Mark NHƐNMU
NHƐNMU
Mark Asɛmpa no hyɛ ase ka asɛm bi dɛ ɔyɛ “Nsɛmpa a ɔfa Jesus Kraest, Nyankopɔn ne ba” no ho. Ɔda Jesus edzi dɛ obi a dza ɔka no, ɔyɛ, na ɔwɔ tum so. No tumdzi da edzi wɔ ne nkyerɛkyerɛ mu, esunsum fi do, na bɔnfakyɛ a ɔdze ma nyimpa do. Jesus kasa fa noho dɛ ɔyɛ Nyimpa Ba a ɔbaa dɛ ɔdze no nkwa robɔto hɔ agye nyimpa efi bɔn mu.
Mark dze Jesus no ho nsɛm yi to gua tɔɔtsen wɔ enyiberdo. Osi dza Jesus yɛe no do dua sen nsɛm a ɔkae na ne nkyerɛkyerɛ. Ɔkaa John Onumanyi no ho asɛm na Jesus no nnumaa na no nsɔhwɛ ho asɛm tsiabaa wiei ara na ɔkyerɛwfo no kɔr Jesus n’ayarsa edwuma na ne nsɛmpaka do. Mber kakra bi ekyir no, Jesus n’ekyirdzifo no tsee no ase yie, naaso hɔn a wotsia no no dze, wɔsoɛɛr dzendzenndzen tsiaa no. Etsir a odzi ewiei no dze nsɛm a ɔfa Jesus ne dapɛn a odzi ekyir wɔ ne wiadze asetsena ho, ne tsitsir nye no mbeamudua do wu na wusoɛr no to gua.
Asɛmpa no n’ewiei a otsia ebien a wɔdze ato nkatomdze mu (Tsir 16. 9-20) no, wɔfa no dɛ obi fofor na ɔkyerɛwee na ɔnnka dza ahyɛse no wɔkyerɛɛw no Mark mu no ho.
Dza Ɔwɔ Mu
Asɛmpa no n’ahyɛse 1.1-13
Jesus no bagua mu edwumayɛ wɔ Galilii 1.14—9.50
Ofi Galilii kɔ Jerusalɛm 10.1-52
Dapɛn a odzi ekyir no wɔ Jerusalɛm na no nkwaado 11.1—15.47
Jesus no wusoɛr 16.1-8
Ewuradze a ɔasoɛr efi owu mu no noho edzi ndaa na no sor nkɔree 16.9-20
ទើបបានជ្រើសរើសហើយ៖
Mark NHƐNMU: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.