San Mateo 20
20
Jä tumu'ixa tso jä tuumpata juu jäm uva kamjootm
1We'n tumu'ixa jä kutujken juu jäm tsapjootm we'n ixu'n tujk jä mëj uva kam nyiwintsën, juu tsoom jëpye nëjkx t'ixta wa'any jä tuumpata juu tuntap jäm uva kamjootm. 2Jäts jääta tkots ooyete winju'n tujk xëë jyuuyen pëjktat, jäts tpakex jä tuumpata jäm uva kamjootm. 3Jäts tsyoonko'me petxëë taxtujtek yaaxp wyena, jäts t'ix jäm maay jootm tsyëëneta jä jayeta nitii tka tunta. 4Jäts tnïmye: naywe'n miits nëjkxta mtunta ëts n'uva kamjootm, jäts nmujuytap ëts miits we'nam ixu'nam tyuketakye. Wa'nit jääta nyëjkxte tuumpa. 5Jäts kujkxëë jä wintsën jatujk ook tsyoonko'me, jä tujk ook tanan tuuk yaaxp wyena, naywe'n ojts tunko'me. 6Muwooxk yaaxp wyena tpaatne ku nyëjkxko'me jäm maay jootm jäts wiinka tpaatkome jäm tsyëëneta nitii tka tuunta. Jäts tyajktïïwe: Tyëx miits tujk xëë yaja jäts nitii tuunka xka tunta. 7Jäts y'atsoote: Paaty ku nipëna ëëts xka' tuunk meej. Wa'nit yajknïmyete: naywe'n miitsta nëjkxta mtunta ëts n'uva kamjootm.
8Ku jä it kyootsene, jäts jä uva nyiwintsën tnïmye juu jä tuunk tnipawaamp: Mëjwowe jä tuumpata, Jäts xtsoontket jää jayïp mujuyep juu ix'ook të tyuntëjketa jäts kyukëxat juu jayïp të tyuntëjketa. 9Wa'nit jyatye, tanan jä it wyena muwooxk yaaxp ku jä tuumpata tyëjkete tuumpa jäts tujk xëë nitun yajkmujuutye. 10Kuts xä nyax, wa'nit tyuketaake jä tujk pïjk jää juu jäyïp tëjkete tuumpata, jäts tpayo'tye jäts niyujk wi'n jyak yajkmujuytat; jäts tujk jä nitujk jääta naywe'n jä juuyen tyajkmootye tujk xëë nitun. 11Kuts t'ixte winjun yajkmujuutye jäts tpakotsujk waantene jä uva nyiwintsën, 12jäts tnïmyete: Yëëta, tanan jyatye, tujk xaap yë të tyunta, jäts mits xmujuy naywe'n ixu'n ëëts, të ëëts mutëna jä tuunk jäts jä xëë an tujk xëënaxp. 13Jäts jä juu tniwintsënep t'atseew nitujk jääta: Muwu'k, ni tii mits nkatuuna juu ka' oyap. Jamyatse jäts të ïïm nkots'mujkme jäts winju'n mits nmujuyet tujk xëë. 14Axäja mjuuyen jäts nëjkxne. Pen ntsejkp ëts jäts juu xyam ix'ook të tyuntejka jäts naywe'n nmoet ixu'n mits, 15jääkëx ku nmëët ëts jä mataaken oyp ëts ntunet wintsoj ëts ntsejk mëët ëts nmeen. O'k amajten mitse mëët ku ëts n'oyjaywa. 16We'n tyunet juu xyam ix'ooketep, jää nëjkx jyayepeta; juu xyam jayepetep, jää nëjkx ix'ooketa.
Jä Jesús jä y'ooken t'awana mutuuk ook
(Mr 10.32-34; Lc 18.31-34)
17Jä Jesús tsyeen yo'oy nyïjkx jäm Jerusalén, jäts tuu aay twowmuk jä nimajkmäjtsk y'ixpëjkpatëjkta jäts tnïmye:
18—Tsoj miits x'ixta, xyam wa ïïm nëjkxem jäm Jerusalén, juma Naaxwinete jaye Y'unejk yajkë'ëyajk wa'any jäm teetëjkta nyiwintsënta winkujkm mëët jä ixpïjk jayeta juu tnijawetep jä kutujken, jää tyaknikutuketap jäts y'ooket 19jäts tkë'ëmojtat jä wiitpa jayeta jäts jää tuxijktat, twinwoptat jäts cruz këxm tyujkwoptat; jäts kutuuk xëë jyuuky'pëjknet.
Jä Jesús t'atsowempit jä Santiago tyaak jäts Juan
(Mr 10.35-45)
20Jä unejktaak mëët jä Zebedeo y'unejkta, mëët jä y'unejkta, wa'nit tninëjkxte jä Jesús jäts jä te'extëjk twinkuxtenye jäts t'amote jäts tunet maayen. 21Jäts jä Jesús tyajktïïwe:
—Ti mtsejkp.
Jää nyë'ëmxe:
—Yajnikutujka mits jäts nitujk ëts n'unejkta tsyëënat mits m'akaayentsoj jäts jatujk ëts n'unejk tsyëënat mits m'anajemtsoj jäm juma mits jä mkutujken.
22Wa'nit jä Jesús y'atseew:
—Miits ka' xnijaweta ti m'amotetep. M'oyxep miits wi'nta x'uujktat jä ta'am në'ë juu ëts n'uukwaampy.
Jääta y'atsoote:
—x'oyxep ëëts:
23Jä Jesús y'atseew:
—Miits m'uukwaantep yë ta'am në'ë, jäts mtsëënetat ëts n'anajem o'k ëts n'akaayen ka' ëtsap xtuketaakp miits nmojtat, jää myo'ep pën ëts jä nTee tyumutsejkp.
24Ku ojts tmoteta yë jä nimajk ixpëjkpatëjkta, mëjk ojts tmujotmajta jä Santiago mëët jä y'uts. 25Jääkëx jä Jesús tmëj yaaxy, jäts tnïmye:
—We'n tso miits xnijaweta, jäts tujk jä'yeta juu tka' nijawep jä Kunuukxtee kyets ayuuk jäts jä wintsënta yë mëjk yajkutujktep jäts nyatijeta jäts nyimejetep ej, nimëj nyayjaweta jäts mëjk jä kyutujken pëmta jäts yë jaye t'amuutsketa. 26Jääkëx tujk miitsta ka' we'n y'oya mjaywetat, wimpijtem'ej, pen jäm tujk miitsta juu natsyojkep nimëj y'itet, jayïp tuunat jä myugujk; 27Pen jäm miitsta nitujk pën natsyojkep jyayepat, jayïp jä poo tuumpa. 28Paaty, naywe'n, jä Naaxwinete jaye Y'unejk kä' jää'ap myets jäts yajktuunat, jää nyimets jäts jä jaye tuunat jäts tkë'ëyajket jä jyuukyen jäts jä naxwiinete jaye tyajknitsojket.
Jesús tyajktse'ek mäjtsk jä wiints jaye
(Mr 10.46-52; Lc 18.35-43)
29Ku jääta tsyoontene jäm Jericó, may jä jayeta tpayo'oyta jä Jesús. 30Mäjtsk jä wiints jayeta wyena tsyëëneta tuu'aay, kuts tmotete jäts Jesús jäm nyax, wa'nit mëjk ya'axta jyokta:
—Mits Wintsën, David y'unejk, ni'ayowa ëëts.
31Jäts jä jaye nyë'ëmxeta amone miitsta, jäts jääta niyujk mëjk jyaak ya'axta jyokta:
—Mits Wintsën, David y'unejk, ni'ayowa ëëts.
32Wa'nit jä Jesús tyenye ooye, jäts tmëjweew jä wiints jayeta jäts tnïmye:
—Tii mtsojktep ëts ntunet miits këx.
33Jääta y'atsoote:
—Wintsën, jää ëëts ntsejkp jäts nwin'ixpejket jä tujknax.
34Jä Jesús ojts tni'ayowa jääta, jäts tnixaje jä wyin. Wanitjye jä wiintsta ojts win'ixpëjkta, jäts tpanëjkxte jä Jesús.
ទើបបានជ្រើសរើសហើយ៖
San Mateo 20: JKAYUUK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
San Mateo 20
20
Jä tumu'ixa tso jä tuumpata juu jäm uva kamjootm
1We'n tumu'ixa jä kutujken juu jäm tsapjootm we'n ixu'n tujk jä mëj uva kam nyiwintsën, juu tsoom jëpye nëjkx t'ixta wa'any jä tuumpata juu tuntap jäm uva kamjootm. 2Jäts jääta tkots ooyete winju'n tujk xëë jyuuyen pëjktat, jäts tpakex jä tuumpata jäm uva kamjootm. 3Jäts tsyoonko'me petxëë taxtujtek yaaxp wyena, jäts t'ix jäm maay jootm tsyëëneta jä jayeta nitii tka tunta. 4Jäts tnïmye: naywe'n miits nëjkxta mtunta ëts n'uva kamjootm, jäts nmujuytap ëts miits we'nam ixu'nam tyuketakye. Wa'nit jääta nyëjkxte tuumpa. 5Jäts kujkxëë jä wintsën jatujk ook tsyoonko'me, jä tujk ook tanan tuuk yaaxp wyena, naywe'n ojts tunko'me. 6Muwooxk yaaxp wyena tpaatne ku nyëjkxko'me jäm maay jootm jäts wiinka tpaatkome jäm tsyëëneta nitii tka tuunta. Jäts tyajktïïwe: Tyëx miits tujk xëë yaja jäts nitii tuunka xka tunta. 7Jäts y'atsoote: Paaty ku nipëna ëëts xka' tuunk meej. Wa'nit yajknïmyete: naywe'n miitsta nëjkxta mtunta ëts n'uva kamjootm.
8Ku jä it kyootsene, jäts jä uva nyiwintsën tnïmye juu jä tuunk tnipawaamp: Mëjwowe jä tuumpata, Jäts xtsoontket jää jayïp mujuyep juu ix'ook të tyuntëjketa jäts kyukëxat juu jayïp të tyuntëjketa. 9Wa'nit jyatye, tanan jä it wyena muwooxk yaaxp ku jä tuumpata tyëjkete tuumpa jäts tujk xëë nitun yajkmujuutye. 10Kuts xä nyax, wa'nit tyuketaake jä tujk pïjk jää juu jäyïp tëjkete tuumpata, jäts tpayo'tye jäts niyujk wi'n jyak yajkmujuytat; jäts tujk jä nitujk jääta naywe'n jä juuyen tyajkmootye tujk xëë nitun. 11Kuts t'ixte winjun yajkmujuutye jäts tpakotsujk waantene jä uva nyiwintsën, 12jäts tnïmyete: Yëëta, tanan jyatye, tujk xaap yë të tyunta, jäts mits xmujuy naywe'n ixu'n ëëts, të ëëts mutëna jä tuunk jäts jä xëë an tujk xëënaxp. 13Jäts jä juu tniwintsënep t'atseew nitujk jääta: Muwu'k, ni tii mits nkatuuna juu ka' oyap. Jamyatse jäts të ïïm nkots'mujkme jäts winju'n mits nmujuyet tujk xëë. 14Axäja mjuuyen jäts nëjkxne. Pen ntsejkp ëts jäts juu xyam ix'ook të tyuntejka jäts naywe'n nmoet ixu'n mits, 15jääkëx ku nmëët ëts jä mataaken oyp ëts ntunet wintsoj ëts ntsejk mëët ëts nmeen. O'k amajten mitse mëët ku ëts n'oyjaywa. 16We'n tyunet juu xyam ix'ooketep, jää nëjkx jyayepeta; juu xyam jayepetep, jää nëjkx ix'ooketa.
Jä Jesús jä y'ooken t'awana mutuuk ook
(Mr 10.32-34; Lc 18.31-34)
17Jä Jesús tsyeen yo'oy nyïjkx jäm Jerusalén, jäts tuu aay twowmuk jä nimajkmäjtsk y'ixpëjkpatëjkta jäts tnïmye:
18—Tsoj miits x'ixta, xyam wa ïïm nëjkxem jäm Jerusalén, juma Naaxwinete jaye Y'unejk yajkë'ëyajk wa'any jäm teetëjkta nyiwintsënta winkujkm mëët jä ixpïjk jayeta juu tnijawetep jä kutujken, jää tyaknikutuketap jäts y'ooket 19jäts tkë'ëmojtat jä wiitpa jayeta jäts jää tuxijktat, twinwoptat jäts cruz këxm tyujkwoptat; jäts kutuuk xëë jyuuky'pëjknet.
Jä Jesús t'atsowempit jä Santiago tyaak jäts Juan
(Mr 10.35-45)
20Jä unejktaak mëët jä Zebedeo y'unejkta, mëët jä y'unejkta, wa'nit tninëjkxte jä Jesús jäts jä te'extëjk twinkuxtenye jäts t'amote jäts tunet maayen. 21Jäts jä Jesús tyajktïïwe:
—Ti mtsejkp.
Jää nyë'ëmxe:
—Yajnikutujka mits jäts nitujk ëts n'unejkta tsyëënat mits m'akaayentsoj jäts jatujk ëts n'unejk tsyëënat mits m'anajemtsoj jäm juma mits jä mkutujken.
22Wa'nit jä Jesús y'atseew:
—Miits ka' xnijaweta ti m'amotetep. M'oyxep miits wi'nta x'uujktat jä ta'am në'ë juu ëts n'uukwaampy.
Jääta y'atsoote:
—x'oyxep ëëts:
23Jä Jesús y'atseew:
—Miits m'uukwaantep yë ta'am në'ë, jäts mtsëënetat ëts n'anajem o'k ëts n'akaayen ka' ëtsap xtuketaakp miits nmojtat, jää myo'ep pën ëts jä nTee tyumutsejkp.
24Ku ojts tmoteta yë jä nimajk ixpëjkpatëjkta, mëjk ojts tmujotmajta jä Santiago mëët jä y'uts. 25Jääkëx jä Jesús tmëj yaaxy, jäts tnïmye:
—We'n tso miits xnijaweta, jäts tujk jä'yeta juu tka' nijawep jä Kunuukxtee kyets ayuuk jäts jä wintsënta yë mëjk yajkutujktep jäts nyatijeta jäts nyimejetep ej, nimëj nyayjaweta jäts mëjk jä kyutujken pëmta jäts yë jaye t'amuutsketa. 26Jääkëx tujk miitsta ka' we'n y'oya mjaywetat, wimpijtem'ej, pen jäm tujk miitsta juu natsyojkep nimëj y'itet, jayïp tuunat jä myugujk; 27Pen jäm miitsta nitujk pën natsyojkep jyayepat, jayïp jä poo tuumpa. 28Paaty, naywe'n, jä Naaxwinete jaye Y'unejk kä' jää'ap myets jäts yajktuunat, jää nyimets jäts jä jaye tuunat jäts tkë'ëyajket jä jyuukyen jäts jä naxwiinete jaye tyajknitsojket.
Jesús tyajktse'ek mäjtsk jä wiints jaye
(Mr 10.46-52; Lc 18.35-43)
29Ku jääta tsyoontene jäm Jericó, may jä jayeta tpayo'oyta jä Jesús. 30Mäjtsk jä wiints jayeta wyena tsyëëneta tuu'aay, kuts tmotete jäts Jesús jäm nyax, wa'nit mëjk ya'axta jyokta:
—Mits Wintsën, David y'unejk, ni'ayowa ëëts.
31Jäts jä jaye nyë'ëmxeta amone miitsta, jäts jääta niyujk mëjk jyaak ya'axta jyokta:
—Mits Wintsën, David y'unejk, ni'ayowa ëëts.
32Wa'nit jä Jesús tyenye ooye, jäts tmëjweew jä wiints jayeta jäts tnïmye:
—Tii mtsojktep ëts ntunet miits këx.
33Jääta y'atsoote:
—Wintsën, jää ëëts ntsejkp jäts nwin'ixpejket jä tujknax.
34Jä Jesús ojts tni'ayowa jääta, jäts tnixaje jä wyin. Wanitjye jä wiintsta ojts win'ixpëjkta, jäts tpanëjkxte jä Jesús.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល