Ŋúnuyɔ 137
137
Weli sǐ ga tíi fìʔɛ bè nyaa nɛ́ Zerizalɛmi wuʔu ní gèʔ !
1Baa Babilɔni kùlo lakoliyo táanni yè,
weli yé tɛ́ni nɛ nyɛni níɛ sɔ̀ngí Siyɔn kàʔa wuʔu nɛ̄ gè.
2A weli 'weli gɔrilɔ tùɔn bèle tiiye lèye nɛ̄ yè lakoliyo táanni yè.
3Nɛ́ ki cɛ́n, kire tiʔɛ nī gè, weli còvɔlilɔ bèle,
pe yé ki juu nɛ̀ gbɛ̀ngɛ weli mɛ́ nɛ́ jo weri ŋú,
weli wuʔɔfɔlilɔ pe 'puu nɛ fundaanra ŋúnugo caa,
a pe 'jo: «Ye‑ Siyɔn kàʔa ŋúnugo káà ŋú weli mɛ́ !»
4Mɛni sí weli bé gbɛ̀ jáa bè Yewe ŋúnugo ŋú
nɛ̀ ki yaʔa weli yē nabɔnminɔ kùlo nī lè ?
5 Zerizalɛmi kàʔa yo, a mi 'fìʔɛ nɛ́ muɔ ní wè,
mi kàliige kɔli ki‑ mɔ̀nigɔ#137.5 Ki bé gbɛ̀ nyaa siɛnrɛ ti kɔri wi 'jo: mi kàliige kɔli ki- mɔ̀nigɔ gɔrikpunʔɔ nɛ̄ gè ! !
6Ki 'yɛli mi nyinɛ‑ ni tári mi ndɛbɛ nɛ̄ bè
a mi sǐ sɔ̀ngi nɛ̀ taa nɛ́ muɔ ní wè Zerizalɛmiʔ,
a mi sì muɔ kínige mi fundaanra ti mìɛni yiʔɛ mɛ́ gèʔ.
7Yewe yo, fǎga fìʔɛ nɛ́ dàa ní
Edɔmi siɛnnɛ pe yé juu dèʔ
cɛngɛ gíì pe 'Zerizalɛmi kàʔa líɛ gè, a pe 'jo:
«Ye‑ ki cúʔɔ ye ki cɛrigɛ !
Ye‑ ki cúʔɔ ye ki cɛrigɛ fúɔ bè sa nɔ̀ kàkpuɔnnɔ nɛ̄ bèle#137.7 Gàa Edɔmi siɛnnɛ pe 'kpíʔile gè, wéli baa Ezek 35.12-14. Edɔmi wuulo pe tuuliʔɛ kire ki 'puu Ezawu wè, Yakuba luɔ wè, Yakuba ŋáà pe 'puu nɛ yeri Isirayɛli wè. !»
8ʔé Babilɔni kàʔa gáà ki 'nyuɔ gè, a cɛ̀ri sìʔɛrɛ muɔ bé cúʔɔ !
Ŋàa wi bé kapiʔi fuʔɔ tɔ́n gè muɔ mɛ́ wè#137.8 Wéli baa Tìɛ 18.6. gàa muɔ 'kpíʔile weli nɛ̄ gè,
wi wuʔu ki bé puu tànʔa !
9Ŋàa wi bé muɔ pìile cò bèle bè pe muʔɔrɔ kàdɛnigbaala nɛ̄ lè,
wi wuʔu ki bé puu tànʔa#137.9 Siɛnnɛ bálì pe lɛ̀lɛ nī lè, ki yé buu a pe 'kapiɛnnɛ kpúɔn lè nɛ̀ kàʔa líɛ gè, pe nɛ̂ cé ki kàʔa pìile kpúu bèle, kire ga buu kàʔa ki fǎga ní faan bè yɛ̀ʔ. Wéli baa Kùlo2 8.12; Eza 13.16; 63.1-4; Zer 49.7-22; Naw 3.10; Luk 19.43-44. !
ទើបបានជ្រើសរើសហើយ៖
Ŋúnuyɔ 137: sev
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active), Wycliffe Bible Translators, Inc. All rights reserved.