Matewuji 15
15
Yesu ohasumulula aFarizewu
Markuji 7:1-13
1Mwa enne kohozaga wa Yesu anamafundjiha malamulo na aFarizewu, kakumelaga Jeruzalemu, aliwa nfuka keraga: 2<<Kodi mwasiwa gwa nni anamauharawo aliwa viringanihaga sanganiko da makolo a wanle? Tchoira aliwa anodja kahanahambemo movirihamo makalelo anera hiyo!>>#15:2 anodja kahanahambemo: Zela mangano a aFarizewu, nione eto Markuji 7:1-7. 3Yesu mbwenye ohawakulaga eraga: <<Nnga nyo, kodi mwasiwa gwa nni nyo viringanihaga malamulo a Mulugu na mwasa wa sanganiko nnahara nyo? 4Tchoira Mulugu ohowonga ira: <Umurihedege babawo na mmawo.> Eto Mulugu ohowonga ira: <Mutu wenno unawonge ubure zela babaye, nari zela mmaye, apiwe!>#Ezodu 21:17 5Mbwenye nyo muhuwanda futukula jejo jiwongile Mulugu, nyo sakanya nlamulo nenyu noira: <Akala mutu ohokana yengo yafuna liye mukamihedana babaye nari mmaye moariheda, mbwenye liye awonga ira: <<Miyo yenna dihivelela wa Mulugu!>>, vo mbwenye mutule liye podi haakamiheda eto haariheda ababaye ale.>#15:5 nyo muhuwanda futukula jejo jiwongile Mulugu: Mazwala ananiwandela ira malambo a mundulri aFarizewu kohokana makalelo oaimanana ababiwa jengo. Akala yohokala yengo yofwanela ira kaavahe ababiwa, aliwa kawonga ira: <<Yenna dihivelela wa Mulugu. Kavali jowandeya ira daavahe ababaga.>> Nomala eno, kodowa, aliwa idja yengwele okave. Eto keragana eno, aFarizewu kaumbuwela ira: <<Nnasakanya pama.>> 6Na makalelo anno, nyo munatukula sanganiko denyu, nyo kwihana mazu a Mulugu. 7Nyo angongomwa nyo! Nona namafiyiheda Izaiya awonga ibaribari zela nyo afiyihedaga mazu a Mulugu oira:
8 <Atwayo anaditamalela miyo na milomo bahi. Mbwenye murima wewa uli olapela wene na miyo. 9Eto aliwa kaditamalelaga, anaditamalela vasayi. Eto aliwa anafundjiha jofundjiha ja atu, aliwa wesaga nnga ti jofundjiha jaga.> >>
Jengo jinamutakaliha mutu
Markuji 7:14-23
10Noira enne, Yesu ohaitanaga anamwindji kafwanyeyaga evale, liye awandela eraga: <<Muvuruwane pama inafuna miyo uwandelani ira muwande onelramo. 11Yengo inavolowa wanoni wa mutu kinamutakaliha mutu. Mbwenye inamutakaliha mutu tcheniyo inakuma wanoni wa mutu.>> 12Noira enne, anamamuharaye ale kohozaga wa Yesu kawongaga keraga: <<Kodi nyo muhuiziwa ira aFarizewu kagavwile jatene jiwongile nyo jile, kohotakaleliwa?>> 13Yesu ohawakulaga, liye ira: <<Mutengo uli watene ahazaliwe na Baba wa zulu, unoduliwa! 14Kaahiyeni eno. Aliwa ba asogolrelri ohoona. Mutu ohoona afuna jomusogolrelra maliba haona nfwaye, ambinlene anagomela morela nkwegweni!>>
15Evale mulombwana Peduru ohowongaga eraga: <<Niwandeleni yotapulela ya mazu mwawongile nyo ale!>> 16Yesu ohowakulaga eraga: <<Evale na vano na nyenne kamunawandeve onelramo? 17Kodi nyo kamunawanda iziwa ira yengo yavolowa wanoni inadowa munifuni, yakuma munifuni, kumela unde? 18Mbwenye yenno inakumela wanoni wa mutu inakumela mmirimani. Yeniyo mbwenye tchinamutakaliha mutu! 19Mwasiwa mmirimani munokuma joumbuwela jabure, jompa mutu, raruwa, unyambi, uba, umboni onama no luluvihana. 20Jengo jeji ti jejo jinamutakaliha mutu! Mbwenye dja eno ohohambamwene kunamutakaliha mutu uli watene.>>
Yesu ohonvulumutcha mwana wa nkuda Kana
21Yesu ohokumaga vali liye, liye susa, dowa ilambo yenno wafwanyeya sidadi da Tiru na Sidoni.#15:21 sidadi da Tiru na Sidoni: Sidadi dedo dafwanyeya unde wa ilambo ya Izarayeli. Fendo yenno tchi imohive Yesu akumile liye ilambo yakala aIzarayeli muwari mwa mabasaye olaleya no avulumutcha arenda. 22Evale muhiyana mmohi nkuda Kana,#15:22 nkuda Kana: Ku wonga kaali muJudewu. Nione Markuji 7:26. akaletcha mwilamboni mwemule, ohozaga wa Yesu amukuwelaga eraga: <<So Nabwiya, Mwana Davi, diwendeleni tangaranga miyo vano. Mwasiwa mwanaga wa muhiyana unozuzumihiwa na munemba wabure na makalelo ohokala a masika!>> 23Yesu mbwenye kamuwakunlege. Evale anamamuharaye kohozaga vafwanyeya Yesu vale, aliwa za nvepa keraga: <<Kamuwongenani muhiyanole awele, adowege. Mwasiwa unosimbwa nihara akuwaga mundulri mwihu!>> 24Yesu mbwenye ohawakulaga eraga: <<Miyo dirumiwaga, dazela mabila odimela a nlogo na aIzarayeli!>>#15:24 dazela mabila odimela a nlogo na aIzarayeli: Fwanyeya ira anamamuhara Yesu kafuna ira Yesu amutamangihe muhiyanole eto liye kamutamangihile. So liye ohorumela ira mabasa malukulu anna liye ali muwari mwa aJudewu. Yesu ahanakwe, aarumile anamamuharaye ira kaalaleyege aIzarayeli ve. (Matewuji 10:6) Mbwenye agakwile, agavennye mokwani, ahanadowe zulu, liye oharuma anamamuharaye ira kaalaleye atu a malogo matene. (Matewuji 28:18-20) 25Eto muhiyanole ohofiyaga wa Yesu, liye mukokorela, amuwongagana eraga: <<Nabwiya, dikamihedeni!>> 26Yesu ohomuwakulaga, liye ira: <<Kahi pama awaka ahima pawu, dowa atatilela ana anambwa.>> 27Evale muhiyanole ohomuwakulaga eraga: <<He, Nabwiya pu mwemo munawongela nyo! Mbwenye masiki eno, ana anambwa anodowa mutchindo mwa meza ya mbwiyiwa, aliwa dodelaga jinyenyeri jinamorela vati!>> 28Evale Yesu ohomuwakulaga eraga: <<Muhiyana we, nroromelo nawo ti nlukulu. Uireliwe yenno ifunne we!>>#15:26-28 Kahi pama awaka ahima pawu, dowa atatilela ana anambwa. Malambo awenda Yesu mwilamboni ya vati, liye mabasaye ali ira alabe muwari mwa aIzarayeli. Eto fwanyeya ira atu ohokala aJudewu okana nroromelo kovahiwa upama muwari momuroromela. Mwanambwa odja jinyenyeri jinamora vameza unofiyeda rumbala kwaranya mwana wenno ukondile dja. Tchoira Yesu agali waniwa Nazareti, kasimbwile irana matikiniho. Mbwenye Yesu agadowile wandamelana sidadi da Tiru na Sidoni, awandile vulumutchiwa ali mwana wa nkuda Kana. Eto fwanyeya ira muwari mwa ukwa wa Yesu, kavihanle mazu oira: <<Kahi pama awaka ahima pawu, dowa atatilela ana anambwa.>> Nione Efezo 2:11-16. Mwa enne tempu imohive yawonga Yesu mazwale, muhiyanole mwanaye ohovulumuwaga.
Yesu ohavulumutcha atu adjindji
29Yesu ohovenyaga, liye dowa tcherela ya ntiya na Galileya,#15:29 ntiya na Galileya: Ku wonga liye ali muwari mwa ilambo yakala aIzarayeli akoka. noira enne ohodowaga, liye gwela mwangoni garati wewule. 30Evale anamwindji oindjivetchetcha kohazagana aliba rangala, aliba haona, atu ohowonga, aliba howenda, na amohiwa oindjivene, aliwa ahiyaga valigi Yesu. Evale liye ohavulumutchaga. 31Agaavulumutchile, mwindji wa atwale kafwanyeya evale kagaaonne aliba hawonga kawongaga, aliba rangala kavulumuwaga, aliba hawenda kawendaga na aliba haona kaonaga, aliwa kohotikinaga. Eto mwa enne aliwa komutitimihaga Mulugu wa Izarayeli.
Yesu ohadjiha atu fendo yanembinli
Markuji 8:1-10
32Noira enne, Yesu ohaitana anamamuharaye, liye awandela eraga: <<Miyo nnoakumbanya anamwindjala, mwasiwa aliwa kohomala malambo mararu kagali na miyo eto kinna yengo ira kadje. Eto miyo kannafuna ira daalanye aliwa kadowege eno na ndala diwa dene, tawiha ira anahileye mundila kadowaga.>> 33Evale anamamuharaye kohomuwandelaga keraga: <<Nnga hiyo naone waani pawu didjindji nimburo mwahali yengo muli hiyo muno dokwakwana ira atu atene anna kadje?>> 34Noira enne, Yesu ohafukaga, liye ira: <<Nnga nyo munna pawu dingasi?>> Aliwa kohowakulaga, aliwa ira: <<Ninna pawu tanu na mbinli vamohi na somba ding'onong'ono dingasi dingasi.>> 35Evale Yesu ohawongana anamwindjale ira: <<Kagaratini vati.>> 36Noira enne, ohotukulaga pawu tanu na mbinli dile na somba dile, liye mutamalelana Mulugu. Nomala eno, ohoroma meya, liye avaheda anamamuharaye, aliwa roma agawelaga anamwindji atene kafwanyeya evale. 37Atene kohodja, aliwa rumbala, fiyeda tchelela jodja jile. Evale kohogudelaga jodja jatene jahanle, fiyeda zala migogoda mitanu na minli. 38Fwanyeya ira atu kadjilege jodja jile, alombwana ve kali 4.000, hiya ahiyana na ahima. 39Noira enne, Yesu ohalanyaga anamwindjale, liye gwela mmwadeyani, dowaga pandi ya Magada.
ទើបបានជ្រើសរើសហើយ៖
Matewuji 15: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 15
15
Yesu ohasumulula aFarizewu
Markuji 7:1-13
1Mwa enne kohozaga wa Yesu anamafundjiha malamulo na aFarizewu, kakumelaga Jeruzalemu, aliwa nfuka keraga: 2<<Kodi mwasiwa gwa nni anamauharawo aliwa viringanihaga sanganiko da makolo a wanle? Tchoira aliwa anodja kahanahambemo movirihamo makalelo anera hiyo!>>#15:2 anodja kahanahambemo: Zela mangano a aFarizewu, nione eto Markuji 7:1-7. 3Yesu mbwenye ohawakulaga eraga: <<Nnga nyo, kodi mwasiwa gwa nni nyo viringanihaga malamulo a Mulugu na mwasa wa sanganiko nnahara nyo? 4Tchoira Mulugu ohowonga ira: <Umurihedege babawo na mmawo.> Eto Mulugu ohowonga ira: <Mutu wenno unawonge ubure zela babaye, nari zela mmaye, apiwe!>#Ezodu 21:17 5Mbwenye nyo muhuwanda futukula jejo jiwongile Mulugu, nyo sakanya nlamulo nenyu noira: <Akala mutu ohokana yengo yafuna liye mukamihedana babaye nari mmaye moariheda, mbwenye liye awonga ira: <<Miyo yenna dihivelela wa Mulugu!>>, vo mbwenye mutule liye podi haakamiheda eto haariheda ababaye ale.>#15:5 nyo muhuwanda futukula jejo jiwongile Mulugu: Mazwala ananiwandela ira malambo a mundulri aFarizewu kohokana makalelo oaimanana ababiwa jengo. Akala yohokala yengo yofwanela ira kaavahe ababiwa, aliwa kawonga ira: <<Yenna dihivelela wa Mulugu. Kavali jowandeya ira daavahe ababaga.>> Nomala eno, kodowa, aliwa idja yengwele okave. Eto keragana eno, aFarizewu kaumbuwela ira: <<Nnasakanya pama.>> 6Na makalelo anno, nyo munatukula sanganiko denyu, nyo kwihana mazu a Mulugu. 7Nyo angongomwa nyo! Nona namafiyiheda Izaiya awonga ibaribari zela nyo afiyihedaga mazu a Mulugu oira:
8 <Atwayo anaditamalela miyo na milomo bahi. Mbwenye murima wewa uli olapela wene na miyo. 9Eto aliwa kaditamalelaga, anaditamalela vasayi. Eto aliwa anafundjiha jofundjiha ja atu, aliwa wesaga nnga ti jofundjiha jaga.> >>
Jengo jinamutakaliha mutu
Markuji 7:14-23
10Noira enne, Yesu ohaitanaga anamwindji kafwanyeyaga evale, liye awandela eraga: <<Muvuruwane pama inafuna miyo uwandelani ira muwande onelramo. 11Yengo inavolowa wanoni wa mutu kinamutakaliha mutu. Mbwenye inamutakaliha mutu tcheniyo inakuma wanoni wa mutu.>> 12Noira enne, anamamuharaye ale kohozaga wa Yesu kawongaga keraga: <<Kodi nyo muhuiziwa ira aFarizewu kagavwile jatene jiwongile nyo jile, kohotakaleliwa?>> 13Yesu ohawakulaga, liye ira: <<Mutengo uli watene ahazaliwe na Baba wa zulu, unoduliwa! 14Kaahiyeni eno. Aliwa ba asogolrelri ohoona. Mutu ohoona afuna jomusogolrelra maliba haona nfwaye, ambinlene anagomela morela nkwegweni!>>
15Evale mulombwana Peduru ohowongaga eraga: <<Niwandeleni yotapulela ya mazu mwawongile nyo ale!>> 16Yesu ohowakulaga eraga: <<Evale na vano na nyenne kamunawandeve onelramo? 17Kodi nyo kamunawanda iziwa ira yengo yavolowa wanoni inadowa munifuni, yakuma munifuni, kumela unde? 18Mbwenye yenno inakumela wanoni wa mutu inakumela mmirimani. Yeniyo mbwenye tchinamutakaliha mutu! 19Mwasiwa mmirimani munokuma joumbuwela jabure, jompa mutu, raruwa, unyambi, uba, umboni onama no luluvihana. 20Jengo jeji ti jejo jinamutakaliha mutu! Mbwenye dja eno ohohambamwene kunamutakaliha mutu uli watene.>>
Yesu ohonvulumutcha mwana wa nkuda Kana
21Yesu ohokumaga vali liye, liye susa, dowa ilambo yenno wafwanyeya sidadi da Tiru na Sidoni.#15:21 sidadi da Tiru na Sidoni: Sidadi dedo dafwanyeya unde wa ilambo ya Izarayeli. Fendo yenno tchi imohive Yesu akumile liye ilambo yakala aIzarayeli muwari mwa mabasaye olaleya no avulumutcha arenda. 22Evale muhiyana mmohi nkuda Kana,#15:22 nkuda Kana: Ku wonga kaali muJudewu. Nione Markuji 7:26. akaletcha mwilamboni mwemule, ohozaga wa Yesu amukuwelaga eraga: <<So Nabwiya, Mwana Davi, diwendeleni tangaranga miyo vano. Mwasiwa mwanaga wa muhiyana unozuzumihiwa na munemba wabure na makalelo ohokala a masika!>> 23Yesu mbwenye kamuwakunlege. Evale anamamuharaye kohozaga vafwanyeya Yesu vale, aliwa za nvepa keraga: <<Kamuwongenani muhiyanole awele, adowege. Mwasiwa unosimbwa nihara akuwaga mundulri mwihu!>> 24Yesu mbwenye ohawakulaga eraga: <<Miyo dirumiwaga, dazela mabila odimela a nlogo na aIzarayeli!>>#15:24 dazela mabila odimela a nlogo na aIzarayeli: Fwanyeya ira anamamuhara Yesu kafuna ira Yesu amutamangihe muhiyanole eto liye kamutamangihile. So liye ohorumela ira mabasa malukulu anna liye ali muwari mwa aJudewu. Yesu ahanakwe, aarumile anamamuharaye ira kaalaleyege aIzarayeli ve. (Matewuji 10:6) Mbwenye agakwile, agavennye mokwani, ahanadowe zulu, liye oharuma anamamuharaye ira kaalaleye atu a malogo matene. (Matewuji 28:18-20) 25Eto muhiyanole ohofiyaga wa Yesu, liye mukokorela, amuwongagana eraga: <<Nabwiya, dikamihedeni!>> 26Yesu ohomuwakulaga, liye ira: <<Kahi pama awaka ahima pawu, dowa atatilela ana anambwa.>> 27Evale muhiyanole ohomuwakulaga eraga: <<He, Nabwiya pu mwemo munawongela nyo! Mbwenye masiki eno, ana anambwa anodowa mutchindo mwa meza ya mbwiyiwa, aliwa dodelaga jinyenyeri jinamorela vati!>> 28Evale Yesu ohomuwakulaga eraga: <<Muhiyana we, nroromelo nawo ti nlukulu. Uireliwe yenno ifunne we!>>#15:26-28 Kahi pama awaka ahima pawu, dowa atatilela ana anambwa. Malambo awenda Yesu mwilamboni ya vati, liye mabasaye ali ira alabe muwari mwa aIzarayeli. Eto fwanyeya ira atu ohokala aJudewu okana nroromelo kovahiwa upama muwari momuroromela. Mwanambwa odja jinyenyeri jinamora vameza unofiyeda rumbala kwaranya mwana wenno ukondile dja. Tchoira Yesu agali waniwa Nazareti, kasimbwile irana matikiniho. Mbwenye Yesu agadowile wandamelana sidadi da Tiru na Sidoni, awandile vulumutchiwa ali mwana wa nkuda Kana. Eto fwanyeya ira muwari mwa ukwa wa Yesu, kavihanle mazu oira: <<Kahi pama awaka ahima pawu, dowa atatilela ana anambwa.>> Nione Efezo 2:11-16. Mwa enne tempu imohive yawonga Yesu mazwale, muhiyanole mwanaye ohovulumuwaga.
Yesu ohavulumutcha atu adjindji
29Yesu ohovenyaga, liye dowa tcherela ya ntiya na Galileya,#15:29 ntiya na Galileya: Ku wonga liye ali muwari mwa ilambo yakala aIzarayeli akoka. noira enne ohodowaga, liye gwela mwangoni garati wewule. 30Evale anamwindji oindjivetchetcha kohazagana aliba rangala, aliba haona, atu ohowonga, aliba howenda, na amohiwa oindjivene, aliwa ahiyaga valigi Yesu. Evale liye ohavulumutchaga. 31Agaavulumutchile, mwindji wa atwale kafwanyeya evale kagaaonne aliba hawonga kawongaga, aliba rangala kavulumuwaga, aliba hawenda kawendaga na aliba haona kaonaga, aliwa kohotikinaga. Eto mwa enne aliwa komutitimihaga Mulugu wa Izarayeli.
Yesu ohadjiha atu fendo yanembinli
Markuji 8:1-10
32Noira enne, Yesu ohaitana anamamuharaye, liye awandela eraga: <<Miyo nnoakumbanya anamwindjala, mwasiwa aliwa kohomala malambo mararu kagali na miyo eto kinna yengo ira kadje. Eto miyo kannafuna ira daalanye aliwa kadowege eno na ndala diwa dene, tawiha ira anahileye mundila kadowaga.>> 33Evale anamamuharaye kohomuwandelaga keraga: <<Nnga hiyo naone waani pawu didjindji nimburo mwahali yengo muli hiyo muno dokwakwana ira atu atene anna kadje?>> 34Noira enne, Yesu ohafukaga, liye ira: <<Nnga nyo munna pawu dingasi?>> Aliwa kohowakulaga, aliwa ira: <<Ninna pawu tanu na mbinli vamohi na somba ding'onong'ono dingasi dingasi.>> 35Evale Yesu ohawongana anamwindjale ira: <<Kagaratini vati.>> 36Noira enne, ohotukulaga pawu tanu na mbinli dile na somba dile, liye mutamalelana Mulugu. Nomala eno, ohoroma meya, liye avaheda anamamuharaye, aliwa roma agawelaga anamwindji atene kafwanyeya evale. 37Atene kohodja, aliwa rumbala, fiyeda tchelela jodja jile. Evale kohogudelaga jodja jatene jahanle, fiyeda zala migogoda mitanu na minli. 38Fwanyeya ira atu kadjilege jodja jile, alombwana ve kali 4.000, hiya ahiyana na ahima. 39Noira enne, Yesu ohalanyaga anamwindjale, liye gwela mmwadeyani, dowaga pandi ya Magada.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral