Mark 9
9
1Na Jesus see hɔn dɛ, Nokwar mese hom dɛ, Hɔn a wogyina ha yi, binom wɔ hɔ a wɔronnsɔ owu nnhwɛ ansaana woehu Nyankopɔn n’ahenman no dɛ ɔdze tum aba.
Jesus N’enyimnyam Hyerɛn
(Matthew 17.1-13; Luke 9.28-36)
2 #
2 Pet 1.17, 18 Na ndaesia ekyir no, Jesus faa Peter nye James nye John, na ɔdze hɔn nko kɔr nkyɛn wɔ kokwaa tsentsen bi do; na ɔsakyeree wɔ hɔn enyim; 3na n’atar hyerɛɛn fitafita, dɛ mbrɛ asaase yi do ɔtanhofo biara nnkotum ahoa no dɛm. 4Na Elija nye Moses puee hɔn nkyɛn, na wɔnye Jesus kasae. 5Na Peter buae see Jesus dɛ, Kyerɛkyerɛfo, oye ma hɛn dɛ yɛtsena ha, na ma yɛmbɔ asese ebiasa, wodze kor, Moses dze kor, Elija dze kor. 6Nna onnhu dza ɔnka, osiandɛ nna suro kɛse aka hɔn. 7#Mat 3.17; Mar 1.11; Luk 3.22 Na mununkum bi bɛkataa hɔn do, na ndze fii mununkum no mu baa dɛ, Oyi nye mo Dɔba no: hom ntsie no. 8Na amonmu hɔ ara wɔtotoo hɔn enyiwa, naaso woennhu nyimpa biara dɛ Jesus nko, nye hɔnara.
9Na wofi kokwaa do risian no, ɔbraa hɔn dɛ mma wɔnnka dza wohunii no nnkyerɛ obiara, gyedɛ nyimpa Ba no asoɛr efi ewufo mu ana. 10Na wosuoo asɛm no mu, na wobisabisaa hɔnho dɛ ewufo mu soɛr no ase nye dɛn. 11#Mal 4.5; Mat 11.14 Na wobisaa no see dɛ, Ɔyɛ dɛn na kyerɛwfo no ka dɛ ɔsɛ dɛ Elija idzi kan ba? 12Na ɔsee hɔn dɛ, Elija dze, obedzi kan aba ampa, na ɔaabɔtoto ndzɛmba nyina yie: na ebɛnadze ntsi na wɔakyerɛw no nyimpa Ba no ho dɛ obohu amandze pii naaso wonnkobu no hwee? 13Na mese hom dɛ Elija aba dada, na eso wɔayɛ no dza wɔpɛ nyina, dɛ mbrɛ wɔakyerɛw no wɔ no ho.
Jesus Sa Banyimba a Ɔwɔ Sunsum fi Yarba
(Matthew 17.14-21; Luke 9.37-43)
14Na wodur esuafo no nkyɛn no, wohun nyimpadodow pii wɔ hɔn ho, na kyerɛwfo dɛ wɔnye hɔn riyiyi asɛm ano. 15Na ntsɛmara nyimpadodow no nyina hun Jesus no, hɔn ho dwiriiw hɔn, na wotutuu mbirika bae bekyiaa no. 16Na Jesus bisaa hɔn dɛ, Ebɛn asɛm na hom nye hɔn riyiyi ano yi? 17Na nyimpadodow no mu baako buaa no dɛ, Kyerɛkyerɛfo, medze me babanyin brɛɛ wo, osiandɛ ɔwɔ mmum sunsum; 18na beebiara a osuo no mu no, ɔtsetsew noho gu, na n’ano twa ehur, na ɔtwɛr ne se, na ɔkyenkyen: na mesee w’esuafo no dɛ wontu no, naaso woenntum. 19Na obuae see hɔn dɛ, Ao santsen a hom nnyi gyedzi, menye hom ntsena nkodu dabɛn? Hom mfa no mbrɛ me. 20Na wɔdze no brɛɛ Jesus; na ohun Jesus no, ntsɛmara na sunsum no twaa no ehim, na ɔhwee daadze ma opirepirewii, na n’ano twaa ehur. 21Na Jesus bisaa n’egya dɛ, Iyi yɛɛ no mber dodow bɛn nye yi? Na ɔsee dɛ, Ofi no mbofraber mu; 22na mpɛn pii na ɔaka no ato gya, nye nsu mu, dɛ ɔbɛsɛɛ no; na sɛ ibotum ayɛ ho biribi a, hu hɛn mbɔbɔr na boa hɛn. 23Na Jesus see no dɛ, Sɛ ibotum a! Nyia ɔgye dzi no, ndzɛmba nyina botum ayɛ hɔ ama no. 24Na ntsɛmara abofra no n’egya tseaa mu see dɛ, Megye midzi: boa me wɔ m’ekyingye gye ho. 25Na Jesus hun dɛ nyimpadodow dze enguan reba no, ɔbɔɔ sunsum fi no ham see no dɛ, Ɔwo, sunsum mmum nye tsitsifo, mara mehyɛ wo dɛ fi no mu fi, na mma nnkɔ no mu bio. 26Na ɔkaa mu na otwaa no ehim pii no, ofii no mu firii; na ɔbɛyɛɛ dɛ owufo, ma dodowara see dɛ, Oewu. 27Na Jesus suoo ne nsamu maa no do, na ɔsoɛree. 28Na Jesus baa fie no, n’esuafo no bisaa no nsumaa mu dɛ, Ebɛnadze ntsi na yeenntum enntu no yi? 29Na ɔsee hɔn dɛ, Iyi ne saso nntum nndua biribiara do mmpue gyedɛ mpaabɔ [na akɔnkyen] do.#9.29 Tsetse akyerɛw no bi mmfa akɔnkyen nnka mpaabɔ no ho.
Jesus Hyɛ no Wu ho Nkɔm Bio
(Matthew 17.22, 23; Luke 9.43-45)
30Na wofii hɔ kotwaa mu wɔ Galilii, na ɔammpɛ dɛ obiara tse. 31Na ɔkyerɛkyerɛɛ n’esuafo no, na ɔsee hɔn dɛ, Woriyi nyimpa Ba no ahyɛ nyimpa nsa, na woboku no; na woku no a ne ndaansa no ɔbɔsoɛr bio. 32Na hɔn dze, wɔanntse asɛm no ase, naaso wosuroo dɛ wobebisa no.
Woana Nye Ɔkɛse?
(Matthew 18.1-5; Luke 9.46-48)
33Na wɔbaa Karpernaum; na ɔwɔ fie no, obisaa hɔn dɛ, Ebɛnadze na hom dwendween ho wɔ kwan mu no? 34#Luk 22.24 Na womuaa hɔn ano: osiandɛ wɔadwendwen wɔ hɔn mu wɔ kwan mu dɛ woana na ɔyɛ kɛse. 35#Mat 20.26, 27; 23.11; Mar 10.43, 44; Luk 22.26 Na ɔtsenaa ase no, ɔfrɛɛ duebien no see hɔn dɛ, Sɛ obi pɛ kan edzi a, obedzi hom nyina ekyir na ɔbɛyɛ hom nyina somfo. 36Na ɔfaa abofraba sii hɔn finimfin, na ɔyɛɛ no etuu, na ɔsee hɔn dɛ, 37#Mat 10.40; Luk 10.16; Joh 13.20 Obiara a ɔbɛgye dɛm mbofraba yi mu baako wɔ me dzin mu no, ɔgye emi mara, na obiara a ɔgye me no, nnyɛ emi na ɔgye, na nyia ɔsomaa me no a.
Nyia Onntsia Hɛn no Wɔ Hɛn Afa
(Luke 9.49, 50)
38Na John see no dɛ, Kyerɛkyerɛfo, yehun obi dɛ ɔdze wo dzin rutu mbɔnsam, na yesiiw no kwan, ɔnam dɛ ɔnnka hɛn ho ntsi. 39Na Jesus see dɛ, Mma hom nnsiw no kwan, osiandɛ obi nnyi hɔ a ɔdze me dzin bɛyɛ tum edwuma bi na obotum egu mo ho fi hɔ no ara. 40#Mat 12.30; Luk 11.23 Nyia onntsia hɛn no, ɔwɔ hɛn afa. 41#Mat 10.42 Na obiara a ɔbɛma hom nsu kɔɔpow ma hom aanom wɔ me dzin mu, dɛ hom yɛ Kraest dze ntsi no, nokwar mese hom dɛ ɔnnkɛyew n’akatua.
Nsɔhwɛ a Ogya Nyimpa Kɔ Bɔn Mu
(Matthew 18.6-9; Luke 17.1, 2)
42 Na obiara a ɔbɔto nkakraba a wɔgye me dzi yi mu baako fintsidua no, oye ma no dɛ wɔdze ewuyambo kɛse sɛn no kɔn mu na wɔdze no kɔto po mu. 43#Mat 5.30 Na sɛ wo nsa na ɔto wo fintsidua a, twa: oye ma wo dɛ edze abasin bɔkɔ nkwa mu kyɛn dɛ ewɔ wo nsa ebien dze bɔkɔ amandzehu kurow mu, wɔ gya a orunndum da no mu. 44[Hɔ na hɔn abowaba nnwu, na gya no nndum.]#9.44 Tsetse akyerɛw no bi mmfa nkyekyɛmu 44 yi mmba. 45Na sɛ wo nan na ɔto wo fintsidua a, twa: oye ma wo dɛ edze anansin bɔkɔ nkwa mu kyɛn dɛ ewɔ w’anan ebien na wɔdze wo bɔkɔto amandzehu kurow mu. 46[Hɔ na hɔn abowaba nnwu, na gya no nndum.]#9.46 Tsetse akyerɛw no bi mmfa dza ɔhyɛ adakaba mu yi mmba. 47#Mat 5.29 Na sɛ w’enyiwa na ɔto wo fintsidua a, tu: oye ma wo dɛ edze enyi kor bɔkɔ Nyankopɔn n’ahenman mu kyɛn dɛ ewɔ enyiwa ebien na wɔdze wo bɔkɔto amandzehu kurow mu; 48#Isa 66.24 hɔ na abowaba nnwu, na gya no onndum. 49Na wɔdze gya bɛhyɛ nyimpa nyina nkyen. [Wɔdze nkyen bɔto afɔrbɔdze nyina mu.] 50Nkyen ye: na sɛ nkyen ayew dza ɔma ɔyɛ nkyen mapa a, hom dze ebɛnadze bɔto mu? Hom nnya nkyen wɔ homara hom mu, na hom nye homho homho ntsena asomdwee mu.
ទើបបានជ្រើសរើសហើយ៖
Mark 9: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Mark 9
9
1Na Jesus see hɔn dɛ, Nokwar mese hom dɛ, Hɔn a wogyina ha yi, binom wɔ hɔ a wɔronnsɔ owu nnhwɛ ansaana woehu Nyankopɔn n’ahenman no dɛ ɔdze tum aba.
Jesus N’enyimnyam Hyerɛn
(Matthew 17.1-13; Luke 9.28-36)
2 #
2 Pet 1.17, 18 Na ndaesia ekyir no, Jesus faa Peter nye James nye John, na ɔdze hɔn nko kɔr nkyɛn wɔ kokwaa tsentsen bi do; na ɔsakyeree wɔ hɔn enyim; 3na n’atar hyerɛɛn fitafita, dɛ mbrɛ asaase yi do ɔtanhofo biara nnkotum ahoa no dɛm. 4Na Elija nye Moses puee hɔn nkyɛn, na wɔnye Jesus kasae. 5Na Peter buae see Jesus dɛ, Kyerɛkyerɛfo, oye ma hɛn dɛ yɛtsena ha, na ma yɛmbɔ asese ebiasa, wodze kor, Moses dze kor, Elija dze kor. 6Nna onnhu dza ɔnka, osiandɛ nna suro kɛse aka hɔn. 7#Mat 3.17; Mar 1.11; Luk 3.22 Na mununkum bi bɛkataa hɔn do, na ndze fii mununkum no mu baa dɛ, Oyi nye mo Dɔba no: hom ntsie no. 8Na amonmu hɔ ara wɔtotoo hɔn enyiwa, naaso woennhu nyimpa biara dɛ Jesus nko, nye hɔnara.
9Na wofi kokwaa do risian no, ɔbraa hɔn dɛ mma wɔnnka dza wohunii no nnkyerɛ obiara, gyedɛ nyimpa Ba no asoɛr efi ewufo mu ana. 10Na wosuoo asɛm no mu, na wobisabisaa hɔnho dɛ ewufo mu soɛr no ase nye dɛn. 11#Mal 4.5; Mat 11.14 Na wobisaa no see dɛ, Ɔyɛ dɛn na kyerɛwfo no ka dɛ ɔsɛ dɛ Elija idzi kan ba? 12Na ɔsee hɔn dɛ, Elija dze, obedzi kan aba ampa, na ɔaabɔtoto ndzɛmba nyina yie: na ebɛnadze ntsi na wɔakyerɛw no nyimpa Ba no ho dɛ obohu amandze pii naaso wonnkobu no hwee? 13Na mese hom dɛ Elija aba dada, na eso wɔayɛ no dza wɔpɛ nyina, dɛ mbrɛ wɔakyerɛw no wɔ no ho.
Jesus Sa Banyimba a Ɔwɔ Sunsum fi Yarba
(Matthew 17.14-21; Luke 9.37-43)
14Na wodur esuafo no nkyɛn no, wohun nyimpadodow pii wɔ hɔn ho, na kyerɛwfo dɛ wɔnye hɔn riyiyi asɛm ano. 15Na ntsɛmara nyimpadodow no nyina hun Jesus no, hɔn ho dwiriiw hɔn, na wotutuu mbirika bae bekyiaa no. 16Na Jesus bisaa hɔn dɛ, Ebɛn asɛm na hom nye hɔn riyiyi ano yi? 17Na nyimpadodow no mu baako buaa no dɛ, Kyerɛkyerɛfo, medze me babanyin brɛɛ wo, osiandɛ ɔwɔ mmum sunsum; 18na beebiara a osuo no mu no, ɔtsetsew noho gu, na n’ano twa ehur, na ɔtwɛr ne se, na ɔkyenkyen: na mesee w’esuafo no dɛ wontu no, naaso woenntum. 19Na obuae see hɔn dɛ, Ao santsen a hom nnyi gyedzi, menye hom ntsena nkodu dabɛn? Hom mfa no mbrɛ me. 20Na wɔdze no brɛɛ Jesus; na ohun Jesus no, ntsɛmara na sunsum no twaa no ehim, na ɔhwee daadze ma opirepirewii, na n’ano twaa ehur. 21Na Jesus bisaa n’egya dɛ, Iyi yɛɛ no mber dodow bɛn nye yi? Na ɔsee dɛ, Ofi no mbofraber mu; 22na mpɛn pii na ɔaka no ato gya, nye nsu mu, dɛ ɔbɛsɛɛ no; na sɛ ibotum ayɛ ho biribi a, hu hɛn mbɔbɔr na boa hɛn. 23Na Jesus see no dɛ, Sɛ ibotum a! Nyia ɔgye dzi no, ndzɛmba nyina botum ayɛ hɔ ama no. 24Na ntsɛmara abofra no n’egya tseaa mu see dɛ, Megye midzi: boa me wɔ m’ekyingye gye ho. 25Na Jesus hun dɛ nyimpadodow dze enguan reba no, ɔbɔɔ sunsum fi no ham see no dɛ, Ɔwo, sunsum mmum nye tsitsifo, mara mehyɛ wo dɛ fi no mu fi, na mma nnkɔ no mu bio. 26Na ɔkaa mu na otwaa no ehim pii no, ofii no mu firii; na ɔbɛyɛɛ dɛ owufo, ma dodowara see dɛ, Oewu. 27Na Jesus suoo ne nsamu maa no do, na ɔsoɛree. 28Na Jesus baa fie no, n’esuafo no bisaa no nsumaa mu dɛ, Ebɛnadze ntsi na yeenntum enntu no yi? 29Na ɔsee hɔn dɛ, Iyi ne saso nntum nndua biribiara do mmpue gyedɛ mpaabɔ [na akɔnkyen] do.#9.29 Tsetse akyerɛw no bi mmfa akɔnkyen nnka mpaabɔ no ho.
Jesus Hyɛ no Wu ho Nkɔm Bio
(Matthew 17.22, 23; Luke 9.43-45)
30Na wofii hɔ kotwaa mu wɔ Galilii, na ɔammpɛ dɛ obiara tse. 31Na ɔkyerɛkyerɛɛ n’esuafo no, na ɔsee hɔn dɛ, Woriyi nyimpa Ba no ahyɛ nyimpa nsa, na woboku no; na woku no a ne ndaansa no ɔbɔsoɛr bio. 32Na hɔn dze, wɔanntse asɛm no ase, naaso wosuroo dɛ wobebisa no.
Woana Nye Ɔkɛse?
(Matthew 18.1-5; Luke 9.46-48)
33Na wɔbaa Karpernaum; na ɔwɔ fie no, obisaa hɔn dɛ, Ebɛnadze na hom dwendween ho wɔ kwan mu no? 34#Luk 22.24 Na womuaa hɔn ano: osiandɛ wɔadwendwen wɔ hɔn mu wɔ kwan mu dɛ woana na ɔyɛ kɛse. 35#Mat 20.26, 27; 23.11; Mar 10.43, 44; Luk 22.26 Na ɔtsenaa ase no, ɔfrɛɛ duebien no see hɔn dɛ, Sɛ obi pɛ kan edzi a, obedzi hom nyina ekyir na ɔbɛyɛ hom nyina somfo. 36Na ɔfaa abofraba sii hɔn finimfin, na ɔyɛɛ no etuu, na ɔsee hɔn dɛ, 37#Mat 10.40; Luk 10.16; Joh 13.20 Obiara a ɔbɛgye dɛm mbofraba yi mu baako wɔ me dzin mu no, ɔgye emi mara, na obiara a ɔgye me no, nnyɛ emi na ɔgye, na nyia ɔsomaa me no a.
Nyia Onntsia Hɛn no Wɔ Hɛn Afa
(Luke 9.49, 50)
38Na John see no dɛ, Kyerɛkyerɛfo, yehun obi dɛ ɔdze wo dzin rutu mbɔnsam, na yesiiw no kwan, ɔnam dɛ ɔnnka hɛn ho ntsi. 39Na Jesus see dɛ, Mma hom nnsiw no kwan, osiandɛ obi nnyi hɔ a ɔdze me dzin bɛyɛ tum edwuma bi na obotum egu mo ho fi hɔ no ara. 40#Mat 12.30; Luk 11.23 Nyia onntsia hɛn no, ɔwɔ hɛn afa. 41#Mat 10.42 Na obiara a ɔbɛma hom nsu kɔɔpow ma hom aanom wɔ me dzin mu, dɛ hom yɛ Kraest dze ntsi no, nokwar mese hom dɛ ɔnnkɛyew n’akatua.
Nsɔhwɛ a Ogya Nyimpa Kɔ Bɔn Mu
(Matthew 18.6-9; Luke 17.1, 2)
42 Na obiara a ɔbɔto nkakraba a wɔgye me dzi yi mu baako fintsidua no, oye ma no dɛ wɔdze ewuyambo kɛse sɛn no kɔn mu na wɔdze no kɔto po mu. 43#Mat 5.30 Na sɛ wo nsa na ɔto wo fintsidua a, twa: oye ma wo dɛ edze abasin bɔkɔ nkwa mu kyɛn dɛ ewɔ wo nsa ebien dze bɔkɔ amandzehu kurow mu, wɔ gya a orunndum da no mu. 44[Hɔ na hɔn abowaba nnwu, na gya no nndum.]#9.44 Tsetse akyerɛw no bi mmfa nkyekyɛmu 44 yi mmba. 45Na sɛ wo nan na ɔto wo fintsidua a, twa: oye ma wo dɛ edze anansin bɔkɔ nkwa mu kyɛn dɛ ewɔ w’anan ebien na wɔdze wo bɔkɔto amandzehu kurow mu. 46[Hɔ na hɔn abowaba nnwu, na gya no nndum.]#9.46 Tsetse akyerɛw no bi mmfa dza ɔhyɛ adakaba mu yi mmba. 47#Mat 5.29 Na sɛ w’enyiwa na ɔto wo fintsidua a, tu: oye ma wo dɛ edze enyi kor bɔkɔ Nyankopɔn n’ahenman mu kyɛn dɛ ewɔ enyiwa ebien na wɔdze wo bɔkɔto amandzehu kurow mu; 48#Isa 66.24 hɔ na abowaba nnwu, na gya no onndum. 49Na wɔdze gya bɛhyɛ nyimpa nyina nkyen. [Wɔdze nkyen bɔto afɔrbɔdze nyina mu.] 50Nkyen ye: na sɛ nkyen ayew dza ɔma ɔyɛ nkyen mapa a, hom dze ebɛnadze bɔto mu? Hom nnya nkyen wɔ homara hom mu, na hom nye homho homho ntsena asomdwee mu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.