Mark 2
2
Jesus Sa Mbubuinyi Yarba
(Matthew 9.1-8; Luke 5.17-26)
1Nda kakra bi ekyir no, ɔkɔr Karpernaum bio, na wɔtsee dɛ ɔwɔ fie. 2Na dodowara behyiaa mu, ma nna wonnya kwan bio mma hɔn, nnyɛ abowano hɔ mpo; na ɔkaa asɛm no kyerɛɛ hɔn. 3Na wɔdze mbubuinyi a nyimpa baanan so no baa no hɔ. 4Na ɔnam nyimpadodow no ntsi na wonnya kwan nntwe mmbɛn no no, wɔkɛpaa dan a ɔwɔ mu no etsifi; na wotuu mu tu na wɔdze kɛtɛ a mbubuinyi no da do no duaa mu gyaagyaa mu sii famu. 5Na Jesus hun hɔn gyedzi no, ɔsee mbubuinyi no dɛ, Ɔba, wɔdze wo bɔn akyɛ wo. 6Nna kyerɛwfo no binom tsetse hɔ, na wɔdwendween hɔn akoma mu dɛ, 7Ɔyɛ dɛn na oyi kasa dɛm yi? Ebususɛm na ɔka: woana botum dze bɔn akyɛ dɛ Nyankopɔn nkotsee? 8Na ntsɛmara Jesus hun wɔ no sunsum mu dɛ wɔrodwendwen dɛm wɔ hɔn akoma mu no, ɔsee hɔn dɛ, Ebɛnadze ntsi na hom rodwendwen dɛm wɔ hom akoma mu yi? 9Dza ɔwɔ hen na ɔyɛ mberɛw kɛse, dɛ ebɛse mbubuinyi no dɛ, Wɔdze wo bɔn akyɛ wo, anaa ebɛse dɛ, Soɛr, fa wo kɛtɛ, na nantsew, a? 10Na mbrɛ ɔbɛyɛ ma hom ehu dɛ nyimpa Ba no wɔ tum wɔ asaase do dɛ ɔdze bɔn kyɛ ntsi, ɔsee mbubuinyi no dɛ, 11Mese wo dɛ, Soɛr, fa wo kɛtɛ na kɔ wo fie. 12Na ɔsoɛree, na ntsɛmara ɔfaa kɛtɛ no, na osii mu wɔ hɔn nyina enyim kɔree. Na ɔmaa hɔn nyina ho boow hɔn, na wɔhyɛɛ Nyankopɔn enyimnyam dɛ, Yennhun dɛm adze yi bi da.
Jesus Frɛ Levi
(Matthew 9.9-13; Luke 5.27-32)
13Na opuee bio kɔr mpoano; na nyimpadodow no nyina kɔr no hɔ, na ɔhyɛɛ ase kyerɛkyerɛɛ hɔn. 14Na ɔresen no ohun Alfaeus ne ba Levi dɛ ɔtse atowgyebea, na ɔsee no dɛ, Ka mo do. Na ɔsoɛree kaa no do. 15Na ɔbaa dɛ ɔtse edzidzi wɔ ne fie no; atowgyefo nye ndzebɔnyɛfo pii nye Jesus na n’esuafo bɛtsenatsenaa hɔ: nna hɔn a wɔka no do no dɔɔ so. 16Na akyerɛwfo a wofi Farisiifo no mu no hun dɛ ɔnye ndzebɔnyɛfo nye atowgyefo ridzidzi no, wobisaa n’esuafo no dɛ, Ɔyɛ dɛn na ɔnye atowgyefo nye ndzebɔnyɛfo dzidzi nom yi? 17Na Jesus tsee no ɔsee hɔn dɛ, Hɔn a wɔtse apɔw no, wonnhia oduyɛfo, na mbom hɔn a wɔyar no a: mammbɛfrɛ atseneneefo, na mbom ndzebɔnyɛfo a.
Mbuadadzi Ho Asɛm
(Matthew 9.14-17; Luke 5.33-39)
18Nna John n’esuafo nye Farisiifo no ridzi mbuada: na binom bae bebisaa no dɛ, Ɔyɛ dɛn na John n’esuafo nye Farisiifo hɔn esuafo no wodzi mbuada, na w’esuafo dze, wonndzi mbuada yi? 19Na Jesus see hɔn dɛ, Ayeforpia mu mba no, aber a ayeforkun no wɔ hɔn nkyɛn no, aso wobotum edzi mbuada anaa? Aber tsentsen biara a wɔwɔ ayeforkun no wɔ hɔn nkyɛn no, worunntum nndzi mbuada. 20Na nda bɛba a wobeyi ayeforkun no efi hɔn nkyɛn, na da no mu nkyii wobedzi mbuada. 21Obi mmfa tam fofor sin nntaa atar dadaw mu: dɛm no, dza wɔdze taa mu no yi fi mu, fofor no fi dadaw no mu, na ntsewee no yɛ kɛse. 22Na obi mmfa wenyin fofor nngu nwomantoa dadaw mu; dɛm no, wenyin no bɛpaa nwomantoa no, na wenyin no asɛɛ, ɔnye nwomantoa no so: na wenyin fofor dze, wɔdze gu nwomantoa fofor mu.
Ahomgyeda Ho Asɛm
(Matthew 12.1-8; Luke 6.1-5)
23 #
Deut 23.25
Na ɔbaa dɛ Jesus kɛfaa eburow kwa mu ahomgyeda bi; na n’esuafo no nam rokɔ no, wɔhyɛɛ ase pempaan eburow mbɛtsem no bi. 24Na Farisiifo no see no dɛ, Hwɛ, ɔyɛ dɛn na wɔreyɛ dza ɔmmfa mbra mu wɔ ahomgyeda mu yi? 25#1 Sam 21.1-6 Na ɔsee hɔn dɛ, Ana hom nnkenkaan dza David yɛe wɔ aber a ohiaa no, na ɔkɔm dzee ɔnoara na hɔn a wɔka no ho no, pɛn anaa? 26#Lev 24.9 Mbrɛ ɔkɛhɛɛn Nyankopɔn ne fie, aber a Abiathar yɛ ɔsɔfopanyin no, na okedzii kyerɛpaanoo a ɔmmfa mbra mu dɛ obiara dzi, gyedɛ asɔfo no nko, na ɔmaa hɔn a wɔka no ho no so bi no? 27Na ɔsee hɔn dɛ, Nyimpa ntsi na wɔyɛɛ ahomgyeda, na nnyɛ ahomgyeda ntsi na wɔyɛɛ nyimpa: 28dɛm ntsi nyimpa Ba no yɛ ahomgyeda no so mpo no wura.
ទើបបានជ្រើសរើសហើយ៖
Mark 2: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Mark 2
2
Jesus Sa Mbubuinyi Yarba
(Matthew 9.1-8; Luke 5.17-26)
1Nda kakra bi ekyir no, ɔkɔr Karpernaum bio, na wɔtsee dɛ ɔwɔ fie. 2Na dodowara behyiaa mu, ma nna wonnya kwan bio mma hɔn, nnyɛ abowano hɔ mpo; na ɔkaa asɛm no kyerɛɛ hɔn. 3Na wɔdze mbubuinyi a nyimpa baanan so no baa no hɔ. 4Na ɔnam nyimpadodow no ntsi na wonnya kwan nntwe mmbɛn no no, wɔkɛpaa dan a ɔwɔ mu no etsifi; na wotuu mu tu na wɔdze kɛtɛ a mbubuinyi no da do no duaa mu gyaagyaa mu sii famu. 5Na Jesus hun hɔn gyedzi no, ɔsee mbubuinyi no dɛ, Ɔba, wɔdze wo bɔn akyɛ wo. 6Nna kyerɛwfo no binom tsetse hɔ, na wɔdwendween hɔn akoma mu dɛ, 7Ɔyɛ dɛn na oyi kasa dɛm yi? Ebususɛm na ɔka: woana botum dze bɔn akyɛ dɛ Nyankopɔn nkotsee? 8Na ntsɛmara Jesus hun wɔ no sunsum mu dɛ wɔrodwendwen dɛm wɔ hɔn akoma mu no, ɔsee hɔn dɛ, Ebɛnadze ntsi na hom rodwendwen dɛm wɔ hom akoma mu yi? 9Dza ɔwɔ hen na ɔyɛ mberɛw kɛse, dɛ ebɛse mbubuinyi no dɛ, Wɔdze wo bɔn akyɛ wo, anaa ebɛse dɛ, Soɛr, fa wo kɛtɛ, na nantsew, a? 10Na mbrɛ ɔbɛyɛ ma hom ehu dɛ nyimpa Ba no wɔ tum wɔ asaase do dɛ ɔdze bɔn kyɛ ntsi, ɔsee mbubuinyi no dɛ, 11Mese wo dɛ, Soɛr, fa wo kɛtɛ na kɔ wo fie. 12Na ɔsoɛree, na ntsɛmara ɔfaa kɛtɛ no, na osii mu wɔ hɔn nyina enyim kɔree. Na ɔmaa hɔn nyina ho boow hɔn, na wɔhyɛɛ Nyankopɔn enyimnyam dɛ, Yennhun dɛm adze yi bi da.
Jesus Frɛ Levi
(Matthew 9.9-13; Luke 5.27-32)
13Na opuee bio kɔr mpoano; na nyimpadodow no nyina kɔr no hɔ, na ɔhyɛɛ ase kyerɛkyerɛɛ hɔn. 14Na ɔresen no ohun Alfaeus ne ba Levi dɛ ɔtse atowgyebea, na ɔsee no dɛ, Ka mo do. Na ɔsoɛree kaa no do. 15Na ɔbaa dɛ ɔtse edzidzi wɔ ne fie no; atowgyefo nye ndzebɔnyɛfo pii nye Jesus na n’esuafo bɛtsenatsenaa hɔ: nna hɔn a wɔka no do no dɔɔ so. 16Na akyerɛwfo a wofi Farisiifo no mu no hun dɛ ɔnye ndzebɔnyɛfo nye atowgyefo ridzidzi no, wobisaa n’esuafo no dɛ, Ɔyɛ dɛn na ɔnye atowgyefo nye ndzebɔnyɛfo dzidzi nom yi? 17Na Jesus tsee no ɔsee hɔn dɛ, Hɔn a wɔtse apɔw no, wonnhia oduyɛfo, na mbom hɔn a wɔyar no a: mammbɛfrɛ atseneneefo, na mbom ndzebɔnyɛfo a.
Mbuadadzi Ho Asɛm
(Matthew 9.14-17; Luke 5.33-39)
18Nna John n’esuafo nye Farisiifo no ridzi mbuada: na binom bae bebisaa no dɛ, Ɔyɛ dɛn na John n’esuafo nye Farisiifo hɔn esuafo no wodzi mbuada, na w’esuafo dze, wonndzi mbuada yi? 19Na Jesus see hɔn dɛ, Ayeforpia mu mba no, aber a ayeforkun no wɔ hɔn nkyɛn no, aso wobotum edzi mbuada anaa? Aber tsentsen biara a wɔwɔ ayeforkun no wɔ hɔn nkyɛn no, worunntum nndzi mbuada. 20Na nda bɛba a wobeyi ayeforkun no efi hɔn nkyɛn, na da no mu nkyii wobedzi mbuada. 21Obi mmfa tam fofor sin nntaa atar dadaw mu: dɛm no, dza wɔdze taa mu no yi fi mu, fofor no fi dadaw no mu, na ntsewee no yɛ kɛse. 22Na obi mmfa wenyin fofor nngu nwomantoa dadaw mu; dɛm no, wenyin no bɛpaa nwomantoa no, na wenyin no asɛɛ, ɔnye nwomantoa no so: na wenyin fofor dze, wɔdze gu nwomantoa fofor mu.
Ahomgyeda Ho Asɛm
(Matthew 12.1-8; Luke 6.1-5)
23 #
Deut 23.25
Na ɔbaa dɛ Jesus kɛfaa eburow kwa mu ahomgyeda bi; na n’esuafo no nam rokɔ no, wɔhyɛɛ ase pempaan eburow mbɛtsem no bi. 24Na Farisiifo no see no dɛ, Hwɛ, ɔyɛ dɛn na wɔreyɛ dza ɔmmfa mbra mu wɔ ahomgyeda mu yi? 25#1 Sam 21.1-6 Na ɔsee hɔn dɛ, Ana hom nnkenkaan dza David yɛe wɔ aber a ohiaa no, na ɔkɔm dzee ɔnoara na hɔn a wɔka no ho no, pɛn anaa? 26#Lev 24.9 Mbrɛ ɔkɛhɛɛn Nyankopɔn ne fie, aber a Abiathar yɛ ɔsɔfopanyin no, na okedzii kyerɛpaanoo a ɔmmfa mbra mu dɛ obiara dzi, gyedɛ asɔfo no nko, na ɔmaa hɔn a wɔka no ho no so bi no? 27Na ɔsee hɔn dɛ, Nyimpa ntsi na wɔyɛɛ ahomgyeda, na nnyɛ ahomgyeda ntsi na wɔyɛɛ nyimpa: 28dɛm ntsi nyimpa Ba no yɛ ahomgyeda no so mpo no wura.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.