Mark 4
4
Oduafo no Ho Abɛbu
(Matthew 13.1-9; Luke 8.4-8)
1 #
Luk 5.1-3
Na ɔhyɛɛ ase bio kyerɛkyerɛe wɔ mpoano. Na nyimpadodow pii behyiaa ne nkyɛn, ma dɛm ntsi ɔkɔr hɛn mu kɛtsenaa ase wɔ po enyi, nna nyimpadodow no nyina wɔ mpoano wɔ daadze. 2Na ɔkyerɛkyerɛɛ hɔn ndzɛmba pii wɔ abɛbu mu, na ɔsee hɔn wɔ ne nkyerɛkyerɛ mu dɛ, 3Hom ntsie: hwɛ, oduafo no kɔree koguu aba; 4na orugu no, ɔbaa dɛ bi koguu kwan nkyɛn na nnoma bae bɔsosɔwee. 5Na bi koguu abosamdo mbrɛ oennya dɛtse pii; na ntsɛmara na ofirii, osiandɛ oennya dɛtse a no mu dɔ; 6na ewia puei no, ɔhyewee, na osiandɛ onnyi ndwow ntsi ɔkyenkyenee. 7Na bi so koguu nsoɛ mu, na nsoɛ no nyinii, na omiaa no, ma ɔannsow aba. 8Na bi so koguu asaase pa mu, na ɔsoow aba a onyinii na ɔdɔɔ so; na ɔsoow bi eduasa, bi eduosia, bi ɔha. 9Na ɔsee dɛ, Nyia ɔwɔ aso a wɔdze tsie no, ma ontsie.
Abɛbu no Ne Nkyerɛasee
(Matthew 13.10-23; Luke 8.9-15)
10Na ɔkaa no nko no, hɔn a wɔwɔ ne nkyɛn no wɔnye duebien no bisaa no mbɛ no ase. 11Na ɔsee hɔn dɛ, Hom na wɔdze Nyankopɔn ahenman no mu esumasɛm ama hom; na hɔn a wɔwɔ ekyir no dze, wɔkyerɛ hɔn ne nyina mbɛbu mu, 12#Isa 6.9, 10 ama
wɔhwɛ a, wɔaahwɛ ara a wonnkohu mu,
na wɔtse a wɔaatse, naaso wɔnnkɛtse ase,
amma wɔaannsakyer na wɔaammfa hɔn bɔn annkyɛ hɔn.
13Na ɔsee hɔn dɛ, Hom nnyim bɛ yi? Na ɔbɛyɛ dɛn na hom ehu mbɛ nyina ase? 14Oduafo no gu asɛm no. 15Na iyinom nye hɔn a wɔwɔ kwan nkyɛn no, wɔ mbrɛ wogu asɛm no; na wɔatse no, Satan ba ntsɛmara beyi asɛm no a wogui wɔ hɔn mu no. 16Na iyinom so nye hɔn a wogu hɔn abosam do no; hɔn a wɔtse asɛm no a, ntsɛmara wɔdze dɛw gye; 17naaso wonnyi ndwow wɔ hɔn mu, na wɔwɔ hɔ ber tsiaa bi ntsi, sɛ abɛbrɛsɛ anaa ahohia soɛr wɔ asɛm no ntsi a, ntsɛmara na ato hɔn fintsidua. 18Iyinom nye hɔn a wogu hɔn nsoɛ mu no, hɔn a wɔatse asɛm no, 19na wiadze yi mu akɔdadwen nye ahonya ndaadaa nye ndzɛmba nkaa no ho akɔndɔ kɔ hɔn mu, na omia asɛm no, ma ntsi ɔnnsow aba. 20Na iyinom nye hɔn a wogu hɔn asaase pa mu no, hɔn a wɔtse asɛm no na wɔgye na wɔsow aba, bi eduasa, bi eduosia, na bi so ɔha.
Wɔmmfa Kandzea Nnsi Senaba Ase
(Luke 8.16-18)
21 #
Mat 5.15; Luk 11.33 Na ɔsee hɔn dɛ, Ana wɔdze kandzea ba dɛ wɔdze besi kuruw ase anaa mpa ase? Nnyɛ dɛ wɔdze besi kandzeadua do bi? 22#Mat 10.26; Luk 12.2 Na biribi nnsuma gyedɛ woribeyi akyerɛ, na woennhuntsa biribi gyedɛ ɔrebɛda gua. 23Sɛ obi wɔ aso a wɔdze tsie a, ma ontsie. 24#Mat 7.2; Luk 6.38 Na ɔsee hɔn dɛ, Hom nhwɛ dza hom tse no yie: esusudze kor a hom dze susu no, wɔdze bosusu ama hom, na wɔdze bi bɛka hom ho. 25#Mat 13.12; 25.29; Luk 19.26 Na nyia ɔwɔ no, wɔbɛma no, na nyia onnyi no, dza ɔwɔ no mpo wɔbɛgye ne nsamu.
Aba a Oriyin ho Abɛbu
26Na ɔsee dɛ, Mbrɛ Nyankopɔn n’ahenman tse nye yi, dɛ nyimpa bogu aba wɔ famu; 27na ɔbɛda na obenyan adzesaa nye adzekyee, na aba no befifir na oenyin, na onnyim mbrɛ ɔyɛe. 28Na asaase nankasa na ɔsow aba, ahaban no dzi kan, na nkyii ɔayɛ bɛtsem, na nkyii ɔayɛ eburow wɔ bɛtsem no mu. 29#Joel 3.13 Na sɛ aba no ber a, ntsɛmara na ɔdze kantankrankye ato mu, osiandɛ twaber edu.
Sinape Aba ho Abɛbu
(Matthew 13.31, 32, 34; Luke 13.18, 19)
30Na ɔsee hɔn dɛ, Ebɛnadze na yɛdze bɔto Nyankopɔn ahenman ho? Anaadɛ ebɛn bɛ na yɛdze bɛkyerɛ? 31Ɔtse dɛ sinape abafua a wodua no famu a osuar kyɛn aba a ɔwɔ asaase do nyina; 32naaso sɛ wodua a, onyin yɛ kɛse kyɛn nhaban nyina, na ɔtoto abaw akɛse, ma wimu nnoma tum yɛ hɔn mberɛbuw wɔ no nwin mu.
33Na mbɛ a ɔtsetse dɛm yi pii na ɔdze kaa asɛm kyerɛɛ hɔn, dɛ mbrɛ wobotum etsie. 34Na ɔannkasa annkyerɛ hɔn a ɔannka no abɛbu mu, na ɔka hɔn nko a, ɔkyerɛ n’esuafo no ndzɛmba nyina ase.
Jesus Ma Ehum Taa Dzinn
(Matthew 8.23-27; Luke 8.22-25)
35Dɛm da no ara, odur ewimbir no, ɔsee hɔn dɛ, Hom mma yentwa nkɔ esuegya noho. 36Na wogyaa nyimpadodow no kwan no, wɔkɔr hɛmba a Jesus wɔ mu no mu. Nna ahɛn nkakraba bi so ka ho. 37Na mframa kɛse bɔɔ huu, na asorɛkye bui bɔhwee hɛn no mu, ma nna ɔreyɛ ayɛ ma. 38Nna Jesus dze, ɔwɔ hɛntu ada wɔ sundze do; na wonyaan no na wɔsee no dɛ, Kyerɛkyerɛfo, ɔnnyɛ wo asɛm dɛ yɛremem? 39Na onyanee no, ɔbraa mframa no, na ɔsee po no dɛ, Taa dzinn! Na mframa no dwee, na ɔyɛɛ dzinn koraa. 40Na ɔsee hɔn dɛ, Ebɛnadze ntsi na hom yɛ ehufo dɛm yi? Ana hom da ho nnyi gyedzi? 41Na wosuroo pii, na wɔsesee hɔnho dɛ, Woana nye yi a mframa na po mpo wotsie n’asɛm yi?
ទើបបានជ្រើសរើសហើយ៖
Mark 4: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.
Mark 4
4
Oduafo no Ho Abɛbu
(Matthew 13.1-9; Luke 8.4-8)
1 #
Luk 5.1-3
Na ɔhyɛɛ ase bio kyerɛkyerɛe wɔ mpoano. Na nyimpadodow pii behyiaa ne nkyɛn, ma dɛm ntsi ɔkɔr hɛn mu kɛtsenaa ase wɔ po enyi, nna nyimpadodow no nyina wɔ mpoano wɔ daadze. 2Na ɔkyerɛkyerɛɛ hɔn ndzɛmba pii wɔ abɛbu mu, na ɔsee hɔn wɔ ne nkyerɛkyerɛ mu dɛ, 3Hom ntsie: hwɛ, oduafo no kɔree koguu aba; 4na orugu no, ɔbaa dɛ bi koguu kwan nkyɛn na nnoma bae bɔsosɔwee. 5Na bi koguu abosamdo mbrɛ oennya dɛtse pii; na ntsɛmara na ofirii, osiandɛ oennya dɛtse a no mu dɔ; 6na ewia puei no, ɔhyewee, na osiandɛ onnyi ndwow ntsi ɔkyenkyenee. 7Na bi so koguu nsoɛ mu, na nsoɛ no nyinii, na omiaa no, ma ɔannsow aba. 8Na bi so koguu asaase pa mu, na ɔsoow aba a onyinii na ɔdɔɔ so; na ɔsoow bi eduasa, bi eduosia, bi ɔha. 9Na ɔsee dɛ, Nyia ɔwɔ aso a wɔdze tsie no, ma ontsie.
Abɛbu no Ne Nkyerɛasee
(Matthew 13.10-23; Luke 8.9-15)
10Na ɔkaa no nko no, hɔn a wɔwɔ ne nkyɛn no wɔnye duebien no bisaa no mbɛ no ase. 11Na ɔsee hɔn dɛ, Hom na wɔdze Nyankopɔn ahenman no mu esumasɛm ama hom; na hɔn a wɔwɔ ekyir no dze, wɔkyerɛ hɔn ne nyina mbɛbu mu, 12#Isa 6.9, 10 ama
wɔhwɛ a, wɔaahwɛ ara a wonnkohu mu,
na wɔtse a wɔaatse, naaso wɔnnkɛtse ase,
amma wɔaannsakyer na wɔaammfa hɔn bɔn annkyɛ hɔn.
13Na ɔsee hɔn dɛ, Hom nnyim bɛ yi? Na ɔbɛyɛ dɛn na hom ehu mbɛ nyina ase? 14Oduafo no gu asɛm no. 15Na iyinom nye hɔn a wɔwɔ kwan nkyɛn no, wɔ mbrɛ wogu asɛm no; na wɔatse no, Satan ba ntsɛmara beyi asɛm no a wogui wɔ hɔn mu no. 16Na iyinom so nye hɔn a wogu hɔn abosam do no; hɔn a wɔtse asɛm no a, ntsɛmara wɔdze dɛw gye; 17naaso wonnyi ndwow wɔ hɔn mu, na wɔwɔ hɔ ber tsiaa bi ntsi, sɛ abɛbrɛsɛ anaa ahohia soɛr wɔ asɛm no ntsi a, ntsɛmara na ato hɔn fintsidua. 18Iyinom nye hɔn a wogu hɔn nsoɛ mu no, hɔn a wɔatse asɛm no, 19na wiadze yi mu akɔdadwen nye ahonya ndaadaa nye ndzɛmba nkaa no ho akɔndɔ kɔ hɔn mu, na omia asɛm no, ma ntsi ɔnnsow aba. 20Na iyinom nye hɔn a wogu hɔn asaase pa mu no, hɔn a wɔtse asɛm no na wɔgye na wɔsow aba, bi eduasa, bi eduosia, na bi so ɔha.
Wɔmmfa Kandzea Nnsi Senaba Ase
(Luke 8.16-18)
21 #
Mat 5.15; Luk 11.33 Na ɔsee hɔn dɛ, Ana wɔdze kandzea ba dɛ wɔdze besi kuruw ase anaa mpa ase? Nnyɛ dɛ wɔdze besi kandzeadua do bi? 22#Mat 10.26; Luk 12.2 Na biribi nnsuma gyedɛ woribeyi akyerɛ, na woennhuntsa biribi gyedɛ ɔrebɛda gua. 23Sɛ obi wɔ aso a wɔdze tsie a, ma ontsie. 24#Mat 7.2; Luk 6.38 Na ɔsee hɔn dɛ, Hom nhwɛ dza hom tse no yie: esusudze kor a hom dze susu no, wɔdze bosusu ama hom, na wɔdze bi bɛka hom ho. 25#Mat 13.12; 25.29; Luk 19.26 Na nyia ɔwɔ no, wɔbɛma no, na nyia onnyi no, dza ɔwɔ no mpo wɔbɛgye ne nsamu.
Aba a Oriyin ho Abɛbu
26Na ɔsee dɛ, Mbrɛ Nyankopɔn n’ahenman tse nye yi, dɛ nyimpa bogu aba wɔ famu; 27na ɔbɛda na obenyan adzesaa nye adzekyee, na aba no befifir na oenyin, na onnyim mbrɛ ɔyɛe. 28Na asaase nankasa na ɔsow aba, ahaban no dzi kan, na nkyii ɔayɛ bɛtsem, na nkyii ɔayɛ eburow wɔ bɛtsem no mu. 29#Joel 3.13 Na sɛ aba no ber a, ntsɛmara na ɔdze kantankrankye ato mu, osiandɛ twaber edu.
Sinape Aba ho Abɛbu
(Matthew 13.31, 32, 34; Luke 13.18, 19)
30Na ɔsee hɔn dɛ, Ebɛnadze na yɛdze bɔto Nyankopɔn ahenman ho? Anaadɛ ebɛn bɛ na yɛdze bɛkyerɛ? 31Ɔtse dɛ sinape abafua a wodua no famu a osuar kyɛn aba a ɔwɔ asaase do nyina; 32naaso sɛ wodua a, onyin yɛ kɛse kyɛn nhaban nyina, na ɔtoto abaw akɛse, ma wimu nnoma tum yɛ hɔn mberɛbuw wɔ no nwin mu.
33Na mbɛ a ɔtsetse dɛm yi pii na ɔdze kaa asɛm kyerɛɛ hɔn, dɛ mbrɛ wobotum etsie. 34Na ɔannkasa annkyerɛ hɔn a ɔannka no abɛbu mu, na ɔka hɔn nko a, ɔkyerɛ n’esuafo no ndzɛmba nyina ase.
Jesus Ma Ehum Taa Dzinn
(Matthew 8.23-27; Luke 8.22-25)
35Dɛm da no ara, odur ewimbir no, ɔsee hɔn dɛ, Hom mma yentwa nkɔ esuegya noho. 36Na wogyaa nyimpadodow no kwan no, wɔkɔr hɛmba a Jesus wɔ mu no mu. Nna ahɛn nkakraba bi so ka ho. 37Na mframa kɛse bɔɔ huu, na asorɛkye bui bɔhwee hɛn no mu, ma nna ɔreyɛ ayɛ ma. 38Nna Jesus dze, ɔwɔ hɛntu ada wɔ sundze do; na wonyaan no na wɔsee no dɛ, Kyerɛkyerɛfo, ɔnnyɛ wo asɛm dɛ yɛremem? 39Na onyanee no, ɔbraa mframa no, na ɔsee po no dɛ, Taa dzinn! Na mframa no dwee, na ɔyɛɛ dzinn koraa. 40Na ɔsee hɔn dɛ, Ebɛnadze ntsi na hom yɛ ehufo dɛm yi? Ana hom da ho nnyi gyedzi? 41Na wosuroo pii, na wɔsesee hɔnho dɛ, Woana nye yi a mframa na po mpo wotsie n’asɛm yi?
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.