San Mateo 19
19
Jesús tyajk'ixpïjk tso ku jä ya'atyëjk jä tye'extëjk tmajktse'ek
(Mr 10.1-12; Lc 16.18)
1Ku jä Jesús kyotskïx, wa'nit jä Jesús tsyoone jäm Galilea it jootm jäts jya'y jäm Judea it jootm yë Jordan nyë'ëam jäm tsoj tyan juma jä xëë pitsem. 2May jaye payoyep, jäm ojts tyajktse'ek may jä pa'amjayeta.
3Winkexye jä Fariseosta ojts tmuwintema jä Jesús jäts, jä'ye t'ixmatswa'anta wintsoj wyanet, jäts tyaktïïwete:
—Oyp wi'n jä ya'atyëjk jä tye'extëjk tmajktsojket o'k pentii tyajktsuxajtep.
4Wä'nit jä Jesús ojts y'atsew:
—Ka'nem miits jä nejk xkotsta wintsoj japyet wya'any pën tyajk'ooye ku ojts tsyoontejk, ya'atyëjk jäts te'extëjk tyajk'ooye. 5Jäts wya'any: Paaty ej, jä ya'atyëjk tmajktsojket jä tyee jä tyaak jäts tmënapyëjket jä tye'extëjk, jäts nimäjtsk tujkye jä kyotsene. 6Ka' tse y'uknimäjtskene, tujkye kyotsene. Ka' we y'oya jä ya'atyëjk tyajknawyajxet juu jä Kunuukxtee tyajknamyuke.
7Jääta tyajktïïwete:
—Tyëx, jä Moisés we'n tnipawaany jäts jä ya'atyëjk tmoet jä tye'extëjk tujk jä nejk jää je'ts juu waamp jäts të nyamyajktsooketene, jäts wa'nit tpakäxnet.
8Jäts jä Jesús nyë'ëmxete:
—Paaty we'n tyajkjaty ku miits mkaketsmoteta, jä Moisés ojts tyajkjaty jäts oyp jä ya'atyëjk jä tye'extëjk tmajktsojket; ku ojts tsyoontejk ka' we'n ijt. 9Ëts miits nïmyetep pen pën tmajktsookp jä tye'extëjk, o'k tuuna tmëëtsïïna ka' tmënapïke, jäts wa'nit wiink te'extëjk tmënapyëko'me, mëj token jäwe tyuump.
10Wa'nit jä y'ixpëjkpatëjkta nyë'ëmxe:
—Pen we'n tyune jyatye jä ya'atyëjk mëët jä te'extëjk, jää oy ku jä ya'atyëjk kya te'expejket. 11Jesús y'atsowete:
—Ka' tukëye twinmoteta yëë xäj, jä'ye juu jä Kunuukxtee tmee jäts twinmotet. 12May jëp jä tu'atujken juu tka' yajkjatp jä ya'atyëjk tye'expejket: Winkex kyä'xta ka pyuka jä nyijkx kyopkta paaty kya oya nyapyëketat, jäts winkex juu tyajkwintokep jä myuya'atyëjk, jäts winkex we'n jyuukyeta ka' nyapyëketa jääkëx ku paatwa'any t'ixwa'any jä kutujken juu jäm tsapjootm. Pen pën twinmotep yëë, wan twimotewe.
Jesús tkunu'kx jä pijk unejkta
(Mr 10.13-16; Lc 18.15-17)
13Wa'nit jayeta tuninëjkxte jä pijk unejkta jää Jesús jäts tkë'ënikonet jäts tkutsapkotset jääta; jäts jä ixpëjkpatëjkta twintsoyta jä jayeta juu jäty jä y'unejk tyajknëjkxtep. 14Wa'nit jä Jesús nyëmxete:
—Majktsojkta yë pijk unejkta wa'n ëts xniminta, ka miits x'akotstujkta, we'n jä kutujken juu jäm tsapjootm ixu'n yëëta.
15Wa'nit jä kyë'ë tunikeen jä pijk unejkta, wa'nit jäm tsyoone.
Tujk jä waatyëjk jää jotkujk jaye tmënakyetse jä Jesús
(Mr 10.17-31; Lc 18.18-30)
16Tujk jä watyëjk tninïjkx jä Jesús, jäts tyajktïïwe:
—Yajk'ixpëjkpa, ti ju'n ëts oy ntunep jäts npaatet jää juukyen juu xëma këxm.
17Wa'nit jä Jesús y'atsoowe:
—Tyëx ëts xajktïïwa pen juu oy. Tujkam jää juu tni'oyep. Pen mtsejkp mits mtëjkat juma juukyen, patune jä pawaanen.
18—Juu we. —Tyajktïïwe jä watyëjk.
Jäts jä Jesús nyë'ëmxe:
—Ka' myajk'jaye ooket, ka' mits jä mte'extëjk xmajktsookne jäts wiink te'extëjk xmeetsïïnyenet, ka' määtset, ka' mtaayat ka' tuuna mugujk xniwampätet, 19Wintsëjkap jä mtee jä mtaak, tsojke jä mugujk we'n ixu'n mits kë'ëm mnatsyeke.
20—Të nijum nkutyunkïx —ojts wya'any jä watyëjk—. Ti ëts xja ka' ijtxep.
21Wa'nit jä Jesús y'atseew.
—Pen mtsejkp mits oy m'itet, tune, tooke tijaty mëët jäts xmo'et jä ayoow jaye, wa'nit xmëëtat jä jotkujken jäm tsapjootm. Wa'nit minet jäts ëts xpayoyet.
22Ku jä watyëjk we'en ojts yajknïma, wa tsyoone tsaatsy winmaapy, paaty ku wa'ts jotkujk jää.
23Wa'nit jä Jesús tnïmye jä ixpëjkpatejkta:
—We'nam jää wa'ts tsu'ux tyëjkat tujk jä jotkujk jaye jäm juma kutujken juu jäm tsapjootm. 24Jatujk ook nwanko'me niyujk jatna nyaxet tujk jä camello jäp xuuyen jutjeetp, katii jä jotkujk jaye tyëjkat jäm juma Kunuukxtee kyutujken.
25Ku t'amotenaxte, jä y'ixpëjkpatëjkta niyujk ojts tu'atïweta, jäts wyaante:
—Wa'nit tpayo'tye, pën tsa nitsooken tpaatep.
26Wa'nit jä Jesús tukëye ojts twin'ixpet jäts y'atseew:
—Jä ya'atyëjkta ka' tsa oyxetat, jä Kunuukxtee tukëye y'ooyxe'kïxë.
27Wa'nit jä Pedro nyë'ëmxe:
—Të ëëts nmajktsokïx tukëye tijaty ëëts nmëëta jäts mits ëëts npayo'oyet. Tii ëëts nyajkmo'ep.
28Jä Jesús y'atseew:
Tïwa nwa'any ku wyena tpaaty jä xëë të wyena anamekïx tijaty, ku jä naaxwinete jaye y'unejk tsyëënat jäm juma kyutujken wa'ts oy wa'ts tsuj, jäts miitsta ku ëts xpayo'oyta naywe'n miits mtsëënetat jäm juma jä majkmäjtsk jä kutujken juma yajktoken payoyet jä nimajkmäjtsk tribu jä Israel jyaa. 29Tukëye juu jyëën tyëjk tmajktse'ek ëts këx, atsy, ujts, tsyëë, o'k tyee, tyaak, y'unejkta, nyaax, nëjkx jä niyujk yajkmootyene mokepx ook, jäts naywe'n yajkmotat jä juukyen juu xëma këxm. 30Jäts may juu xyam jayepetep, jä nëjkx ix'ooketene; jäts may juu xyam ix'ooketep, jä nëjkx jyayepene.
ទើបបានជ្រើសរើសហើយ៖
San Mateo 19: JKAYUUK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
San Mateo 19
19
Jesús tyajk'ixpïjk tso ku jä ya'atyëjk jä tye'extëjk tmajktse'ek
(Mr 10.1-12; Lc 16.18)
1Ku jä Jesús kyotskïx, wa'nit jä Jesús tsyoone jäm Galilea it jootm jäts jya'y jäm Judea it jootm yë Jordan nyë'ëam jäm tsoj tyan juma jä xëë pitsem. 2May jaye payoyep, jäm ojts tyajktse'ek may jä pa'amjayeta.
3Winkexye jä Fariseosta ojts tmuwintema jä Jesús jäts, jä'ye t'ixmatswa'anta wintsoj wyanet, jäts tyaktïïwete:
—Oyp wi'n jä ya'atyëjk jä tye'extëjk tmajktsojket o'k pentii tyajktsuxajtep.
4Wä'nit jä Jesús ojts y'atsew:
—Ka'nem miits jä nejk xkotsta wintsoj japyet wya'any pën tyajk'ooye ku ojts tsyoontejk, ya'atyëjk jäts te'extëjk tyajk'ooye. 5Jäts wya'any: Paaty ej, jä ya'atyëjk tmajktsojket jä tyee jä tyaak jäts tmënapyëjket jä tye'extëjk, jäts nimäjtsk tujkye jä kyotsene. 6Ka' tse y'uknimäjtskene, tujkye kyotsene. Ka' we y'oya jä ya'atyëjk tyajknawyajxet juu jä Kunuukxtee tyajknamyuke.
7Jääta tyajktïïwete:
—Tyëx, jä Moisés we'n tnipawaany jäts jä ya'atyëjk tmoet jä tye'extëjk tujk jä nejk jää je'ts juu waamp jäts të nyamyajktsooketene, jäts wa'nit tpakäxnet.
8Jäts jä Jesús nyë'ëmxete:
—Paaty we'n tyajkjaty ku miits mkaketsmoteta, jä Moisés ojts tyajkjaty jäts oyp jä ya'atyëjk jä tye'extëjk tmajktsojket; ku ojts tsyoontejk ka' we'n ijt. 9Ëts miits nïmyetep pen pën tmajktsookp jä tye'extëjk, o'k tuuna tmëëtsïïna ka' tmënapïke, jäts wa'nit wiink te'extëjk tmënapyëko'me, mëj token jäwe tyuump.
10Wa'nit jä y'ixpëjkpatëjkta nyë'ëmxe:
—Pen we'n tyune jyatye jä ya'atyëjk mëët jä te'extëjk, jää oy ku jä ya'atyëjk kya te'expejket. 11Jesús y'atsowete:
—Ka' tukëye twinmoteta yëë xäj, jä'ye juu jä Kunuukxtee tmee jäts twinmotet. 12May jëp jä tu'atujken juu tka' yajkjatp jä ya'atyëjk tye'expejket: Winkex kyä'xta ka pyuka jä nyijkx kyopkta paaty kya oya nyapyëketat, jäts winkex juu tyajkwintokep jä myuya'atyëjk, jäts winkex we'n jyuukyeta ka' nyapyëketa jääkëx ku paatwa'any t'ixwa'any jä kutujken juu jäm tsapjootm. Pen pën twinmotep yëë, wan twimotewe.
Jesús tkunu'kx jä pijk unejkta
(Mr 10.13-16; Lc 18.15-17)
13Wa'nit jayeta tuninëjkxte jä pijk unejkta jää Jesús jäts tkë'ënikonet jäts tkutsapkotset jääta; jäts jä ixpëjkpatëjkta twintsoyta jä jayeta juu jäty jä y'unejk tyajknëjkxtep. 14Wa'nit jä Jesús nyëmxete:
—Majktsojkta yë pijk unejkta wa'n ëts xniminta, ka miits x'akotstujkta, we'n jä kutujken juu jäm tsapjootm ixu'n yëëta.
15Wa'nit jä kyë'ë tunikeen jä pijk unejkta, wa'nit jäm tsyoone.
Tujk jä waatyëjk jää jotkujk jaye tmënakyetse jä Jesús
(Mr 10.17-31; Lc 18.18-30)
16Tujk jä watyëjk tninïjkx jä Jesús, jäts tyajktïïwe:
—Yajk'ixpëjkpa, ti ju'n ëts oy ntunep jäts npaatet jää juukyen juu xëma këxm.
17Wa'nit jä Jesús y'atsoowe:
—Tyëx ëts xajktïïwa pen juu oy. Tujkam jää juu tni'oyep. Pen mtsejkp mits mtëjkat juma juukyen, patune jä pawaanen.
18—Juu we. —Tyajktïïwe jä watyëjk.
Jäts jä Jesús nyë'ëmxe:
—Ka' myajk'jaye ooket, ka' mits jä mte'extëjk xmajktsookne jäts wiink te'extëjk xmeetsïïnyenet, ka' määtset, ka' mtaayat ka' tuuna mugujk xniwampätet, 19Wintsëjkap jä mtee jä mtaak, tsojke jä mugujk we'n ixu'n mits kë'ëm mnatsyeke.
20—Të nijum nkutyunkïx —ojts wya'any jä watyëjk—. Ti ëts xja ka' ijtxep.
21Wa'nit jä Jesús y'atseew.
—Pen mtsejkp mits oy m'itet, tune, tooke tijaty mëët jäts xmo'et jä ayoow jaye, wa'nit xmëëtat jä jotkujken jäm tsapjootm. Wa'nit minet jäts ëts xpayoyet.
22Ku jä watyëjk we'en ojts yajknïma, wa tsyoone tsaatsy winmaapy, paaty ku wa'ts jotkujk jää.
23Wa'nit jä Jesús tnïmye jä ixpëjkpatejkta:
—We'nam jää wa'ts tsu'ux tyëjkat tujk jä jotkujk jaye jäm juma kutujken juu jäm tsapjootm. 24Jatujk ook nwanko'me niyujk jatna nyaxet tujk jä camello jäp xuuyen jutjeetp, katii jä jotkujk jaye tyëjkat jäm juma Kunuukxtee kyutujken.
25Ku t'amotenaxte, jä y'ixpëjkpatëjkta niyujk ojts tu'atïweta, jäts wyaante:
—Wa'nit tpayo'tye, pën tsa nitsooken tpaatep.
26Wa'nit jä Jesús tukëye ojts twin'ixpet jäts y'atseew:
—Jä ya'atyëjkta ka' tsa oyxetat, jä Kunuukxtee tukëye y'ooyxe'kïxë.
27Wa'nit jä Pedro nyë'ëmxe:
—Të ëëts nmajktsokïx tukëye tijaty ëëts nmëëta jäts mits ëëts npayo'oyet. Tii ëëts nyajkmo'ep.
28Jä Jesús y'atseew:
Tïwa nwa'any ku wyena tpaaty jä xëë të wyena anamekïx tijaty, ku jä naaxwinete jaye y'unejk tsyëënat jäm juma kyutujken wa'ts oy wa'ts tsuj, jäts miitsta ku ëts xpayo'oyta naywe'n miits mtsëënetat jäm juma jä majkmäjtsk jä kutujken juma yajktoken payoyet jä nimajkmäjtsk tribu jä Israel jyaa. 29Tukëye juu jyëën tyëjk tmajktse'ek ëts këx, atsy, ujts, tsyëë, o'k tyee, tyaak, y'unejkta, nyaax, nëjkx jä niyujk yajkmootyene mokepx ook, jäts naywe'n yajkmotat jä juukyen juu xëma këxm. 30Jäts may juu xyam jayepetep, jä nëjkx ix'ooketene; jäts may juu xyam ix'ooketep, jä nëjkx jyayepene.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល