Ŋúnuyɔ 136
136
Yewe bànguɔ dɛ́nigɛ kiī baa súuri lɛ̀lɛ ó lɛ̀lɛ nī !
1Yeri Yewe síɛri wè, nɛ́ ki cɛ́n wi nyɛ́nì nyuɔ,
nɛ́ ki cɛ́n wi bànguɔ dɛ́nigɛ kiī baa súuri#136.1 Wéli baa 100.5; 106.1; 107.1; 118.1,29; Kaj1 16.34; Kaj2 5.13; 7.3; Ɛsid 3.11; Zer 33.11. !
2Yeri wi síɛri, wire ŋáà wi 'kpúʔɔ nɛ̀ tóri kulocɛlɛlɛ pe mìɛni nɛ̄ bèle,
nɛ́ ki cɛ́n wi bànguɔ dɛ́nigɛ kiī baa súuri !
3Yeri wi síɛri, wire ŋáà wi 'kpúʔɔ nɛ̀ tóri kàfɔlilɔ pe mìɛni nɛ̄ bèle,
nɛ́ ki cɛ́n wi bànguɔ dɛ́nigɛ kiī baa súuri !
4Wire nigbe wi funwuɔrɔ kakpoliyo kpínʔini yè,
nɛ́ ki cɛ́n wi bànguɔ dɛ́nigɛ kiī baa súuri !
5Wire wi 'nyìʔɛnɛ faan lè nɛ́ wi sícilige ní gè#136.5 Wéli baa Sél 1.1,6-8.,
nɛ́ ki cɛ́n wi bànguɔ dɛ́nigɛ kiī baa súuri !
6Wire wi 'dàala faan lè nɛ̀ taʔa luʔɔ naamɛ gè#136.6 Wéli baa Sél 1.2,9-10; Ŋún 24.2.,
nɛ́ ki cɛ́n wi bànguɔ dɛ́nigɛ kiī baa súuri !
7Wire wi 'kpìɛnmɛcaan yakpoliyo faan yè#136.7 Koliyo 7-9 tiʔɛ nī gè, wéli baa Sél 1.14-18.,
nɛ́ ki cɛ́n wi bànguɔ dɛ́nigɛ kiī baa súuri !
8Wi 'cɛngɛ faan gè gàa ki cɛnyɛ kàrigí yè,
nɛ́ ki cɛ́n wi bànguɔ dɛ́nigɛ kiī baa súuri !
9Wi 'yege nɛ́ ŋɔgɔlɔ faan gèle gàli ke pìliye kàrigí yè,
nɛ́ ki cɛ́n wi bànguɔ dɛ́nigɛ kiī baa súuri !
10Wire wi 'Ezipiti kùlo jaafɔpelile kpúɔn bèle nɛ̀ kpúu#136.10 Wéli baa Yir 12.29.,
nɛ́ ki cɛ́n wi bànguɔ dɛ́nigɛ kiī baa súuri !
11A wi 'Isirayɛliyé siɛnnɛ yige bèle pe sunʔɔmɔ nī bè#136.11 Wéli baa Yir 12.51.,
nɛ́ ki cɛ́n wi bànguɔ dɛ́nigɛ kiī baa súuri !
12Wi 'wi ŋɔri kɔli 'sáʔa gè nɛ̀ pe yige wi fànʔa ní gè#136.12 Koliyo 12-15 tiʔɛ nī gè, wéli baa Yir 14.15-29.,
nɛ́ ki cɛ́n wi bànguɔ dɛ́nigɛ kiī baa súuri !
13Wi 'Nyàʔanivɛgɛ Tiire kuʔɔjii ceri wè tiɛyɛ siin,
nɛ́ ki cɛ́n wi bànguɔ dɛ́nigɛ kiī baa súuri !
14A wi 'Isirayɛli siɛnnɛ jeli bèle ki sunʔɔmɔ nī bè,
nɛ́ ki cɛ́n wi bànguɔ dɛ́nigɛ kiī baa súuri !
15Nɛ́ sí Farawɔn nɛ́ wi kapiɛngbuɔnnɔ wáa bèle Nyàʔanivɛgɛ Tiire kuʔɔjii nī wè,
nɛ́ ki cɛ́n wi bànguɔ dɛ́nigɛ kiī baa súuri !
16Wi 'wi siɛnnɛ pe yiʔɛ kíni waama kùlo nī lè#136.16 Wéli baa Fàn 8.14-15.,
nɛ́ ki cɛ́n wi bànguɔ dɛ́nigɛ kiī baa súuri !
17Wi 'kùlofɔgbolilo kpúɔn bèle nɛ̀ pe jáa#136.17 Wéli baa 135.10-12.,
nɛ́ ki cɛ́n wi bànguɔ dɛ́nigɛ kiī baa súuri !
18Wi 'kùlofɔlilɔ kpúu, bàli pe 'puu nɛ́ ŋɔri ní dè,
nɛ́ ki cɛ́n wi bànguɔ dɛ́nigɛ kiī baa súuri:
19Sikɔn wè, Amɔriyé kùlofɔli wè#136.19 Wéli baa Tɔ́r 21.21-30.,
nɛ́ ki cɛ́n wi bànguɔ dɛ́nigɛ kiī baa súuri,
20nɛ́ Ɔgi ní wè, Basan kùlofɔli wè#136.20 Wéli baa Tɔ́r 21.31-35.,
nɛ́ ki cɛ́n wi bànguɔ dɛ́nigɛ kiī baa súuri !
21A wi 'pe dàala kɛn lè wi siɛnnɛ mɛ́ bèle kɔrigɔ,
nɛ́ ki cɛ́n wi bànguɔ dɛ́nigɛ kiī baa súuri !
22Wi 'ni kɛn wi baakuɔwɔ Isirayɛli mɛ́ wè kɔrigɔ,
nɛ́ ki cɛ́n wi bànguɔ dɛ́nigɛ kiī baa súuri !
23Wi yé sɔ̀ngi nɛ̀ taa nɛ́ weli ní bà weli 'puu weli màama lɛ̀lɛ nī lè,
nɛ́ ki cɛ́n wi bànguɔ dɛ́nigɛ kiī baa súuri !
24Wire wi 'wéli píle nɛ̀ suɔ weli parifɔlilɔ mɛ́ bèle,
nɛ́ ki cɛ́n wi bànguɔ dɛ́nigɛ kiī baa súuri !
25Wi nɛ̂ yaliire kɛn siɛnnɛ nɛ́ yawiire ti mìɛni mɛ́ dè#136.25 Wéli baa 104.27-28.,
nɛ́ ki cɛ́n wi bànguɔ dɛ́nigɛ kiī baa súuri !
26Yeri nyìʔɛnɛ Kulocɛliɛ síɛri wè,
nɛ́ ki cɛ́n wi bànguɔ dɛ́nigɛ kiī baa súuri !
ទើបបានជ្រើសរើសហើយ៖
Ŋúnuyɔ 136: sev
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active), Wycliffe Bible Translators, Inc. All rights reserved.