Mark 7
7
Tsetsesɛm ho Nkyerɛkyerɛ
(Matthew 15.1-9)
1Na Farisiifo no nye kyerɛwfo bi a wofi Jerusalɛm bae behyiaa ne nkyɛn, 2na wohun dɛ n’esuafo no bi dze nsa a ho nntsew, ɔno nye dɛ nsa a wɔannhohor ho, ridzidzi. 3(Na Farisiifo no nye Jewfo nyina, sɛ wɔannhohor hɔn nsa ho yie a, wonndzidzi, na wokitsa mpanyimfo atsetsesɛm no mu; 4na sɛ wofi gua do ba, na wɔannhohor hɔnho a, wonndzidzi, na ndzɛmba pii ka ho a wɔagye dɛ wobosuo mu, nkɔɔpow nye nhina nye nyewasɛn ho hohor.) 5Na Farisiifo no nye kyerɛwfo no bisaa no dɛ, Ebɛnadze ntsi na w’esuafo nnantsew mpanyimfo atsetsesɛm no do, na wɔdze nsa a ho nntsew dzidzi yi? 6#Isa 29.13 Na ɔsee hɔn dɛ, Isaia hyɛɛ hom ndabrabafo ho nkɔm yie dɛ (dɛ mbrɛ wɔakyerɛw no),
Ɔman yi dze hɔn anofamfa dzi me nyi,
Na hɔn akoma dze, ɔnye me ntamu twe kɛse;
7 Na wɔsɔr me gyan,
Wɔkyerɛkyerɛ nkyerɛkyerɛ a ɔyɛ nyimpa ahyɛdze.
8 Hom egya Nyankopɔn ne mbra hɔ: na hom esuo nyimpa atsetsesɛm mu. 9Na ɔkɔr do see hɔn dɛ, Hom pow Nyankopɔn ne mbra no papaara pi, ama hom eedzi hom atsetsesɛm do. 10#Eks 20.12; Eks 21.17; Lev 20.9; Deut 5.16 Na Moses kaa dɛ, Dzi w’egya nye wo na nyi, na, Obiara a ɔhyɛ egya anaa na ahorba no, owu na onwu; 11naaso hom dze, hom se dɛ, Sɛ nyimpa bi se n’egya anaa ne na dɛ, biribiara a nkyɛ edze benya mo ho mfaso no yɛ Korban (ɔnye dɛ, Akyɛdze a ɔyɛ Nyankopɔn dze) a, #7.11 Anaadɛ, “Ayɛyɛdze”. 12ɔno hom mma no kwan dɛ mma ɔnnyɛ biribi mma n’egya anaa ne na bio: 13ɔnam hom atsetsesɛm a hom dze bae no do, hom amma Nyankopɔn asɛm enntsim; na ndzɛmba a ɔtse dɛm pii na hom yɛ.
Ndzɛmba a Ogu Nyimpa ho Fi
(Matthew 15.10-20)
14Na ɔfrɛɛ nyimpadodow no baa ne nkyɛn bio no, ɔsee hɔn dɛ, Hom nyina ntsie me na hom ntse ase: 15biribiara nnyi nyimpa ho a ɔkɔ no mu a obotum egu no ho fi; na dza ofi nyimpa mu ba no, ɔno na ogu nyimpa ho fi. 16Sɛ obiara wɔ aso a wɔdze tsie a, wɔmma ontsie. 17Na ofii nyimpadodow no nkyɛn kɔr fie no, n’esuafo no bisaa no bɛ no ase. 18Na ɔsee hɔn dɛ, Ana hom so nnyi ntseasee dɛm? Ana hom nnhu dɛ biribiara a ofi nyimpa ho kɔ no mu no, onntum nngu no ho fi, 19osiandɛ ɔnnkɔ n’akoma mu, na mbom ɔkɔ yafun mu, na okeyi gu egyanan mu. [Ɔkaa yi dze tseew edziban nyina ho.] 20Na ɔsee dɛ, Dza ofi nyimpa no mu ba no, ɔno na ogu ho fi. 21Na nyimpa akoma mu, na adwembɔn fi ba, ndwamanyɛ, 22adzewia, ewudzi, ayefasɛm, enyiber, emumuyɛ, nsisi, atantanbra, enyibɔn, ebususɛm, ntsɛn, nkwaseasɛm: 23ndzebɔn yinom nyina fi mu na ɔba na ogu nyimpa ho fi.
Sirofonisianyi Basia bi ne Gyedzi
(Matthew 15.21-28)
24Na ɔsoɛree fii hɔ kɔr Taere nye Sidon ntoaado. Na ɔkɔr fi bi mu, na ɔammpɛ dɛ obiara tse, naaso oenntum ennsuma. 25Na ntsɛmara ɔbaa bi a ne babaa kakraba wɔ sunsum fi tsee ne nka no, ɔbae bɔhwee n’ananadze. 26Na ɔbaa no yɛ Griiknyi, na n’awoo mu ɔyɛ Sirofonisianyi; na ɔserɛɛ no dɛ ontu sunsum fi no mfi ne babaa no mu. 27Na Jesus see no dɛ, Ma mba no mmee ansaana, na ɔnnsɛ dɛ wɔfa mba edziban tow ma mbɔdɔm. 28Na obuae see no dɛ, Mo wura, ɔyɛ nokwar dze; naaso pon ase mbɔdɔm no, wodzi mba hɔn mporoporoba no bi. 29Na Jesus see no dɛ, Asɛm a aka yi ntsi kɔ: sunsum fi no efi wo babaa no mu. 30Na osii mu kɔr ne fie no, ohun dɛ abofraba no da mpa do, na sunsum fi no efi no mu kɔ.
Jesus Sa Tsitsifo Yarba
31Na ofii Taere ntoaado bio koduaa Sidon mu dze faa Dekapolis ntoaado ne finimfin baa Galilii po ho. 32Na wɔdze otsitsifo a ɔpo dodow brɛɛ no, na wɔserɛɛ no dɛ ɔmfa ne nsa nto no do. 33Na ɔdze no fii nyimpadodow no mu kɔr nkyɛn na ɔdze ne nsatseaba hyɛɛ n’asowa mu, na ɔtoo ntafi dze kaa ne tɛkyerɛma, 34na ɔhwɛɛ sor sii nkrum see no dɛ, Efaata, ase nye dɛ, Bue. 35Na n’aso buebuei na ne tɛkyerɛma ase ahoma sanee, na ɔkasaa yie. 36Na ɔbraa hɔn dɛ mma wɔnnka nnkyerɛ obiara; na mpɛn dodow a ɔbraa hɔn no, mpɛn dodow a wɔdze tahyee kɛse nye no. 37Na ɔyɛɛ hɔn ahobow mbordo, na wɔsee dɛ, Ɔayɛ ndzɛmba nyina yie: ɔma tsitsifo tse asɛm na ɔma mmum kasa.
ទើបបានជ្រើសរើសហើយ៖
Mark 7: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Mark 7
7
Tsetsesɛm ho Nkyerɛkyerɛ
(Matthew 15.1-9)
1Na Farisiifo no nye kyerɛwfo bi a wofi Jerusalɛm bae behyiaa ne nkyɛn, 2na wohun dɛ n’esuafo no bi dze nsa a ho nntsew, ɔno nye dɛ nsa a wɔannhohor ho, ridzidzi. 3(Na Farisiifo no nye Jewfo nyina, sɛ wɔannhohor hɔn nsa ho yie a, wonndzidzi, na wokitsa mpanyimfo atsetsesɛm no mu; 4na sɛ wofi gua do ba, na wɔannhohor hɔnho a, wonndzidzi, na ndzɛmba pii ka ho a wɔagye dɛ wobosuo mu, nkɔɔpow nye nhina nye nyewasɛn ho hohor.) 5Na Farisiifo no nye kyerɛwfo no bisaa no dɛ, Ebɛnadze ntsi na w’esuafo nnantsew mpanyimfo atsetsesɛm no do, na wɔdze nsa a ho nntsew dzidzi yi? 6#Isa 29.13 Na ɔsee hɔn dɛ, Isaia hyɛɛ hom ndabrabafo ho nkɔm yie dɛ (dɛ mbrɛ wɔakyerɛw no),
Ɔman yi dze hɔn anofamfa dzi me nyi,
Na hɔn akoma dze, ɔnye me ntamu twe kɛse;
7 Na wɔsɔr me gyan,
Wɔkyerɛkyerɛ nkyerɛkyerɛ a ɔyɛ nyimpa ahyɛdze.
8 Hom egya Nyankopɔn ne mbra hɔ: na hom esuo nyimpa atsetsesɛm mu. 9Na ɔkɔr do see hɔn dɛ, Hom pow Nyankopɔn ne mbra no papaara pi, ama hom eedzi hom atsetsesɛm do. 10#Eks 20.12; Eks 21.17; Lev 20.9; Deut 5.16 Na Moses kaa dɛ, Dzi w’egya nye wo na nyi, na, Obiara a ɔhyɛ egya anaa na ahorba no, owu na onwu; 11naaso hom dze, hom se dɛ, Sɛ nyimpa bi se n’egya anaa ne na dɛ, biribiara a nkyɛ edze benya mo ho mfaso no yɛ Korban (ɔnye dɛ, Akyɛdze a ɔyɛ Nyankopɔn dze) a, #7.11 Anaadɛ, “Ayɛyɛdze”. 12ɔno hom mma no kwan dɛ mma ɔnnyɛ biribi mma n’egya anaa ne na bio: 13ɔnam hom atsetsesɛm a hom dze bae no do, hom amma Nyankopɔn asɛm enntsim; na ndzɛmba a ɔtse dɛm pii na hom yɛ.
Ndzɛmba a Ogu Nyimpa ho Fi
(Matthew 15.10-20)
14Na ɔfrɛɛ nyimpadodow no baa ne nkyɛn bio no, ɔsee hɔn dɛ, Hom nyina ntsie me na hom ntse ase: 15biribiara nnyi nyimpa ho a ɔkɔ no mu a obotum egu no ho fi; na dza ofi nyimpa mu ba no, ɔno na ogu nyimpa ho fi. 16Sɛ obiara wɔ aso a wɔdze tsie a, wɔmma ontsie. 17Na ofii nyimpadodow no nkyɛn kɔr fie no, n’esuafo no bisaa no bɛ no ase. 18Na ɔsee hɔn dɛ, Ana hom so nnyi ntseasee dɛm? Ana hom nnhu dɛ biribiara a ofi nyimpa ho kɔ no mu no, onntum nngu no ho fi, 19osiandɛ ɔnnkɔ n’akoma mu, na mbom ɔkɔ yafun mu, na okeyi gu egyanan mu. [Ɔkaa yi dze tseew edziban nyina ho.] 20Na ɔsee dɛ, Dza ofi nyimpa no mu ba no, ɔno na ogu ho fi. 21Na nyimpa akoma mu, na adwembɔn fi ba, ndwamanyɛ, 22adzewia, ewudzi, ayefasɛm, enyiber, emumuyɛ, nsisi, atantanbra, enyibɔn, ebususɛm, ntsɛn, nkwaseasɛm: 23ndzebɔn yinom nyina fi mu na ɔba na ogu nyimpa ho fi.
Sirofonisianyi Basia bi ne Gyedzi
(Matthew 15.21-28)
24Na ɔsoɛree fii hɔ kɔr Taere nye Sidon ntoaado. Na ɔkɔr fi bi mu, na ɔammpɛ dɛ obiara tse, naaso oenntum ennsuma. 25Na ntsɛmara ɔbaa bi a ne babaa kakraba wɔ sunsum fi tsee ne nka no, ɔbae bɔhwee n’ananadze. 26Na ɔbaa no yɛ Griiknyi, na n’awoo mu ɔyɛ Sirofonisianyi; na ɔserɛɛ no dɛ ontu sunsum fi no mfi ne babaa no mu. 27Na Jesus see no dɛ, Ma mba no mmee ansaana, na ɔnnsɛ dɛ wɔfa mba edziban tow ma mbɔdɔm. 28Na obuae see no dɛ, Mo wura, ɔyɛ nokwar dze; naaso pon ase mbɔdɔm no, wodzi mba hɔn mporoporoba no bi. 29Na Jesus see no dɛ, Asɛm a aka yi ntsi kɔ: sunsum fi no efi wo babaa no mu. 30Na osii mu kɔr ne fie no, ohun dɛ abofraba no da mpa do, na sunsum fi no efi no mu kɔ.
Jesus Sa Tsitsifo Yarba
31Na ofii Taere ntoaado bio koduaa Sidon mu dze faa Dekapolis ntoaado ne finimfin baa Galilii po ho. 32Na wɔdze otsitsifo a ɔpo dodow brɛɛ no, na wɔserɛɛ no dɛ ɔmfa ne nsa nto no do. 33Na ɔdze no fii nyimpadodow no mu kɔr nkyɛn na ɔdze ne nsatseaba hyɛɛ n’asowa mu, na ɔtoo ntafi dze kaa ne tɛkyerɛma, 34na ɔhwɛɛ sor sii nkrum see no dɛ, Efaata, ase nye dɛ, Bue. 35Na n’aso buebuei na ne tɛkyerɛma ase ahoma sanee, na ɔkasaa yie. 36Na ɔbraa hɔn dɛ mma wɔnnka nnkyerɛ obiara; na mpɛn dodow a ɔbraa hɔn no, mpɛn dodow a wɔdze tahyee kɛse nye no. 37Na ɔyɛɛ hɔn ahobow mbordo, na wɔsee dɛ, Ɔayɛ ndzɛmba nyina yie: ɔma tsitsifo tse asɛm na ɔma mmum kasa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.