2 Ilkorinto 3
3
Isinkan lo sotua ng'ejuk
1Ketaa ate kiingil aaiteru aaisis? Eikiaatayie iyiook tipat anaa enaatayie kulikae, tipat impala naarrepakinyieki iyiook intae aashu nirrepiepie intae iyiook? 2Intae maate empalai e rrepet ang, naigero too ltauja linyi pee eyiolouni neisum ltung'ana pooki. 3#Ena 24.12; Yer 31.33; Esek 11.19; 36.26Keibala nchere irara intae empalai naing'uaa Kristo, naa iyiook ooitarasutua neme olng'eriantus eigerore kake Enkiyang'et e Nkai naishu, neme too soito eigero kake too ltauja loo ltung'ana.
4Te Kristo kidup iyiook aatejo nejia tialo Enkai. 5Ore tiatua ate nimikiaata toki. Nimikijo atua iyiook maate eing'uaa ae toki. Enkai eing'uaa enkidimata ang, 6#Yer 31.31naa ninye oishoo iyiook inaaidip nkolati ang pooki, ina kata pee eitaa iyiook ilaisiaayiak lo sotua ng'ejuk neme too nkitanapat ake naasira kake te nkiyang'et; amu keeya eyau nena kitanapat naasira, kake keyau Enkiyang'et enkishui.
7 #
Ena 34.29
Ore enkishorunoto e nena kitanapat, naaigeroki too sirat lo soit, naa keeya eiting'oko. Kake ore ake eyia neewuo te nkitoo e nking'asia o metaa meitieu Isiraeli aaing'ura enkomom e Musa te nkaraki ewang'an enye, hoo naa enaishari apake. 8Kebaa elusoo naa enkitoo nalotu te nkishorunoto e Nkiyang'et? 9Naa amaa te neiriamunore enkitoo naba nejia enkishorunoto oo nkitanapat naayau endung'okinoto e nkiguana, kebaa naa elusoo enkitoo e nkishorunoto e ina Kiyang'et naitaa iyiook ilooata enkitoo, 10Metaa, ore eina naata apa enkitoo, neewuo aaku meeta enkitoo tukul, te nkaraki ina kitoo nalus teina. 11Amu te neeta apa ina naishunye enkitoo enye, kebaa naa elusoo oleng enkitoo e ina nabik intarasi?
12Ore te nkaraki nikiata ele siligi lang, eikiro mikiata olng'ash. 13#Ena 34.33Mikitiu anaa Musa, oimulumul apa enkomom pee meduaaya Isiraeli eishari ina wang'an. 14Eitagoloki apa lukuny enye; amu ore o taata, eton ake eitu eiwuang'ieki ina kimulumulata te neisumi Lkigerot lo sotua musana. Tiatua Kristo ake eiwuang'ieki. 15Ee, ore o taata, te neisumi mbukui e Musa, netiu anaa keimulumula lukuny e lelo ooinining; 16#Ena 34.34Ena ejo ilkigerot tialo Musa: “Ore ake pee eibelekenyakino oltung'ani Olaitoriani neiwuang'ieki ina kimulumulata.” 17Ore Olaitoriani naa ninye Enkiyang'et, ore pooki wueji netii Enkiyang'et o Laitoriani, netii elakunoto. 18Ore iyiook pooki, nikitaa ilemeimulamula inkomomi, nikiwariwaru anaa kiok#3.18 kiok: Etii iloshon oojo enkioo teina kishiaa o Laitoriani, eibelekenyitai iyiook matotiu anaa ninye eponari ake ina kitoo. Enkias o Laitoriani ena, naa Enkiyang'et ninye.
ទើបបានជ្រើសរើសហើយ៖
2 Ilkorinto 3: BIBLIAPRO
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 2018