ZABUR 64
64
Do'e nunas perlindungan
1Umaq pemimpin kor. Zabur Daud.
2Ya Allah, pirengang do'e kaji sewaktu kaji susah,
selametang nyawe kaji léman musuh saq nakutang.
3Lindungin kaji léman komplotan dengan durhake,
léman rencane licik dengan-dengan jahat.
4Ie pade piaq élaq ie pade merang maraq kléwang,
dait nyugulang ucapan-ucapan saq kejem maraq panaq.
5Léman taoq ie pade nyeboq ie pade nyebarang cerite duste,
ie pade nénten takut pitnah dengan saq nénten salaq.
6Ie pade tetep teguq léq niatne saq jahat,
dait berunding mélé masang perangkep;
ie pade paran nénten araq saq serioq.
7Ie pade ngerencaneang kejahatan, dait bebase,
“Tiang pade miaq rencane saq licik gati.”
Até dait batin manusie dalem gati,
nénten bau tepahamin.
8Laguq Allah ngelecatang panaq-Ne ojok ie pade,
dait selung-selung ie pade bakat.
9Ie pade binase lantaran ucapan ie pade;
selapuq saq serioq ie ngintek.
10Beterus selapuq dengan gen jari takut;
ie pade mikirang perbuatan Allah
dait beriteang napi saq sampun Ie laksaneang.
11Make selapuq dengan solah gen cemoh
lantaran napi saq tepiaq siq ALLAH.
Ie pade gen berlindung léq ALLAH;
selapuq dengan jujur gen bangge.
ទើបបានជ្រើសរើសហើយ៖
ZABUR 64: LAISAS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល