Wurtaago 3
3
1Ɗon nun nyalaane gom Muusa e dura baali esiraawo mum Yetiro, laatiiɗo *liimaamiijo leydi Madiyan. O yaari ɗi faa ladde yorne, takkol waanne Alla noddeteene Horebu. 2Ɗon nun malaykaajo Alla suppitanii Muusa der kuurel nanŋuŋel yiite. O yi'i kuurel ŋel e nanŋi yiite, amma ŋel jaɓataa. 3Go o wi'i: Sey mi ɓattoo, mi yi'a kaayniiɗum ɗum ɗoo. Ume acci kuurel ŋel jaɓataa. 4No Alla yi'i Muusa e ɓattoo daara, o noddi mo diga caka kuurel ŋel, o wi'i: Muusa, Muusa! O toontii. Mi nani. 5Alla wi'i mo: Taa ɓatta ɗoo. Ɓortu paɗe maa, gam nokkuure ne dariɗaa ɗon laati nun nokkuure seniine. 6O wi'i kade: Min woni Alla kookiraaɓe maa. Alla Iburaahiima, e Isiyaaku, e Yaakuubu. Muusa wonƴitii gam o yiɗaa daarugo Alla.
7O wi'i kade: Mi yi'ii toora himɓe am wonuɓe der leydi Misira. Mi nanii bojji ɗi ɓe bullintee, mii anni bo bone maɓɓe. 8Mi jippake gam mi faaboo ɓe diga e juuɗe Misirankeeɓe, mi wurtina ɓe diga leydi nii ɗoo, mi yaara ɓe der leydi booɗuni, jaajuni. Der leydi ni kosam e jumuri ɓulata, to Kanaaninkeeɓe, e Hetiyankeeɓe, e Amorinkeeɓe, e Peresinkeeɓe, e Hefinkeeɓe, e Yebusinkeeɓe jooɗii. 9Jooni, bojji himɓe Isira'iila yottake am. Mi yi'ii bo bone ne himɓe Misira hollata ɓe. 10Gam majjum, yahu mi lilee to Firawna, burtinaa himɓe am Isira'iilaaɓe diga leydi Misira.
Alla faaminii Muusa inne mum
11Muusa wi'i Alla: Moy laatiimi go mi yaha to Firawna mi wurtina himɓe Isira'iila diga leydi Misira? 12Alla wi'i: Mi wondan e maa. To a wurtinii ɓe diga leydi Misira, e waanne nee ɗoo nun garoton jagganoɗon am. Kanjum laatotoo maane no min nun lili maa. 13Muusa wi'i Alla: To mi yahii to himɓe Isira'iila, go bi'umi ɓe, Alla mo kookiraaɓe mon nun liloyimmi to mon, to ɓe ƴamii am: Noy nun inne makko, kaye nun batanmi ɓe?
14Alla wi'i Muusa: Min woni gonuɗo. O wi'i kade: Bataa himɓe Isira'iila bi'aa: Gonuɗo nun liloyimmi to mon. 15O wi'i kade Muusa: Bataa ɓe bi'aa: Alla Joomiraawo kookiraaɓe mon, Alla Iburaahiima, e Isiyaaku, e Yaakuubu nun liloyimmi to mon. Kayre woni inne am faa abada. Kayre nun noddirteemi faa e lenyi sukaaɓe mon fu. 16Yahu, kawritaa ardiiɓe Isira'iilaaɓe bi'aa ɓe: Alla Joomiraawo kookiraaɓe mon, Alla Iburaahiima, e Isiyaaku, e Yaakuubu nun suppitanii am, o wi'immi: Mi yi'ii on, mi yi'ii bo ko gaɗanteɗon der leydi Misira. 17Go bi'umi: Mi wurtinan on diga e toora leydi Misira, mi yaara on faa leydi Kanaaninkeeɓe, e Hetiyankeeɓe, e Amorinkeeɓe, e Peresinkeeɓe, e Hefinkeeɓe, e Yebusinkeeɓe, leydi to kosam e jumuri ɓulata.
18Den mum, ɓe kettinante. Ɓaawo mum, an e ardiiɓe Isira'iilaaɓe, jahon to laamiiɗo Misira, baton mo bi'on: Alla Joomiraawo Iburaninkeeɓe nun baddi men wi'i: Sawra, accu men jaha der ladde yorne, jaka jahaaŋal balɗe tati, men gaɗana Alla Joomiraawo amen kiiseteeɗi. 19Mii anni no laamiiɗo Misira yoofataa on jawton to hinaa o doola nun. 20Den mum mi fortan juunŋo am, mi waɗa haaynaareeji ɗuuɗɗi der leydi Misira. Ɓaawo mum, o yoofan on jawton. 21Mi accan himɓe Misira waɗana on moƴƴere gam to oon burtoo, to on burtee juuɗe baanji. 22Rewɓe mon fu eela jooɗiiɓe takkol mum, e jooɗiiɓe der wuro mum kolte e kujje gaɗiraaɗe cardi e kanŋeeri. Ɓorninon ɗum sukaaɓe mon worɓe e rewɓe. Den mum, non non ɓottirton jawdi himɓe Misira fu jawtidon.
ទើបបានជ្រើសរើសហើយ៖
Wurtaago 3: BFB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.
Wurtaago 3
3
1Ɗon nun nyalaane gom Muusa e dura baali esiraawo mum Yetiro, laatiiɗo *liimaamiijo leydi Madiyan. O yaari ɗi faa ladde yorne, takkol waanne Alla noddeteene Horebu. 2Ɗon nun malaykaajo Alla suppitanii Muusa der kuurel nanŋuŋel yiite. O yi'i kuurel ŋel e nanŋi yiite, amma ŋel jaɓataa. 3Go o wi'i: Sey mi ɓattoo, mi yi'a kaayniiɗum ɗum ɗoo. Ume acci kuurel ŋel jaɓataa. 4No Alla yi'i Muusa e ɓattoo daara, o noddi mo diga caka kuurel ŋel, o wi'i: Muusa, Muusa! O toontii. Mi nani. 5Alla wi'i mo: Taa ɓatta ɗoo. Ɓortu paɗe maa, gam nokkuure ne dariɗaa ɗon laati nun nokkuure seniine. 6O wi'i kade: Min woni Alla kookiraaɓe maa. Alla Iburaahiima, e Isiyaaku, e Yaakuubu. Muusa wonƴitii gam o yiɗaa daarugo Alla.
7O wi'i kade: Mi yi'ii toora himɓe am wonuɓe der leydi Misira. Mi nanii bojji ɗi ɓe bullintee, mii anni bo bone maɓɓe. 8Mi jippake gam mi faaboo ɓe diga e juuɗe Misirankeeɓe, mi wurtina ɓe diga leydi nii ɗoo, mi yaara ɓe der leydi booɗuni, jaajuni. Der leydi ni kosam e jumuri ɓulata, to Kanaaninkeeɓe, e Hetiyankeeɓe, e Amorinkeeɓe, e Peresinkeeɓe, e Hefinkeeɓe, e Yebusinkeeɓe jooɗii. 9Jooni, bojji himɓe Isira'iila yottake am. Mi yi'ii bo bone ne himɓe Misira hollata ɓe. 10Gam majjum, yahu mi lilee to Firawna, burtinaa himɓe am Isira'iilaaɓe diga leydi Misira.
Alla faaminii Muusa inne mum
11Muusa wi'i Alla: Moy laatiimi go mi yaha to Firawna mi wurtina himɓe Isira'iila diga leydi Misira? 12Alla wi'i: Mi wondan e maa. To a wurtinii ɓe diga leydi Misira, e waanne nee ɗoo nun garoton jagganoɗon am. Kanjum laatotoo maane no min nun lili maa. 13Muusa wi'i Alla: To mi yahii to himɓe Isira'iila, go bi'umi ɓe, Alla mo kookiraaɓe mon nun liloyimmi to mon, to ɓe ƴamii am: Noy nun inne makko, kaye nun batanmi ɓe?
14Alla wi'i Muusa: Min woni gonuɗo. O wi'i kade: Bataa himɓe Isira'iila bi'aa: Gonuɗo nun liloyimmi to mon. 15O wi'i kade Muusa: Bataa ɓe bi'aa: Alla Joomiraawo kookiraaɓe mon, Alla Iburaahiima, e Isiyaaku, e Yaakuubu nun liloyimmi to mon. Kayre woni inne am faa abada. Kayre nun noddirteemi faa e lenyi sukaaɓe mon fu. 16Yahu, kawritaa ardiiɓe Isira'iilaaɓe bi'aa ɓe: Alla Joomiraawo kookiraaɓe mon, Alla Iburaahiima, e Isiyaaku, e Yaakuubu nun suppitanii am, o wi'immi: Mi yi'ii on, mi yi'ii bo ko gaɗanteɗon der leydi Misira. 17Go bi'umi: Mi wurtinan on diga e toora leydi Misira, mi yaara on faa leydi Kanaaninkeeɓe, e Hetiyankeeɓe, e Amorinkeeɓe, e Peresinkeeɓe, e Hefinkeeɓe, e Yebusinkeeɓe, leydi to kosam e jumuri ɓulata.
18Den mum, ɓe kettinante. Ɓaawo mum, an e ardiiɓe Isira'iilaaɓe, jahon to laamiiɗo Misira, baton mo bi'on: Alla Joomiraawo Iburaninkeeɓe nun baddi men wi'i: Sawra, accu men jaha der ladde yorne, jaka jahaaŋal balɗe tati, men gaɗana Alla Joomiraawo amen kiiseteeɗi. 19Mii anni no laamiiɗo Misira yoofataa on jawton to hinaa o doola nun. 20Den mum mi fortan juunŋo am, mi waɗa haaynaareeji ɗuuɗɗi der leydi Misira. Ɓaawo mum, o yoofan on jawton. 21Mi accan himɓe Misira waɗana on moƴƴere gam to oon burtoo, to on burtee juuɗe baanji. 22Rewɓe mon fu eela jooɗiiɓe takkol mum, e jooɗiiɓe der wuro mum kolte e kujje gaɗiraaɗe cardi e kanŋeeri. Ɓorninon ɗum sukaaɓe mon worɓe e rewɓe. Den mum, non non ɓottirton jawdi himɓe Misira fu jawtidon.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.