Ŋúnuyɔ 105
105
Ye- koli ye sɔ̀ngi Kulocɛliɛ kakpoliyo nɛ̄ yè
(Kaj1 16.8-22)
1Yeri Yewe síɛri wè, yeri wi míʔɛ jáari gè !
Ye‑ ki yaʔa kùlogolo siɛnfeliye yi‑ wi kakpiʔiligele cɛ́n gèle !
2Yeri ŋú wi mɛ́ ! Yeri yakpuɔnrɔ kpúɔn dè wi mɛ́ !
Yeri wi kakpoliyo yi mìɛni wuʔu nyu gè !
3Yeri yìye kpóri Yewe nī wè, wire ŋáà wi 'nyuɔ nɛ́ ní tiɛlɛ fùn wè !
Bàli pe Yewe caa wè pe fungo nī gè, peri fundaanra kpínʔini !
4Ye‑ yiʔɛ Yewe kɔli mɛ́ gè ye wi ŋɔri caa dè !
Yeri ki caa bè kò nɛ́ wi ní lɛ̀lɛ ó lɛ̀lɛ nī !
5Ye‑ sɔ̀ngi ye taa nɛ́ kakpoliyo ní yè nyàa wi nyɛ́nì kpíʔile yè,
nɛ́ wi fìɛlɛ ní bèle, nɛ́ wi kàyuʔujuuro ní dè dàa wi 'juu nɛ̀ kúɔ dè,
6yeli bálì bīɛlɛ Birayima siimɛ bè, Yewe baakuɔwɔ wè,
yeli Yakuba pìile bèle, Yewe siɛnnyiɛnɛgɔnminɔ bèle !
7Yewe wire wī weli Kulocɛliɛ wè,
wi kàyuʔujuuro tiī nɛ dàala ni mìɛni kàrigí.
8Wiī nɛ sɔ̀ngí nɛ taʔa súuri nɛ́ wi nyakungɛngɛ ní gè,
nyafɛnigɛ siɛnrɛ dáà wi 'juu kɛ̀ngɛlɛ sirakogunɔ (1 000) mɛ́ gèle#105.8 Wéli baa Fàn 7.9..
9Wi 'nyuɔ kún nɛ̀ kɛn Birayima mɛ́ wè#105.9 Wéli baa Sél 12.7; 17.2-14; 22.16-17; 26.3.,
nɛ́ sí ki juu nɛ̀ fùgu nɛ́ kàlilɛ ní Siaga mɛ́ wè#105.9 Wéli baa Sél 26.2-5..
10Wi 'koli nɛ̀ ki sɔ́migɔ nɛ̀ juu ki‑ kò fànʔa kaala Yakuba mɛ́ wè,
nɛ́ Isirayɛli siɛnnɛ ní bèle, ki‑ kò nyakungɛngɛ lɛ̀lɛ ó lɛ̀lɛ nī#105.10 Koliyo 10-11 tiʔɛ nī gè, wéli baa Sél 28.13-15..
11A wi 'jo: «M'bé Kanaa kùlo kɛn lè muɔ mɛ́,
lire bé puu muɔ mɛ́ liɛlɛ náà muɔ bé taa kɔrigɔ gè, muɔ nɛ́ muɔ siimɛ ní bè.»
12Bà pe puu nɛ tíin siɛnnɛ cɛ̀ri yákuɔ wè, kagbuunyɛni lè,
nɛ́ ní nabɔnminɔ tɛ́ninɛ kùlo nī lè#105.12 Wéli baa Sél 34.30; Fàn 7.7; 26.5.,
13pe 'puu nɛ waa kùlogolo mɛ́ gèle nɛ mári,
nɛ́ yiri kùlofɔligɔ káà nī nɛ̀ kɛ́ siɛnfeliye yáà mɛ́.
14Kulocɛliɛ sì siɛn wáà fáala yaʔa a wi 'pe wuʔɔʔ;
peli kɛnmɛ nɛ̄ a wi 'juu kùlofɔlilɔ nɛ̄ bèle#105.14 Koliyo 14-15 tiʔɛ nī gè, wéli baa Sél 12.17; 20.3-7.,
15nɛ́ jo: «Ye fǎga cò mi siɛnnyiɛnɛgɔnminɔ nɛ̄ bèleʔ !
Ye fǎga kapiile kpíʔile mi siɛnjuulo nɛ̄ bèleʔ !»
16A wi 'fungo cáan dàala nɛ̄ lè, nɛ̀ yaliire ti mìɛni kúɔ#105.16 Wéli baa Sél 41.53-57..
17A wi sí siɛn wáà tun pe yiʔɛ mɛ́:
Yusufu wè, ŋàa pe yé pári sùkulowo wè#105.17 Wéli baa Sél 37.28; 45.5..
18A pe 'wi tɔliyɔ puɔ yè nɛ́ nyùʔɔdiriye ní yè,
a pe 'timɔri kajinge le wi yétiige nī gè#105.18 Wéli baa Sél 39.20.,
19fúɔ nɛ̀ pɛ́nì nɔ̀ cɛngɛ gíì Yusufu siɛnrɛ ti 'fori dè,
dàa wi yé kíni nɛ̀ juu dè. A ki 'nyaa siɛnrɛ dáà Yewe yé juu dè,
a kire ki 'tìɛ tànʔa yé puu Yusufu mɛ́ wè#105.19 Wéli baa Sél 37.6-10..
20A kùlofɔli wi 'ki juu nɛ̀ gbɛ̀ngɛ pe‑ wi yaʔa,
wire ŋáà wi 'puu kùlogolo kàfɔli wè, a wi 'tí a pe 'wi yaʔa#105.20 Wéli baa Sél 41.14..
21A kùlofɔli wi 'Yusufu tɛ́ngɛ wè wi saʔa nyùgo nɛ̄ gè
wi‑ puu wi lɔri ti mìɛni nàʔavɔli#105.21 Wéli baa Sél 41.39-41.,
22béri kùlofɔli wi siɛnkpolilo tɛnmɛ bèle
kɛnmɛ bíì nɛ̄ wi 'ki nyaa a ki 'yɛli gè,
bèri kùlofɔli wi liɛlɛ tɛnmɛ bèle sícilimɛ nɛ̄.
23Kire kàduʔumɛ a Isirayɛliyé pe pɛ́nì jíin Ezipiti kùlo nī lè.
Peli bálì bīɛlɛ, Yakuba wuulo bèle,
peli 'tɛ́ni nɛ̀ lɛ̀lɛ láà kúɔ Kami kùlo nī lè#105.23 Wéli baa Sél 46.6; 47.11. Kami kùlo lè, Ezipiti kùlo míʔɛ káà gī..
24Kulocɛliɛ wi yé cesiʔi tɛ́ni gè wi siɛnnɛ nɛ̄ bèle,
a wi 'pe kpíʔile ŋɔrifɔlilɔ nɛ̀ tóri pe túnvɔlilɔ nɛ̄ bèle#105.24 Koliyo 24-25 tiʔɛ nī gè, wéli baa Yir 1.7-14..
25A wi 'Ezipitiyé funyɔ yiʔɛ yè pe kúrugu
kire ga buu pe‑ wi siɛnnɛ pari bèle, peri pe fáanni.
26A wi 'wi baakuɔwɔ Misa tun wè pe kúrugu,
wire nɛ́ Arawɔn ŋáà wi yé nyíɛnɛ nɛ̀ kɔ̀n wè#105.26 Wéli baa Yir 3.1-17; 4.14,27; Tɔ́r 16.5..
27Baa Ezipiti kùlo nī lè, a pe 'Kulocɛliɛ fìɛlɛ kpíʔile bèle
nɛ́ wi kakpoliyo ní yè Kami kùlo siɛnnɛ yiʔɛ mɛ́ gè.
28A Kulocɛliɛ wi 'yebiliwuɔlɔ nyɔ́gɔ lè kùlo nī lè cɛnvugo nɛ̄ gè,
a yebiliwuɔlɔ ni 'tìgi dɛ́ndɛn; siɛn wáà fáala sì jáa nɛ̀ wi siɛnrɛ cíi dèʔ#105.28 Wéli baa Yir 10.21-29..
29A wi 'pe luɔyɔ yiʔɛ yè a yi 'kò sìsiɛn, nɛ̀ fúɔlɔ kpúu bèle#105.29 Wéli baa Yir 7.14-25..
30A kpìile 'yiri nìʔɛnɛ nɛ̀ pe kùlo nyì lè,
a ti 'jíin míɛni pe kùlofɔli wi nàkpanʔa saaya nī yè#105.30 Wéli baa Yir 7.26–8.11..
31Wi 'juu, a gbùu wi 'yiri, nàfiɛn wi 'kùlo tiɛrɛ ti mìɛni kpàri#105.31 Wéli baa Yir 8.12-28..
32A wi 'kàsasindari tìrige pe nɛ̄ kàsaʔa sìndiʔɛ nī,
nɛ́ ki kpíʔile a kàsakpɛnigɛ nyíʔɛnimɛ nɛ́ kàsun tuu dàala nɛ̄ lè#105.32 Wéli baa Yir 9.22-25..
33Wi 'pe ɛrɛzɛn fétiride nɛ́ sàanfiidiiye kpúɔn yè,
nɛ̀ pe kùlo tiire kabari dè#105.33 Wéli baa Yir 9.13-25..
34Wi 'juu a kàbaridɛ ti 'pɛn,
nɛ́ kòto ŋáà wiī nìʔɛwɛ, wiǐ gbɛ̀ tɔ́ri dèʔ.
35Tire ti 'nyàʔa ki mìɛni káa pe kùlo nī lè,
nɛ́ yaliire ti mìɛni ní siiye nī yè#105.35 Wéli baa Yir 10.1-20..
36A wi 'pe kùlo jaafɔpelile pe mìɛni kpúɔn nɛ̀ kpúu,
pe nàgapunmɔ lɛ̀lɛ pìpelile bèle#105.36 Wéli baa Yir 12.29-30..
37A wi 'ki kpíʔile a wi siɛnnɛ pe 'walifiiwe nɛ́ tiɛ tugo wè nɛ̀ yiri kùlo nī lè#105.37 Wéli baa Yir 12.25-36..
Pe saaya tùluyo nī yè, wàa fáala sì yé fùrɔ nɛ̀ kò wiì gbɛ̀ni tánʔaʔ.
38Ezipiti kùlo ni yé puu fundaanra nɛ̄ pe yirile wuʔu nɛ̄ gè,
nɛ́ ki cɛ́n fíɛgbuɔrɔ ti yé pe cò#105.38 Wéli baa Yir 12.33; 15.16..
39A Yewe wi 'kàsadibagɛ káà tíʔɛ nɛ̀ pe tɔ́n,
nɛ́ kàsun kpìɛnmɛ cáan bè pìlige nī gè#105.39 Wéli baa Yir 13.21-22; 14.19-20..
40Pe nyɛ́nì náari, a Kulocɛliɛ wi 'tingbɛniserire kɛn dè pe mɛ́,
nɛ̀ pe kɛn a pe 'lìi nɛ̀ tín nɛ́ nyìʔɛnɛ yaliire ní dè#105.40 Wéli baa Yir 16.13-18..
41A wi 'kàdɛnigbaala kpúɔn lè nɛ̀ jaa, a luʔɔ yɛ̀ nɛ cɛ̀ri nɛ yigi ni nī,
a luʔɔ ki 'fúu bɛ̀ lakoligo tíɛlɛ waama kùlo nī lè#105.41 Wéli baa Yir 17.1-7; Tɔ́r 20.2-13..
42Nɛ́ ki cɛ́n wi 'puu nɛ sɔ̀ngí nɛ taʔa nɛ́ wi nyakungɛngɛ siɛnrɛ ní dè,
dàa wire Kulocɛliɛ tíimɛ wi yé juu wi baakuɔwɔ Birayima mɛ́ wè#105.42 Wéli baa Sél 15.13-14; Yir 2.24..
43Bà wi yé wi siɛnnɛ yige bèle, pe 'puu fundaanra nɛ̄,
wi siɛnnyiɛnɛgɔnminɔ pe 'puu nɛ fundaanra yékpuʔulo wáari gèle.
44A wi 'kùlogolo kálì dàʔala kɛn pe mɛ́,
a pe 'tɔ̀ni taa siɛnfeliye yáà baara nī dè#105.44 Wéli baa Yes 11.16-23.,
45kire ga buu pe‑ wi fànʔa kele cò gèle
bé sí de lúru wi fànʔa kajuʔulo mɛ́ gèle.
Ye- Yewe gbùʔɔrɔ wè !
ទើបបានជ្រើសរើសហើយ៖
Ŋúnuyɔ 105: sev
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active), Wycliffe Bible Translators, Inc. All rights reserved.
Ŋúnuyɔ 105
105
Ye- koli ye sɔ̀ngi Kulocɛliɛ kakpoliyo nɛ̄ yè
(Kaj1 16.8-22)
1Yeri Yewe síɛri wè, yeri wi míʔɛ jáari gè !
Ye‑ ki yaʔa kùlogolo siɛnfeliye yi‑ wi kakpiʔiligele cɛ́n gèle !
2Yeri ŋú wi mɛ́ ! Yeri yakpuɔnrɔ kpúɔn dè wi mɛ́ !
Yeri wi kakpoliyo yi mìɛni wuʔu nyu gè !
3Yeri yìye kpóri Yewe nī wè, wire ŋáà wi 'nyuɔ nɛ́ ní tiɛlɛ fùn wè !
Bàli pe Yewe caa wè pe fungo nī gè, peri fundaanra kpínʔini !
4Ye‑ yiʔɛ Yewe kɔli mɛ́ gè ye wi ŋɔri caa dè !
Yeri ki caa bè kò nɛ́ wi ní lɛ̀lɛ ó lɛ̀lɛ nī !
5Ye‑ sɔ̀ngi ye taa nɛ́ kakpoliyo ní yè nyàa wi nyɛ́nì kpíʔile yè,
nɛ́ wi fìɛlɛ ní bèle, nɛ́ wi kàyuʔujuuro ní dè dàa wi 'juu nɛ̀ kúɔ dè,
6yeli bálì bīɛlɛ Birayima siimɛ bè, Yewe baakuɔwɔ wè,
yeli Yakuba pìile bèle, Yewe siɛnnyiɛnɛgɔnminɔ bèle !
7Yewe wire wī weli Kulocɛliɛ wè,
wi kàyuʔujuuro tiī nɛ dàala ni mìɛni kàrigí.
8Wiī nɛ sɔ̀ngí nɛ taʔa súuri nɛ́ wi nyakungɛngɛ ní gè,
nyafɛnigɛ siɛnrɛ dáà wi 'juu kɛ̀ngɛlɛ sirakogunɔ (1 000) mɛ́ gèle#105.8 Wéli baa Fàn 7.9..
9Wi 'nyuɔ kún nɛ̀ kɛn Birayima mɛ́ wè#105.9 Wéli baa Sél 12.7; 17.2-14; 22.16-17; 26.3.,
nɛ́ sí ki juu nɛ̀ fùgu nɛ́ kàlilɛ ní Siaga mɛ́ wè#105.9 Wéli baa Sél 26.2-5..
10Wi 'koli nɛ̀ ki sɔ́migɔ nɛ̀ juu ki‑ kò fànʔa kaala Yakuba mɛ́ wè,
nɛ́ Isirayɛli siɛnnɛ ní bèle, ki‑ kò nyakungɛngɛ lɛ̀lɛ ó lɛ̀lɛ nī#105.10 Koliyo 10-11 tiʔɛ nī gè, wéli baa Sél 28.13-15..
11A wi 'jo: «M'bé Kanaa kùlo kɛn lè muɔ mɛ́,
lire bé puu muɔ mɛ́ liɛlɛ náà muɔ bé taa kɔrigɔ gè, muɔ nɛ́ muɔ siimɛ ní bè.»
12Bà pe puu nɛ tíin siɛnnɛ cɛ̀ri yákuɔ wè, kagbuunyɛni lè,
nɛ́ ní nabɔnminɔ tɛ́ninɛ kùlo nī lè#105.12 Wéli baa Sél 34.30; Fàn 7.7; 26.5.,
13pe 'puu nɛ waa kùlogolo mɛ́ gèle nɛ mári,
nɛ́ yiri kùlofɔligɔ káà nī nɛ̀ kɛ́ siɛnfeliye yáà mɛ́.
14Kulocɛliɛ sì siɛn wáà fáala yaʔa a wi 'pe wuʔɔʔ;
peli kɛnmɛ nɛ̄ a wi 'juu kùlofɔlilɔ nɛ̄ bèle#105.14 Koliyo 14-15 tiʔɛ nī gè, wéli baa Sél 12.17; 20.3-7.,
15nɛ́ jo: «Ye fǎga cò mi siɛnnyiɛnɛgɔnminɔ nɛ̄ bèleʔ !
Ye fǎga kapiile kpíʔile mi siɛnjuulo nɛ̄ bèleʔ !»
16A wi 'fungo cáan dàala nɛ̄ lè, nɛ̀ yaliire ti mìɛni kúɔ#105.16 Wéli baa Sél 41.53-57..
17A wi sí siɛn wáà tun pe yiʔɛ mɛ́:
Yusufu wè, ŋàa pe yé pári sùkulowo wè#105.17 Wéli baa Sél 37.28; 45.5..
18A pe 'wi tɔliyɔ puɔ yè nɛ́ nyùʔɔdiriye ní yè,
a pe 'timɔri kajinge le wi yétiige nī gè#105.18 Wéli baa Sél 39.20.,
19fúɔ nɛ̀ pɛ́nì nɔ̀ cɛngɛ gíì Yusufu siɛnrɛ ti 'fori dè,
dàa wi yé kíni nɛ̀ juu dè. A ki 'nyaa siɛnrɛ dáà Yewe yé juu dè,
a kire ki 'tìɛ tànʔa yé puu Yusufu mɛ́ wè#105.19 Wéli baa Sél 37.6-10..
20A kùlofɔli wi 'ki juu nɛ̀ gbɛ̀ngɛ pe‑ wi yaʔa,
wire ŋáà wi 'puu kùlogolo kàfɔli wè, a wi 'tí a pe 'wi yaʔa#105.20 Wéli baa Sél 41.14..
21A kùlofɔli wi 'Yusufu tɛ́ngɛ wè wi saʔa nyùgo nɛ̄ gè
wi‑ puu wi lɔri ti mìɛni nàʔavɔli#105.21 Wéli baa Sél 41.39-41.,
22béri kùlofɔli wi siɛnkpolilo tɛnmɛ bèle
kɛnmɛ bíì nɛ̄ wi 'ki nyaa a ki 'yɛli gè,
bèri kùlofɔli wi liɛlɛ tɛnmɛ bèle sícilimɛ nɛ̄.
23Kire kàduʔumɛ a Isirayɛliyé pe pɛ́nì jíin Ezipiti kùlo nī lè.
Peli bálì bīɛlɛ, Yakuba wuulo bèle,
peli 'tɛ́ni nɛ̀ lɛ̀lɛ láà kúɔ Kami kùlo nī lè#105.23 Wéli baa Sél 46.6; 47.11. Kami kùlo lè, Ezipiti kùlo míʔɛ káà gī..
24Kulocɛliɛ wi yé cesiʔi tɛ́ni gè wi siɛnnɛ nɛ̄ bèle,
a wi 'pe kpíʔile ŋɔrifɔlilɔ nɛ̀ tóri pe túnvɔlilɔ nɛ̄ bèle#105.24 Koliyo 24-25 tiʔɛ nī gè, wéli baa Yir 1.7-14..
25A wi 'Ezipitiyé funyɔ yiʔɛ yè pe kúrugu
kire ga buu pe‑ wi siɛnnɛ pari bèle, peri pe fáanni.
26A wi 'wi baakuɔwɔ Misa tun wè pe kúrugu,
wire nɛ́ Arawɔn ŋáà wi yé nyíɛnɛ nɛ̀ kɔ̀n wè#105.26 Wéli baa Yir 3.1-17; 4.14,27; Tɔ́r 16.5..
27Baa Ezipiti kùlo nī lè, a pe 'Kulocɛliɛ fìɛlɛ kpíʔile bèle
nɛ́ wi kakpoliyo ní yè Kami kùlo siɛnnɛ yiʔɛ mɛ́ gè.
28A Kulocɛliɛ wi 'yebiliwuɔlɔ nyɔ́gɔ lè kùlo nī lè cɛnvugo nɛ̄ gè,
a yebiliwuɔlɔ ni 'tìgi dɛ́ndɛn; siɛn wáà fáala sì jáa nɛ̀ wi siɛnrɛ cíi dèʔ#105.28 Wéli baa Yir 10.21-29..
29A wi 'pe luɔyɔ yiʔɛ yè a yi 'kò sìsiɛn, nɛ̀ fúɔlɔ kpúu bèle#105.29 Wéli baa Yir 7.14-25..
30A kpìile 'yiri nìʔɛnɛ nɛ̀ pe kùlo nyì lè,
a ti 'jíin míɛni pe kùlofɔli wi nàkpanʔa saaya nī yè#105.30 Wéli baa Yir 7.26–8.11..
31Wi 'juu, a gbùu wi 'yiri, nàfiɛn wi 'kùlo tiɛrɛ ti mìɛni kpàri#105.31 Wéli baa Yir 8.12-28..
32A wi 'kàsasindari tìrige pe nɛ̄ kàsaʔa sìndiʔɛ nī,
nɛ́ ki kpíʔile a kàsakpɛnigɛ nyíʔɛnimɛ nɛ́ kàsun tuu dàala nɛ̄ lè#105.32 Wéli baa Yir 9.22-25..
33Wi 'pe ɛrɛzɛn fétiride nɛ́ sàanfiidiiye kpúɔn yè,
nɛ̀ pe kùlo tiire kabari dè#105.33 Wéli baa Yir 9.13-25..
34Wi 'juu a kàbaridɛ ti 'pɛn,
nɛ́ kòto ŋáà wiī nìʔɛwɛ, wiǐ gbɛ̀ tɔ́ri dèʔ.
35Tire ti 'nyàʔa ki mìɛni káa pe kùlo nī lè,
nɛ́ yaliire ti mìɛni ní siiye nī yè#105.35 Wéli baa Yir 10.1-20..
36A wi 'pe kùlo jaafɔpelile pe mìɛni kpúɔn nɛ̀ kpúu,
pe nàgapunmɔ lɛ̀lɛ pìpelile bèle#105.36 Wéli baa Yir 12.29-30..
37A wi 'ki kpíʔile a wi siɛnnɛ pe 'walifiiwe nɛ́ tiɛ tugo wè nɛ̀ yiri kùlo nī lè#105.37 Wéli baa Yir 12.25-36..
Pe saaya tùluyo nī yè, wàa fáala sì yé fùrɔ nɛ̀ kò wiì gbɛ̀ni tánʔaʔ.
38Ezipiti kùlo ni yé puu fundaanra nɛ̄ pe yirile wuʔu nɛ̄ gè,
nɛ́ ki cɛ́n fíɛgbuɔrɔ ti yé pe cò#105.38 Wéli baa Yir 12.33; 15.16..
39A Yewe wi 'kàsadibagɛ káà tíʔɛ nɛ̀ pe tɔ́n,
nɛ́ kàsun kpìɛnmɛ cáan bè pìlige nī gè#105.39 Wéli baa Yir 13.21-22; 14.19-20..
40Pe nyɛ́nì náari, a Kulocɛliɛ wi 'tingbɛniserire kɛn dè pe mɛ́,
nɛ̀ pe kɛn a pe 'lìi nɛ̀ tín nɛ́ nyìʔɛnɛ yaliire ní dè#105.40 Wéli baa Yir 16.13-18..
41A wi 'kàdɛnigbaala kpúɔn lè nɛ̀ jaa, a luʔɔ yɛ̀ nɛ cɛ̀ri nɛ yigi ni nī,
a luʔɔ ki 'fúu bɛ̀ lakoligo tíɛlɛ waama kùlo nī lè#105.41 Wéli baa Yir 17.1-7; Tɔ́r 20.2-13..
42Nɛ́ ki cɛ́n wi 'puu nɛ sɔ̀ngí nɛ taʔa nɛ́ wi nyakungɛngɛ siɛnrɛ ní dè,
dàa wire Kulocɛliɛ tíimɛ wi yé juu wi baakuɔwɔ Birayima mɛ́ wè#105.42 Wéli baa Sél 15.13-14; Yir 2.24..
43Bà wi yé wi siɛnnɛ yige bèle, pe 'puu fundaanra nɛ̄,
wi siɛnnyiɛnɛgɔnminɔ pe 'puu nɛ fundaanra yékpuʔulo wáari gèle.
44A wi 'kùlogolo kálì dàʔala kɛn pe mɛ́,
a pe 'tɔ̀ni taa siɛnfeliye yáà baara nī dè#105.44 Wéli baa Yes 11.16-23.,
45kire ga buu pe‑ wi fànʔa kele cò gèle
bé sí de lúru wi fànʔa kajuʔulo mɛ́ gèle.
Ye- Yewe gbùʔɔrɔ wè !
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active), Wycliffe Bible Translators, Inc. All rights reserved.