Matewuji 11
11
Yofuka ya Juwawu Mbatizi
Lukaji 7:18-35
1Yesu agamanle afundjiha anamamuharaye kumi na ambinli ale jatene ejile, ohovenyaga evale dowa sidadi da ilambo yenne, roma afundjihaga eto aalaleyaga atu kafwanyeya emule.
2Mwa tempu yenne Juwawu Mbatizi afwanyeya mukadeya. Evale liye agavwile mukadeya emule zela mabasa ahinda Kiristu, oharumaga anamamuharaye eraga: 3<<Mudowe mwanfuke muire: <Kodi Namatikeliwa wenno afuna za gu nyenne? Owu hehi nimuing'anelegeve mutu mmohiwa?> >>#11:3 Kodi Namatikeliwa wenno afuna za gu nyenne? Mulombwana Juwawu agali mukadeya, ohoroma muwanganyeda Yesu. Liye agaonne na meswaye Munemba Otchena amuzelaga (Matewuji 3:13-17), agalaleyile ira: <<Ula gu mwana Nibila na Mulugu nnafuna timiha jotega.>> (Juwawu 1:29), liye ohokana yowanganyeda ira: <<Akala Yesu gu Namatikeliwa, nnga miyo nnahinda nni mukadeya?>> Tchoira Juwawu afuna Yesu avenyihe tonga waye ozela atamangihavo aRoma katonga ora yenno, anno kanfungele mukadeya.
4Evale aliwa kagadowile nfuka, Yesu ohawakulaga eraga: <<Mudowe mwamuwandele Juwawu jatene jivwile nyo na jatene jionne nyo. 5Mwamuwandele ira: <Atu ohoona, anoonihiwa, aliba rangala anowenda, aliba maranya anovulumutchiwa, atu ohovwa anovwa, aliba kwa anovenyihiwa mokwani eto aliba simela anolaleyiwa Muselu Wapama.> 6Eto orelihiwa gu mutu wenne ahanadiwanganyeda!>>#11:6 orelihiwa gu mutu wenne ahanadiwanganyeda: Amuwanganyeda Yesu ali Juwawu. Mwasiwa agambatizile Yesu, ohoona Munemba Otchena amuzelaga Yesu nnga kangayiwa. (Markuji 1:10) Mwa enne ohovayela iziwa ira gwenna adedihiwa. (Juwawu 1:32-34) Mbwenye eto agaheliwe mukadeya, Juwawu ohomuwanganyeda Yesu muwari mofuka ira: Kodi Namatikeliwa wenno afuna za gu nyenne? (vs 3)
7Evale anamamuhara a Juwawu ale kavenyagavo, Yesu ohoromaga awandela mwindji wa atu kafwanyeyaga evale zela mulombwana Juwawu eraga: <<Kodi nyo mudowaga muisalesaleni ira mwamuone Juwawu, mwadowela ona nni? Kodi mwadowela mwaone murere mmohi asakwinyeyaga na nipevo?#11:7 Va Yesu unafuka akala atu kadowaga ira kamuone Juwawu, kanfwannye murere mmohi asakwinyeyaga na nipevo nnga mutu odengumela wu na wu na nipevo owu akala kanfwannye mutu oimela pama. Fwanyeya ira Juwawu alive mutu oimela pama. Liye alaleya mohowanganyeda, ante liye fiyeda asumulula atu oviringaniha na makalelo aiziwile liye mohoova. (Matewuji 3:7-12) 8Kodi na ibaribari mwadowela ona nni? Kodi mwadowele muona mutu owara jowara japama? Nari. Kaing'anani, atu owara jowara japama anafwanyeya mmavande mwa amwene! 9Kadiwandeleni, kodi nyo mwadowela ona nni? Kodi mwadowela muona namafiyiheda? He, na ibaribari eto miyo nnouwandelani ira liye uhumukwaranya namafiyiheda uli watene. 10Mwasiwa Juwawu gwenno awongiwa mMazuni ira:
<Kaing'ana, miyo nnoza dimurume maliba milanyo vasogolro vawo ira asakanyede ndila inafuna we vira.> #
Malakiya 3:1
11<<Na ibaribari nnouwandelani ira mwa atu atene obaliwa mwa ahiyana, kalivo mundimuwa omukwaranya mulombwana Juwawu Mbatizi. Mbwenye wenne ugomihedile kala mung'ining'ini muwari mwa Umwene wa zulu, guli mundimuwa omukwaranya Juwawu.#11:11 wenne ugomihedile kala mung'ining'ini muwari mwa Umwene wa zulu, guli mundimuwa omukwaranya Juwawu: Ku wonga makalelo apama anna Juwawu mwilamboni ya vati kinafiya nnga makalelo a mutu uli watene uli muwari mwa Umwene wa zulu. Tchoira Juwawu ohoroma muwanganyeda Yesu agali mukadeya. Mbwenye mutu mung'ining'ini muUmweneni wa zulu unawenda omasuwene.
12<<Eto roma malambo a Juwawu Mbatizi fiyeda peno, Umwene wa zulu unnana waneliwa kondo. Muwari mowana mule, olimba gunavolowa.#11:12 Umwene wa zulu unnana waneliwa kondo. Afwase Yesu unawonga va zela atu adjindjene katamangenle wa Juwawu Mbatizi ira kabatiziwe. Kohokalawo atu adjindji kamuhara Yesu. Amohi kafuna jomuhambiha Yesu umwene. AFarizewu kofuna volowa eto tchawandile volowa. Yakala nnga atu pwi kafuna jovolowa Umwene wa zulu agali oindjiva tchavolowile. (Matewuji 7:13-14, 19:23-24, 23:13) Zela mazu oira olimba gunavolowa, ku wonga ale anawana kondo muwari mokana nroromelo nolimba banavolowa muUmweneni mwa Mulugu. Yesu ohowonga ira: mutu wenno unavilele ante magomelo unovulumuwa. (Matewuji 10:22) 13Tchoira atu kohovwa mazu ofiyihediwa muwari mwa malamulo na anamafiyiheda atene ante tempu ya Juwawu. 14Eto nyo mwafuna rumela ibaribari, munororomela ira Juwawu unafwanyeya agali namafiyiheda Eliya wenno afuna za.#11:14 Eliya ali namafiyiheda ja Mulugu aliwo wanle. Joira jaye jinafwanyeya muwari mwa malivuru a 1 Amwene na 2 Amwene. Liye kakwile. Mulugu ere mutukulamo mwilamboni ahanakwe, liye mudowana zulu na makalelo otikiniheya. (2 Amwene 2:9-11) Agatukuleliwe zulu, vagamanle yaka didjindji dene, namafiyiheda Malakiya ohowonga ira Namatikeliwa ahanaze, Eliya afuna aze. (Malakiya 4:5-6) Nafwanya Lukaji 1:17, nnovwa ira Juwawu ahanabaliwe, mungelro ohomuwandela babaye Zakariya ira: Muhiyanawo unombala mwana. Makalelo aye na kopolo nnafuna liye kana unalinganege na namafiyiheda Eliya. Ku wonga Eliya amuwonga Malakiya ali Juwawu, hiya ira Eliya mwinnya gwafuna za akoka. Tchoira Juwawu alaba na makalelo na kopolo nnga mulombwana Eliya. Zela nkani mmohive, nione eto Matewuji 17:10-13. 15Ule unna mabaru ovwana, avwe.>>
16<<Kodi atu a tempu ili hiyo ila, nnafuna daafwalrafwanihe na yengo nni? Nnafuna daafwalrafwanihe na makuru menli a ahima anagarati varampani kasakanyaga marandje ewa, kawongelagana keraga: 17<Hiyo nihiimba nyumbo da vamateloni eto nyo kamufunile ina. Nomala nihiimba nyumbo da vamakwelo eto nyo kamufunile nla.> 18Tchoira Juwawu Mbatizi uhuza. Juwawu Mbatizi agazile, liye kaali mutu odja pwando nne mutu ong'wa. Evale atu kagamuonne enne, atu kwi: <Liye uhukana munemba wabure.> 19Eto Mwana wa Mutu agazile unodja, unong'wa. Atu eto ani: <Kamuoneni, wenne gu mutu oziveliwa dja,#11:19 mutu oziveliwa dja: Owu hehi So unakalelave dja agarumbanle. eto gu namalrezelra. Liye afwaye ba anamasokiha misoko na anamatega!>#11:16-19 makuru menli a ahima: Sawasawa nnga ahimale tchafunne walreda, aIzarayeli a tempu ya Yesu tchafunne mazu a Mulugu. Sawasawa nnga ahimale kohokonda ja makwelo, aIzarayeli kohokonda makalelo a Juwawu hawaraga pama, hadjaga pama eto hang'waga jong'wa. Eto sawasawa nnga ahimale kohokonda ja matelo, kohokonda makalelo a Yesu awendaga na atu otega, adjaga no ng'wa. Ku wonga kereve kala atu okonda mazu bahi. Mbwenye akala mutu unowenda na zelru, zelru daye nnaoneya muwari mwa joira jaye.>>
Yesu ohowonga mazu owopiha zela sidadi dedile dahafunile muroromela
Lukaji 10:13-15
20Yesu agawongile eno, ohoroma wonga mazu oagwihana mulandu sidadi dedile mwavirile liye asakanyamo matikiniho madjindjene. Awonga mazu oagwihana mulandu sidadi dile mwasiwa liye agasakanyile matikiniho madjindji muwari mwa sidadi dedile, aliwa tchafunile twaruwa. Mwa eno, Yesu ohowonga eraga: 21<<Udilu wa weyo sidadi ya Korazimi! Udilu wa weyo sidadi ya Betisayida! Mwasiwa matikiniho diirile miyo wa nyo sidadi mbinli, ahakanlege matikiniho anna didowa dairana sidadi ya Tiru na sidadi ya Sidoni,#11:21 sidadi ya Tiru na sidadi ya Sidoni ti sidadi da atu ohokala aJudewu. Ku wonga aJudewu anne kaonne joira ja Yesu eto kavwile jowonga jaye anoza katongiwe na matongelo orutcha akwaranya atu ohokala aJudewu anno kahaonne ejo. adjindji mwa aliwa kogotwaruwa mwa jotega jiwa. Eto muwari motwaruwa wewa, kogowara masakwi eto kavihelege ndora mmuruni mwiwa. 22Mwa eno, miyo nnouwandelani ira siku notonga naza nifiya, goyi denyu nnokala goyi dilukulu dokwaranya goyi nnafuna vahiwa akuda Tiru na Sidoni!
23<<Kodi weyo sidadi ya Kafaranamu unaumbuwela ira weyo unoza ugwele zulu? Mwa ibaribari weyo unoza utatileliwe Nimburo na Anokwa.#11:23 Nimburo na Anokwa: Ti nimburo na goyi Mulugu unaakoya liye atu abure, kahanatatileliwe Ntiya na Munlo. Na izugu anaira Hades. Nione Jowandeliwa 20:13-14. Mwasiwa matikiniho diirile miyo sidadi ya Kafaranamu, ahakanlege matikiniho anno kairiwana sidadi ya Sodoma, sidadi ya Sodoma tchatumeyiwa, mbwenye yogotwaruwa ikalegewove fiyeda peno! 24Mbwenye miyo nnouwandelani ira siku notonga naza nifiya, goyi denyu nnokala goyi dilukulu dokwaranya goyi nnafuna za vahiwa akuda Sodoma.>>
Yesu ohomutamalela Mulugu
Lukaji 10:21-22
25Mwa tempu yenne Yesu ohowonga eraga: <<Miyo nnoutamalelani nyo Babani, Mwinnya wa ilambo ya zulu na ilambo ya vati, mwasiwa nyo muhuwanda koya jengo jeji ira aliba zelru na aliba onelramo kahawande iziwa. Mbwenye muhuwanda aiziwiha ahima ang'onong'ono. 26Babani na ibaribari wewo ku funa wenyu ira muirena.>>
27Yesu eto ohowongaga eraga: <<Babaga udivaha jatene mmandani mwaga. Eto kalivo mutu mmohiwa udiiziwile miyo mwanaye ahali Baba. Eto kalivo umuiziwile Baba ahali miyo Mwanaye na anno anafuna miyo aiziwiha!#11:27 kalivo umuiziwile Baba ahali miyo Mwanaye na anno anafuna miyo aiziwiha: Va Yesu unawonga ira: <<Miyo nnaaiziwiha atu anafuna miyo ira kakayena ibaribari zela Baba.>> Ku wonga atu anamuiziwa Mulugu banno Yesu unaaiziwiha liye. Mutu ahaiziwihiwe na Yesu, kanawanda muiziwa Mulugu na makalelo a ibaribari. Nione Matewuji 11:25, 13:11.
Yesu ohaitana aliba waheya
28<<Zani wa miyo nyo atene owaheya, nyo mutukunle jonyemela.#11:28 Zani wa miyo nyo atene owaheya, nyo mutukunle jonyemela. Atu anne Yesu unaaitana liye ba atu owaheya na ale katukunle jonyemela. Atuwa banno Yesu unafuna liye aiziwiha zela Babaye. Hiyaniha na andimuwa a aJudewu ale kaanyemeliha atu na mangano ewa. (Matewuji 23:4; Joira ja Anamarumiwa 15:10) Mwaza wa miyo, nnouvahani vuma. 29Inafwanela mutukule mabasa anafuna miyo uvahani.#11:29 mabasa anafuna miyo uvahani owu hehi nigologolo naga. Nigologolo tchi imiri yenno inakapatchihiwa ng'ombe kamburulagana aterelado owu kalimaga. Mufundjege wa miyo, miyo dili opwaseya eto oviyeviha. Mwaza wa miyo, munofwanya vuma mmirimani mwenyu. 30Mwasiwa mabasaga boluluva eto mutolro waga kananyemela.>>#11:30 Yesu awongaga ira: mutolro waga kananyemela, mitolro nnawongiwa va kahi jotega. Mwasiwa mitolro Yesu nnavaha liye ku wonga mabasa unanvaha liye mutu. Yesu ohowonga ira: Mabasaga boluluva mwasiwa Yesu unonivaha hagalala na murendele muwari mwa mabasaye matene. Kalaga nnga mulombwana Pawulo. Nafwanya livuru na 2 Korinto 11:23-29 unowonga zela goyi dohokala da masika daonne liye. Eto nafwanya 2 Korinto 4:17-18, Pawulo unowonga zela luluva wa goyi nnafwanyeya muwari mohinda mabasa a Yesu. Ku wonga muwari mwa mabasa anavaha Kiristu, Kiristu unonivaha pwaseya muwari mwa goyi datene nnafuna hiyo ona ira niwande rumela ira mabasaye boluluva.
ទើបបានជ្រើសរើសហើយ៖
Matewuji 11: iLolo
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral
Matewuji 11
11
Yofuka ya Juwawu Mbatizi
Lukaji 7:18-35
1Yesu agamanle afundjiha anamamuharaye kumi na ambinli ale jatene ejile, ohovenyaga evale dowa sidadi da ilambo yenne, roma afundjihaga eto aalaleyaga atu kafwanyeya emule.
2Mwa tempu yenne Juwawu Mbatizi afwanyeya mukadeya. Evale liye agavwile mukadeya emule zela mabasa ahinda Kiristu, oharumaga anamamuharaye eraga: 3<<Mudowe mwanfuke muire: <Kodi Namatikeliwa wenno afuna za gu nyenne? Owu hehi nimuing'anelegeve mutu mmohiwa?> >>#11:3 Kodi Namatikeliwa wenno afuna za gu nyenne? Mulombwana Juwawu agali mukadeya, ohoroma muwanganyeda Yesu. Liye agaonne na meswaye Munemba Otchena amuzelaga (Matewuji 3:13-17), agalaleyile ira: <<Ula gu mwana Nibila na Mulugu nnafuna timiha jotega.>> (Juwawu 1:29), liye ohokana yowanganyeda ira: <<Akala Yesu gu Namatikeliwa, nnga miyo nnahinda nni mukadeya?>> Tchoira Juwawu afuna Yesu avenyihe tonga waye ozela atamangihavo aRoma katonga ora yenno, anno kanfungele mukadeya.
4Evale aliwa kagadowile nfuka, Yesu ohawakulaga eraga: <<Mudowe mwamuwandele Juwawu jatene jivwile nyo na jatene jionne nyo. 5Mwamuwandele ira: <Atu ohoona, anoonihiwa, aliba rangala anowenda, aliba maranya anovulumutchiwa, atu ohovwa anovwa, aliba kwa anovenyihiwa mokwani eto aliba simela anolaleyiwa Muselu Wapama.> 6Eto orelihiwa gu mutu wenne ahanadiwanganyeda!>>#11:6 orelihiwa gu mutu wenne ahanadiwanganyeda: Amuwanganyeda Yesu ali Juwawu. Mwasiwa agambatizile Yesu, ohoona Munemba Otchena amuzelaga Yesu nnga kangayiwa. (Markuji 1:10) Mwa enne ohovayela iziwa ira gwenna adedihiwa. (Juwawu 1:32-34) Mbwenye eto agaheliwe mukadeya, Juwawu ohomuwanganyeda Yesu muwari mofuka ira: Kodi Namatikeliwa wenno afuna za gu nyenne? (vs 3)
7Evale anamamuhara a Juwawu ale kavenyagavo, Yesu ohoromaga awandela mwindji wa atu kafwanyeyaga evale zela mulombwana Juwawu eraga: <<Kodi nyo mudowaga muisalesaleni ira mwamuone Juwawu, mwadowela ona nni? Kodi mwadowela mwaone murere mmohi asakwinyeyaga na nipevo?#11:7 Va Yesu unafuka akala atu kadowaga ira kamuone Juwawu, kanfwannye murere mmohi asakwinyeyaga na nipevo nnga mutu odengumela wu na wu na nipevo owu akala kanfwannye mutu oimela pama. Fwanyeya ira Juwawu alive mutu oimela pama. Liye alaleya mohowanganyeda, ante liye fiyeda asumulula atu oviringaniha na makalelo aiziwile liye mohoova. (Matewuji 3:7-12) 8Kodi na ibaribari mwadowela ona nni? Kodi mwadowele muona mutu owara jowara japama? Nari. Kaing'anani, atu owara jowara japama anafwanyeya mmavande mwa amwene! 9Kadiwandeleni, kodi nyo mwadowela ona nni? Kodi mwadowela muona namafiyiheda? He, na ibaribari eto miyo nnouwandelani ira liye uhumukwaranya namafiyiheda uli watene. 10Mwasiwa Juwawu gwenno awongiwa mMazuni ira:
<Kaing'ana, miyo nnoza dimurume maliba milanyo vasogolro vawo ira asakanyede ndila inafuna we vira.> #
Malakiya 3:1
11<<Na ibaribari nnouwandelani ira mwa atu atene obaliwa mwa ahiyana, kalivo mundimuwa omukwaranya mulombwana Juwawu Mbatizi. Mbwenye wenne ugomihedile kala mung'ining'ini muwari mwa Umwene wa zulu, guli mundimuwa omukwaranya Juwawu.#11:11 wenne ugomihedile kala mung'ining'ini muwari mwa Umwene wa zulu, guli mundimuwa omukwaranya Juwawu: Ku wonga makalelo apama anna Juwawu mwilamboni ya vati kinafiya nnga makalelo a mutu uli watene uli muwari mwa Umwene wa zulu. Tchoira Juwawu ohoroma muwanganyeda Yesu agali mukadeya. Mbwenye mutu mung'ining'ini muUmweneni wa zulu unawenda omasuwene.
12<<Eto roma malambo a Juwawu Mbatizi fiyeda peno, Umwene wa zulu unnana waneliwa kondo. Muwari mowana mule, olimba gunavolowa.#11:12 Umwene wa zulu unnana waneliwa kondo. Afwase Yesu unawonga va zela atu adjindjene katamangenle wa Juwawu Mbatizi ira kabatiziwe. Kohokalawo atu adjindji kamuhara Yesu. Amohi kafuna jomuhambiha Yesu umwene. AFarizewu kofuna volowa eto tchawandile volowa. Yakala nnga atu pwi kafuna jovolowa Umwene wa zulu agali oindjiva tchavolowile. (Matewuji 7:13-14, 19:23-24, 23:13) Zela mazu oira olimba gunavolowa, ku wonga ale anawana kondo muwari mokana nroromelo nolimba banavolowa muUmweneni mwa Mulugu. Yesu ohowonga ira: mutu wenno unavilele ante magomelo unovulumuwa. (Matewuji 10:22) 13Tchoira atu kohovwa mazu ofiyihediwa muwari mwa malamulo na anamafiyiheda atene ante tempu ya Juwawu. 14Eto nyo mwafuna rumela ibaribari, munororomela ira Juwawu unafwanyeya agali namafiyiheda Eliya wenno afuna za.#11:14 Eliya ali namafiyiheda ja Mulugu aliwo wanle. Joira jaye jinafwanyeya muwari mwa malivuru a 1 Amwene na 2 Amwene. Liye kakwile. Mulugu ere mutukulamo mwilamboni ahanakwe, liye mudowana zulu na makalelo otikiniheya. (2 Amwene 2:9-11) Agatukuleliwe zulu, vagamanle yaka didjindji dene, namafiyiheda Malakiya ohowonga ira Namatikeliwa ahanaze, Eliya afuna aze. (Malakiya 4:5-6) Nafwanya Lukaji 1:17, nnovwa ira Juwawu ahanabaliwe, mungelro ohomuwandela babaye Zakariya ira: Muhiyanawo unombala mwana. Makalelo aye na kopolo nnafuna liye kana unalinganege na namafiyiheda Eliya. Ku wonga Eliya amuwonga Malakiya ali Juwawu, hiya ira Eliya mwinnya gwafuna za akoka. Tchoira Juwawu alaba na makalelo na kopolo nnga mulombwana Eliya. Zela nkani mmohive, nione eto Matewuji 17:10-13. 15Ule unna mabaru ovwana, avwe.>>
16<<Kodi atu a tempu ili hiyo ila, nnafuna daafwalrafwanihe na yengo nni? Nnafuna daafwalrafwanihe na makuru menli a ahima anagarati varampani kasakanyaga marandje ewa, kawongelagana keraga: 17<Hiyo nihiimba nyumbo da vamateloni eto nyo kamufunile ina. Nomala nihiimba nyumbo da vamakwelo eto nyo kamufunile nla.> 18Tchoira Juwawu Mbatizi uhuza. Juwawu Mbatizi agazile, liye kaali mutu odja pwando nne mutu ong'wa. Evale atu kagamuonne enne, atu kwi: <Liye uhukana munemba wabure.> 19Eto Mwana wa Mutu agazile unodja, unong'wa. Atu eto ani: <Kamuoneni, wenne gu mutu oziveliwa dja,#11:19 mutu oziveliwa dja: Owu hehi So unakalelave dja agarumbanle. eto gu namalrezelra. Liye afwaye ba anamasokiha misoko na anamatega!>#11:16-19 makuru menli a ahima: Sawasawa nnga ahimale tchafunne walreda, aIzarayeli a tempu ya Yesu tchafunne mazu a Mulugu. Sawasawa nnga ahimale kohokonda ja makwelo, aIzarayeli kohokonda makalelo a Juwawu hawaraga pama, hadjaga pama eto hang'waga jong'wa. Eto sawasawa nnga ahimale kohokonda ja matelo, kohokonda makalelo a Yesu awendaga na atu otega, adjaga no ng'wa. Ku wonga kereve kala atu okonda mazu bahi. Mbwenye akala mutu unowenda na zelru, zelru daye nnaoneya muwari mwa joira jaye.>>
Yesu ohowonga mazu owopiha zela sidadi dedile dahafunile muroromela
Lukaji 10:13-15
20Yesu agawongile eno, ohoroma wonga mazu oagwihana mulandu sidadi dedile mwavirile liye asakanyamo matikiniho madjindjene. Awonga mazu oagwihana mulandu sidadi dile mwasiwa liye agasakanyile matikiniho madjindji muwari mwa sidadi dedile, aliwa tchafunile twaruwa. Mwa eno, Yesu ohowonga eraga: 21<<Udilu wa weyo sidadi ya Korazimi! Udilu wa weyo sidadi ya Betisayida! Mwasiwa matikiniho diirile miyo wa nyo sidadi mbinli, ahakanlege matikiniho anna didowa dairana sidadi ya Tiru na sidadi ya Sidoni,#11:21 sidadi ya Tiru na sidadi ya Sidoni ti sidadi da atu ohokala aJudewu. Ku wonga aJudewu anne kaonne joira ja Yesu eto kavwile jowonga jaye anoza katongiwe na matongelo orutcha akwaranya atu ohokala aJudewu anno kahaonne ejo. adjindji mwa aliwa kogotwaruwa mwa jotega jiwa. Eto muwari motwaruwa wewa, kogowara masakwi eto kavihelege ndora mmuruni mwiwa. 22Mwa eno, miyo nnouwandelani ira siku notonga naza nifiya, goyi denyu nnokala goyi dilukulu dokwaranya goyi nnafuna vahiwa akuda Tiru na Sidoni!
23<<Kodi weyo sidadi ya Kafaranamu unaumbuwela ira weyo unoza ugwele zulu? Mwa ibaribari weyo unoza utatileliwe Nimburo na Anokwa.#11:23 Nimburo na Anokwa: Ti nimburo na goyi Mulugu unaakoya liye atu abure, kahanatatileliwe Ntiya na Munlo. Na izugu anaira Hades. Nione Jowandeliwa 20:13-14. Mwasiwa matikiniho diirile miyo sidadi ya Kafaranamu, ahakanlege matikiniho anno kairiwana sidadi ya Sodoma, sidadi ya Sodoma tchatumeyiwa, mbwenye yogotwaruwa ikalegewove fiyeda peno! 24Mbwenye miyo nnouwandelani ira siku notonga naza nifiya, goyi denyu nnokala goyi dilukulu dokwaranya goyi nnafuna za vahiwa akuda Sodoma.>>
Yesu ohomutamalela Mulugu
Lukaji 10:21-22
25Mwa tempu yenne Yesu ohowonga eraga: <<Miyo nnoutamalelani nyo Babani, Mwinnya wa ilambo ya zulu na ilambo ya vati, mwasiwa nyo muhuwanda koya jengo jeji ira aliba zelru na aliba onelramo kahawande iziwa. Mbwenye muhuwanda aiziwiha ahima ang'onong'ono. 26Babani na ibaribari wewo ku funa wenyu ira muirena.>>
27Yesu eto ohowongaga eraga: <<Babaga udivaha jatene mmandani mwaga. Eto kalivo mutu mmohiwa udiiziwile miyo mwanaye ahali Baba. Eto kalivo umuiziwile Baba ahali miyo Mwanaye na anno anafuna miyo aiziwiha!#11:27 kalivo umuiziwile Baba ahali miyo Mwanaye na anno anafuna miyo aiziwiha: Va Yesu unawonga ira: <<Miyo nnaaiziwiha atu anafuna miyo ira kakayena ibaribari zela Baba.>> Ku wonga atu anamuiziwa Mulugu banno Yesu unaaiziwiha liye. Mutu ahaiziwihiwe na Yesu, kanawanda muiziwa Mulugu na makalelo a ibaribari. Nione Matewuji 11:25, 13:11.
Yesu ohaitana aliba waheya
28<<Zani wa miyo nyo atene owaheya, nyo mutukunle jonyemela.#11:28 Zani wa miyo nyo atene owaheya, nyo mutukunle jonyemela. Atu anne Yesu unaaitana liye ba atu owaheya na ale katukunle jonyemela. Atuwa banno Yesu unafuna liye aiziwiha zela Babaye. Hiyaniha na andimuwa a aJudewu ale kaanyemeliha atu na mangano ewa. (Matewuji 23:4; Joira ja Anamarumiwa 15:10) Mwaza wa miyo, nnouvahani vuma. 29Inafwanela mutukule mabasa anafuna miyo uvahani.#11:29 mabasa anafuna miyo uvahani owu hehi nigologolo naga. Nigologolo tchi imiri yenno inakapatchihiwa ng'ombe kamburulagana aterelado owu kalimaga. Mufundjege wa miyo, miyo dili opwaseya eto oviyeviha. Mwaza wa miyo, munofwanya vuma mmirimani mwenyu. 30Mwasiwa mabasaga boluluva eto mutolro waga kananyemela.>>#11:30 Yesu awongaga ira: mutolro waga kananyemela, mitolro nnawongiwa va kahi jotega. Mwasiwa mitolro Yesu nnavaha liye ku wonga mabasa unanvaha liye mutu. Yesu ohowonga ira: Mabasaga boluluva mwasiwa Yesu unonivaha hagalala na murendele muwari mwa mabasaye matene. Kalaga nnga mulombwana Pawulo. Nafwanya livuru na 2 Korinto 11:23-29 unowonga zela goyi dohokala da masika daonne liye. Eto nafwanya 2 Korinto 4:17-18, Pawulo unowonga zela luluva wa goyi nnafwanyeya muwari mohinda mabasa a Yesu. Ku wonga muwari mwa mabasa anavaha Kiristu, Kiristu unonivaha pwaseya muwari mwa goyi datene nnafuna hiyo ona ira niwande rumela ira mabasaye boluluva.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2018 Visão Integral