Mark 10
10
Awargu ho Nkyerɛkyerɛ
(Matthew 19.1-12; Luke 16.18)
1Na Jesus soɛree fii hɔ baa Judea nye Jordan afamu; na nyimpadodow boaboaa ano wɔ ne nkyɛn bio, na dɛ mbrɛ ɔtɔ dɛ ɔyɛ no, ɔkyerɛkyerɛɛ hɔn bio. 2Na Farisiifo bi baa ne nkyɛn bebisaa no asɛm dze sɔɔ no hwɛɛ dɛ, Ana ɔfa mbra mu dɛ ɔbanyin begyaa ne yer awar? 3Na obisaa hɔn dɛ, Moses hyɛɛ hom dɛn? 4#Deut 24.1-4; Mat 5.31 Na wɔsee dɛ, Moses maa kwan dɛ wɔnkyerɛw awargyaa nwoma mma no, na wongyaa no. 5Na Jesus see hɔn dɛ, Hom akoma dzen ntsi na ɔkyerɛɛw mbrasɛm yi maa hom. 6#Gye 1.27; 5.2 Naaso ofitsi abɔdze ahyɛse no, ɔbanyin na ɔbaa na ɔyɛɛ hɔn. 7#Gye 2.24 Iyi ntsi na ɔbanyin begya n’egya nye ne na hɔ, na ɔdze noho akɔbɔ ne yer ho; 8na hɔn beenu ayɛ honankor; dɛm no nna wɔnnda ho nnyɛ beenu bio, na wɔyɛ honankor. 9Dɛm ntsi dza Nyankopɔn dze abɔ mu no, mma nyimpa nntsew mu. 10Na ɔwɔ fie no, n’esuafo no bisaa no wɔ asɛm kor yi ara ho bio. 11#Mat 5.32; 1 Kor 7.10, 11 Na ɔsee hɔn dɛ, Nyimpa biara a obegyaa ne yer na ɔawar fofor no, ɔato awar wɔ ɔbaa no afamu; 12na sɛ ɔbaa no so gyaa no kun na ɔwar fofor a, ɔto awar.
Jesus Hyira Mbofra Nkakramba
(Matthew 19.13-15; Luke 18.15-17)
13Na binom dze mbofraba brɛɛ no dɛ ɔmfa ne nsa nka hɔn; na n’esuafo no twuuw hɔn enyim. 14Na Jesus hunii no, onyaa ebufuw, na ɔsee hɔn dɛ, Hom mma mbofraba no kwan ma wɔmbra me nkyɛn, na mma hom nnsiw hɔn kwan, na woyinom dɛm na Nyankopɔn ahenman no yɛ hɔndze. 15#Mat 18.3 Meka no nokwar kyerɛ hom dɛ, Obiara a ɔnnkɛgye Nyankopɔn ahenman no dɛ abofraba no, ɔnnkɔkɔ mu da. 16Na ɔyɛɛ mbofra no etuu, na ɔdze ne nsa guu hɔn do dze hyiraa hɔn.
Ɔhonyanyi no
(Matthew 19.16-30; Luke 18.18-30)
17Na Jesus fi hɔ sii kwan no mu no, obi tutuu mbirika bɔkotoow no, na obisaa Jesus dɛ, Kyerɛkyerɛfo pa, ebɛnadze na menyɛ ama meenya onnyiewiei nkwa ayɛ medze? 18Na Jesus see no dɛ, Ebɛnadze ntsi na efrɛ me papa? Obiara nnyɛ papa gyedɛ baako: ɔno nye Nyankopɔn. 19#Eks 20.12-17 Inyim mbrasɛm no, Mma nndzi ewu, Mma nnto awar, Mma nnwia adze, Mma nngye dasewia, Mma nnsisi, Dzi w’egya nye wo na nyi. 20Na ɔsee no dɛ, Kyerɛkyerɛfo, yinom nyinara mifitsi mo mbofraber mu na midzii do. 21Na Jesus hwɛɛ no no, ɔdɔɔ no, na ɔsee no dɛ, Aka wo adze kor: kɔ, kɔtɔn dza ewɔ nyina fa kyɛ ehiafo, na ibenya akoradze wɔ sor, na bra bɛka mo do. 22Na asɛm no ntsi nyimpa no munae, na ɔdze yaw kɔree: osiandɛ nna ɔyɛ nyimpa a ɔwɔ ahonyadze pii.
23Na Jesus too n’enyi hwɛɛ hɔn hyiae, na ɔsee n’esuafo no dɛ, Ebɛn dzen na ɔyɛ ma hɔn a wɔwɔ ahonya dɛ wɔbɔkɔ Nyankopɔn n’ahenman mu! 24Na asɛm no yɛɛ esuafo no ahobow. Na Jesus buae see hɔn bio dɛ, Mbofra, ebɛn dzen na ɔyɛ ma hɔn [a wɔtwer ahonya] #10.24 Tsetse akyerɛw no bi mmfa dza ɔhyɛ adakaba mu yi mmba. dɛ wɔbɔkɔ Nyankopɔn n’ahenman mu! 25Na ɔyɛ mberɛw ma efupɔnkɔ dɛ obodua doroba enyiwa mu kyɛn dɛ ɔhonyanyi bɔkɔ Nyankopɔn n’ahenman mu. 26Na hɔn ho boow hɔn mbordo, na wɔsee no dɛ, Dɛm a nna woana koraa na wobotum agye no nkwa? 27Na Jesus hwɛɛ hɔn see dɛ, Nyimpa afamu na iyi nntum nnyɛ dɛm, na nnyɛ Nyankopɔn afamu a: na Nyankopɔn afamu dze, adze biara nnso no yɛ. 28Na Peter hyɛɛ ase see no dɛ, Hwɛ, yeegya ndzɛmba nyinara na yɛabɛka wo do. 29Jesus see dɛ, Mereka no nokwar mu akyerɛ hom dɛ, Obiara nnyi hɔ a oegya fie, anaa enuanom, anaa nkyerɛbaa, anaa na, anaa egya, anaa mba, anaa nsaase wɔ emi nye asɛmpa no ntsi, 30na onnkenya ho mbɔho mpɛn ɔha wɔ ber yi mu, efie, nye enuanom, nye nkyerɛbaa, nye nanom, nye mba, nye nsaase, ɔnye ayakayakadze; na wiadze a ɔreba no mu onnyiewiei nkwa. 31#Mat 20.16; Luk 13.30 Na Edzikamfo pii bedzi ekyir, na ekyidzifo so pii bedzi kan.
Jesus Hyɛ no Wu ho Nkɔm a Otsia Ebiasa
(Matthew 20.17-19; Luke 18.31-34)
32Nna wɔnam kwan mu rokɔ Jerusalɛm; na Jesus dzi hɔn enyim kan, na ɔyɛɛ hɔn ahobow; na hɔn a wodzi n’ekyir no suroi. Na ɔfaa duebien no bio na ɔhyɛɛ ase kaa ndzɛmba a ɔbɛba no do no kyerɛɛ hɔn dɛ, 33Hwɛ, yɛrokɔ Jerusalɛm; na wobeyi Nyimpa Ba no ahyɛ asɔfompanyin nye kyerɛwfo no nsa, na woebu no fɔ ama owu, na woeyi no ama amanamamfo; 34na wobesi no atwetwe, na wɔatoto ntafi egu no do, na wɔaka no mpire, na woeku no; naaso ne ndaansa mu ɔbɔsoɛr.
James na John hɔn Ebisadze
(Matthew 20.20-28)
35Na James nye John, Zebedee mba no, baa no hɔ bɛsee dɛ, Kyerɛkyerɛfo, yɛpɛ dɛ biribiara a yɛbɛserɛ wo no eyɛ ma hɛn. 36Na ɔsee hɔn dɛ, Ebɛnadze na hom pɛ dɛ meyɛ mema hom? 37Na wɔsee no dɛ, Ma hɛn mu baako ntsena w’enyimfa, na baako so ntsena w’abankum wɔ w’enyimnyam mu. 38#Luk 12.50 Na Jesus see hɔn dɛ, Hom nnyim dza hom reserɛ yi: ana hom botum anom kɔɔpow a monom no, anaa wɔdze enuma a wɔdze numa me no enuma hom? 39Na wɔsee no dɛ, Yebotum. Na Jesus see hɔn dɛ, Kɔɔpow a monom no dze, hom bɔnom ampa, na enuma a wɔdze numa me no, wɔdze bonuma hom; 40na m’enyimfa nye m’abankum tsena dze, ɔnnyɛ medze dɛ medze bɛma: na wɔdze bɛma hɔn a woesiesie ama hɔn. 41Na du no tsee no wɔhyɛɛ ase nyaa ebufuw wɔ James nye John ho. 42#Luk 22.25, 26 Na Jesus frɛɛ hɔn baa ne nkyɛn, na ɔsee hɔn dɛ, Hom nyim dɛ hɔn a wobu hɔn dɛ wodzi amanaman do, wodzi hɔn do wura, na hɔn mu akɛse no dzi hɔn do tum. 43#Mat 23.11; Mar 9.35; Luk 22.26 Naaso onnyi dɛ ɔba dɛm wɔ hom mu: na obiara a ɔpɛ dɛ ɔbɛyɛ ɔkɛse wɔ hom mu no, ɔbɛyɛ hom somfo; 44na obiara a ɔpɛ dɛ odzi hom mu kan no, ɔbɛyɛ hom nyina hom akowaa. 45Na nyimpa Ba no so, ɔammba dɛ wɔnnsom no, mbom ɔbɔsomee, ama ɔdze no nkwa aayɛ werdam ama dodowara.
Jesus Ma Onyifuranyi Bartimeɔs Hu Adze
(Matthew 20.29-34; Luke 18.35-43)
46Na wodur Jeriko; na ɔnye n’esuafo no nye nyimpadodow pii rifi Jeriko akɔ no, nna Timeɔs ne ba Bartimeɔs a ɔyɛ onyifurafo na ɔserɛserɛ adze no, tse kwan nkyɛn. 47Na ɔtsee dɛ ɔyɛ Jesus Nazarɛtnyi no no, ɔhyɛɛ ase tseatseaa mu dɛ, Jesus, David ba, hu me mbɔbɔr. 48Na dodowara braa no dɛ ommua n’ano; na mbom ɔtseaa mu kɛse dɛ, Ɔwo, David ba, hu me mbɔbɔr. 49Na Jesus gyinae, na ɔsee dɛ, Hom mfrɛ no. Na wɔfrɛɛ onyifurafo no see no dɛ, Ka w’akoma to wo yamu: soɛr, ɔrefrɛ wo. 50Na ɔtoow ne tam gui, na ɔsoɛɛr putupruw, na ɔbaa Jesus nkyɛn. 51Na Jesus bisaa no dɛ, Ebɛnadze na epɛ dɛ meyɛ ma wo? Na onyifurafo no see no dɛ, Kyerɛkyerɛfo, nkyɛ meehu adze bio. 52Na Jesus see no dɛ, Kɔ, wo gyedzi agye wo. Na ntsɛmara ohun adze, na ɔkaa Jesus do wɔ kwan no mu.
ទើបបានជ្រើសរើសហើយ៖
Mark 10: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Mark 10
10
Awargu ho Nkyerɛkyerɛ
(Matthew 19.1-12; Luke 16.18)
1Na Jesus soɛree fii hɔ baa Judea nye Jordan afamu; na nyimpadodow boaboaa ano wɔ ne nkyɛn bio, na dɛ mbrɛ ɔtɔ dɛ ɔyɛ no, ɔkyerɛkyerɛɛ hɔn bio. 2Na Farisiifo bi baa ne nkyɛn bebisaa no asɛm dze sɔɔ no hwɛɛ dɛ, Ana ɔfa mbra mu dɛ ɔbanyin begyaa ne yer awar? 3Na obisaa hɔn dɛ, Moses hyɛɛ hom dɛn? 4#Deut 24.1-4; Mat 5.31 Na wɔsee dɛ, Moses maa kwan dɛ wɔnkyerɛw awargyaa nwoma mma no, na wongyaa no. 5Na Jesus see hɔn dɛ, Hom akoma dzen ntsi na ɔkyerɛɛw mbrasɛm yi maa hom. 6#Gye 1.27; 5.2 Naaso ofitsi abɔdze ahyɛse no, ɔbanyin na ɔbaa na ɔyɛɛ hɔn. 7#Gye 2.24 Iyi ntsi na ɔbanyin begya n’egya nye ne na hɔ, na ɔdze noho akɔbɔ ne yer ho; 8na hɔn beenu ayɛ honankor; dɛm no nna wɔnnda ho nnyɛ beenu bio, na wɔyɛ honankor. 9Dɛm ntsi dza Nyankopɔn dze abɔ mu no, mma nyimpa nntsew mu. 10Na ɔwɔ fie no, n’esuafo no bisaa no wɔ asɛm kor yi ara ho bio. 11#Mat 5.32; 1 Kor 7.10, 11 Na ɔsee hɔn dɛ, Nyimpa biara a obegyaa ne yer na ɔawar fofor no, ɔato awar wɔ ɔbaa no afamu; 12na sɛ ɔbaa no so gyaa no kun na ɔwar fofor a, ɔto awar.
Jesus Hyira Mbofra Nkakramba
(Matthew 19.13-15; Luke 18.15-17)
13Na binom dze mbofraba brɛɛ no dɛ ɔmfa ne nsa nka hɔn; na n’esuafo no twuuw hɔn enyim. 14Na Jesus hunii no, onyaa ebufuw, na ɔsee hɔn dɛ, Hom mma mbofraba no kwan ma wɔmbra me nkyɛn, na mma hom nnsiw hɔn kwan, na woyinom dɛm na Nyankopɔn ahenman no yɛ hɔndze. 15#Mat 18.3 Meka no nokwar kyerɛ hom dɛ, Obiara a ɔnnkɛgye Nyankopɔn ahenman no dɛ abofraba no, ɔnnkɔkɔ mu da. 16Na ɔyɛɛ mbofra no etuu, na ɔdze ne nsa guu hɔn do dze hyiraa hɔn.
Ɔhonyanyi no
(Matthew 19.16-30; Luke 18.18-30)
17Na Jesus fi hɔ sii kwan no mu no, obi tutuu mbirika bɔkotoow no, na obisaa Jesus dɛ, Kyerɛkyerɛfo pa, ebɛnadze na menyɛ ama meenya onnyiewiei nkwa ayɛ medze? 18Na Jesus see no dɛ, Ebɛnadze ntsi na efrɛ me papa? Obiara nnyɛ papa gyedɛ baako: ɔno nye Nyankopɔn. 19#Eks 20.12-17 Inyim mbrasɛm no, Mma nndzi ewu, Mma nnto awar, Mma nnwia adze, Mma nngye dasewia, Mma nnsisi, Dzi w’egya nye wo na nyi. 20Na ɔsee no dɛ, Kyerɛkyerɛfo, yinom nyinara mifitsi mo mbofraber mu na midzii do. 21Na Jesus hwɛɛ no no, ɔdɔɔ no, na ɔsee no dɛ, Aka wo adze kor: kɔ, kɔtɔn dza ewɔ nyina fa kyɛ ehiafo, na ibenya akoradze wɔ sor, na bra bɛka mo do. 22Na asɛm no ntsi nyimpa no munae, na ɔdze yaw kɔree: osiandɛ nna ɔyɛ nyimpa a ɔwɔ ahonyadze pii.
23Na Jesus too n’enyi hwɛɛ hɔn hyiae, na ɔsee n’esuafo no dɛ, Ebɛn dzen na ɔyɛ ma hɔn a wɔwɔ ahonya dɛ wɔbɔkɔ Nyankopɔn n’ahenman mu! 24Na asɛm no yɛɛ esuafo no ahobow. Na Jesus buae see hɔn bio dɛ, Mbofra, ebɛn dzen na ɔyɛ ma hɔn [a wɔtwer ahonya] #10.24 Tsetse akyerɛw no bi mmfa dza ɔhyɛ adakaba mu yi mmba. dɛ wɔbɔkɔ Nyankopɔn n’ahenman mu! 25Na ɔyɛ mberɛw ma efupɔnkɔ dɛ obodua doroba enyiwa mu kyɛn dɛ ɔhonyanyi bɔkɔ Nyankopɔn n’ahenman mu. 26Na hɔn ho boow hɔn mbordo, na wɔsee no dɛ, Dɛm a nna woana koraa na wobotum agye no nkwa? 27Na Jesus hwɛɛ hɔn see dɛ, Nyimpa afamu na iyi nntum nnyɛ dɛm, na nnyɛ Nyankopɔn afamu a: na Nyankopɔn afamu dze, adze biara nnso no yɛ. 28Na Peter hyɛɛ ase see no dɛ, Hwɛ, yeegya ndzɛmba nyinara na yɛabɛka wo do. 29Jesus see dɛ, Mereka no nokwar mu akyerɛ hom dɛ, Obiara nnyi hɔ a oegya fie, anaa enuanom, anaa nkyerɛbaa, anaa na, anaa egya, anaa mba, anaa nsaase wɔ emi nye asɛmpa no ntsi, 30na onnkenya ho mbɔho mpɛn ɔha wɔ ber yi mu, efie, nye enuanom, nye nkyerɛbaa, nye nanom, nye mba, nye nsaase, ɔnye ayakayakadze; na wiadze a ɔreba no mu onnyiewiei nkwa. 31#Mat 20.16; Luk 13.30 Na Edzikamfo pii bedzi ekyir, na ekyidzifo so pii bedzi kan.
Jesus Hyɛ no Wu ho Nkɔm a Otsia Ebiasa
(Matthew 20.17-19; Luke 18.31-34)
32Nna wɔnam kwan mu rokɔ Jerusalɛm; na Jesus dzi hɔn enyim kan, na ɔyɛɛ hɔn ahobow; na hɔn a wodzi n’ekyir no suroi. Na ɔfaa duebien no bio na ɔhyɛɛ ase kaa ndzɛmba a ɔbɛba no do no kyerɛɛ hɔn dɛ, 33Hwɛ, yɛrokɔ Jerusalɛm; na wobeyi Nyimpa Ba no ahyɛ asɔfompanyin nye kyerɛwfo no nsa, na woebu no fɔ ama owu, na woeyi no ama amanamamfo; 34na wobesi no atwetwe, na wɔatoto ntafi egu no do, na wɔaka no mpire, na woeku no; naaso ne ndaansa mu ɔbɔsoɛr.
James na John hɔn Ebisadze
(Matthew 20.20-28)
35Na James nye John, Zebedee mba no, baa no hɔ bɛsee dɛ, Kyerɛkyerɛfo, yɛpɛ dɛ biribiara a yɛbɛserɛ wo no eyɛ ma hɛn. 36Na ɔsee hɔn dɛ, Ebɛnadze na hom pɛ dɛ meyɛ mema hom? 37Na wɔsee no dɛ, Ma hɛn mu baako ntsena w’enyimfa, na baako so ntsena w’abankum wɔ w’enyimnyam mu. 38#Luk 12.50 Na Jesus see hɔn dɛ, Hom nnyim dza hom reserɛ yi: ana hom botum anom kɔɔpow a monom no, anaa wɔdze enuma a wɔdze numa me no enuma hom? 39Na wɔsee no dɛ, Yebotum. Na Jesus see hɔn dɛ, Kɔɔpow a monom no dze, hom bɔnom ampa, na enuma a wɔdze numa me no, wɔdze bonuma hom; 40na m’enyimfa nye m’abankum tsena dze, ɔnnyɛ medze dɛ medze bɛma: na wɔdze bɛma hɔn a woesiesie ama hɔn. 41Na du no tsee no wɔhyɛɛ ase nyaa ebufuw wɔ James nye John ho. 42#Luk 22.25, 26 Na Jesus frɛɛ hɔn baa ne nkyɛn, na ɔsee hɔn dɛ, Hom nyim dɛ hɔn a wobu hɔn dɛ wodzi amanaman do, wodzi hɔn do wura, na hɔn mu akɛse no dzi hɔn do tum. 43#Mat 23.11; Mar 9.35; Luk 22.26 Naaso onnyi dɛ ɔba dɛm wɔ hom mu: na obiara a ɔpɛ dɛ ɔbɛyɛ ɔkɛse wɔ hom mu no, ɔbɛyɛ hom somfo; 44na obiara a ɔpɛ dɛ odzi hom mu kan no, ɔbɛyɛ hom nyina hom akowaa. 45Na nyimpa Ba no so, ɔammba dɛ wɔnnsom no, mbom ɔbɔsomee, ama ɔdze no nkwa aayɛ werdam ama dodowara.
Jesus Ma Onyifuranyi Bartimeɔs Hu Adze
(Matthew 20.29-34; Luke 18.35-43)
46Na wodur Jeriko; na ɔnye n’esuafo no nye nyimpadodow pii rifi Jeriko akɔ no, nna Timeɔs ne ba Bartimeɔs a ɔyɛ onyifurafo na ɔserɛserɛ adze no, tse kwan nkyɛn. 47Na ɔtsee dɛ ɔyɛ Jesus Nazarɛtnyi no no, ɔhyɛɛ ase tseatseaa mu dɛ, Jesus, David ba, hu me mbɔbɔr. 48Na dodowara braa no dɛ ommua n’ano; na mbom ɔtseaa mu kɛse dɛ, Ɔwo, David ba, hu me mbɔbɔr. 49Na Jesus gyinae, na ɔsee dɛ, Hom mfrɛ no. Na wɔfrɛɛ onyifurafo no see no dɛ, Ka w’akoma to wo yamu: soɛr, ɔrefrɛ wo. 50Na ɔtoow ne tam gui, na ɔsoɛɛr putupruw, na ɔbaa Jesus nkyɛn. 51Na Jesus bisaa no dɛ, Ebɛnadze na epɛ dɛ meyɛ ma wo? Na onyifurafo no see no dɛ, Kyerɛkyerɛfo, nkyɛ meehu adze bio. 52Na Jesus see no dɛ, Kɔ, wo gyedzi agye wo. Na ntsɛmara ohun adze, na ɔkaa Jesus do wɔ kwan no mu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.