Matewuji 14
14
Kwa wa Juwawu Mbatizi
Markuji 6:14-29; Lukaji 9:7-9
1Mwa tempu yenne, mwene Erodi ohovwaga atu kawongaga zela joira ja Yesu. 2Mwa enne ohowongaga na anamalabaye eraga: <<Wenno nnanvwa miyo kamuwongaga gu Juwawu Mbatizi, wire venya mokwani. Nona awandaga sakanya matikiniho matene anavwa miyo ala.>>
3-4Ira Erodi aze awonge eno, mwasiwa na ibaribari malambo a mundulri Erodi ohomuhinda Juwawu, mmangiha eto liye muheliha mukadeya na mwasa wa muhiyanaye Erodiya. Tchoira Erodiya aromile teliwa na Erodi mbalaye wenno aitaniwa Filipi. Evale Erodi ule ere mukumiha mmba. Juwawu akaleletcha musumulula Erodi ira: <<Mwa malamulo a Mulugu, kavili jowandeya ira weyo unonkana muhiyana wenno.>> 5Na mwasa wenne, mulombwana Erodi afuna jompa Juwawu. Mbwenye aaovetcha atu, mwasiwa mwa tempu yenne atu kohokana ibaribari ira mulombwana Juwawu ali namafiyiheda.
6Mwa enne siku nimohi mulombwana Erodi asakanyaga pwando yokwakwaniha yaka daye, mwana Erodiya wa muhiyana ohoinaga vamentoni va atu atene kaitaniwilege vapwandoni vale. Eto ina wainilege liye ule, mulombwana Erodi ohoziveliwa. 7Na mwasa wenne, oholumbela wa mwanole ira: <<Uwonge inafuna we, miyo nnouvaha!>> 8Evale mwanole muwari mowandeliwa na mmaye, ohonvepa Erodi, liye ira: <<Miyo nnafuna muru wa Juwawu Mbatizi mparatoni!>>
9Evale mwene Erodi agavwile enne, ohosanyeyaga valukulu. Mbwenye voira oholumbela eto na mwasa wa alendo kafwanyeya vameza vale, 10oharumaga atwaye ira kadowe kadeya, kagwade muru wa Juwawu Mbatizi, kaze kanvahe mwanole. 11Mwa enne kohozagana muru wa Juwawu mparatoni, aliwa nvaheda namwali ule. Liye tukula dowana wa mmaye. 12Noira enne, anamamuharaye kohozaga, aliwa tukula maningo a Juwawu ale, dowa mukoya. Evale kohomaruwaga, aliwa dowa muwandela Yesu.
Yesu ohadjiha atu adjindji
Markuji 6:30-44; Lukaji 9:10-17; Juwawu 6:1-14
13Yesu agavwile zela ukwa wa Juwawu Mbatizi, ohovenya vali liye, liye gwela mwadeya dowaga ekave nimburo eni wahali atu. Mwa enne mwindji wa atu ale kagaiziwile ejile, kohomaruwa, aliwa roma muhara na mendo kuma tatamo da vakwikwive ante kadowaga wewo wafuna liye lambuwela. 14Evale Yesu atitaga mmwadeyani mule, agaaonne anamwindjale, ohokagana tangaranga zela atwale. Mwa enne, ohoroma avulumutcha arenda kafwanyeya muwari mwa aliwa.
15Evale yagafiyile itchiguwo tchiguwo, kohozaga anamamuharaye kamuwandelaga keraga: <<Nimburo nnafwanyeya hiyo ni, ti nimburo mwahalive yengo. Eto eni nzuwa nihimala vira. Kaagunyeni atwala ira kadowe tatamo diwandamenle wewuno ira kagule jodja jiwa.>> 16Yesu mbwenye ohawakulaga eraga: <<Aliwa kidowe. Inafwanela nyenne mwaavahe yodja!>> 17Evale aliwa kohomuwandelaga keraga: <<Hiyo uno kaninnawo yodja ira nnowanda avaha atwala kadje. So ninna pawu tanu na somba mbinli bahi.>> 18Evale liye ohowongaga eraga: <<Kazanani uno!>> 19Noira enne, oharumaga anamwindjale ira kagarati vatongweni. Evale Yesu ohotukulaga pawu tanu na somba mbinli dile, liye ing'aniha meso zulu, liye reliha. Nomala enne, ohomeyaga pawu dile, liye avaheda anamamuharaye ira kaagawelege anamwindjale. 20Evale atene kohodjaga, aliwa rumbala, fiyeda tchelela jodja. Eto zela johala jejo jahanlege jile, kagagudenle vamohive, dohozalaga migogoda kumi na minli. 21Fwanyeya ira muwari mwa aliba dja atene, alombwana ve kohokwakwana nnga 5.000, hiya ahiyana na ahima.
Yesu ohowenda vazulu va mahindje
Markuji 6:45-52; Juwawu 6:15-21
22Kagairile enne, mohodibeliwa Yesu oharuma anamamuharaye ira kagwele mwadeya kasogolrege, kalambuwe ira kadowe kombela ya ule ya ntiya nne. Mbwenye liye ohalaga vang'ono, liye alanyaga anamwindji kafwanyeya vevale ira kadowege mmavande mwiwa. 23Evale liye agamanle alanya atwale, ohogwelaga mwangoni ira adowe alobele ekave. Nzuwa nagavirile, unde udibaga, Yesu ohokala mwangoni ule ekawo. 24Fwanyeya ira mwa tempu yenne anamamuharaye ale mmwadeyani mwali atu kohofiyaga vari va ntiya. Eto mahindje omanganyeya kohoza roma vandaga mwadeya ule na kopolo na mwasa oira nipevo nakumela sogolro wewa andunyelaga mundulri. 25Mbwenye unde uromaga tcha, Yesu ohodowa wewule, awendaga vazulu va mahindje. 26Mwa enne anamamuharaye ale kagamuonne Yesu azaga awendaga vazulu va mahindje, kohorendjeyaga, aliwa ira: <<Wenne gu yotanduwa!>> Eto kohokuwaga moova. 27Yesu mbwenye mobaranya ohawandelaga eraga: <<Kamukukumuwe, gu miyo vano! Kamuove.>>
28Evale mulombwana Peduru ohomuwakulaga eraga: <<Nabwiya akala gu nyo, dirumeni ira diwende vazulu va mahindje, difiye vili nyo vo!>> 29Yesu ohomuwakulaga eraga: <<Kaza!>> Mwa enne Peduru ohotitaga mmwadeyani mule, liye roma wenda vazulu va mahindje adowaga wali Yesu. 30Mbwenye agaonne nipevo nne niombaga na makalelo abure ale, ohoovaga eto ohoromaga bwina. Evale ohomukuwelaga Yesu eraga: <<Nabwiya divulumutcheni!>> 31Mobaranya Yesu ohotapulaga ndanda naye, liye muhinda, amuwandelaga eraga: <<We mutu oyeva nroromelo we! Kodi wakayikelela nni?>> 32Noira enne, kagagwenle mmwadeyani mule, nipevo nne nohomiyalaga. 33Mwa enne ale kafwanyeya mmwadeyani mule kohomutamalelaga keraga: <<Na ibaribari nyo munafwanyeya mwagali Mwana Mulugu.>>
Yesu ohavulumutcha atu oindjiva ilambo ya Jenezare
Markuji 6:53-56
34Evale kagalambuwele kombela ya ule, kohofiyaga ilambo ya Jenezare. 35Mwa enne alombwana a ilambo yenne kagamuonne ira: <<Ula gu Yesu>>, kohorumihaga milanyo tatamo datene dawandamenle wewule, aliwa roma azagana arenda atene kafwanyeya mwilamboni mule. 36Evale kagazile, kohomuguzelaga Yesu mendo keraga: <<Hiyo nnauvepani ira nihinde magomo wa kapa yenyu bahi ira niwande vulumuwa!>> Mwa enne arenda atene kamuhinda magomelo wa kapa yaye kovulumuwa.
ទើបបានជ្រើសរើសហើយ៖
Matewuji 14: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 14
14
Kwa wa Juwawu Mbatizi
Markuji 6:14-29; Lukaji 9:7-9
1Mwa tempu yenne, mwene Erodi ohovwaga atu kawongaga zela joira ja Yesu. 2Mwa enne ohowongaga na anamalabaye eraga: <<Wenno nnanvwa miyo kamuwongaga gu Juwawu Mbatizi, wire venya mokwani. Nona awandaga sakanya matikiniho matene anavwa miyo ala.>>
3-4Ira Erodi aze awonge eno, mwasiwa na ibaribari malambo a mundulri Erodi ohomuhinda Juwawu, mmangiha eto liye muheliha mukadeya na mwasa wa muhiyanaye Erodiya. Tchoira Erodiya aromile teliwa na Erodi mbalaye wenno aitaniwa Filipi. Evale Erodi ule ere mukumiha mmba. Juwawu akaleletcha musumulula Erodi ira: <<Mwa malamulo a Mulugu, kavili jowandeya ira weyo unonkana muhiyana wenno.>> 5Na mwasa wenne, mulombwana Erodi afuna jompa Juwawu. Mbwenye aaovetcha atu, mwasiwa mwa tempu yenne atu kohokana ibaribari ira mulombwana Juwawu ali namafiyiheda.
6Mwa enne siku nimohi mulombwana Erodi asakanyaga pwando yokwakwaniha yaka daye, mwana Erodiya wa muhiyana ohoinaga vamentoni va atu atene kaitaniwilege vapwandoni vale. Eto ina wainilege liye ule, mulombwana Erodi ohoziveliwa. 7Na mwasa wenne, oholumbela wa mwanole ira: <<Uwonge inafuna we, miyo nnouvaha!>> 8Evale mwanole muwari mowandeliwa na mmaye, ohonvepa Erodi, liye ira: <<Miyo nnafuna muru wa Juwawu Mbatizi mparatoni!>>
9Evale mwene Erodi agavwile enne, ohosanyeyaga valukulu. Mbwenye voira oholumbela eto na mwasa wa alendo kafwanyeya vameza vale, 10oharumaga atwaye ira kadowe kadeya, kagwade muru wa Juwawu Mbatizi, kaze kanvahe mwanole. 11Mwa enne kohozagana muru wa Juwawu mparatoni, aliwa nvaheda namwali ule. Liye tukula dowana wa mmaye. 12Noira enne, anamamuharaye kohozaga, aliwa tukula maningo a Juwawu ale, dowa mukoya. Evale kohomaruwaga, aliwa dowa muwandela Yesu.
Yesu ohadjiha atu adjindji
Markuji 6:30-44; Lukaji 9:10-17; Juwawu 6:1-14
13Yesu agavwile zela ukwa wa Juwawu Mbatizi, ohovenya vali liye, liye gwela mwadeya dowaga ekave nimburo eni wahali atu. Mwa enne mwindji wa atu ale kagaiziwile ejile, kohomaruwa, aliwa roma muhara na mendo kuma tatamo da vakwikwive ante kadowaga wewo wafuna liye lambuwela. 14Evale Yesu atitaga mmwadeyani mule, agaaonne anamwindjale, ohokagana tangaranga zela atwale. Mwa enne, ohoroma avulumutcha arenda kafwanyeya muwari mwa aliwa.
15Evale yagafiyile itchiguwo tchiguwo, kohozaga anamamuharaye kamuwandelaga keraga: <<Nimburo nnafwanyeya hiyo ni, ti nimburo mwahalive yengo. Eto eni nzuwa nihimala vira. Kaagunyeni atwala ira kadowe tatamo diwandamenle wewuno ira kagule jodja jiwa.>> 16Yesu mbwenye ohawakulaga eraga: <<Aliwa kidowe. Inafwanela nyenne mwaavahe yodja!>> 17Evale aliwa kohomuwandelaga keraga: <<Hiyo uno kaninnawo yodja ira nnowanda avaha atwala kadje. So ninna pawu tanu na somba mbinli bahi.>> 18Evale liye ohowongaga eraga: <<Kazanani uno!>> 19Noira enne, oharumaga anamwindjale ira kagarati vatongweni. Evale Yesu ohotukulaga pawu tanu na somba mbinli dile, liye ing'aniha meso zulu, liye reliha. Nomala enne, ohomeyaga pawu dile, liye avaheda anamamuharaye ira kaagawelege anamwindjale. 20Evale atene kohodjaga, aliwa rumbala, fiyeda tchelela jodja. Eto zela johala jejo jahanlege jile, kagagudenle vamohive, dohozalaga migogoda kumi na minli. 21Fwanyeya ira muwari mwa aliba dja atene, alombwana ve kohokwakwana nnga 5.000, hiya ahiyana na ahima.
Yesu ohowenda vazulu va mahindje
Markuji 6:45-52; Juwawu 6:15-21
22Kagairile enne, mohodibeliwa Yesu oharuma anamamuharaye ira kagwele mwadeya kasogolrege, kalambuwe ira kadowe kombela ya ule ya ntiya nne. Mbwenye liye ohalaga vang'ono, liye alanyaga anamwindji kafwanyeya vevale ira kadowege mmavande mwiwa. 23Evale liye agamanle alanya atwale, ohogwelaga mwangoni ira adowe alobele ekave. Nzuwa nagavirile, unde udibaga, Yesu ohokala mwangoni ule ekawo. 24Fwanyeya ira mwa tempu yenne anamamuharaye ale mmwadeyani mwali atu kohofiyaga vari va ntiya. Eto mahindje omanganyeya kohoza roma vandaga mwadeya ule na kopolo na mwasa oira nipevo nakumela sogolro wewa andunyelaga mundulri. 25Mbwenye unde uromaga tcha, Yesu ohodowa wewule, awendaga vazulu va mahindje. 26Mwa enne anamamuharaye ale kagamuonne Yesu azaga awendaga vazulu va mahindje, kohorendjeyaga, aliwa ira: <<Wenne gu yotanduwa!>> Eto kohokuwaga moova. 27Yesu mbwenye mobaranya ohawandelaga eraga: <<Kamukukumuwe, gu miyo vano! Kamuove.>>
28Evale mulombwana Peduru ohomuwakulaga eraga: <<Nabwiya akala gu nyo, dirumeni ira diwende vazulu va mahindje, difiye vili nyo vo!>> 29Yesu ohomuwakulaga eraga: <<Kaza!>> Mwa enne Peduru ohotitaga mmwadeyani mule, liye roma wenda vazulu va mahindje adowaga wali Yesu. 30Mbwenye agaonne nipevo nne niombaga na makalelo abure ale, ohoovaga eto ohoromaga bwina. Evale ohomukuwelaga Yesu eraga: <<Nabwiya divulumutcheni!>> 31Mobaranya Yesu ohotapulaga ndanda naye, liye muhinda, amuwandelaga eraga: <<We mutu oyeva nroromelo we! Kodi wakayikelela nni?>> 32Noira enne, kagagwenle mmwadeyani mule, nipevo nne nohomiyalaga. 33Mwa enne ale kafwanyeya mmwadeyani mule kohomutamalelaga keraga: <<Na ibaribari nyo munafwanyeya mwagali Mwana Mulugu.>>
Yesu ohavulumutcha atu oindjiva ilambo ya Jenezare
Markuji 6:53-56
34Evale kagalambuwele kombela ya ule, kohofiyaga ilambo ya Jenezare. 35Mwa enne alombwana a ilambo yenne kagamuonne ira: <<Ula gu Yesu>>, kohorumihaga milanyo tatamo datene dawandamenle wewule, aliwa roma azagana arenda atene kafwanyeya mwilamboni mule. 36Evale kagazile, kohomuguzelaga Yesu mendo keraga: <<Hiyo nnauvepani ira nihinde magomo wa kapa yenyu bahi ira niwande vulumuwa!>> Mwa enne arenda atene kamuhinda magomelo wa kapa yaye kovulumuwa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral