Wurtaago 2
2
Dingol Muusa
1Gorko gom e wonnoo der lenyol Leewi, go ɓaŋi debbo der lenyol mum ŋol. 2Debbo on nun saawi, go rimi suka gorko. No o yi'i suka on e wooɗi, o suuɗi mo faa lebbi tati. 3O tawi o waawataa suuɗugo kade suka on, o etti killaal gaɗiraaŋal kewi, o moomi ŋal kontaa e ɗacce leɗɗe gam to diyam naatu der maggal. O tummi suka on der ɗon, o yahi o yesi mo takkol maayo Nili der kewi. 4Sakiike suka on e suuɗii woɗɗi e daara ko tawata mo.
5Ɗon nun suka Firawna debbo wari maayo ɗon kanko e horɓe makko gam lootaago. Go horɓe makko e woosoo takkol maayo ɗon. O yi'i killaal ŋal, go o lili korɗo makko gooto yaha ettaa ŋal. 6No korɗo on waddani mo ŋal, o tawi cukayel pettel gorel nun woni der ɗon, eŋel wulla. Yurumeene maggel waɗi mo, go o wi'i: Daa suka on, Iburaninkeejo nun. 7Go sakiike suka on doggoy ƴami suka Firawna debbo on wi'i: Aa yiɗi hinaa mi dartane debbo Iburaninkeejo marane suka on? 8Suka Firawna debbo on toontii mo wi'i: Yahu. Go o yahi o noddoy inna suka on.
9No inna suka on yottii, suka Firawna debbo on wi'i mo: Ettu suka oo ɗoo maranaa am, den mum mi yoɓete joddi mum. Go debbo on etti mo mari.
10No suka on mawni, inna makko waddi mo hokkiti suka Firawna debbo on. O laati suka makko. Suka Firawna on noddi mo Muusa. Inne nen filliti nun cuttaaɗo diga der diyam.
No Muusa doggiri yahi faa leydi Madiyan
11Ɓaawo duuɓi ɗuuɗɗi, Muusa mawni. Ɗon nun nyalaane gom o wurtii gam o beroo himɓe lenyol makko. O yi'i golle caɗuɗe ɗe ɓe gollintee. Go o yi'i Misirankeejo gom e fiya Iburaninkeejo laatiiɗo neɗɗo lenyol makko. 12O daari becce fu, o yi'ay goɗɗo, go o fiyi Misirankeejo on o wari. Go o uwi mo der jaaneeri. 13No weeti, o wurtii kade, o yi'i Iburaninkeeɓe ɗiɗo e haɓa. O wi'i mo walaa gooŋa der maɓɓe: Gam ume go aa fiya banniraawo maa? 14Gorko on toontii mo wi'i: Moy nun waɗi maa mawɗo kiitantooɗo men? A yiɗu nun baraa am hinaa, hande no barirɗaa Misirankeejo? Ɗon nun Muusa huli, wi'i: To non non himɓe fu nanu nun ɗon haala kan. 15No Firawna nani ka, darti laawol warugo Muusa. Amma Muusa doggi diga wuro Firawna, yahi faa Madiyan. No o yottii ton, o yahi oo jooɗii takkol ɓunnu gom.
16Ɗon nun gati jeeɗiɗi gom wari ƴoogugo diyam. Ɗi laati nun sukaaɓe *liimaamiijo Madiyan. Ɓe ƴoogi ɓe kebbini girigiije maɓɓe gam ɓe jarna mareefuuji baaba maɓɓe. 17Go durooɓe woɓɓe wari riiwi ɓe. Amma Muusa ummii faabii ɓe, yarni mareefuuji maɓɓe. 18No ɓe garti Reweli baaba maɓɓe, ƴami ɓe: Noy waɗi go gartuɗon non non law hanne? 19Ɓe toontii ɓe bi'i: Misirankeejo gom nun teeti men ɗon diga e juuɗe durooɓe gom. Kanko du ƴoogani mareefuuji amen diyam ɗi jari. 20O ƴami ɓe o wi'i: Toy nun gorko on woni? Gam ume go accuɗon mo ton? Jahee noddee mo o wara o nyaama.
21Muusa wari nyaami, go jooɗii to Reweli ɗon. Go Reweli on hokki mo suka mum debbo noddeteeɗo Sefora o ɓaŋi. 22Sefora rimi suka gorko, Muusa noddi mo Gerisoni, gam wi'i: Mi laati nun koɗo der leydi janandi.
No Alla noddiri Muusa
23Ɓaawo duuɓi ɗuuɗɗi, laamiiɗo Misira on maayi. Himɓe Isira'iila yanti e uuma, e wulla gam sabbu golle cattuɗe ɗe waɗintee. Bojji maɓɓe yottii faa to Alla. 24Alla nani bojji maɓɓe, siwtori bo alkawal ŋal haɓɓidinnoo e Iburaahiima, e Isiyaaku, e Yaakuubu. 25Alla daari himɓe Isira'iila, yi'i tooraaji maɓɓe.
ទើបបានជ្រើសរើសហើយ៖
Wurtaago 2: BFB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.
Wurtaago 2
2
Dingol Muusa
1Gorko gom e wonnoo der lenyol Leewi, go ɓaŋi debbo der lenyol mum ŋol. 2Debbo on nun saawi, go rimi suka gorko. No o yi'i suka on e wooɗi, o suuɗi mo faa lebbi tati. 3O tawi o waawataa suuɗugo kade suka on, o etti killaal gaɗiraaŋal kewi, o moomi ŋal kontaa e ɗacce leɗɗe gam to diyam naatu der maggal. O tummi suka on der ɗon, o yahi o yesi mo takkol maayo Nili der kewi. 4Sakiike suka on e suuɗii woɗɗi e daara ko tawata mo.
5Ɗon nun suka Firawna debbo wari maayo ɗon kanko e horɓe makko gam lootaago. Go horɓe makko e woosoo takkol maayo ɗon. O yi'i killaal ŋal, go o lili korɗo makko gooto yaha ettaa ŋal. 6No korɗo on waddani mo ŋal, o tawi cukayel pettel gorel nun woni der ɗon, eŋel wulla. Yurumeene maggel waɗi mo, go o wi'i: Daa suka on, Iburaninkeejo nun. 7Go sakiike suka on doggoy ƴami suka Firawna debbo on wi'i: Aa yiɗi hinaa mi dartane debbo Iburaninkeejo marane suka on? 8Suka Firawna debbo on toontii mo wi'i: Yahu. Go o yahi o noddoy inna suka on.
9No inna suka on yottii, suka Firawna debbo on wi'i mo: Ettu suka oo ɗoo maranaa am, den mum mi yoɓete joddi mum. Go debbo on etti mo mari.
10No suka on mawni, inna makko waddi mo hokkiti suka Firawna debbo on. O laati suka makko. Suka Firawna on noddi mo Muusa. Inne nen filliti nun cuttaaɗo diga der diyam.
No Muusa doggiri yahi faa leydi Madiyan
11Ɓaawo duuɓi ɗuuɗɗi, Muusa mawni. Ɗon nun nyalaane gom o wurtii gam o beroo himɓe lenyol makko. O yi'i golle caɗuɗe ɗe ɓe gollintee. Go o yi'i Misirankeejo gom e fiya Iburaninkeejo laatiiɗo neɗɗo lenyol makko. 12O daari becce fu, o yi'ay goɗɗo, go o fiyi Misirankeejo on o wari. Go o uwi mo der jaaneeri. 13No weeti, o wurtii kade, o yi'i Iburaninkeeɓe ɗiɗo e haɓa. O wi'i mo walaa gooŋa der maɓɓe: Gam ume go aa fiya banniraawo maa? 14Gorko on toontii mo wi'i: Moy nun waɗi maa mawɗo kiitantooɗo men? A yiɗu nun baraa am hinaa, hande no barirɗaa Misirankeejo? Ɗon nun Muusa huli, wi'i: To non non himɓe fu nanu nun ɗon haala kan. 15No Firawna nani ka, darti laawol warugo Muusa. Amma Muusa doggi diga wuro Firawna, yahi faa Madiyan. No o yottii ton, o yahi oo jooɗii takkol ɓunnu gom.
16Ɗon nun gati jeeɗiɗi gom wari ƴoogugo diyam. Ɗi laati nun sukaaɓe *liimaamiijo Madiyan. Ɓe ƴoogi ɓe kebbini girigiije maɓɓe gam ɓe jarna mareefuuji baaba maɓɓe. 17Go durooɓe woɓɓe wari riiwi ɓe. Amma Muusa ummii faabii ɓe, yarni mareefuuji maɓɓe. 18No ɓe garti Reweli baaba maɓɓe, ƴami ɓe: Noy waɗi go gartuɗon non non law hanne? 19Ɓe toontii ɓe bi'i: Misirankeejo gom nun teeti men ɗon diga e juuɗe durooɓe gom. Kanko du ƴoogani mareefuuji amen diyam ɗi jari. 20O ƴami ɓe o wi'i: Toy nun gorko on woni? Gam ume go accuɗon mo ton? Jahee noddee mo o wara o nyaama.
21Muusa wari nyaami, go jooɗii to Reweli ɗon. Go Reweli on hokki mo suka mum debbo noddeteeɗo Sefora o ɓaŋi. 22Sefora rimi suka gorko, Muusa noddi mo Gerisoni, gam wi'i: Mi laati nun koɗo der leydi janandi.
No Alla noddiri Muusa
23Ɓaawo duuɓi ɗuuɗɗi, laamiiɗo Misira on maayi. Himɓe Isira'iila yanti e uuma, e wulla gam sabbu golle cattuɗe ɗe waɗintee. Bojji maɓɓe yottii faa to Alla. 24Alla nani bojji maɓɓe, siwtori bo alkawal ŋal haɓɓidinnoo e Iburaahiima, e Isiyaaku, e Yaakuubu. 25Alla daari himɓe Isira'iila, yi'i tooraaji maɓɓe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.