Eksodɔs 21
21
Nkowaa Ho Mbra
(Deuteronomi 15.12-18)
1Na iyinom nye ntsɛmbusɛm a fa to hɔn enyim.
2 #
Lev 25.39-46
Sɛ etɔ akowaa a ɔyɛ Hebriwnyi a, mfe esia na ɔnsom: na dza otsia esuon no mu ɔmfa no ho ndzi nkɔ kwa. 3Sɛ noara nko na ɔbae a, noara nko nkɔ: sɛ ɔawar a, ɔno ne yer nye no nkɔ. 4Sɛ no wura ma no yer, na ɔwo mbabanyin anaa mbabaa ma no a, yer no nye ne mba nyɛ ɔbaa no no wura dze, na noara nko nkɔ. 5Na sɛ akowaa no ka no petee dɛ, Modɔ mo wura, me yer, nye me mba; mennkɛfa moho edzi akɔ a: 6ɔno no wura no mfa no mbra Nyankopɔn enyim, na ɔmfa no mbra ɔpon ho, anaa ɔpon dua ho; na no wura no mfa fitsii mfitsi n’asomu; na ɔnsom no daa.
7Na sɛ ɔbanyin bi tɔn ne babaa ma ɔkɛyɛ afonabaa a, ɔnodze mma ɔmmfa noho nndzi nnkɔ dɛ mbrɛ akowaa no yɛ. 8Sɛ ɔnnsɔ no wura a noara ɔagye no ayewar no enyi a, ɔnodze wɔmma wɔmbɔpon no: onnyi tum dɛ ɔtɔn no ma ɔnanaben bi, osiandɛ ɔadaadaa no. 9Na sɛ ɔgye no ayewar ma ne babanyin a, ɔnyɛ no dɛ mbrɛ wɔdze yɛ mbabaa. 10Sɛ ɔgye yer fofor ma no a; mma onnkuw n’edziban, n’akataho, nye n’awar edwuma do. 11Na sɛ ɔannyɛ iyinom ebiasa yi amma no a, ɔnodze ɔmfa noho ndzi nkɔ kwa, sika bi nnyi mu.
Basabasayɛ a Ɔdze Pira Anaa Owu Ba
12 #
Lev 24.17
Nyia ɔbɔ nyimpa ma owu no, oku na wonku no. 13#Nka 35.10-34; Deut 19.1-13; Jos 20.1-9 Na sɛ nyimpa annkɔ atsɛwee, na Nyankopɔn na ɔama ne nsa apa dze a; ɔno mibeyi beebi mama wo na oeeguan akɔ hɔ. 14Na sɛ nyimpa bi ba ne nyɛnko do enyidaho mu dze ndaadaa ku no a; yi no fi m’afɔrmbukyia ho, ma onwu.
15Na nyia ɔbɔ n’egya, anaa ne na no, oku na wonku no.
16 #
Deut 24.7
Na nyia owia nyimpa, na ɔtɔn no no, anaa sɛ wohu no wɔ ne nsamu a, oku na wonku no.
17 #
Lev 20.9; Mat 15.4; Mar 7.10 Na nyia ɔdom n’egya, anaa ne na no, oku na wonku no.
18Na sɛ nyimpa bi woridzi aper, na kor bɔ kor no ɔbo, anaa kutuku, na oennwu, na ɔka no to ne mpa do a: 19sɛ ɔsoɛr bio, na osuo no poma mu nantsew fir edzi a, ɔnodze nyia ɔbɔɔ no no no ho nyɛ no tɔtrɔtɔ: ne mber a asɛɛ no nko na ontua kaw, na ɔmma wɔnsa no yarba koraa.
20Na sɛ nyimpa bobɔ n’akowaa, anaa n’afonabaa abaa, ma owu ne nsaano a; ɔno wondzi no wer. 21Naaso sɛ ɔtsena hɔ da kor anaa nda ebien a, mma wonndzi no wer: osiandɛ ɔyɛ ne sika.
22Na sɛ mbanyin roko, na wopira onyinsemfo, ma ɔpon ɔba, na mbusu bi ammba ekyir dze a: brabo na wɔngye no, dɛ mbrɛ ɔbaa no no kun dze bɔto no do no; na ontua no dɛ mbrɛ ntsɛmbuafo no bɛkyerɛ no. 23Na sɛ mbusu bi ba ekyir a, ɔnodze fa nkwa hyɛ nkwa ananmu, 24#Lev 24.19, 20; Deut 19.21; Mat 5.38 enyiwa hyɛ enyiwa ananmu, se hyɛ se ananmu, nsa hyɛ nsa ananmu, anan hyɛ anan ananmu, 25hyehyew hyɛ hyehyew ananmu, ɔkam hyɛ ɔkam ananmu, mfemfem hyɛ mfemfem ananmu.
26Na sɛ obi bɔ n’akowaa enyiwa, anaa n’afonabaa enyiwa na ɔsɛɛ no a, n’enyiwa no ntsi ɔmma ɔmfa noho ndzi nkɔ. 27Na sɛ ɔbɔ n’akowaa ne se tu no, anaa n’afonabaa ne se a; ne se no ntsi ɔmma ɔmfa noho ndzi nkɔ.
Ewuranom Hɔn Asodzii
28Na sɛ ɔnantwi sɛ ɔbanyin anaa ɔbaa, ma owu a, ɔno ɔnantwi no wonsiw no abo, na mma wonndzi ne nam; na ɔnantwi no wura dze wongyaa no. 29Na sɛ ɔnantwi no ɔtɔ sesɛ dada na wɔama no wura atse, na oennsie no fie, na oekoku ɔbanyin anaa ɔbaa dze a; ɔnantwi no wonsiw no abo, na no wura no so wonku no. 30Sɛ wɔbɛgye no mpata a, ɔno ɔmma adze biara a wɔbɛgye no no mfa ntɔ no nkwa. 31Sɛ ɔbabanyin na ɔasɛ no o, ɔbabaa na ɔasɛ no o, atsɛmbu yi ara na wɔmfa mbu no. 32Sɛ ɔnantwi no sɛ akowaa anaa afonabaa a; ɔno ɔmma hɔn wura dwetɛ dwetɛbona eduasa, na wonsiw ɔnantwi no abo.
33Na sɛ nyimpa bi kobue amona do, anaa sɛ nyimpa bi kotu amona na ɔannkata do, na ɔnantwi anaa asoaso kɔhwe mu a, 34ma no wura no nhyɛ ananmu; ɔmfa sika mma hɔn wura no, na mbowafun no nyɛ nedze.
35Na sɛ nyimpa kor bi ne nantwi pira kor nedze ma owu a; ɔno wɔntɔn nantwi nyikan no, na wɔnkyɛ ne tsiadze no; na fun no so wɔnkyɛ. 36Mbom sɛ wonyim dɛ ɔnantwi no ɔtɔ sesɛ dada, na no wura no ammfa no ennsie fie a; ɔno ɔmfa ɔnantwi nhyɛ ɔnantwi ananmu, na abowafun no nyɛ noara nedze.
ទើបបានជ្រើសរើសហើយ៖
Eksodɔs 21: MFANBRP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mfantse Bible © Bible Society of Ghana, 2011.