Ŋúnuyɔ 106
106
A weli cɛ yē kolilo bèle, Yewe wire yē sínwɛ
1 Ye- Yewe gbùʔɔrɔ wè !
Ye‑ Yewe tòbilo wè nɛ́ ki cɛ́n wi nyɛ́nì nyuɔ;
wi bànguɔ dɛ́nigɛ kiī baa súuri#106.1 Wéli baa 100.5; 107.1; 118.1,29; 136; Kaj1 16.34; Kaj2 5.13; 7.3; Ɛsid 3.11; Zer 33.11. !
2Ŋáa wi bé gbɛ̀ jaa de Yewe kakpoliyo yi mìɛni wuʔu nyu gè ?
Ŋáa wi bé gbɛ̀ jaa de wi gbùʔɔrilɔ ni mìɛni wuʔu nyu gè ?
3Siɛnnɛ bálì pe kasingele kpínʔini gèle
nɛ tári nɛ yɛligi nɛ́ gàa ní ki 'sín gè súuri, peli wuʔu kiī tànʔa !
4 Yewe yo, sɔ̀ngi ma taa nɛ́ mi ní
a muɔ nɛ muɔ funjɛ̀ngɛ tìí gè muɔ siɛnnɛ nɛ̄ bèle !
Líiye cáan mi mɛ́ a muɔ nɛ pe suu bèle !
5‑Ki yaʔa mi‑ puu nɛ́ muɔ siɛnnyiɛnɛgɔnminɔ ní bèle,
bɛ̀ muɔ 'yanyige kɛn pe mɛ́ bèle,
dí mi sí de muguri bɛ̀ muɔ siɛnnɛ piyē fundaanra nɛ̄ dè,
dí mi de muɔ gbùʔɔrɔ́ nɛ́ bàli ní pe yē muɔ kɔrigɔ gè !
6Bɛ̀ weli tobilo tíɛlɛ bèle, weli nyɛ́nì kapiile kpíʔile,
weli nyɛ́nì kolimɔ kpíʔile, weli nyɛ́nì kò siɛnpiile.
7Baa Ezipiti kùlo nī lè,
weli tobilo piyè cé muɔ kanyuʔɔnigɔlɔ ke kɔri cɛ́n wèʔ.
A pe 'fìʔɛ nɛ́ muɔ bànguɔ dɛ́nigɛ kele nìʔɛgɛlɛ ní gèle,
a pe 'cíi péwu kuʔɔjii táanni wè, Nyàʔanivɛgɛ Tiire kuʔɔjii wè#106.7 Wéli baa Yir 14.1-12..
8Nɛ̀ ki yaʔa a wi 'pe suɔ kire ga buu wi míʔɛ ki‑ kpúʔɔ,
bè ki yaʔa pe‑ wi ŋɔri cɛ́n dè.
9A wi 'juu nɛ̀ kpɛ̀ni Nyàʔanivɛgɛ Tiire kuʔɔjii nɛ̄ wè, a ki 'waʔa;
a wi 'wi siɛnnɛ kɔ́ri bèle a pe 'tánʔa nɛ̀ jeli ki sícuumɔ nī bè,
majo waama kùlo nī.
10Bàli pe yé biɛn bèle, a wi 'pe suɔ pe mɛ́,
nɛ́ ń'nɛ̀ koli nɛ̀ pe suɔ nɛ̀ yige pe leguulo pe kiyɛ nī yè.
11A kuʔɔjii luʔɔ ki 'pe lìi, bàli pe 'puu nɛ túngu nɛ́ pe ní bèle;
wàa nigbe sì cɛ́nì kò pe nīʔ#106.11 Koliyo 9-11 tiʔɛ nī gè, wéli baa Yir 14.21-29..
12A wi siɛnnɛ pe sí tɛ́ngɛ wi siɛnrɛ nɛ̄ dè
níɛ wi gbùʔɔrigɔ ŋúnuyɔ ŋú yè#106.12 Wéli baa Yir 14.31; 15.1-21..
13Nɛ̀ ki yaʔa a pe 'fìʔɛ fáari nɛ́ wi kakpiʔiligele ní gèle,
pe sì yéri nɛ̀ wi nyɛ́ni kele sige gèleʔ,
gàli wi yé je kpíʔile gèleʔ.
14Baa waama kùlo nī lè, a pe 'pìye kɛn pe kanɛdanʔana kele mɛ́ gèle,
a pe 'Kulocɛliɛ puu wè nɛ̀ wéli, luʔɔfun kùlo nī lè#106.14 Koliyo 14-15 tiʔɛ nī gè, wéli baa Tɔ́r 11.4-34..
15A wi sí ki kɛn pe mɛ́ gàa pe 'puu nɛ náari gè,
nɛ̀ ki yaʔa a wi 'cériwaʔama yaabiimɛ cáan bè pe nɛ̄.
16Baa bùguro nī dè, a yejaʔa 'yɛ̀ pe mɛ́ Misa kúrugu wè,
nɛ́ Arawɔn kúrugu wè,
wire ŋáà wi 'puu Yewe siɛnwalidɛngɛwɛ wè#106.16 Koliyo 16-18 tiʔɛ nī gè, wéli baa Tɔ́r 16..
17Kire nɛ̄ a dàala ni 'foli nɛ̀ jaa nɛ̀ Datan júɔ wè,
nɛ́ míɛni a ni 'Abirami gboli tɔ́n lè.
18A kàsun ki 'yɛ̀ pe gboli kúrugu lè,
a kàsunyige ki 'siɛncuʔɔlɔ bálì sórigo bèle.
19A pe 'nɛ̀piɛyɛlilɛ faan lè Worɛbi nyagurugo táanni gè,
a pe 'tuu nɛ̀ cúbulo ki timɔri yasungo yiʔɛ mɛ́ gè#106.19 Koliyo 19-23 tiʔɛ nī gè, wéli baa Yir 32.1-14..
20A pe 'Kulocɛliɛ kpuɔmɔ fɛ̀ni bè yafanʔa nɛ̄ gè,
gàa gī nɛ̀piɛyɛlilɛ tíɛlɛ lè nàa ni nyàʔa káa gè.
21A pe 'fìʔɛ nɛ́ pe suɔfɔli Kulocɛliɛ ní wè,
ŋàa wi yé kakpoliyo kpíʔile yè Ezipiti kùlo nī lè,
22nɛ́ kanyuʔɔnigɔlɔ ní gèle baa Kami kùlo#106.22 Kami kùlo: Kire 'jo Ezipiti kùlo lè. Wéli baa 78.51 kaliwɛgɛ ki táanmɛ gè. nī lè,
nɛ́ bògaara kele ní gèle Nyàʔanivɛgɛ Tiire kuʔɔjii tiʔɛ nī gè.
23Kire nɛ̄ a Kulocɛliɛ sí jo wire bé pe cúʔɔ bè yige baa.
Nɛ̀ ki yaʔa Misa wè, wi siɛnnyiɛnɛgɔnwɔ wè,
a wire 'jíin Yewe nɛ́ wi siɛnnɛ sunʔɔmɔ nī bè
nɛ̀ kàsulugo kpíʔile gè,
kire ga buu Yewe fundanʔanigɛ ki fǎga pe cúʔɔʔ.
24A pe 'cíi, pìye jíinʔ kùtaanna nī lèʔ,
piyè tɛ́ngɛ Yewe siɛnrɛ nɛ̄ dèʔ#106.24 Koliyo 24-26 tiʔɛ nī gè, wéli baa Tɔ́r 14..
25A pe 'kò nɛ kúnʔɔri pe fɛ̀ni saaya nī yè,
piyè lúʔu Yewe nyasiɛnrɛ mɛ́ dèʔ.
26A wi 'kɔli yɛ̀gɛ gè nɛ̀ kàli
bè pe yaʔa pe‑ kùu waama kùlo nī lè,
27bè pe siimɛ cɛrigɛ bè duniya tiɛrɛ ti mìɛni nī,
bè pe yaʔa pe‑ kùu kùlogolo sunʔɔmɔ nī bè#106.27 Wéli baa Lev 26.33..
28A pe sɛ́ni Baali yasungo sungu gè
baa Peyɔri nyagurugo mɛ́ gè,
a pe 'kúbilo kakuɔrɔ suro líi dè#106.28 Wéli baa Lev 26.30; Ŋún 115.4-8; 135.15-18. Koliyo 28-31 tiʔɛ nī gè, wéli baa Tɔ́r 25.13..
29A pe 'Yewe funyɛrigɛ caa gè nɛ̀ ŋɔ́ nɛ́ pe kakpiʔiligele ní gèle,
a yaabiimɛ wuʔɔgbuʔɔ ki 'tuu pe nɛ̄.
30A Finɛyasi sí yɛ̀ nɛ̀ ki kele cuɔnri gèle, a wuʔɔgbuʔɔ ki 'yéri.
31A Yewe 'kire tɔ́ri Finɛyasi mɛ́ kasinnɛ,
súuri kɛ̀ngɛlɛ ke mìɛni nī#106.31 Wéli baa Tɔ́r 25.7-11..
32A pe 'Yewe fungo yɛ̀gɛ gè baa Mɛriba luɔyɔ táanni yè,
a Misa 'yawuʔɔ taa peli kɛnmɛ nɛ̄.
33Bà pe yé wi fungo cúʔɔ gè kányiʔɛ nī gè,
wiì sɔ̀ngi nɛ́ juuʔ#106.33 Wéli baa Yir 17.1-7; Tɔ́r 20.1-13..
34Piyè kùlogolo siɛnnɛ cúʔɔ bèleʔ,
bàli Yewe yé jo pe‑ cúʔɔ bèleʔ#106.34 Wéli baa Fàn 7.1-6; 20.17-18..
35A pe 'nyaʔami kùlogolo kálì siɛnnɛ nī bèle,
nɛ̀ pe 'kakpiʔiligele tɛnmɛ gèle#106.35 Koliyo 35-36 tiʔɛ nī gè, wéli baa Kàyu 2.1-3; 3.5-6.,
36nɛ́ baara pe yasunro mɛ́ dè, a ti 'kò gáriyɛ pe mɛ́#106.36 Wéli baa Kàyu 2.1-3; 3.5-6. Koliyo 40-46 tiʔɛ nī gè, wéli baa Kàyu 2.14-18..
37A pe 'pe jaala kpúu bèle, nɛ́ pe pórilo ní bèle,
nɛ̀ sun gbòdolilo mɛ́ bèle#106.37 Wéli baa Lev 18.21kaliwɛgɛ ki táanmɛ gè, nɛ́ Fàn 12.31; Kùlo2 17.17; Zer 7.31..
38A pe 'kanaasingbiʔilile pe sìsiɛn wo gè,
gàa gī pe jaala nɛ́ pe pórilo wuʔu gè,
a pe 'pe kɔ̀n tasunmɔ Kanaa siɛnnɛ kulocɛlɛlɛ mɛ́ bèle#106.38 Wéli baa Tɔ́r 35.33..
A kùlo ni 'núʔɔ Yewe yiʔɛ mɛ́ gè,
sìsiɛn kɛnmɛ nɛ̄ bè gàa ki 'wo gè siɛnkpuu wuʔu gè.
39Pe nyɛ́nì pìye núʔɔ nɛ́ pe kakpiʔiligele ní gèle;
bà pe 'yasunro sun dè, a ki 'kpíʔile
majo nàjaafaalidɛ nɛ́ cecaafaalidɛ pe 'kpíʔile Yewe yiʔɛ mɛ́ gè#106.39 Wéli baa Zer 3.6-9; Ezek 23.3,5-8; Oze 1.2; 2.4; 4.12-14; 5.3; 6.10..
40A Yewe fungo ki 'yɛ̀ kpuʔɔ wi siɛnnɛ kúrugu bèle,
a pe 'kò laabiri yɛgɛ wi mɛ́, peli bálì bīɛlɛ wi kɔrigɔ gè.
41A wi 'pe yaʔa kùlogolo kiyɛ nī yè;
bàli pe yé biɛn bèle, a pe 'pe jáa nɛ fànʔa kpúɔn pe nɛ̄.
42A pe leguulo pe 'pe máama,
a pe 'pe kiyɛ fànʔa seri gè pe nɛ̄ nɛ̀ pe faʔa.
43Lɛ̀gɛlɛ sáa nī a wi 'pe yige pe kiyɛ nī yè,
kire nɛ́ ki mìɛni ní a pe 'cíi níɛ cùrú nɛ jiin pe kolimɔ nī bè.
44Nɛ̀ ki yaʔa wi 'pe kòkuʔulo lúʔu gèle
a wi sí pe funbiɛnrɛ nyaa dè.
45A wi 'sɔ̀ngi nɛ̀ taa nɛ́ wi nyakungɛngɛ ní gè gàa wi 'kpíʔile nɛ́ pe ní gè,
a wi 'ki yaʔa pe nɛ̄, wiì pe wuʔɔʔ,
nɛ́ ki cɛ́n wi bànguɔ dɛ́nigɛ kiī kpuʔɔ pe kɔli mɛ́ gè.
46A wi 'ki kpíʔile bàli mìɛni pe 'pe cò parituɔrɔ nɛ̄ dè,
a peli 'koli nɛ̀ nyinimɛ taa pe nɛ̄#106.46 Wéli baa Kùlo1 8.50; Ɛsid 9.9; Zer 42.12..
47Yewe weli Kulocɛliɛ yo, ma weli suɔ !
‑Weli yige kùlogolo sunʔɔmɔ nī bè ma weli gbuʔulo,
kire ga buu weli de muɔ gbùʔɔrɔ́, muɔ ŋáà wī tiɛlɛ fùn wè,
bà weli bé puu fundaanra nɛ̄ bèri muɔ tòbiló.
Gbùʔɔrigɔ wuʔu gáà ki 'juu gè, bè Sɛbɛ Sicɛriwuu kúɔ wè
48Kpuʔɔrɔ 'yɛli ti de tari Yewe nɛ̄ wè, Isirayɛliyé Kulocɛliɛ wè#106.48 Wéli baa Kaj1 16.36., lɛ̀lɛ ó lɛ̀lɛ nī súuri !
Siɛnnɛ pe mìɛni bé ki juu bé jo:
«Ki- taa ki puu bɛ̀ !»
Ye- Yewe gbùʔɔrɔ wè !
SƐBƐ KOGUNƆWUU
(107–150)
ទើបបានជ្រើសរើសហើយ៖
Ŋúnuyɔ 106: sev
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active), Wycliffe Bible Translators, Inc. All rights reserved.
Ŋúnuyɔ 106
106
A weli cɛ yē kolilo bèle, Yewe wire yē sínwɛ
1 Ye- Yewe gbùʔɔrɔ wè !
Ye‑ Yewe tòbilo wè nɛ́ ki cɛ́n wi nyɛ́nì nyuɔ;
wi bànguɔ dɛ́nigɛ kiī baa súuri#106.1 Wéli baa 100.5; 107.1; 118.1,29; 136; Kaj1 16.34; Kaj2 5.13; 7.3; Ɛsid 3.11; Zer 33.11. !
2Ŋáa wi bé gbɛ̀ jaa de Yewe kakpoliyo yi mìɛni wuʔu nyu gè ?
Ŋáa wi bé gbɛ̀ jaa de wi gbùʔɔrilɔ ni mìɛni wuʔu nyu gè ?
3Siɛnnɛ bálì pe kasingele kpínʔini gèle
nɛ tári nɛ yɛligi nɛ́ gàa ní ki 'sín gè súuri, peli wuʔu kiī tànʔa !
4 Yewe yo, sɔ̀ngi ma taa nɛ́ mi ní
a muɔ nɛ muɔ funjɛ̀ngɛ tìí gè muɔ siɛnnɛ nɛ̄ bèle !
Líiye cáan mi mɛ́ a muɔ nɛ pe suu bèle !
5‑Ki yaʔa mi‑ puu nɛ́ muɔ siɛnnyiɛnɛgɔnminɔ ní bèle,
bɛ̀ muɔ 'yanyige kɛn pe mɛ́ bèle,
dí mi sí de muguri bɛ̀ muɔ siɛnnɛ piyē fundaanra nɛ̄ dè,
dí mi de muɔ gbùʔɔrɔ́ nɛ́ bàli ní pe yē muɔ kɔrigɔ gè !
6Bɛ̀ weli tobilo tíɛlɛ bèle, weli nyɛ́nì kapiile kpíʔile,
weli nyɛ́nì kolimɔ kpíʔile, weli nyɛ́nì kò siɛnpiile.
7Baa Ezipiti kùlo nī lè,
weli tobilo piyè cé muɔ kanyuʔɔnigɔlɔ ke kɔri cɛ́n wèʔ.
A pe 'fìʔɛ nɛ́ muɔ bànguɔ dɛ́nigɛ kele nìʔɛgɛlɛ ní gèle,
a pe 'cíi péwu kuʔɔjii táanni wè, Nyàʔanivɛgɛ Tiire kuʔɔjii wè#106.7 Wéli baa Yir 14.1-12..
8Nɛ̀ ki yaʔa a wi 'pe suɔ kire ga buu wi míʔɛ ki‑ kpúʔɔ,
bè ki yaʔa pe‑ wi ŋɔri cɛ́n dè.
9A wi 'juu nɛ̀ kpɛ̀ni Nyàʔanivɛgɛ Tiire kuʔɔjii nɛ̄ wè, a ki 'waʔa;
a wi 'wi siɛnnɛ kɔ́ri bèle a pe 'tánʔa nɛ̀ jeli ki sícuumɔ nī bè,
majo waama kùlo nī.
10Bàli pe yé biɛn bèle, a wi 'pe suɔ pe mɛ́,
nɛ́ ń'nɛ̀ koli nɛ̀ pe suɔ nɛ̀ yige pe leguulo pe kiyɛ nī yè.
11A kuʔɔjii luʔɔ ki 'pe lìi, bàli pe 'puu nɛ túngu nɛ́ pe ní bèle;
wàa nigbe sì cɛ́nì kò pe nīʔ#106.11 Koliyo 9-11 tiʔɛ nī gè, wéli baa Yir 14.21-29..
12A wi siɛnnɛ pe sí tɛ́ngɛ wi siɛnrɛ nɛ̄ dè
níɛ wi gbùʔɔrigɔ ŋúnuyɔ ŋú yè#106.12 Wéli baa Yir 14.31; 15.1-21..
13Nɛ̀ ki yaʔa a pe 'fìʔɛ fáari nɛ́ wi kakpiʔiligele ní gèle,
pe sì yéri nɛ̀ wi nyɛ́ni kele sige gèleʔ,
gàli wi yé je kpíʔile gèleʔ.
14Baa waama kùlo nī lè, a pe 'pìye kɛn pe kanɛdanʔana kele mɛ́ gèle,
a pe 'Kulocɛliɛ puu wè nɛ̀ wéli, luʔɔfun kùlo nī lè#106.14 Koliyo 14-15 tiʔɛ nī gè, wéli baa Tɔ́r 11.4-34..
15A wi sí ki kɛn pe mɛ́ gàa pe 'puu nɛ náari gè,
nɛ̀ ki yaʔa a wi 'cériwaʔama yaabiimɛ cáan bè pe nɛ̄.
16Baa bùguro nī dè, a yejaʔa 'yɛ̀ pe mɛ́ Misa kúrugu wè,
nɛ́ Arawɔn kúrugu wè,
wire ŋáà wi 'puu Yewe siɛnwalidɛngɛwɛ wè#106.16 Koliyo 16-18 tiʔɛ nī gè, wéli baa Tɔ́r 16..
17Kire nɛ̄ a dàala ni 'foli nɛ̀ jaa nɛ̀ Datan júɔ wè,
nɛ́ míɛni a ni 'Abirami gboli tɔ́n lè.
18A kàsun ki 'yɛ̀ pe gboli kúrugu lè,
a kàsunyige ki 'siɛncuʔɔlɔ bálì sórigo bèle.
19A pe 'nɛ̀piɛyɛlilɛ faan lè Worɛbi nyagurugo táanni gè,
a pe 'tuu nɛ̀ cúbulo ki timɔri yasungo yiʔɛ mɛ́ gè#106.19 Koliyo 19-23 tiʔɛ nī gè, wéli baa Yir 32.1-14..
20A pe 'Kulocɛliɛ kpuɔmɔ fɛ̀ni bè yafanʔa nɛ̄ gè,
gàa gī nɛ̀piɛyɛlilɛ tíɛlɛ lè nàa ni nyàʔa káa gè.
21A pe 'fìʔɛ nɛ́ pe suɔfɔli Kulocɛliɛ ní wè,
ŋàa wi yé kakpoliyo kpíʔile yè Ezipiti kùlo nī lè,
22nɛ́ kanyuʔɔnigɔlɔ ní gèle baa Kami kùlo#106.22 Kami kùlo: Kire 'jo Ezipiti kùlo lè. Wéli baa 78.51 kaliwɛgɛ ki táanmɛ gè. nī lè,
nɛ́ bògaara kele ní gèle Nyàʔanivɛgɛ Tiire kuʔɔjii tiʔɛ nī gè.
23Kire nɛ̄ a Kulocɛliɛ sí jo wire bé pe cúʔɔ bè yige baa.
Nɛ̀ ki yaʔa Misa wè, wi siɛnnyiɛnɛgɔnwɔ wè,
a wire 'jíin Yewe nɛ́ wi siɛnnɛ sunʔɔmɔ nī bè
nɛ̀ kàsulugo kpíʔile gè,
kire ga buu Yewe fundanʔanigɛ ki fǎga pe cúʔɔʔ.
24A pe 'cíi, pìye jíinʔ kùtaanna nī lèʔ,
piyè tɛ́ngɛ Yewe siɛnrɛ nɛ̄ dèʔ#106.24 Koliyo 24-26 tiʔɛ nī gè, wéli baa Tɔ́r 14..
25A pe 'kò nɛ kúnʔɔri pe fɛ̀ni saaya nī yè,
piyè lúʔu Yewe nyasiɛnrɛ mɛ́ dèʔ.
26A wi 'kɔli yɛ̀gɛ gè nɛ̀ kàli
bè pe yaʔa pe‑ kùu waama kùlo nī lè,
27bè pe siimɛ cɛrigɛ bè duniya tiɛrɛ ti mìɛni nī,
bè pe yaʔa pe‑ kùu kùlogolo sunʔɔmɔ nī bè#106.27 Wéli baa Lev 26.33..
28A pe sɛ́ni Baali yasungo sungu gè
baa Peyɔri nyagurugo mɛ́ gè,
a pe 'kúbilo kakuɔrɔ suro líi dè#106.28 Wéli baa Lev 26.30; Ŋún 115.4-8; 135.15-18. Koliyo 28-31 tiʔɛ nī gè, wéli baa Tɔ́r 25.13..
29A pe 'Yewe funyɛrigɛ caa gè nɛ̀ ŋɔ́ nɛ́ pe kakpiʔiligele ní gèle,
a yaabiimɛ wuʔɔgbuʔɔ ki 'tuu pe nɛ̄.
30A Finɛyasi sí yɛ̀ nɛ̀ ki kele cuɔnri gèle, a wuʔɔgbuʔɔ ki 'yéri.
31A Yewe 'kire tɔ́ri Finɛyasi mɛ́ kasinnɛ,
súuri kɛ̀ngɛlɛ ke mìɛni nī#106.31 Wéli baa Tɔ́r 25.7-11..
32A pe 'Yewe fungo yɛ̀gɛ gè baa Mɛriba luɔyɔ táanni yè,
a Misa 'yawuʔɔ taa peli kɛnmɛ nɛ̄.
33Bà pe yé wi fungo cúʔɔ gè kányiʔɛ nī gè,
wiì sɔ̀ngi nɛ́ juuʔ#106.33 Wéli baa Yir 17.1-7; Tɔ́r 20.1-13..
34Piyè kùlogolo siɛnnɛ cúʔɔ bèleʔ,
bàli Yewe yé jo pe‑ cúʔɔ bèleʔ#106.34 Wéli baa Fàn 7.1-6; 20.17-18..
35A pe 'nyaʔami kùlogolo kálì siɛnnɛ nī bèle,
nɛ̀ pe 'kakpiʔiligele tɛnmɛ gèle#106.35 Koliyo 35-36 tiʔɛ nī gè, wéli baa Kàyu 2.1-3; 3.5-6.,
36nɛ́ baara pe yasunro mɛ́ dè, a ti 'kò gáriyɛ pe mɛ́#106.36 Wéli baa Kàyu 2.1-3; 3.5-6. Koliyo 40-46 tiʔɛ nī gè, wéli baa Kàyu 2.14-18..
37A pe 'pe jaala kpúu bèle, nɛ́ pe pórilo ní bèle,
nɛ̀ sun gbòdolilo mɛ́ bèle#106.37 Wéli baa Lev 18.21kaliwɛgɛ ki táanmɛ gè, nɛ́ Fàn 12.31; Kùlo2 17.17; Zer 7.31..
38A pe 'kanaasingbiʔilile pe sìsiɛn wo gè,
gàa gī pe jaala nɛ́ pe pórilo wuʔu gè,
a pe 'pe kɔ̀n tasunmɔ Kanaa siɛnnɛ kulocɛlɛlɛ mɛ́ bèle#106.38 Wéli baa Tɔ́r 35.33..
A kùlo ni 'núʔɔ Yewe yiʔɛ mɛ́ gè,
sìsiɛn kɛnmɛ nɛ̄ bè gàa ki 'wo gè siɛnkpuu wuʔu gè.
39Pe nyɛ́nì pìye núʔɔ nɛ́ pe kakpiʔiligele ní gèle;
bà pe 'yasunro sun dè, a ki 'kpíʔile
majo nàjaafaalidɛ nɛ́ cecaafaalidɛ pe 'kpíʔile Yewe yiʔɛ mɛ́ gè#106.39 Wéli baa Zer 3.6-9; Ezek 23.3,5-8; Oze 1.2; 2.4; 4.12-14; 5.3; 6.10..
40A Yewe fungo ki 'yɛ̀ kpuʔɔ wi siɛnnɛ kúrugu bèle,
a pe 'kò laabiri yɛgɛ wi mɛ́, peli bálì bīɛlɛ wi kɔrigɔ gè.
41A wi 'pe yaʔa kùlogolo kiyɛ nī yè;
bàli pe yé biɛn bèle, a pe 'pe jáa nɛ fànʔa kpúɔn pe nɛ̄.
42A pe leguulo pe 'pe máama,
a pe 'pe kiyɛ fànʔa seri gè pe nɛ̄ nɛ̀ pe faʔa.
43Lɛ̀gɛlɛ sáa nī a wi 'pe yige pe kiyɛ nī yè,
kire nɛ́ ki mìɛni ní a pe 'cíi níɛ cùrú nɛ jiin pe kolimɔ nī bè.
44Nɛ̀ ki yaʔa wi 'pe kòkuʔulo lúʔu gèle
a wi sí pe funbiɛnrɛ nyaa dè.
45A wi 'sɔ̀ngi nɛ̀ taa nɛ́ wi nyakungɛngɛ ní gè gàa wi 'kpíʔile nɛ́ pe ní gè,
a wi 'ki yaʔa pe nɛ̄, wiì pe wuʔɔʔ,
nɛ́ ki cɛ́n wi bànguɔ dɛ́nigɛ kiī kpuʔɔ pe kɔli mɛ́ gè.
46A wi 'ki kpíʔile bàli mìɛni pe 'pe cò parituɔrɔ nɛ̄ dè,
a peli 'koli nɛ̀ nyinimɛ taa pe nɛ̄#106.46 Wéli baa Kùlo1 8.50; Ɛsid 9.9; Zer 42.12..
47Yewe weli Kulocɛliɛ yo, ma weli suɔ !
‑Weli yige kùlogolo sunʔɔmɔ nī bè ma weli gbuʔulo,
kire ga buu weli de muɔ gbùʔɔrɔ́, muɔ ŋáà wī tiɛlɛ fùn wè,
bà weli bé puu fundaanra nɛ̄ bèri muɔ tòbiló.
Gbùʔɔrigɔ wuʔu gáà ki 'juu gè, bè Sɛbɛ Sicɛriwuu kúɔ wè
48Kpuʔɔrɔ 'yɛli ti de tari Yewe nɛ̄ wè, Isirayɛliyé Kulocɛliɛ wè#106.48 Wéli baa Kaj1 16.36., lɛ̀lɛ ó lɛ̀lɛ nī súuri !
Siɛnnɛ pe mìɛni bé ki juu bé jo:
«Ki- taa ki puu bɛ̀ !»
Ye- Yewe gbùʔɔrɔ wè !
SƐBƐ KOGUNƆWUU
(107–150)
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© (Active), Wycliffe Bible Translators, Inc. All rights reserved.