Ŋúnuyɔ 104
104
Kpuʔɔrɔ 'yɛli ti de tari Yewe nɛ̄ wè, duniya faanfɔli wè
1Mi fungo yo, ma kpuʔɔrɔ taʔa dè Yewe nɛ̄ wè#104.1 Wéli baa 103.1,22. !
Yewe mi Kulocɛliɛ, muɔ nyɛ́nì kpúʔɔ,
muɔ nyíʔɛnimɛ nɛ́ muɔ kpuɔmɔ piī muɔ nɛ̄ bɛ̀ burugo tíɛlɛ.
2Muɔ 'mìɛ mígele nɛ́ kpìɛnmɛ ní bè bɛ̀ burugbuʔɔ tíɛlɛ,
muɔ ma 'nyìʔɛnɛ yɛ́ligɛ lè bɛ̀ fɛ̀nikpuʔɔ tíɛlɛ.
3Muɔ nyɛ́nì muɔ nàkpaanjɛngɛ faan gè kàsadɛngɛ naamɛ gè,
muɔ nɛ kàsadibarɛ kpínʔini dè kapiɛngbuɔn wotori,
á muɔ nɛ tɛ̀ní káfaligɛ nɛ̄ gè nɛ̀ fini nɛ waa ki fíkɛnyɛ nɛ̄ yè#104.3 Wéli baa 18.11..
4Muɔ nɛ káfaliyɛ kpínʔini yè muɔ tundunminɔ,
nɛ́ kàsunnyiyɛ kpínʔini yè muɔ baakuɔlɔ#104.4 Ki siɛnrɛ ti 'juu baa Eb 1.7 nɛ̀ yɛli nɛ́ girɛki siɛnliɛrɛ ti sɛbɛgɛnnɛ ní lè..
5Muɔ nyɛ́nì dàala kàkpuɔnnɔ cɔ́ri bèle;
púlo púloʔ, dàala niǐ ga tíi bé fíige bè nyaaʔ.
6Muɔ nyɛ́nì ni tɔ́n nɛ́ luɔyɔ sícuuyo ní yè bɛ̀ burugo tíɛlɛ,
a lakpuʔɔ sícuugo ki 'nyaguruyo tɔ́n yè#104.6 Wéli baa Sél 1.2..
7Bà muɔ 'juu nɛ̀ kpɛ̀ni luɔyɔ nɛ̄ yè,
a yi 'fúu nɛ̀ kɛ́ fáari nɛ̀ yɛli nɛ́ muɔ kàsakpɛnigɛ tùngɛnmɛ ní bè#104.7 Koliyo 7-8 wuʔu nī gè, wéli baa Sél 1.9-10.,
8nɛ̀ sɛ́nì tánʔa nyaguruyo nɛ̄ yè,
nɛ fúu nɛ tíri jùlɔyɔ nī yè,
a luɔyɔ yi 'kɛ́ tiɛyɛ nyáà muɔ 'tìɛ yi nɛ̄ yè#104.8 Siɛnnɛ pálì nɛ̂ tiʔɛ gáà siɛnrɛ yiʔɛ dè nɛ̀ jo: Nyaguruyo yi 'yɛ̀, jùlɔyɔ yi 'yìi tìrige, nɛ̀ ke tiɛyɛ nī yè nyàa muɔ 'tìɛ yi nɛ̄ yè..
9Muɔ nyɛ́nì láʔagɛlɛ tìɛ gàli nɛ̄ yiì yɛli bè tóri yèʔ,
kire ga buu luɔyɔ yi fǎ ní koli bè ba dàala tɔ́n lèʔ.
10Muɔ nɛ lawiʔile luɔyɔ nyɔ́gi yè kápaliyɛ nī yè,
yire nyáà yi fúu nyaguruyo sunʔɔmɔ nī bè.
11Yire nɛ luɔyɔ kanʔa nyàʔayɛrɛ ti mìɛni mɛ́ ti gbun;
baa nyàʔasefɛngɛlɛ kiyē nɛ luʔɔ laa kúu gè.
12Sínjari dáà dī nyìʔɛnɛ nī lè,
tire nɛ kòrí yi táanni níɛ nyɛni wɛrɛ nī dè.
13Muɔ nɛ nyaguruyo fuɔnri yè nɛ́ kàsaluʔɔ ní gè
gàa ki kɔ́ngi muɔ nàkpaanjɛngɛ nī gè;
dàala ni 'nyì tiire yasɛnrɛ nɛ̄ dè dàa muɔ nɛ kpínʔini ti fíin dè.
14Muɔ ma nyàʔa fìin gè yajuuro mɛ́ dè,
nɛ́ yaliire ní dè dàa siɛnnɛ pe fáli dè bè gbɛ̀ ti lìi dè,
15nɛ́ diviɛn ní wè ŋàa wi fundaanra kanʔa dè,
nɛ́ míɛni sùnmɔ ní bè bàa pi yiɛyɛ nyíʔɛnɛ yè,
nɛ́ suro ní dè dàa ti ŋɔri kanʔa dè.
16Yewe yo, muɔ tiire ti mìɛni nyɛ́nì gbuɔ nɛ̀ tín luʔɔ nɛ̄ gè#104.16 Wéli baa Sél 1.11.,
Liban sɛdiri tiikpaʔaliyɛ nyáà muɔ 'cɔ́ri yè#104.16 Pe puu nɛ yi tɔ́ri nɛ́ jo Yewe tiire bɛ̀ yi 'kpàʔala yè nɛ́ nyuɔ yè. Wéli baa Ezek 31.8; kire tiʔɛ nī 'ki juu nɛ́ jo sɛdiri tiire yē baa Kulocɛliɛ kákpuɔ nī gè..
17Yire nī sínjari tiī nɛ sìɛrɛ tɛ́ngi dè,
fúɔkɔligɔlɔ kiyē nɛ sùɔ́n siipire tiire nī dè.
18Nyàʔa síkaala peli nɛ kòrí nyagurukpaʔaliyɛ nī yè,
cɔ̀njeliye yiī nɛ làrí kàdɛnikpaʔaliyɛ láara yè.
19Wi nyɛ́nì yege kpíʔile gè bèri lɛ̀lɛ ni tɔ́rigɛnmɛ tìí bè;
cɛngɛ ki nyɛ́nì ki cɛ́n lɛ̀lɛ líì nī kire bé jíin gè.
20Muɔ nɛ wuɔmɔ nyɔ́gi bè, a pìlige kiī nɛ jiin gè,
lɛ̀lɛ líì nī sìnbirige yawiire tiī nɛ nyaari dè.
21Jàriyɛlilɛ bèle peli níɛ cuulo pe yaliire kúrugu dè,
piyē nɛ pe yaliire náari dè Kulocɛliɛ mɛ́#104.21 Wéli baa 147.9; Zɔbi 38.39-40; Eza 31.4..
22A cɛngɛnyɛni ni 'foli lè, pe nɛ̂ sɛ́nì làri nɛ̀ sínɛ pe kàwiiye nī yè.
23Siɛn wire nɛ̂ yɛ̀ nɛ̀ kɛ́ wi baara mɛ́ dè nɛ́ sɛ́nì baara cɛnguɔmɔ#104.23 Wéli baa Sél 3.19..
24Yewe yo, kányiʔɛ nɛ̄, muɔ nyɛ́nì yaniʔɛrɛ faan#104.24 Pàli nɛ̂ tiʔɛ gáà siɛnrɛ yiʔɛ dè nɛ̀ jo: kakpiʔiligele. Pe 'ti yiʔɛ nɛ̀ juu nɛ̀ yɛli nɛ́ eburu siɛnrɛ ní dè. !
Kacɛ́nnɛ ní muɔ 'ti mìɛni kpíʔile;
dàala ni 'nyì yawiire nɛ̄ dè dàa muɔ 'faan dè.
25Kuʔɔjiikpuʔɔ ki n'gɛ gàa láʔala niǐ gbɛ̀ nyaa lèʔ,
gàa nī yawiire felide ti yē dè dàa tiǐ gbɛ̀ tɔ́ri dèʔ, yìride dè, kpolido dè#104.25 Wéli baa Sél 1.20-21..
26Kire nī kɔ́rikpoliyo yiī nɛ tòrí yè,
nɛ́ míɛni Leviyatan fíɛrɛ yɛgɛ gáà muɔ 'kpíʔile gè
kiī nɛ pùrɔ́ baa ki nī#104.26 Tiɛyɛ yáà nī ki 'juu Kulocɛliɛ siɛnsɛbɛrɛ nī dè, Leviyatan yɛgɛ ki 'puu bògaara yacogo kuʔɔjii nī wè; ki 'puu fìɛ bè ki tìɛ ŋɔri táà ti 'puu Kulocɛliɛ leguu (wéli baa 74.14; Eza 27.1). Nɛ̀ ki yaʔa náʔa gè kiī nɛ nyu fúɔkpuʔɔ káà wori nɛ̄ gàa ki 'kòrí kuʔɔjii nī wè..
27Tire ti mìɛni nɛ̂ ti sɔ̀ngirɔ taʔa dè muɔ nɛ̄
kire ga buu muɔ de yaliire kanʔa dè ti mɛ́ ti lɛ̀lɛ nī lè.
28A muɔ ti 'kɛn ti mɛ́, ti nɛ̂ ti líɛ.
A muɔ 'muɔ kɔli múgu gè, ti nɛ̂ káa nɛ̀ tín.
29A muɔ 'kàduʔu wáa ti mɛ́, fíɛgbuɔrɔ nɛ̂ ti cò.
A muɔ 'ŋɔ́nɔ suɔ lè ti mɛ́ wè, ti nɛ̂ kùu nɛ̀ kò cúbugo.
30A muɔ ń'nɛ̀ koli nɛ̀ muɔ ŋɔ́nɔ nyɔ́gɔ lè ti nī dè, ti nɛ̂ kò wiire.
Muɔ nɛ̂ dàala yiʔɛ lè ni nɛ̂ kò fɔnnɔ.
31Ki 'yɛli Yewe kpuɔmɔ pi‑ puu baa súuri,
dí Yewe sí fundaanra taa wi yafaanra#104.31 Wéli baa 104.24 kaliwɛgɛ ki táanmɛ gè. nī dè !
32Wi nɛ̂ dàala wéli lè, ni nɛ̂ cúungo,
wi nɛ̂ nyaguruyo cò yè, wírige nɛ̂ yiri.
33Bè mi yaʔa mi 'puu sìi nɛ̄ wè, m'béri ŋú Yewe mɛ́ wè !
Bè mi yaʔa bile dàala nɛ̄ lè,
m'béri yakpuɔnrɔ kpúɔn mi Kulocɛliɛ mɛ́ wè !
34Ki 'yɛli mi ŋúnudanʔa ki de fundaanra kanʔa wi mɛ́ !
Mi wè, m'béri fundaanra kpínʔini Yewe nī.
35Ki 'yɛli kapiigbiʔilile pe fǎga ní de nyaʔa dàala nɛ̄ lèʔ,
dí siɛncuʔɔlɔ pe sí pùunni péwu !
Mi fungo, ma kpuʔɔrɔ taʔa dè Yewe nɛ̄ wè#104.35 Wéli baa 104.1. !
Ye- Yewe gbùʔɔrɔ wè !
ទើបបានជ្រើសរើសហើយ៖
Ŋúnuyɔ 104: sev
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active), Wycliffe Bible Translators, Inc. All rights reserved.
Ŋúnuyɔ 104
104
Kpuʔɔrɔ 'yɛli ti de tari Yewe nɛ̄ wè, duniya faanfɔli wè
1Mi fungo yo, ma kpuʔɔrɔ taʔa dè Yewe nɛ̄ wè#104.1 Wéli baa 103.1,22. !
Yewe mi Kulocɛliɛ, muɔ nyɛ́nì kpúʔɔ,
muɔ nyíʔɛnimɛ nɛ́ muɔ kpuɔmɔ piī muɔ nɛ̄ bɛ̀ burugo tíɛlɛ.
2Muɔ 'mìɛ mígele nɛ́ kpìɛnmɛ ní bè bɛ̀ burugbuʔɔ tíɛlɛ,
muɔ ma 'nyìʔɛnɛ yɛ́ligɛ lè bɛ̀ fɛ̀nikpuʔɔ tíɛlɛ.
3Muɔ nyɛ́nì muɔ nàkpaanjɛngɛ faan gè kàsadɛngɛ naamɛ gè,
muɔ nɛ kàsadibarɛ kpínʔini dè kapiɛngbuɔn wotori,
á muɔ nɛ tɛ̀ní káfaligɛ nɛ̄ gè nɛ̀ fini nɛ waa ki fíkɛnyɛ nɛ̄ yè#104.3 Wéli baa 18.11..
4Muɔ nɛ káfaliyɛ kpínʔini yè muɔ tundunminɔ,
nɛ́ kàsunnyiyɛ kpínʔini yè muɔ baakuɔlɔ#104.4 Ki siɛnrɛ ti 'juu baa Eb 1.7 nɛ̀ yɛli nɛ́ girɛki siɛnliɛrɛ ti sɛbɛgɛnnɛ ní lè..
5Muɔ nyɛ́nì dàala kàkpuɔnnɔ cɔ́ri bèle;
púlo púloʔ, dàala niǐ ga tíi bé fíige bè nyaaʔ.
6Muɔ nyɛ́nì ni tɔ́n nɛ́ luɔyɔ sícuuyo ní yè bɛ̀ burugo tíɛlɛ,
a lakpuʔɔ sícuugo ki 'nyaguruyo tɔ́n yè#104.6 Wéli baa Sél 1.2..
7Bà muɔ 'juu nɛ̀ kpɛ̀ni luɔyɔ nɛ̄ yè,
a yi 'fúu nɛ̀ kɛ́ fáari nɛ̀ yɛli nɛ́ muɔ kàsakpɛnigɛ tùngɛnmɛ ní bè#104.7 Koliyo 7-8 wuʔu nī gè, wéli baa Sél 1.9-10.,
8nɛ̀ sɛ́nì tánʔa nyaguruyo nɛ̄ yè,
nɛ fúu nɛ tíri jùlɔyɔ nī yè,
a luɔyɔ yi 'kɛ́ tiɛyɛ nyáà muɔ 'tìɛ yi nɛ̄ yè#104.8 Siɛnnɛ pálì nɛ̂ tiʔɛ gáà siɛnrɛ yiʔɛ dè nɛ̀ jo: Nyaguruyo yi 'yɛ̀, jùlɔyɔ yi 'yìi tìrige, nɛ̀ ke tiɛyɛ nī yè nyàa muɔ 'tìɛ yi nɛ̄ yè..
9Muɔ nyɛ́nì láʔagɛlɛ tìɛ gàli nɛ̄ yiì yɛli bè tóri yèʔ,
kire ga buu luɔyɔ yi fǎ ní koli bè ba dàala tɔ́n lèʔ.
10Muɔ nɛ lawiʔile luɔyɔ nyɔ́gi yè kápaliyɛ nī yè,
yire nyáà yi fúu nyaguruyo sunʔɔmɔ nī bè.
11Yire nɛ luɔyɔ kanʔa nyàʔayɛrɛ ti mìɛni mɛ́ ti gbun;
baa nyàʔasefɛngɛlɛ kiyē nɛ luʔɔ laa kúu gè.
12Sínjari dáà dī nyìʔɛnɛ nī lè,
tire nɛ kòrí yi táanni níɛ nyɛni wɛrɛ nī dè.
13Muɔ nɛ nyaguruyo fuɔnri yè nɛ́ kàsaluʔɔ ní gè
gàa ki kɔ́ngi muɔ nàkpaanjɛngɛ nī gè;
dàala ni 'nyì tiire yasɛnrɛ nɛ̄ dè dàa muɔ nɛ kpínʔini ti fíin dè.
14Muɔ ma nyàʔa fìin gè yajuuro mɛ́ dè,
nɛ́ yaliire ní dè dàa siɛnnɛ pe fáli dè bè gbɛ̀ ti lìi dè,
15nɛ́ diviɛn ní wè ŋàa wi fundaanra kanʔa dè,
nɛ́ míɛni sùnmɔ ní bè bàa pi yiɛyɛ nyíʔɛnɛ yè,
nɛ́ suro ní dè dàa ti ŋɔri kanʔa dè.
16Yewe yo, muɔ tiire ti mìɛni nyɛ́nì gbuɔ nɛ̀ tín luʔɔ nɛ̄ gè#104.16 Wéli baa Sél 1.11.,
Liban sɛdiri tiikpaʔaliyɛ nyáà muɔ 'cɔ́ri yè#104.16 Pe puu nɛ yi tɔ́ri nɛ́ jo Yewe tiire bɛ̀ yi 'kpàʔala yè nɛ́ nyuɔ yè. Wéli baa Ezek 31.8; kire tiʔɛ nī 'ki juu nɛ́ jo sɛdiri tiire yē baa Kulocɛliɛ kákpuɔ nī gè..
17Yire nī sínjari tiī nɛ sìɛrɛ tɛ́ngi dè,
fúɔkɔligɔlɔ kiyē nɛ sùɔ́n siipire tiire nī dè.
18Nyàʔa síkaala peli nɛ kòrí nyagurukpaʔaliyɛ nī yè,
cɔ̀njeliye yiī nɛ làrí kàdɛnikpaʔaliyɛ láara yè.
19Wi nyɛ́nì yege kpíʔile gè bèri lɛ̀lɛ ni tɔ́rigɛnmɛ tìí bè;
cɛngɛ ki nyɛ́nì ki cɛ́n lɛ̀lɛ líì nī kire bé jíin gè.
20Muɔ nɛ wuɔmɔ nyɔ́gi bè, a pìlige kiī nɛ jiin gè,
lɛ̀lɛ líì nī sìnbirige yawiire tiī nɛ nyaari dè.
21Jàriyɛlilɛ bèle peli níɛ cuulo pe yaliire kúrugu dè,
piyē nɛ pe yaliire náari dè Kulocɛliɛ mɛ́#104.21 Wéli baa 147.9; Zɔbi 38.39-40; Eza 31.4..
22A cɛngɛnyɛni ni 'foli lè, pe nɛ̂ sɛ́nì làri nɛ̀ sínɛ pe kàwiiye nī yè.
23Siɛn wire nɛ̂ yɛ̀ nɛ̀ kɛ́ wi baara mɛ́ dè nɛ́ sɛ́nì baara cɛnguɔmɔ#104.23 Wéli baa Sél 3.19..
24Yewe yo, kányiʔɛ nɛ̄, muɔ nyɛ́nì yaniʔɛrɛ faan#104.24 Pàli nɛ̂ tiʔɛ gáà siɛnrɛ yiʔɛ dè nɛ̀ jo: kakpiʔiligele. Pe 'ti yiʔɛ nɛ̀ juu nɛ̀ yɛli nɛ́ eburu siɛnrɛ ní dè. !
Kacɛ́nnɛ ní muɔ 'ti mìɛni kpíʔile;
dàala ni 'nyì yawiire nɛ̄ dè dàa muɔ 'faan dè.
25Kuʔɔjiikpuʔɔ ki n'gɛ gàa láʔala niǐ gbɛ̀ nyaa lèʔ,
gàa nī yawiire felide ti yē dè dàa tiǐ gbɛ̀ tɔ́ri dèʔ, yìride dè, kpolido dè#104.25 Wéli baa Sél 1.20-21..
26Kire nī kɔ́rikpoliyo yiī nɛ tòrí yè,
nɛ́ míɛni Leviyatan fíɛrɛ yɛgɛ gáà muɔ 'kpíʔile gè
kiī nɛ pùrɔ́ baa ki nī#104.26 Tiɛyɛ yáà nī ki 'juu Kulocɛliɛ siɛnsɛbɛrɛ nī dè, Leviyatan yɛgɛ ki 'puu bògaara yacogo kuʔɔjii nī wè; ki 'puu fìɛ bè ki tìɛ ŋɔri táà ti 'puu Kulocɛliɛ leguu (wéli baa 74.14; Eza 27.1). Nɛ̀ ki yaʔa náʔa gè kiī nɛ nyu fúɔkpuʔɔ káà wori nɛ̄ gàa ki 'kòrí kuʔɔjii nī wè..
27Tire ti mìɛni nɛ̂ ti sɔ̀ngirɔ taʔa dè muɔ nɛ̄
kire ga buu muɔ de yaliire kanʔa dè ti mɛ́ ti lɛ̀lɛ nī lè.
28A muɔ ti 'kɛn ti mɛ́, ti nɛ̂ ti líɛ.
A muɔ 'muɔ kɔli múgu gè, ti nɛ̂ káa nɛ̀ tín.
29A muɔ 'kàduʔu wáa ti mɛ́, fíɛgbuɔrɔ nɛ̂ ti cò.
A muɔ 'ŋɔ́nɔ suɔ lè ti mɛ́ wè, ti nɛ̂ kùu nɛ̀ kò cúbugo.
30A muɔ ń'nɛ̀ koli nɛ̀ muɔ ŋɔ́nɔ nyɔ́gɔ lè ti nī dè, ti nɛ̂ kò wiire.
Muɔ nɛ̂ dàala yiʔɛ lè ni nɛ̂ kò fɔnnɔ.
31Ki 'yɛli Yewe kpuɔmɔ pi‑ puu baa súuri,
dí Yewe sí fundaanra taa wi yafaanra#104.31 Wéli baa 104.24 kaliwɛgɛ ki táanmɛ gè. nī dè !
32Wi nɛ̂ dàala wéli lè, ni nɛ̂ cúungo,
wi nɛ̂ nyaguruyo cò yè, wírige nɛ̂ yiri.
33Bè mi yaʔa mi 'puu sìi nɛ̄ wè, m'béri ŋú Yewe mɛ́ wè !
Bè mi yaʔa bile dàala nɛ̄ lè,
m'béri yakpuɔnrɔ kpúɔn mi Kulocɛliɛ mɛ́ wè !
34Ki 'yɛli mi ŋúnudanʔa ki de fundaanra kanʔa wi mɛ́ !
Mi wè, m'béri fundaanra kpínʔini Yewe nī.
35Ki 'yɛli kapiigbiʔilile pe fǎga ní de nyaʔa dàala nɛ̄ lèʔ,
dí siɛncuʔɔlɔ pe sí pùunni péwu !
Mi fungo, ma kpuʔɔrɔ taʔa dè Yewe nɛ̄ wè#104.35 Wéli baa 104.1. !
Ye- Yewe gbùʔɔrɔ wè !
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active), Wycliffe Bible Translators, Inc. All rights reserved.