Wurtaago 4
4
No Alla holliri Muusa baawɗe mum
1Ɗon nun Muusa toontii wi'i: Himɓe Isira'iila jaɓataa haala am, ɓe kettinantaako am. Ɓe bi'an: Fewre nun, Alla suppitanaaki maa. 2Joomiraawo ƴami mo wi'i: Ume nun jogiɗaa e juunŋo maa? O wi'i: Sawru. 3Alla Joomiraawo wi'i: Faɗɗu ŋol e leydi. O faɗɗi ŋol e leydi, go ŋol waylii boddi. Muusa doggi ni. 4Joomiraawo wi'i kade Muusa: Fortu juunŋo maa, happu ɓokkordu mayri. O forti juunŋo makko, o happi ɓokkordu mayri, go ni waylii sawru der juunŋo makko.
5Joomiraawo wi'i: Kanjum gaɗataa go ɓe kooloo no min Alla Joomiraawo kookiraaɓe maɓɓe, Alla Iburaahiima, e Isiyaaku, e Yaakuubu mi suppitanake maa. 6Joomiraawo wi'i mo kade: Wattu juunŋo maa der toggoore maa e gabaare maa. O watti juunŋo makko der toggoore makko e gabaare makko. O sutti ŋo, o tawi ceppam happii ŋo, eŋoo rawni tar hande kosam. 7Joomiraawo wi'i mo: Wattu kade juunŋo maa e gabaare maa. O watti juunŋo makko e gabaare makko. Ɓaawo mum, o sutti ŋo, o tawi ŋo wittoy hande no ŋo wa'unoo. 8Joomiraawo wi'i: To ɓe jaɓay haala maa, to ɓe koolaaki haaynaare arandeere, ɓe kooloto haaynaare ɗiɗawre. 9To ɓe koolaaki haaynaareeji ɗiɗi ɗin bo, to ɓe jaɓay haala maa, jahaa, nyeɗaa diyam maayo Nili, reƴƴitaa ɗam dow leydi jorni. Den mum, diyam ɗam nyeɗuɗaa ɗam wayloto ƴiiƴam dow leydi jorni.
Alla wi'i accan Haruuna walla Muusa
10Ɗon nun Muusa bati Joomiraawo wi'i: Joomiraawo, min mi waawaa batu baa denno, baa jooni, baa wakkati baddataa am, gam hunnuko am e ɗenŋal am teddu nun. 11Joomiraawo wi'i: Moy waɗani neɗɗo hunnuko? Moy laatinta neɗɗo muumo, naa bo paho? Moy laatinta neɗɗo ji'oowo, naa bo bumɗo Min Alla Joomiraawo bane baa? 12Jooni, yahu, mi wallete batugo, mi ekkitinte bo ka batataa. 13Muusa wi'i: Joomiraawo, sawra suɓu goɗɗo lilaa.
14Mone Muusa waɗi Joomiraawo, go o wi'i: Mii anni mawniraawo maa Haruuna Leewinkeejo. Kanko oo waawi batu. O nani oo wara gam o taɓɓe. To o fottii maa, ɓerne makko welan sanne. 15Baddu mo, bataa mo haala am. Min mi golliran hunnuko maa e hunnuko makko. Mi ekkitinan on ko haani gaɗon. 16O yottinan himɓe haala maa. O laatoto hande hunnuko maa. An laatoɗaa hande min Alla yeeso makko, gam bataa mo haala am. 17Ettu sawru ŋol ɗoo jogoɗaa e juunŋo maa. Kanŋol nun gaɗirtaa haaynaareeji.
No Muusa wittiri faa leydi Misira
18Muusa hooti to esiraawo mum Yetiro. O wi'i mo: Mi eelete nun, accu mi yaha faa leydi Misira to banniraaɓe am, mi daara naa ɓee buuri. Yetiro wi'i mo: yahu e jam.
19Joomiraawo baddi Muusa wakkati o wonnoo taw der leydi Madiyan, wi'i: Wittu faa leydi Misira, gam yiɗunooɓe warugo maa fu maayi. 20Muusa etti debbo mum e sukaaɓe mum, waɗɗini ɓe dow babbi, witti faa leydi Misira. O etti bo sawru ŋol Alla wi'unoo mo o jogoo e juunŋo makko. 21Joomiraawo wi'i Muusa: To a yottake leydi Misira ton, jahaa to Firawna, gaɗaa haaynaareeji ɗi kokku maa mi e juunŋo maa. Mi yoorinan ɓerne Firawna, o saloo yoofugo himɓe ɓen ɓe burtoo. 22Bataa mo bi'aa: Alla Joomiraawo wi'i: Isira'iila laati nun suka am afo. 23Gam mum, yoofu mo o yaha o jagganoo am. To a salake bo, mi waran suka maa afo.
24No Muusa yanti laawol, o yottii nokkuure ne o waalata. Joomiraawo yanti mo, o yiɗi warugo mo. 25Sefora etti hayre seeɓune, juulniri ɓiyiiko. O etti gurol mum o meemiri koyɗe Muusa, o wi'i: A laati nun gorko am diga e ƴiiƴam. 26O wi'u nun, a laati nun gorko am diga e ƴiiƴam gam sabbu juulnol ŋol. Den mum Joomiraawo acci Muusa.
27Ɗon nun Joomiraawo wi'i Haruuna: Yahu faa ladde yorne taɓɓitoɗaa Muusa. Haruuna yahi fotti mo faa to waanne Alla. O wuunii mo. 28Ɓaawo mum, Muusa bati Haruuna haala ka Alla liliroy mo e haaynaareeji ɗi o wi'i mo o waɗa fu. 29Muusa e Haruuna ummii yahi hawriti ardiiɓe Isira'iilaaɓe fu. 30Haruuna bati ɓe haala ka Joomiraawo batunoo Muusa fu. O waɗi bo haaynaareeji ɗin yeeso jama'aare. 31Himɓe ɓen jaɓi haala maɓɓe no ɓe nani no Joomiraawo yi'ii bone maɓɓe, o warii bo faabaago Isira'iilaaɓe. Go ɓe jiccii, ɓe teddini Alla.
ទើបបានជ្រើសរើសហើយ៖
Wurtaago 4: BFB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.
Wurtaago 4
4
No Alla holliri Muusa baawɗe mum
1Ɗon nun Muusa toontii wi'i: Himɓe Isira'iila jaɓataa haala am, ɓe kettinantaako am. Ɓe bi'an: Fewre nun, Alla suppitanaaki maa. 2Joomiraawo ƴami mo wi'i: Ume nun jogiɗaa e juunŋo maa? O wi'i: Sawru. 3Alla Joomiraawo wi'i: Faɗɗu ŋol e leydi. O faɗɗi ŋol e leydi, go ŋol waylii boddi. Muusa doggi ni. 4Joomiraawo wi'i kade Muusa: Fortu juunŋo maa, happu ɓokkordu mayri. O forti juunŋo makko, o happi ɓokkordu mayri, go ni waylii sawru der juunŋo makko.
5Joomiraawo wi'i: Kanjum gaɗataa go ɓe kooloo no min Alla Joomiraawo kookiraaɓe maɓɓe, Alla Iburaahiima, e Isiyaaku, e Yaakuubu mi suppitanake maa. 6Joomiraawo wi'i mo kade: Wattu juunŋo maa der toggoore maa e gabaare maa. O watti juunŋo makko der toggoore makko e gabaare makko. O sutti ŋo, o tawi ceppam happii ŋo, eŋoo rawni tar hande kosam. 7Joomiraawo wi'i mo: Wattu kade juunŋo maa e gabaare maa. O watti juunŋo makko e gabaare makko. Ɓaawo mum, o sutti ŋo, o tawi ŋo wittoy hande no ŋo wa'unoo. 8Joomiraawo wi'i: To ɓe jaɓay haala maa, to ɓe koolaaki haaynaare arandeere, ɓe kooloto haaynaare ɗiɗawre. 9To ɓe koolaaki haaynaareeji ɗiɗi ɗin bo, to ɓe jaɓay haala maa, jahaa, nyeɗaa diyam maayo Nili, reƴƴitaa ɗam dow leydi jorni. Den mum, diyam ɗam nyeɗuɗaa ɗam wayloto ƴiiƴam dow leydi jorni.
Alla wi'i accan Haruuna walla Muusa
10Ɗon nun Muusa bati Joomiraawo wi'i: Joomiraawo, min mi waawaa batu baa denno, baa jooni, baa wakkati baddataa am, gam hunnuko am e ɗenŋal am teddu nun. 11Joomiraawo wi'i: Moy waɗani neɗɗo hunnuko? Moy laatinta neɗɗo muumo, naa bo paho? Moy laatinta neɗɗo ji'oowo, naa bo bumɗo Min Alla Joomiraawo bane baa? 12Jooni, yahu, mi wallete batugo, mi ekkitinte bo ka batataa. 13Muusa wi'i: Joomiraawo, sawra suɓu goɗɗo lilaa.
14Mone Muusa waɗi Joomiraawo, go o wi'i: Mii anni mawniraawo maa Haruuna Leewinkeejo. Kanko oo waawi batu. O nani oo wara gam o taɓɓe. To o fottii maa, ɓerne makko welan sanne. 15Baddu mo, bataa mo haala am. Min mi golliran hunnuko maa e hunnuko makko. Mi ekkitinan on ko haani gaɗon. 16O yottinan himɓe haala maa. O laatoto hande hunnuko maa. An laatoɗaa hande min Alla yeeso makko, gam bataa mo haala am. 17Ettu sawru ŋol ɗoo jogoɗaa e juunŋo maa. Kanŋol nun gaɗirtaa haaynaareeji.
No Muusa wittiri faa leydi Misira
18Muusa hooti to esiraawo mum Yetiro. O wi'i mo: Mi eelete nun, accu mi yaha faa leydi Misira to banniraaɓe am, mi daara naa ɓee buuri. Yetiro wi'i mo: yahu e jam.
19Joomiraawo baddi Muusa wakkati o wonnoo taw der leydi Madiyan, wi'i: Wittu faa leydi Misira, gam yiɗunooɓe warugo maa fu maayi. 20Muusa etti debbo mum e sukaaɓe mum, waɗɗini ɓe dow babbi, witti faa leydi Misira. O etti bo sawru ŋol Alla wi'unoo mo o jogoo e juunŋo makko. 21Joomiraawo wi'i Muusa: To a yottake leydi Misira ton, jahaa to Firawna, gaɗaa haaynaareeji ɗi kokku maa mi e juunŋo maa. Mi yoorinan ɓerne Firawna, o saloo yoofugo himɓe ɓen ɓe burtoo. 22Bataa mo bi'aa: Alla Joomiraawo wi'i: Isira'iila laati nun suka am afo. 23Gam mum, yoofu mo o yaha o jagganoo am. To a salake bo, mi waran suka maa afo.
24No Muusa yanti laawol, o yottii nokkuure ne o waalata. Joomiraawo yanti mo, o yiɗi warugo mo. 25Sefora etti hayre seeɓune, juulniri ɓiyiiko. O etti gurol mum o meemiri koyɗe Muusa, o wi'i: A laati nun gorko am diga e ƴiiƴam. 26O wi'u nun, a laati nun gorko am diga e ƴiiƴam gam sabbu juulnol ŋol. Den mum Joomiraawo acci Muusa.
27Ɗon nun Joomiraawo wi'i Haruuna: Yahu faa ladde yorne taɓɓitoɗaa Muusa. Haruuna yahi fotti mo faa to waanne Alla. O wuunii mo. 28Ɓaawo mum, Muusa bati Haruuna haala ka Alla liliroy mo e haaynaareeji ɗi o wi'i mo o waɗa fu. 29Muusa e Haruuna ummii yahi hawriti ardiiɓe Isira'iilaaɓe fu. 30Haruuna bati ɓe haala ka Joomiraawo batunoo Muusa fu. O waɗi bo haaynaareeji ɗin yeeso jama'aare. 31Himɓe ɓen jaɓi haala maɓɓe no ɓe nani no Joomiraawo yi'ii bone maɓɓe, o warii bo faabaago Isira'iilaaɓe. Go ɓe jiccii, ɓe teddini Alla.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.