Matewuji 16
16
AFarizewu na aSadusewu kohonvepa Yesu ionihedo
Markuji 8:11-13; Lukaji 12:54-56
1Evale aFarizewu na aSadusewu kohozaga wa Yesu ira kamuxixe, aliwa muwongana keraga: <<Hiyo nnafuna muniirele ionihedo imohi ira niwande kana ibaribari ira nyo mukumele zulu wa Mulugu!>> 2Yesu mbwenye ohawakulaga eraga: <<Nyo ora ya tchiguwo mwaona zulu wagali wofila, munawonga ira: <Zulu para kala wofila eni ku wonga metchelo unde unokala pama.> 3Mbwenye siku nimohi niwa mwaona zulu wagali wofila na mabebehi, muni: <Zulu uhukala mirambo dofila na dodiba. Ku wonga peno unde kunakala pama.> Mwairaga eno ku wonga nyo munowanda iziwa makalelo a zulu. Nnga akala munowanda tapulela jionihedo ja zulu, mwasiwa gwa nni nyo hawandaga tapulela jionihedo jotonyiheda tempu inna hiyo ila?#16:3 mwasiwa gwa nni nyo hawandaga tapulela jionihedo jotonyiheda tempu inna hiyo ila? Yesu anaagwihana mulandu aFarizewu na aSadusewu mwasiwa aliwa kowanda ing'ana zulu, onaga ibaribari zela makalelo kafuna unde kala. Mbwenye kagaonne matikiniho madjindjene aira Yesu, aliwa tchawandile kana ibaribari zela wewo wakumile Yesu. Ku wonga aliwa kohoona jionihedo jotonyiheda ira Namatikeliwa uhumala za. Mbwenye kagaonne matikiniho aira Yesu na kopolo dokumela zulu, aliwa eto kohoimwanana rumela ira Yesu ukumenle zulu. 4Atu a tempu ili hiyo ila ba atu abure, atu oraruwa. Anavepa ira kaone ionihedo. Mbwenye aliwa kinavahiwa ionihedo ili yatene yahali ionihedo ya mulombwana Jonasi.>>#16:4 ionihedo ya mulombwana Jonasi: Nione Matewuji 12:39-40. Sawasawa nnga Jonasi akumilemo mbani mwa somba agamanle malambo mararu, Yesu na liyene eto afuna amale malambo mararu vati va teya amala avenye mokwani. Nowonga enne, ohahiyaga evale, liye venyavo.
Leverina wa aFarizewu na aSadusewu
Markuji 8:14-21
5Anamamuharaye kalambuwaga, kadowaga kombela ya ule, kohodiwalaga tukula pawu. 6Noira enne, Yesu ohowongaga eraga: <<Polre polre. Inafwanela muwande rambela leverina wa aFarizewu na aSadusewu!>> 7Anamamuharaye ale kagavwile enne, kohoromaga wonga oka oka keraga: <<Yesu unawongela eni na mwasa oira kanitukunle pawu!>> 8Mwa enne Yesu ohowongaga eraga: <<Nyo atu oyeva nroromelo nyo! Kodi munawongela nni nyoka nyoka na mwasa ohokana pawu? 9Kodi na vanove kamunaonelremo? Kodi nne kamunaumbuwela pawu tanu daadjihilena miyo atu 5.000? Atu atene kagarumbanle, mwagudenlege migogoda mingasi da jejo jahanle? 10Eto dagaadjihile atu 4.000 na pawu tanu na mbinli mwagudenle migogoda mingasi da jodja jahanle? 11Mwasiwa gwa nni nyo hawandaga onelramo ira miyo kannawonga zela leverina wa pawu? Mbwenye nnawonga ira muwande rambela leverina wa aFarizewu na aSadusewu!>> 12Mwa enne pawandile onelramo anamamuharaye ale ira Yesu kawonga zela leverina onyakuwiha pawu. Mbwenye liye awonga zela jofundjiha ja aFarizewu na aSadusewu.#16:12 liye awonga zela jofundjiha ja aFarizewu na aSadusewu: Makalelo a aFarizewu na aSadusewu kalingana na leverina. Mwasiwa leverina wa vang'ono unomala kwakwana masa madjindji. Sawasawa eto makalelo a aFarizewu na aSadusewu kogaweya burebure. Yesu ohawendjeliha anamamuharaye ira: <<Polre polre tawiha ira jowonga na joumbuwela ja aFarizewu na ja aSadusewu jamwadeyaga jinaze jufwanyeni nyo.>>
Umboni wa Peduru zela Yesu
Markuji 8:27-30; Lukaji 9:18-21
13Evale Yesu agafiyile pandi ya Sezariya wa Filipi, ohafukaga anamamuharaye eraga: <<Kodi atu kadiona miyo Mwana wa Mutu, anadira dili ani?>> 14Evale aliwa kohowakulaga, aliwa ira: <<Atu amohiwa anauirani: <Juwawu Mbatizi>, amohiwa anauirani: <Eliya>, amohiwa anauirani: <Jeremiya>, amohiwa anauirani: <Namafiyiheda mmohiwa wa wanle!> >>
15Evale Yesu ohawelihedaga, liye ira: <<Nnga nyo? Kodi nyo mwadiona, munadiira ani?>> 16Agafukile enne, Simawu Peduru ohowonga ira: <<Nyo muli Namatikeliwa, Mwana Mulugu Okalawo!>> 17Noira enne, Yesu ohowongaga eraga: <<Orelihiwa gu weyo mulombwana Simawu mwana Jonasi, mwasiwa jejo jiwongile we, uuwandenle kahi mutu wa sangiri nne wa maningo. Mbwenye uuwandenle jejo gu Baba wenno uli zulu! 18Tchoira na miyene eto nnouwandela ira weyo Peduru nzina nawo tapulela nibwe. Eto mwa nibwe ni nnomanga nikuru naga.#16:18 mwa nibwe ni nnomanga nikuru naga: Peduru na iwongelo ya iGerego unalingana na nizu noira nibwe. Peduru eto ali mutu aatwarutchile atu pwi siku nazilege Munemba Otchena. Eto nne Nimburo na Anokwa#16:18 Owu hehi milango da Nimburo na Anokwa. Ku wonga kopolo da ukwa. Tapulela ukwa kuza eto waagondjiha atu anafwanyeya munikuruni mwa Yesu. kaniza nigondjiha nikuru naga! 19Miyo nnouvaha maxavi a Umwene wa zulu. Jatene jinamangege we mwilamboni ya vati, na zulu wene jinerege mangiwa. Eto jatene jinamasule we vati vano, na zulu wene jinerege masuliwa.>>#16:19 Miyo nnouvaha maxavi a Umwene wa zulu. Na ibaribari Yesu anvahile Peduru maxavi ira ahule mulango ira aJudewu kavolowe Umwene wa zulu siku nazilege Munemba Otchena. (Joira ja Anamarumiwa 2:14,38-41) Tchoira aalaleyile atu ali liye. Eto Yesu anvahile Peduru maxavi ira ahule mulango ira atu ohokala aJudewu kavolowe Umwene wa zulu siku naalaleyile liye akuda Korneliyo. (Joira ja Anamarumiwa 10:34-48, 15:7) Mazu a Matewuji 18:18-20 anawonga ira Yesu aavahile anamamuharaye atene utongi omanga no masula ja Umwene wa Mulugu. Hiyo eto muwari moileri mazu a Mulugu kalrembile atu, nnowanda iziwa jimangile atu ira nahairegena. Eto muwari mwa Mazu anno, nnowanda iziwa jengo jimasuliwe ira hiyo niiregena. Ku wonga mazu Peduru alrembile liye ba mazu alrembile liye muwari mwa kopolo da Munemba Otchena ira hiyo niiregena. 20Noira enne, ohawandelaga anamamuharaye ale moakokomeza, liye ira: <<Kakalevo unafuna nyo muwandela ira Yesu gu Namatikeliwa!>>
Yesu ohowonga zela kwa waye no venya waye mokwani
Markuji 8:31-9:1; Lukaji 9:22-27
21Kuma evale Yesu ohoromaga aonihedamo anamamuharaye ale ira: <<Ili yofwanela didowe Jeruzalemu ira daonihiwe goyi na andimuwa a aJudewu, na andimuwa a anamakuta na anamafundjiha malamulo. Eto era eno, nnopiwa. Mbwenye siku naneraru nnovenya mokwani!>> 22Noira enne, mulombwana Peduru ohomudowana Yesu vokala ha vale, liye roma musumulula eraga: <<Nabwiya jejo kajiireye. Mulugu karumelihe ira jejo juufwanyeni nne vang'ono!>> 23Yesu mbwenye ohomuwakulaga Peduru eraga: <<Kakumawo sogolro waga wu, Satana we! Weyo uli mutu odigwagwadutcha! Mwasiwa weyo kunaumbuwela makalelo a Mulugu, mbwenye unaumbuwela nnga makalelo anaumbuwela atu a mwilamboni.>>
Yesu ohowonga zela makalelo omuhara
24Noira enne, Yesu ohowongaga na anamamuharaye ale eraga: <<Akala uhukalawo unafuna dihara miyo, inafwanela alramwise ingumi yaye, atukule muradi waye,#16:24 atukule muradi waye: Tapulela mutu afuna kala mutu omuhara Yesu, arumele onihiwa goyi no segedeya no simela muwari momuhara Yesu mule. Yesu kawongile ira nitukule muradi waye mbwenye nitukule muradi wehu. Ku wonga mutu akapatchaga ikwamutu yosema munikohini mwaye aumbuwelaga ira unakwakwaneliheda mazu a Yesu, mutuyo unaviringaniha. Jawonga Yesu kajali jejo. arome dihara! 25Tchoira mutu wenno unavende jovulumutcha ingumi yaye, liye unagomela iyelela ingumi ya ibaribari. Mbwenye mutu wenno unayelele ingumi yaye ya ilambo ya vati na mwasa wa miyo, unagomela kana ingumi ya ibaribari. 26Mutu adjavo jatene jili mwilamboni ya vati, amala apuzeya ingumi ya ibaribari, jaye jipile liye jinafuna jimpindulre nni? Tchoira mutu agapuzeyile ingumi yaye, kilivo yengo inawanda liye pagalri ira awande iwombola! 27Mwasiwa Mwana wa Mutu unaza aze na undimuwa wa Babaye, vamohi na angelro. Agazile, unerege mutambilriha kada mutu na mabasa ahinda liye. 28Na ibaribari nnouwandelani ira amohiwa anafwanyeya veva anoza kamuone Mwana wa Mutu azaga na umwene waye, aliwa kahanalawihe ukwa.>>#16:28 amohiwa anafwanyeya veva anoza kamuone Mwana wa Mutu azaga na umwene waye, aliwa kahanalawihe ukwa: Afwase mazwala kohokwakwanela muwari mwa Matewuji 17:1-8, tempu Peduru, Tiyagu na Juwawu kamuona atu Yesu agasanduwile akala otchena na makalelo ohokala a masika awongaga na Mozeji na Eliya.
ទើបបានជ្រើសរើសហើយ៖
Matewuji 16: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 16
16
AFarizewu na aSadusewu kohonvepa Yesu ionihedo
Markuji 8:11-13; Lukaji 12:54-56
1Evale aFarizewu na aSadusewu kohozaga wa Yesu ira kamuxixe, aliwa muwongana keraga: <<Hiyo nnafuna muniirele ionihedo imohi ira niwande kana ibaribari ira nyo mukumele zulu wa Mulugu!>> 2Yesu mbwenye ohawakulaga eraga: <<Nyo ora ya tchiguwo mwaona zulu wagali wofila, munawonga ira: <Zulu para kala wofila eni ku wonga metchelo unde unokala pama.> 3Mbwenye siku nimohi niwa mwaona zulu wagali wofila na mabebehi, muni: <Zulu uhukala mirambo dofila na dodiba. Ku wonga peno unde kunakala pama.> Mwairaga eno ku wonga nyo munowanda iziwa makalelo a zulu. Nnga akala munowanda tapulela jionihedo ja zulu, mwasiwa gwa nni nyo hawandaga tapulela jionihedo jotonyiheda tempu inna hiyo ila?#16:3 mwasiwa gwa nni nyo hawandaga tapulela jionihedo jotonyiheda tempu inna hiyo ila? Yesu anaagwihana mulandu aFarizewu na aSadusewu mwasiwa aliwa kowanda ing'ana zulu, onaga ibaribari zela makalelo kafuna unde kala. Mbwenye kagaonne matikiniho madjindjene aira Yesu, aliwa tchawandile kana ibaribari zela wewo wakumile Yesu. Ku wonga aliwa kohoona jionihedo jotonyiheda ira Namatikeliwa uhumala za. Mbwenye kagaonne matikiniho aira Yesu na kopolo dokumela zulu, aliwa eto kohoimwanana rumela ira Yesu ukumenle zulu. 4Atu a tempu ili hiyo ila ba atu abure, atu oraruwa. Anavepa ira kaone ionihedo. Mbwenye aliwa kinavahiwa ionihedo ili yatene yahali ionihedo ya mulombwana Jonasi.>>#16:4 ionihedo ya mulombwana Jonasi: Nione Matewuji 12:39-40. Sawasawa nnga Jonasi akumilemo mbani mwa somba agamanle malambo mararu, Yesu na liyene eto afuna amale malambo mararu vati va teya amala avenye mokwani. Nowonga enne, ohahiyaga evale, liye venyavo.
Leverina wa aFarizewu na aSadusewu
Markuji 8:14-21
5Anamamuharaye kalambuwaga, kadowaga kombela ya ule, kohodiwalaga tukula pawu. 6Noira enne, Yesu ohowongaga eraga: <<Polre polre. Inafwanela muwande rambela leverina wa aFarizewu na aSadusewu!>> 7Anamamuharaye ale kagavwile enne, kohoromaga wonga oka oka keraga: <<Yesu unawongela eni na mwasa oira kanitukunle pawu!>> 8Mwa enne Yesu ohowongaga eraga: <<Nyo atu oyeva nroromelo nyo! Kodi munawongela nni nyoka nyoka na mwasa ohokana pawu? 9Kodi na vanove kamunaonelremo? Kodi nne kamunaumbuwela pawu tanu daadjihilena miyo atu 5.000? Atu atene kagarumbanle, mwagudenlege migogoda mingasi da jejo jahanle? 10Eto dagaadjihile atu 4.000 na pawu tanu na mbinli mwagudenle migogoda mingasi da jodja jahanle? 11Mwasiwa gwa nni nyo hawandaga onelramo ira miyo kannawonga zela leverina wa pawu? Mbwenye nnawonga ira muwande rambela leverina wa aFarizewu na aSadusewu!>> 12Mwa enne pawandile onelramo anamamuharaye ale ira Yesu kawonga zela leverina onyakuwiha pawu. Mbwenye liye awonga zela jofundjiha ja aFarizewu na aSadusewu.#16:12 liye awonga zela jofundjiha ja aFarizewu na aSadusewu: Makalelo a aFarizewu na aSadusewu kalingana na leverina. Mwasiwa leverina wa vang'ono unomala kwakwana masa madjindji. Sawasawa eto makalelo a aFarizewu na aSadusewu kogaweya burebure. Yesu ohawendjeliha anamamuharaye ira: <<Polre polre tawiha ira jowonga na joumbuwela ja aFarizewu na ja aSadusewu jamwadeyaga jinaze jufwanyeni nyo.>>
Umboni wa Peduru zela Yesu
Markuji 8:27-30; Lukaji 9:18-21
13Evale Yesu agafiyile pandi ya Sezariya wa Filipi, ohafukaga anamamuharaye eraga: <<Kodi atu kadiona miyo Mwana wa Mutu, anadira dili ani?>> 14Evale aliwa kohowakulaga, aliwa ira: <<Atu amohiwa anauirani: <Juwawu Mbatizi>, amohiwa anauirani: <Eliya>, amohiwa anauirani: <Jeremiya>, amohiwa anauirani: <Namafiyiheda mmohiwa wa wanle!> >>
15Evale Yesu ohawelihedaga, liye ira: <<Nnga nyo? Kodi nyo mwadiona, munadiira ani?>> 16Agafukile enne, Simawu Peduru ohowonga ira: <<Nyo muli Namatikeliwa, Mwana Mulugu Okalawo!>> 17Noira enne, Yesu ohowongaga eraga: <<Orelihiwa gu weyo mulombwana Simawu mwana Jonasi, mwasiwa jejo jiwongile we, uuwandenle kahi mutu wa sangiri nne wa maningo. Mbwenye uuwandenle jejo gu Baba wenno uli zulu! 18Tchoira na miyene eto nnouwandela ira weyo Peduru nzina nawo tapulela nibwe. Eto mwa nibwe ni nnomanga nikuru naga.#16:18 mwa nibwe ni nnomanga nikuru naga: Peduru na iwongelo ya iGerego unalingana na nizu noira nibwe. Peduru eto ali mutu aatwarutchile atu pwi siku nazilege Munemba Otchena. Eto nne Nimburo na Anokwa#16:18 Owu hehi milango da Nimburo na Anokwa. Ku wonga kopolo da ukwa. Tapulela ukwa kuza eto waagondjiha atu anafwanyeya munikuruni mwa Yesu. kaniza nigondjiha nikuru naga! 19Miyo nnouvaha maxavi a Umwene wa zulu. Jatene jinamangege we mwilamboni ya vati, na zulu wene jinerege mangiwa. Eto jatene jinamasule we vati vano, na zulu wene jinerege masuliwa.>>#16:19 Miyo nnouvaha maxavi a Umwene wa zulu. Na ibaribari Yesu anvahile Peduru maxavi ira ahule mulango ira aJudewu kavolowe Umwene wa zulu siku nazilege Munemba Otchena. (Joira ja Anamarumiwa 2:14,38-41) Tchoira aalaleyile atu ali liye. Eto Yesu anvahile Peduru maxavi ira ahule mulango ira atu ohokala aJudewu kavolowe Umwene wa zulu siku naalaleyile liye akuda Korneliyo. (Joira ja Anamarumiwa 10:34-48, 15:7) Mazu a Matewuji 18:18-20 anawonga ira Yesu aavahile anamamuharaye atene utongi omanga no masula ja Umwene wa Mulugu. Hiyo eto muwari moileri mazu a Mulugu kalrembile atu, nnowanda iziwa jimangile atu ira nahairegena. Eto muwari mwa Mazu anno, nnowanda iziwa jengo jimasuliwe ira hiyo niiregena. Ku wonga mazu Peduru alrembile liye ba mazu alrembile liye muwari mwa kopolo da Munemba Otchena ira hiyo niiregena. 20Noira enne, ohawandelaga anamamuharaye ale moakokomeza, liye ira: <<Kakalevo unafuna nyo muwandela ira Yesu gu Namatikeliwa!>>
Yesu ohowonga zela kwa waye no venya waye mokwani
Markuji 8:31-9:1; Lukaji 9:22-27
21Kuma evale Yesu ohoromaga aonihedamo anamamuharaye ale ira: <<Ili yofwanela didowe Jeruzalemu ira daonihiwe goyi na andimuwa a aJudewu, na andimuwa a anamakuta na anamafundjiha malamulo. Eto era eno, nnopiwa. Mbwenye siku naneraru nnovenya mokwani!>> 22Noira enne, mulombwana Peduru ohomudowana Yesu vokala ha vale, liye roma musumulula eraga: <<Nabwiya jejo kajiireye. Mulugu karumelihe ira jejo juufwanyeni nne vang'ono!>> 23Yesu mbwenye ohomuwakulaga Peduru eraga: <<Kakumawo sogolro waga wu, Satana we! Weyo uli mutu odigwagwadutcha! Mwasiwa weyo kunaumbuwela makalelo a Mulugu, mbwenye unaumbuwela nnga makalelo anaumbuwela atu a mwilamboni.>>
Yesu ohowonga zela makalelo omuhara
24Noira enne, Yesu ohowongaga na anamamuharaye ale eraga: <<Akala uhukalawo unafuna dihara miyo, inafwanela alramwise ingumi yaye, atukule muradi waye,#16:24 atukule muradi waye: Tapulela mutu afuna kala mutu omuhara Yesu, arumele onihiwa goyi no segedeya no simela muwari momuhara Yesu mule. Yesu kawongile ira nitukule muradi waye mbwenye nitukule muradi wehu. Ku wonga mutu akapatchaga ikwamutu yosema munikohini mwaye aumbuwelaga ira unakwakwaneliheda mazu a Yesu, mutuyo unaviringaniha. Jawonga Yesu kajali jejo. arome dihara! 25Tchoira mutu wenno unavende jovulumutcha ingumi yaye, liye unagomela iyelela ingumi ya ibaribari. Mbwenye mutu wenno unayelele ingumi yaye ya ilambo ya vati na mwasa wa miyo, unagomela kana ingumi ya ibaribari. 26Mutu adjavo jatene jili mwilamboni ya vati, amala apuzeya ingumi ya ibaribari, jaye jipile liye jinafuna jimpindulre nni? Tchoira mutu agapuzeyile ingumi yaye, kilivo yengo inawanda liye pagalri ira awande iwombola! 27Mwasiwa Mwana wa Mutu unaza aze na undimuwa wa Babaye, vamohi na angelro. Agazile, unerege mutambilriha kada mutu na mabasa ahinda liye. 28Na ibaribari nnouwandelani ira amohiwa anafwanyeya veva anoza kamuone Mwana wa Mutu azaga na umwene waye, aliwa kahanalawihe ukwa.>>#16:28 amohiwa anafwanyeya veva anoza kamuone Mwana wa Mutu azaga na umwene waye, aliwa kahanalawihe ukwa: Afwase mazwala kohokwakwanela muwari mwa Matewuji 17:1-8, tempu Peduru, Tiyagu na Juwawu kamuona atu Yesu agasanduwile akala otchena na makalelo ohokala a masika awongaga na Mozeji na Eliya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral