Ŋúnuyɔ 138

138

Mi nɛ Yewe kányiʔɛ kaala tòbiló lè

1 Dawuda wuʔu gī.

Yewe yo, mi nɛ muɔ tòbiló nɛ́ mi fungo ki mìɛni ní;

nyìʔɛnɛ fànʔafɔlilɔ#138.1 Wéli baa 29.1 kaliwɛgɛ ki táanmɛ gè. yiʔɛ mɛ́ gè,

m'béri muɔ gbùʔɔrɔ́ bèri ŋú nɛ́ yakpuɔnrɔ ní dè.

2Mi nɛ tun nɛ cúbulo muɔ Gbùʔɔrɔsaʔa wàlidɛngɛgɛ kɔli mɛ́ gè,

mi nɛ muɔ míʔɛ kpóri gè

muɔ bànguɔ dɛ́nigɛ nɛ́ muɔ kányiʔɛ kaala wuʔu nɛ̄ gè.

Nɛ́ ki cɛ́n muɔ nyɛ́nì muɔ míʔɛ kpúʔɔ gè nɛ́ muɔ siɛnrɛ sɔ́migɔ dè nɛ̀ fori

kire ga buu ti‑ tóri yɛrɛ ti mìɛni nɛ̄.

3Cɛngɛ gíì mi 'muɔ yeri wè, a muɔ 'lúʔu mi mɛ́,

a muɔ 'nɛ̀zorilo kɛn mi mɛ́ nɛ̀ ŋɔri nyɔ́gɔ mi nī.

4Yewe yo, ‑ki yaʔa dàala kùlofɔlilɔ pe mìɛni de muɔ gbùʔɔrɔ́

a pe 'muɔ nyasiɛnrɛ lúʔu dè !

5Dí pe sí de ŋú Yewe kakpiʔiligele wuʔu nɛ̄ gè,

nɛ́ ki cɛ́n Yewe kpuɔmɔ pi nyɛ́nì niʔɛ !

6Yewe wiī naamɛ, nɛ̀ ki yaʔa wiī nɛ màamafɔlilɔ nyaʔa bèle;

fungbuʔɔfɔlilɔ bèle, wiī nɛ pe nyaʔa liilige nɛ̀ pe cɛ́n.

7A mi yē fùrɔgɔ sunʔɔmɔ nī bè, muɔ nɛ̂ ki kpíʔile mi‑ kò sìi nɛ̄,

muɔ nɛ̂ muɔ kɔli sáʔa gè nɛ̀ taʔa mi leguulo pe funyɛrigbuʔɔ nɛ̄ gè,

á muɔ kàliige kɔli kiī nɛ mi suu.

8Yewe bé mi kele nyuɔ gèle bè fori#138.8 Wéli baa Ŋún 57.3; Filip 1.6..

Yewe yo, muɔ bànguɔ dɛ́nigɛ kiī baa súuri#138.8 Wéli baa 106.1; 107.1; 110.5; 118.1; 136.1. !

Fǎga kàduʔu wáa muɔ siɛnnɛ mɛ́ bèle bàli muɔ faan bèleʔ !

ទើបបានជ្រើសរើសហើយ៖

Ŋúnuyɔ 138: sev

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ខគម្ពីរពេញនិយមពី
Ŋúnuyɔ 138