusakanyele makalelo apama muUmweneni mwaye hiyaniha no kana ahima pwi mwilamboni ya vati. (Izaiya 56:3-5) Inafwanela mutu wenne unawanda rumela jeji arumele!>>
Yesu ohareliha ahima
Markuji 10:13-16; Lukaji 18:15-17
13Noira enne, kohokalaga atu kaatukunlege ahima, kaadowana valigi Yesu ira Yesu aahele manda, aalobelele. Anamamuharaye eto kohoroma asumululaga aliba azana ahimale ira kahaafiyena evale. 14Yesu mbwenye agaonne enne, ohowongaga eraga: <<Kamwakondihe ahima za vali miyo. Ahiyeni ahima kaze mwasiwa Umwene wa zulu, annya ba atu okala nnga ha ahima anna.>> 15Noira enne, ohahelaga ahimale manda, nomala liye maruwa, dowaga.
Gumana wa Yesu na mutu orayela
16Evale ohokalawo muzombwe mmohi azilege, liye nfwanya Yesu awongaga eraga: <<Namafundjiha wapama, kodi yapama tchivi inafuna miyo irana ira diwande kana ingumi yohomala?>> 17Yesu ohomuwakulaga eraga: <<Kodi unadiirela nni wapama? Kalivo uli wapama ahali Mulugu bahi.#19:17 Kalivo uli wapama ahali Mulugu bahi. Yesu muwari mowonga eno, liye kakonda ira: <<Miyo kadili wapama.>> So Yesu awonga eno mwasiwa mutu orayela ule amuira Yesu Namafundjiha hiya muitana Nvulusi nari Namatikeliwa. Eto fwanyeya ira mutu orayela aviona nnga mutu wapama muhiya Yesu. Mbwenye akala unafuna ukayena ingumi, inafwanela uharihege malamulo!>>#19:17 akala unafuna ukayena ingumi, inafwanela uharihege malamulo: Yesu era muxixa mutu orayela ule ira amuone akala gu mutu oviyeviha owu mutu ovitukulela. Ahakale mutu owonga ibaribari, ogowonga ira: <<Miyo malamulo kannawanda. Muwari mohowanda, dire avi ira dileveleliwe?>> Tchoira malamulo kinalaba yengo yonivulusa hiyo atu oimwanana kwakwaneliheda malamulo. Nione Lukaji 18:9-14; Roma 3:19-22; Galasiya 3:9-12. 18Evale muzombole ohonfukaga Yesu kwi: <<Kodi malamulo bavi anafuna miyo harihaga?>> Yesu ohomuwakulaga, liye ira: <<Malamuluwa ba ala: Kumpe mutu, kuraruwe, kube, kumunukede mutu! 19Umurihedege babawo na mmawo eto umuziveliwege mutu uli watene na makalelo nnga unaviziveliwa we wa mwinnya.>> 20Evale muzombole ohowakulaga eraga: <<Miyo jatene ejo nnoirana. Kodi idihanle tchi nni?>> 21Mwa enne Yesu ohomuwakulaga eraga: <<Wafunaga kala mutu okwakwanela vamentoni va Mulugu, inafwanela udowe wagulihe jatene jinna we, kobiriwa waagawele aliba simela. Waira eno, uhukoya jawo zulu. Wamala uze, udihare.>> 22Mbwenye muzombole agavwile mazu anne, ohokumagavo evale okumbanyene mwasiwa liye ali mutu orayela.#19:22 ohokumagavo evale okumbanyene mwasiwa liye ali mutu orayela: Fwanyeya ira liye ofuna jorayela jaye kwaranya munyindela no muhara Yesu ahaumbuwelaga ira akwa, jorayela jinomutawa, ahalena mangawa otatileliwa ntiya na munlo na mbwiyaye Satana.
23Noira enne, Yesu ohawandelaga anamamuharaye eraga: <<Na ibaribari nnouwandelani ira ili yorutcha mutu orayela volowa muwari mwa Umwene wa zulu. 24Eto nnouwandelani akoka. Kamelo ira axolre mopovowa mwa singano no ira mutu orayela avolowe muUmweneni mwa Mulugu, inarutcha tchoira mutu orayela avolowe muUmweneni mwa Mulugu.>> 25Evale anamamuharaye kagavwile ejo, kohokalaga otikiniheyene valukulu eto kohofukaga, aliwa ira: <<Nnga era eno, unafuna vulusiwa bani?>> 26Evale Yesu ohaing'anaga, liye ira: <<Mwa mutu ekave kinawandeya. Mbwenye na Mulugu jatene jinowandeya!>>
27Noira enne, Peduru ohowakulaga ira: <<Kaing'anani! Hiyo nihiya jatene, uharagani nyo. Nnga ninna yoing'anela nni inafuna hiyo za tambilra?>> 28Evale Yesu ohomuwakulaga eraga: <<Na ibaribari nnouwandelani ira yafiya ilambo ya vati ixa, Mwana wa Mutu aza agarati vampandoni vaye va umwene, na nyenne munoza mugarati mipando kumi na minli da umwene, mutongaga malogo kumi na menli a Izarayeli! 29Eto mutu wenne unahiye nyumba daye, nari adibiliye, nari arongoliye, nari babaye owu mmaye nari ahimaye nari ilambo yaye, ahiya jatene jejo na mwasa wa nzina naga, unowatchela fendo 100 jatene jejo jahiyile liye,#19:29 unowatchela fendo 100 jatene jejo jahiyile liye: Mazwala tapulela ira mutu mwilamboni ya vati ahiya jaye ira avweyihege mazu a Mulugu unotambilra yengo yapama kwaranya jafuna liye kana vande vaye ahanavenyevo. Ku wonga hagalala na murendele unafuna liye kana muwari monvwelela Yesu unokwaranya fendo 100 hagalala na murendele wafuna liye kana muwari mohonvwelela. eto unovahiwa ingumi yohomala. 30Mwa eno, adjindji anafwanyeya kagali arandji peno va, anoza kakale ogomiheda eto adjindji anafwanyeya kagali ogomiheda peno va, anoza kakale arandji.>>
ទើបបានជ្រើសរើសហើយ៖
Matewuji 19: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 19
19
Zela muselu omwalana
Matewuji 5:31-32; Markuji 10:1-12; Lukaji 16:18
1Yesu agamanle wonga mazu anne, ohomaruwaga porovinsiya ya Galileya adowaga ilambo ya Judeya, kombela ya muhindje Jordawu. 2Evale atu oindjiva kohomuharaga. Mwa enne liye ohavulumutcha maurenda kafwanyeyana atu wewule.
3Noira enne, kohokalawo aFarizewu kazilege wa liye kamuxixaga keraga: <<Kodi muwari mwa malamulo inowandeya mutu mulanya muhiyanaye na mwasa uli watene unaumbuwela liye?>> 4Evale Yesu ohawakulaga eraga: <<Kodi nyo kamunaileri ira voroma vene Namapandutcha aapandutchaga atu oroma, ampandutchile mulombwana mmohi na muhiyana mmohi?#19:4 ampandutchile mulombwana mmohi na muhiyana mmohi: Mazwala anawonga ira kavali wandeya mutu omuhara Yesu dowa valanya nari rumela valanyiwa. Tchoira Yesu mwinnya guwongile ira Mulugu asakannye ira bandja nikale mulombwana mmohi na muhiyana mmohi. 5Eto Namapandutcha ohowonga ira: <Nona mulombwana unerege muhiya babaye na mmaye ira adowe ambande muhiyanaye, era eno, ambinlene anokala maningo mamohive bahi.> 6Kera eno, kili maningo menli nari. Mbwenye ba maningo mamohive bahi! Nona kakalevo mutu unafuna mwalaniha yenno igumanihile Mulugu.>>#19:6 kakalevo mutu unafuna mwalaniha yenno igumanihile Mulugu: Ku wonga telana kahi yengo inaiziweya muwari mwa hiyo atu bahi. Atu katelana, umboni okwaranya gu Mulugu unagumaniha ira atu ambinli kakale bandja nimohive. Ku wonga akoswe kinna utongi oamwalaniha atu ahali na mwasa oraruwa. Eto masiki koswe akwa nari akumavo, bandja niwa nnakala noimela nene pama vamentoni va Mulugu mwasiwa Mulugu kakwile eto liye gungumanihile mulombwana na muhiyanaye. Nona unavenda jomulanya muhiyanaye ahali na mwasa oraruwa unawana kondo na mabasa Mulugu alabile liye.
7Evale aFarizewu kagavwile mazwale, kohonfukaga keraga: <<Nnga akala jengo jiwa jili eno, mwasiwa gwa nni mulombwana Mozeji awongaga ira mutu afunaga mulanya muhiyanaye inafwanela alrembe karta, anvahede, amala eno amugunye?>> 8Yesu ohawakulaga eraga: <<Mulombwana Mozeji aza aurumelihagani ira mutu amulanye muhiyanaye, awongele eno na mwasa oira nyo muli atu ovanda mirima.#19:8 Mozeji… awongele eno na mwasa oira nyo muli atu ovanda mirima. Yesu ohorumela ira jimohi jiwa jinafwanyeya mMazuni jaireyile wanle kajali jofuna ja Mulugu. So Mulugu aahiyile atu kairegena jengo mwasiwa kohokana mirima dovanda. Mbwenye Mulugu yofuna yaye ili nnga mwaapandutchele liye atu. Yofuna yaye tchoira mulombwana mmohi amutele muhiyana mmohi. Nione Matewuji 19:4. Ku wonga agali atu mBibiliyani kohovalanya, kahi yengo yofwanela vamentoni va Mulugu ira niiregena tempu ili hiyo ila. Mbwenye voroma vene jengo kajali eno! 9Miyo eto nnouwandelani ira mutu wenne unamulanye muhiyanaye ahali na muselu oraruwa,#19:9 ahali na muselu oraruwa: Ku wonga muselu mmohive Yesu aarumelihile liye ira atu kamwalane gu muselu oraruwa. Mbwenye zela yengo imohiwa, kavali wandeya ira mulombwana amuhiye muhiyanaye nne muhiyana amuhiye mamunaye. amaruwa adowa amutela muhiyana mmohiwa, eno unararuwa.>>
10Noira enne, anamamuharaye kohomuwongagana keraga: <<Akala jotelana jili eno, yali yapama mulombwana ahatele!>> 11Evale Yesu ohowakulaga eraga: <<Jofundjiha jeji, kahi ira atu atene anowanda vwa. Jeji jili para atu anne Mulugu uavahile liye. 12Mwasiwa kohokalawo atu ohotela kabaliwileve eno. Eto kohokalawo atu ohotela oira nongiwa na atu afwiwa. Eto kohokalawo atu amohiwa kahatenle muwari mofuna mwewa ira ja Umwene wa zulu jidowege sogolro.#19:12 kohokalawo atu amohiwa kahatenle muwari mofuna mwewa ira ja Umwene wa zulu jidowege sogolro: Kalaga nnga mulombwana Pawulo. (1 Korinto 7:8) Liye muwari molaba ja Umwene wa zulu, kaanna tempu yotela. So liye ohorumela wendawenda vilambo didjindji dene, heliwa kadeya, bubudiwa na mwasa olaleya mazu a Mulugu. Yesu kawongile ira inafwanela atu atene kakale eno, mbwenye zela wenno uvahiwe na Mulugu ira airegena, Mulugu unonvaha kopolo doirana. Eto fwanyeya ira zela mutu ohobala omuhara Yesu, Mulugu unoza amusakanyele makalelo apama muUmweneni mwaye hiyaniha no kana ahima pwi mwilamboni ya vati. (Izaiya 56:3-5) Inafwanela mutu wenne unawanda rumela jeji arumele!>>
Yesu ohareliha ahima
Markuji 10:13-16; Lukaji 18:15-17
13Noira enne, kohokalaga atu kaatukunlege ahima, kaadowana valigi Yesu ira Yesu aahele manda, aalobelele. Anamamuharaye eto kohoroma asumululaga aliba azana ahimale ira kahaafiyena evale. 14Yesu mbwenye agaonne enne, ohowongaga eraga: <<Kamwakondihe ahima za vali miyo. Ahiyeni ahima kaze mwasiwa Umwene wa zulu, annya ba atu okala nnga ha ahima anna.>> 15Noira enne, ohahelaga ahimale manda, nomala liye maruwa, dowaga.
Gumana wa Yesu na mutu orayela
16Evale ohokalawo muzombwe mmohi azilege, liye nfwanya Yesu awongaga eraga: <<Namafundjiha wapama, kodi yapama tchivi inafuna miyo irana ira diwande kana ingumi yohomala?>> 17Yesu ohomuwakulaga eraga: <<Kodi unadiirela nni wapama? Kalivo uli wapama ahali Mulugu bahi.#19:17 Kalivo uli wapama ahali Mulugu bahi. Yesu muwari mowonga eno, liye kakonda ira: <<Miyo kadili wapama.>> So Yesu awonga eno mwasiwa mutu orayela ule amuira Yesu Namafundjiha hiya muitana Nvulusi nari Namatikeliwa. Eto fwanyeya ira mutu orayela aviona nnga mutu wapama muhiya Yesu. Mbwenye akala unafuna ukayena ingumi, inafwanela uharihege malamulo!>>#19:17 akala unafuna ukayena ingumi, inafwanela uharihege malamulo: Yesu era muxixa mutu orayela ule ira amuone akala gu mutu oviyeviha owu mutu ovitukulela. Ahakale mutu owonga ibaribari, ogowonga ira: <<Miyo malamulo kannawanda. Muwari mohowanda, dire avi ira dileveleliwe?>> Tchoira malamulo kinalaba yengo yonivulusa hiyo atu oimwanana kwakwaneliheda malamulo. Nione Lukaji 18:9-14; Roma 3:19-22; Galasiya 3:9-12. 18Evale muzombole ohonfukaga Yesu kwi: <<Kodi malamulo bavi anafuna miyo harihaga?>> Yesu ohomuwakulaga, liye ira: <<Malamuluwa ba ala: Kumpe mutu, kuraruwe, kube, kumunukede mutu! 19Umurihedege babawo na mmawo eto umuziveliwege mutu uli watene na makalelo nnga unaviziveliwa we wa mwinnya.>> 20Evale muzombole ohowakulaga eraga: <<Miyo jatene ejo nnoirana. Kodi idihanle tchi nni?>> 21Mwa enne Yesu ohomuwakulaga eraga: <<Wafunaga kala mutu okwakwanela vamentoni va Mulugu, inafwanela udowe wagulihe jatene jinna we, kobiriwa waagawele aliba simela. Waira eno, uhukoya jawo zulu. Wamala uze, udihare.>> 22Mbwenye muzombole agavwile mazu anne, ohokumagavo evale okumbanyene mwasiwa liye ali mutu orayela.#19:22 ohokumagavo evale okumbanyene mwasiwa liye ali mutu orayela: Fwanyeya ira liye ofuna jorayela jaye kwaranya munyindela no muhara Yesu ahaumbuwelaga ira akwa, jorayela jinomutawa, ahalena mangawa otatileliwa ntiya na munlo na mbwiyaye Satana.
23Noira enne, Yesu ohawandelaga anamamuharaye eraga: <<Na ibaribari nnouwandelani ira ili yorutcha mutu orayela volowa muwari mwa Umwene wa zulu. 24Eto nnouwandelani akoka. Kamelo ira axolre mopovowa mwa singano no ira mutu orayela avolowe muUmweneni mwa Mulugu, inarutcha tchoira mutu orayela avolowe muUmweneni mwa Mulugu.>> 25Evale anamamuharaye kagavwile ejo, kohokalaga otikiniheyene valukulu eto kohofukaga, aliwa ira: <<Nnga era eno, unafuna vulusiwa bani?>> 26Evale Yesu ohaing'anaga, liye ira: <<Mwa mutu ekave kinawandeya. Mbwenye na Mulugu jatene jinowandeya!>>
27Noira enne, Peduru ohowakulaga ira: <<Kaing'anani! Hiyo nihiya jatene, uharagani nyo. Nnga ninna yoing'anela nni inafuna hiyo za tambilra?>> 28Evale Yesu ohomuwakulaga eraga: <<Na ibaribari nnouwandelani ira yafiya ilambo ya vati ixa, Mwana wa Mutu aza agarati vampandoni vaye va umwene, na nyenne munoza mugarati mipando kumi na minli da umwene, mutongaga malogo kumi na menli a Izarayeli! 29Eto mutu wenne unahiye nyumba daye, nari adibiliye, nari arongoliye, nari babaye owu mmaye nari ahimaye nari ilambo yaye, ahiya jatene jejo na mwasa wa nzina naga, unowatchela fendo 100 jatene jejo jahiyile liye,#19:29 unowatchela fendo 100 jatene jejo jahiyile liye: Mazwala tapulela ira mutu mwilamboni ya vati ahiya jaye ira avweyihege mazu a Mulugu unotambilra yengo yapama kwaranya jafuna liye kana vande vaye ahanavenyevo. Ku wonga hagalala na murendele unafuna liye kana muwari monvwelela Yesu unokwaranya fendo 100 hagalala na murendele wafuna liye kana muwari mohonvwelela. eto unovahiwa ingumi yohomala. 30Mwa eno, adjindji anafwanyeya kagali arandji peno va, anoza kakale ogomiheda eto adjindji anafwanyeya kagali ogomiheda peno va, anoza kakale arandji.>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral