Mark 3
3
Banyin no a Ne Nsa Adwedwe no
(Matthew 12.9-14; Luke 6.6-11)
1Na ɔkɛhɛɛn nhyiamudan no mu bio; na nyimpa bi wɔ hɔ a ne nsa adwedwe. 2Na wɔtsɛɛw no hwɛɛ dɛ ɔbɛyɛ no edur ahomgyeda no, ama wɔaatoa no. 3Na ɔsee nyimpa no a ne nsa adwedwe no dɛ, Soɛr gyina finimfin. 4Na obisaa hɔn dɛ, Ana ɔfa mbra mu dɛ ahomgyeda wɔbɛyɛ dza oye, anaa wɔbɛyɛ dza omuo? Wɔbɛgye nkwa, anaa woboku a? 5Na womuaa hɔn ano. Na ɔhwɛɛ hɔn hyiae ebufuw do, na hɔn akoma dzen ntsi ɔyɛɛ no yaw no, ɔsee nyimpa no dɛ, Tsen wo nsa. Na ɔtsenee; na ne nsa no sanee dzii mu. 6Na Farisiifo no puei, na ntsɛmara wɔnye Herod akadofo kɛfaa apam wɔ mbrɛ wɔbɛyɛ asɛɛ no ho.
Nyimpadodow Hyia wɔ Mpoano
7Na Jesus nye n’esuafo no twee hɔnho kɔr mpoano; na nyimpadodow pii fii Galilii kaa no do; 8na wofi Judea, Jerusalɛm, Idumea, na Jordan egya, na Taere nye Sidon nkyɛn, nyimpadodow pii a wɔtsee ndzɛmba akɛse pii a ɔyɛe no, na wɔbaa ne nkyɛn. 9#Mar 4.1; Luk 5.1-3 Na ɔkaa kyerɛɛ n’esuafo no dɛ wɔnyɛ hɛn kakraba bi krado ntweɔn no wɔ nyimpadodow no ntsi, amma wɔaannkyer no do; 10ɔnam dɛ ɔsaa pii yarba ntsi, dodowara a mbusu horow aba hɔn do no bɛkyeer no do dɛ worubosusuo no mu. 11Na esunsum fi so, sɛ wohu no a, wotwa hwe n’enyim, na wɔka mu dɛ, Ɔwo nye Nyankopɔn Ba no. 12Na Jesus braa hɔn ketsee dɛ mma wonnyi no nnkyerɛ.
Jesus Yi Asomafo Duebien no
(Matthew 10.1-4; Luke 6.12-16)
13Na ɔkɔr koko do, na ɔfrɛɛ hɔn a noara rohwehwɛ hɔn no, na wɔkɔr ne nkyɛn. 14Na oyii duebien, dɛ wɔnye no bɛtsena, 15na dɛ ɔbɔsoma hɔn ama wɔaakɛka asɛm no na woeenya tum dze etu mbɔnsam. 16Na Simon ɔtoo no dzin Peter, 17na Zebedee ba James, nye James no nua John; na ɔtoo hɔn dzin Boanerges, ɔno nye dɛ Senaman Mba; 18nye Andrew, nye Filip, nye Bartholomew, nye Matthew, nye Tomas, nye Alfaeus ba James, nye Tadeus, 19nye Keenannyi Simon, nye Judas Iskariot a ɔno na oyii no mae no.
20Na ɔbaa fie; na nyimpadodow no behyiaa bio, ma dɛm ntsi woenntum enndzidzi mpo. 21Na n’ebusuafo no tsee no, wofiir edzi dɛ wɔrobɔtwe no akɔ, osiandɛ nna binom reka dɛ, N’adwen mu aka. 22#Mat 9.34; 10.25 Na kyerɛwfo no a wofi Jerusalɛm bae no see dɛ, Ɔwɔ Beelzebul, na mbɔnsam hɔn panyin do na ɔnam tu mbɔnsam no. 23Na ɔfrɛɛ hɔn baa ne nkyɛn no, obubuu mbɛ see hɔn dɛ, Ɔbɛyɛ dɛn na Satan botum etu Satan? 24Na sɛ ahenman nye no ho dzi mpaapaamu a, ahenman no nntum nngyina. 25Na sɛ ofi nye no ho dzi mpaapaamu a, ofi no runntum nngyina. 26Na sɛ Satan asoɛr nankasa no do na oedzi mpaapaamu a, onnkotum egyina, nna n’ewiei edu. 27Na obi nntum nnkɔ ɔkatakyi bi ne fie nnkotu nhyɛ n’efidze do mfom mfa, gyedɛ odzi kan kyekyer ɔkatakyi no, ansaana ɔafom ne fie. 28Mereka akyerɛ hom pefee dɛ, Bɔn nyina wɔdze bɛkyɛ nyimpa mba, nye ebususɛm a wɔbɛka nyina; 29#Luk 12.10 naaso nyia ɔbɛka ebususɛm etsia Sunsum Krɔnkrɔn no dze, orinnya fakyɛ da, na onnyiewiei afɔdzi da no do: 30osiandɛ wɔsee dɛ, Ɔwɔ sunsum fi.
Jesus Ne Na nye No Nuanom
(Matthew 12.46-50; Luke 8.19-21)
31Na ne na nye no nuanom bae begyinaa abow no enyim somae ma wɔkɛfrɛɛ no. 32Nna nyimpadodow tsetse ne nkyɛn, na wɔsee no dɛ, Hwɛ, wo na nye wo nuanom gyina abow enyim rohwehwɛ wo. 33Na obuae see hɔn dɛ, Woana nye me na nye mo nuanom? 34Na ɔtoo n’enyi hwɛɛ hɔn a wɔtsetse ne nkyɛn hyiae no, ɔsee dɛ, Hwɛ, me na nye mo nuanom. 35Na obiara a ɔbɛyɛ Nyankopɔn ne pɛ no, ɔno nye mo nua, nye m’akyerɛbaa, nye me na.
ទើបបានជ្រើសរើសហើយ៖
Mark 3: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Mark 3
3
Banyin no a Ne Nsa Adwedwe no
(Matthew 12.9-14; Luke 6.6-11)
1Na ɔkɛhɛɛn nhyiamudan no mu bio; na nyimpa bi wɔ hɔ a ne nsa adwedwe. 2Na wɔtsɛɛw no hwɛɛ dɛ ɔbɛyɛ no edur ahomgyeda no, ama wɔaatoa no. 3Na ɔsee nyimpa no a ne nsa adwedwe no dɛ, Soɛr gyina finimfin. 4Na obisaa hɔn dɛ, Ana ɔfa mbra mu dɛ ahomgyeda wɔbɛyɛ dza oye, anaa wɔbɛyɛ dza omuo? Wɔbɛgye nkwa, anaa woboku a? 5Na womuaa hɔn ano. Na ɔhwɛɛ hɔn hyiae ebufuw do, na hɔn akoma dzen ntsi ɔyɛɛ no yaw no, ɔsee nyimpa no dɛ, Tsen wo nsa. Na ɔtsenee; na ne nsa no sanee dzii mu. 6Na Farisiifo no puei, na ntsɛmara wɔnye Herod akadofo kɛfaa apam wɔ mbrɛ wɔbɛyɛ asɛɛ no ho.
Nyimpadodow Hyia wɔ Mpoano
7Na Jesus nye n’esuafo no twee hɔnho kɔr mpoano; na nyimpadodow pii fii Galilii kaa no do; 8na wofi Judea, Jerusalɛm, Idumea, na Jordan egya, na Taere nye Sidon nkyɛn, nyimpadodow pii a wɔtsee ndzɛmba akɛse pii a ɔyɛe no, na wɔbaa ne nkyɛn. 9#Mar 4.1; Luk 5.1-3 Na ɔkaa kyerɛɛ n’esuafo no dɛ wɔnyɛ hɛn kakraba bi krado ntweɔn no wɔ nyimpadodow no ntsi, amma wɔaannkyer no do; 10ɔnam dɛ ɔsaa pii yarba ntsi, dodowara a mbusu horow aba hɔn do no bɛkyeer no do dɛ worubosusuo no mu. 11Na esunsum fi so, sɛ wohu no a, wotwa hwe n’enyim, na wɔka mu dɛ, Ɔwo nye Nyankopɔn Ba no. 12Na Jesus braa hɔn ketsee dɛ mma wonnyi no nnkyerɛ.
Jesus Yi Asomafo Duebien no
(Matthew 10.1-4; Luke 6.12-16)
13Na ɔkɔr koko do, na ɔfrɛɛ hɔn a noara rohwehwɛ hɔn no, na wɔkɔr ne nkyɛn. 14Na oyii duebien, dɛ wɔnye no bɛtsena, 15na dɛ ɔbɔsoma hɔn ama wɔaakɛka asɛm no na woeenya tum dze etu mbɔnsam. 16Na Simon ɔtoo no dzin Peter, 17na Zebedee ba James, nye James no nua John; na ɔtoo hɔn dzin Boanerges, ɔno nye dɛ Senaman Mba; 18nye Andrew, nye Filip, nye Bartholomew, nye Matthew, nye Tomas, nye Alfaeus ba James, nye Tadeus, 19nye Keenannyi Simon, nye Judas Iskariot a ɔno na oyii no mae no.
20Na ɔbaa fie; na nyimpadodow no behyiaa bio, ma dɛm ntsi woenntum enndzidzi mpo. 21Na n’ebusuafo no tsee no, wofiir edzi dɛ wɔrobɔtwe no akɔ, osiandɛ nna binom reka dɛ, N’adwen mu aka. 22#Mat 9.34; 10.25 Na kyerɛwfo no a wofi Jerusalɛm bae no see dɛ, Ɔwɔ Beelzebul, na mbɔnsam hɔn panyin do na ɔnam tu mbɔnsam no. 23Na ɔfrɛɛ hɔn baa ne nkyɛn no, obubuu mbɛ see hɔn dɛ, Ɔbɛyɛ dɛn na Satan botum etu Satan? 24Na sɛ ahenman nye no ho dzi mpaapaamu a, ahenman no nntum nngyina. 25Na sɛ ofi nye no ho dzi mpaapaamu a, ofi no runntum nngyina. 26Na sɛ Satan asoɛr nankasa no do na oedzi mpaapaamu a, onnkotum egyina, nna n’ewiei edu. 27Na obi nntum nnkɔ ɔkatakyi bi ne fie nnkotu nhyɛ n’efidze do mfom mfa, gyedɛ odzi kan kyekyer ɔkatakyi no, ansaana ɔafom ne fie. 28Mereka akyerɛ hom pefee dɛ, Bɔn nyina wɔdze bɛkyɛ nyimpa mba, nye ebususɛm a wɔbɛka nyina; 29#Luk 12.10 naaso nyia ɔbɛka ebususɛm etsia Sunsum Krɔnkrɔn no dze, orinnya fakyɛ da, na onnyiewiei afɔdzi da no do: 30osiandɛ wɔsee dɛ, Ɔwɔ sunsum fi.
Jesus Ne Na nye No Nuanom
(Matthew 12.46-50; Luke 8.19-21)
31Na ne na nye no nuanom bae begyinaa abow no enyim somae ma wɔkɛfrɛɛ no. 32Nna nyimpadodow tsetse ne nkyɛn, na wɔsee no dɛ, Hwɛ, wo na nye wo nuanom gyina abow enyim rohwehwɛ wo. 33Na obuae see hɔn dɛ, Woana nye me na nye mo nuanom? 34Na ɔtoo n’enyi hwɛɛ hɔn a wɔtsetse ne nkyɛn hyiae no, ɔsee dɛ, Hwɛ, me na nye mo nuanom. 35Na obiara a ɔbɛyɛ Nyankopɔn ne pɛ no, ɔno nye mo nua, nye m’akyerɛbaa, nye me na.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.