Mark 8
8
Jesus Ma Mpemanan Edziban
(Matthew 15.32-39)
1Dɛm mber no mu no, ɔbaa dɛ nyimpadodow no dɔɔ so bio na wonnyi biribi a wodzi no, Jesus frɛɛ n’esuafo no see hɔn dɛ, 2Me yamu hyehye me ma nyimpadodow yi, osiandɛ wɔatsena me nkyɛn ndaansa yi na wonnyi biribi a woridzi; 3sɛ migya hɔn kwan ma wɔdze kɔm kɔ fie a, wɔbɔtotɔ bitsi wɔ kwan mu, osiandɛ hɔn mu binom fi ekyirekyir bae. 4Na n’esuafo no buaa no dɛ, Henfa na nyimpa benya paanoo a ɔdze bɛmee yinom wɔ sar yi do ha? 5Na Jesus bisaa hɔn dɛ, Paanoo ahen na hom wɔ? Na wɔsee dɛ, Esuon. 6Na ɔhyɛɛ nyimpadodow no dɛ wɔntsena famu, na ɔfaa paanoo esuon no, na ɔdaa ase no, obubui, na ɔdze maa n’esuafo no dɛ wɔmfa ntoto hɔn enyim; na wɔdze totoo nyimpadodow no enyim. 7Nna wɔwɔ esunam kakraba bi, na ohyiraa do na ɔkaa dɛ wɔmfa no so ntoto hɔn enyim. 8Na wodzidzii mee, na wɔtasee mporoporoba a ɔkae no nkɛntsɛn esuon. 9Nna nyimpa no bɛyɛ mpemanan. Na Jesus gyaa hɔn kwan. 10Na ntsɛmara ɔnye n’esuafo no kɔr hɛn mu na ɔbaa Dalmanuta afamu.
Farisiifo Bisa Nsɛnkyerɛdze
(Matthew 16.1-4)
11 #
Mat 12.38; Luk 11.16 Na Farisiifo no bae, na wɔhyɛɛ ase nye no yiyii nsɛm ano, hwehwɛɛ asɛnkyerɛdze bi a ofi sor, dze sɔɔ no hwɛe. 12#Mat 12.39; Luk 11.29 Na osii nkrum kɛse wɔ no sunsum mu, na ɔsee dɛ, Ebɛnadze ntsi na ɔsantsen yi rohwehwɛ asɛnkyerɛdze yi? Mereka no nokwar mu kyerɛ hom dɛ, Wɔremmfa asɛnkyerɛdze biara mma ɔsantsen yi. 13Na ogyaa hɔn hɔ, na ɔtsenaa hɛn mu bio kɔr esuegya noho.
Farisiifo na Herod Mbɔrkaw
(Matthew 16.5-12)
14Na hɔn werɛ fiir dɛ wɔbɛfa paanoo, nna wonnyi biribi wɔ hɛn no mu wɔ hɔn nkyɛn dɛ paanoo kor pɛ. 15#Luk 12.1 Na ɔhyɛɛ hɔn dɛ, Hom nhwɛ yie wɔ Farisiifo mbɔrkaw nye Herod no mbɔrkaw ho. 16Na wosusui sesee hɔnho dɛ, Gyama yennyi paanoo ntsi a. 17Na Jesus hunii no, ɔsee hɔn dɛ, Ɔyɛ dɛn na hom susu dɛ osiandɛ hom nnyi paanoo ntsi a? Ana hom nnyae nnhunii, eso hom nntse ase? Hom akoma epirim anaa? 18#Jer 5.21; Eze 12.2; Mar 4.12 Ana hom wɔ enyiwa naaso hom nnhu adze? Na hom wɔ aso na hom nntse? Ana hom nnkaa? 19Mububuu paanoo enum maa mpemenum no, mporoporoba nkɛntsɛnma ahen na hom tasee? Nna wɔsee no dɛ, Duebien. 20Na esuon no so a memaa mpemanan no, mporoporoba mbirefi ma ahen na hom tasee? Na wɔsee dɛ, Esuon. 21Na ɔsee hɔn dɛ, Ana hom da ho nntse ase?
Jesus Bue Onyifurafo Enyi wɔ Bɛtsaeda
22Na wɔbaa Bɛtsaeda; na wɔdze onyifurafo bi brɛɛ no, na wɔserɛɛ no dɛ ɔmfa ne nsa nka no. 23Na osuoo onyifurafo no ne nsamu dze no fii ekuroba no mu; na ɔtoo ntafi guu n’enyiwa do, na ɔdze ne nsa too no do no, obisaa no dɛ, Ihu adze anaa? 24Na ɔmaa n’enyiwa do, na ɔsee dɛ, Muhu nyimpa, na muhu hɔn tse dɛ ndua nenam. 25Nkyii ɔdze ne nsa guu n’enyiwa do bio, ma ɔhwɛɛ n’enyim tɔɔtsenn, na no ho sanee, na ohun adze nyina krɔnn. 26Na ɔmaa ɔkɔr ne fie see no dɛ, Mma nnkɔ ekuroba no mu hɔ mpo.
Dza Peter Ka fa Jesus Ho
(Matthew 16.13-20; Luke 9.18-21)
27Na Jesus nye n’esuafo no fii hɔ kɔr Kaesarea Filipi nkuroba no mu; na obisaa n’esuafo no wɔ kwan mu dɛ, Nyimpa se dɛ woana nye me? 28#Mar 6.14, 15; Luk 9.7, 8 Na wobuae see no dɛ, John Onumanyi no a, na binom se, Elija a; binom so se, Nkɔnhyɛfo no mu baako a. 29#Joh 6.68, 69 Na Jesus noara bisaa hɔn dɛ, Na hom dze, hom se dɛ woana nye me? Peter buae see no dɛ, Ɔwo nye Kraest no. 30Na ɔbraa hɔn dɛ mma wɔnnka no ho asɛm nnkyerɛ obiara.
Jesus Kasa Fa N’amandzehu na no Wu ho
(Matthew 16.21-28; Luke 9.22-27)
31Na ɔhyɛɛ ase kyerɛkyerɛɛ hɔn dɛ ɔsɛ nyimpa Ba no dɛ obohu amandze pii, na mpanyimfo nye asɔfompanyin nye kyerɛwfo no apow no, na woeku no, na ne ndaansa ɔasoɛr. 32Na ɔkaa asɛm no petee. Na Peter suoo no mu, na ɔhyɛɛ ase twuuw n’enyim. 33Na ɔno dze, ɔdaan noho hwɛɛ n’esuafo no no, otwuuw Peter n’enyim see dɛ, Fi mo do, Satan: na enndwen Nyankopɔn dze, na nyimpa dze na edwen. 34#Mat 10.38; Luk 14.27 Na ɔfrɛɛ nyimpadodow no nye n’esuafo no so baa ne nkyɛn no, ɔsee hɔn dɛ, Sɛ obi pɛ dɛ odzi m’ekyir a, ma ɔmpa noho ekyir, na ompegya ne mbeamudua na ɔnka mo do. 35#Mat 10.39; Luk 17.33; Joh 12.25 Na obiara a ɔpɛ dɛ ɔgye ne kra nkwa no, ɔbɛyew no, na obiara a emi nye asɛmpa no ntsi ne nkwa befi ne nsa no, wɔbɛgye no nkwa. 36Na sɛ nyimpa nya wiadze nyina ma ntsi ɔhwer no nkwa a, ebɛn mfaso na obenya? 37Na ebɛnadze na nyimpa bɛma dze asesa no nkwa? 38Osiandɛ obiara a n’enyi bɔto emi nye me nsɛm ho wɔ awartofo nye ndzebɔnyɛfo santsen yi mu no, ɔno so na nyimpa Ba no n’enyi bɔto no ho, ber a ɔnye n’abɔfoe krɔnkrɔn bɛba wɔ n’egya n’enyimnyam mu no.
ទើបបានជ្រើសរើសហើយ៖
Mark 8: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Mark 8
8
Jesus Ma Mpemanan Edziban
(Matthew 15.32-39)
1Dɛm mber no mu no, ɔbaa dɛ nyimpadodow no dɔɔ so bio na wonnyi biribi a wodzi no, Jesus frɛɛ n’esuafo no see hɔn dɛ, 2Me yamu hyehye me ma nyimpadodow yi, osiandɛ wɔatsena me nkyɛn ndaansa yi na wonnyi biribi a woridzi; 3sɛ migya hɔn kwan ma wɔdze kɔm kɔ fie a, wɔbɔtotɔ bitsi wɔ kwan mu, osiandɛ hɔn mu binom fi ekyirekyir bae. 4Na n’esuafo no buaa no dɛ, Henfa na nyimpa benya paanoo a ɔdze bɛmee yinom wɔ sar yi do ha? 5Na Jesus bisaa hɔn dɛ, Paanoo ahen na hom wɔ? Na wɔsee dɛ, Esuon. 6Na ɔhyɛɛ nyimpadodow no dɛ wɔntsena famu, na ɔfaa paanoo esuon no, na ɔdaa ase no, obubui, na ɔdze maa n’esuafo no dɛ wɔmfa ntoto hɔn enyim; na wɔdze totoo nyimpadodow no enyim. 7Nna wɔwɔ esunam kakraba bi, na ohyiraa do na ɔkaa dɛ wɔmfa no so ntoto hɔn enyim. 8Na wodzidzii mee, na wɔtasee mporoporoba a ɔkae no nkɛntsɛn esuon. 9Nna nyimpa no bɛyɛ mpemanan. Na Jesus gyaa hɔn kwan. 10Na ntsɛmara ɔnye n’esuafo no kɔr hɛn mu na ɔbaa Dalmanuta afamu.
Farisiifo Bisa Nsɛnkyerɛdze
(Matthew 16.1-4)
11 #
Mat 12.38; Luk 11.16 Na Farisiifo no bae, na wɔhyɛɛ ase nye no yiyii nsɛm ano, hwehwɛɛ asɛnkyerɛdze bi a ofi sor, dze sɔɔ no hwɛe. 12#Mat 12.39; Luk 11.29 Na osii nkrum kɛse wɔ no sunsum mu, na ɔsee dɛ, Ebɛnadze ntsi na ɔsantsen yi rohwehwɛ asɛnkyerɛdze yi? Mereka no nokwar mu kyerɛ hom dɛ, Wɔremmfa asɛnkyerɛdze biara mma ɔsantsen yi. 13Na ogyaa hɔn hɔ, na ɔtsenaa hɛn mu bio kɔr esuegya noho.
Farisiifo na Herod Mbɔrkaw
(Matthew 16.5-12)
14Na hɔn werɛ fiir dɛ wɔbɛfa paanoo, nna wonnyi biribi wɔ hɛn no mu wɔ hɔn nkyɛn dɛ paanoo kor pɛ. 15#Luk 12.1 Na ɔhyɛɛ hɔn dɛ, Hom nhwɛ yie wɔ Farisiifo mbɔrkaw nye Herod no mbɔrkaw ho. 16Na wosusui sesee hɔnho dɛ, Gyama yennyi paanoo ntsi a. 17Na Jesus hunii no, ɔsee hɔn dɛ, Ɔyɛ dɛn na hom susu dɛ osiandɛ hom nnyi paanoo ntsi a? Ana hom nnyae nnhunii, eso hom nntse ase? Hom akoma epirim anaa? 18#Jer 5.21; Eze 12.2; Mar 4.12 Ana hom wɔ enyiwa naaso hom nnhu adze? Na hom wɔ aso na hom nntse? Ana hom nnkaa? 19Mububuu paanoo enum maa mpemenum no, mporoporoba nkɛntsɛnma ahen na hom tasee? Nna wɔsee no dɛ, Duebien. 20Na esuon no so a memaa mpemanan no, mporoporoba mbirefi ma ahen na hom tasee? Na wɔsee dɛ, Esuon. 21Na ɔsee hɔn dɛ, Ana hom da ho nntse ase?
Jesus Bue Onyifurafo Enyi wɔ Bɛtsaeda
22Na wɔbaa Bɛtsaeda; na wɔdze onyifurafo bi brɛɛ no, na wɔserɛɛ no dɛ ɔmfa ne nsa nka no. 23Na osuoo onyifurafo no ne nsamu dze no fii ekuroba no mu; na ɔtoo ntafi guu n’enyiwa do, na ɔdze ne nsa too no do no, obisaa no dɛ, Ihu adze anaa? 24Na ɔmaa n’enyiwa do, na ɔsee dɛ, Muhu nyimpa, na muhu hɔn tse dɛ ndua nenam. 25Nkyii ɔdze ne nsa guu n’enyiwa do bio, ma ɔhwɛɛ n’enyim tɔɔtsenn, na no ho sanee, na ohun adze nyina krɔnn. 26Na ɔmaa ɔkɔr ne fie see no dɛ, Mma nnkɔ ekuroba no mu hɔ mpo.
Dza Peter Ka fa Jesus Ho
(Matthew 16.13-20; Luke 9.18-21)
27Na Jesus nye n’esuafo no fii hɔ kɔr Kaesarea Filipi nkuroba no mu; na obisaa n’esuafo no wɔ kwan mu dɛ, Nyimpa se dɛ woana nye me? 28#Mar 6.14, 15; Luk 9.7, 8 Na wobuae see no dɛ, John Onumanyi no a, na binom se, Elija a; binom so se, Nkɔnhyɛfo no mu baako a. 29#Joh 6.68, 69 Na Jesus noara bisaa hɔn dɛ, Na hom dze, hom se dɛ woana nye me? Peter buae see no dɛ, Ɔwo nye Kraest no. 30Na ɔbraa hɔn dɛ mma wɔnnka no ho asɛm nnkyerɛ obiara.
Jesus Kasa Fa N’amandzehu na no Wu ho
(Matthew 16.21-28; Luke 9.22-27)
31Na ɔhyɛɛ ase kyerɛkyerɛɛ hɔn dɛ ɔsɛ nyimpa Ba no dɛ obohu amandze pii, na mpanyimfo nye asɔfompanyin nye kyerɛwfo no apow no, na woeku no, na ne ndaansa ɔasoɛr. 32Na ɔkaa asɛm no petee. Na Peter suoo no mu, na ɔhyɛɛ ase twuuw n’enyim. 33Na ɔno dze, ɔdaan noho hwɛɛ n’esuafo no no, otwuuw Peter n’enyim see dɛ, Fi mo do, Satan: na enndwen Nyankopɔn dze, na nyimpa dze na edwen. 34#Mat 10.38; Luk 14.27 Na ɔfrɛɛ nyimpadodow no nye n’esuafo no so baa ne nkyɛn no, ɔsee hɔn dɛ, Sɛ obi pɛ dɛ odzi m’ekyir a, ma ɔmpa noho ekyir, na ompegya ne mbeamudua na ɔnka mo do. 35#Mat 10.39; Luk 17.33; Joh 12.25 Na obiara a ɔpɛ dɛ ɔgye ne kra nkwa no, ɔbɛyew no, na obiara a emi nye asɛmpa no ntsi ne nkwa befi ne nsa no, wɔbɛgye no nkwa. 36Na sɛ nyimpa nya wiadze nyina ma ntsi ɔhwer no nkwa a, ebɛn mfaso na obenya? 37Na ebɛnadze na nyimpa bɛma dze asesa no nkwa? 38Osiandɛ obiara a n’enyi bɔto emi nye me nsɛm ho wɔ awartofo nye ndzebɔnyɛfo santsen yi mu no, ɔno so na nyimpa Ba no n’enyi bɔto no ho, ber a ɔnye n’abɔfoe krɔnkrɔn bɛba wɔ n’egya n’enyimnyam mu no.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.