ZABUR 57
57
Tepaléq siq musuh laguq tetulung siq ALLAH
1 #
1Sam. 22:1, 24:3 Umaq pemimpin kor. Menurut lagu: Sampunang musnahang. Zabur léman Daud, sewaktu ie pelai ojok dalem goe adéqne jaoq léman Saul.
2Periakang kaji, ya Allah, periakang kaji,
séngaq léq Deside kaji berlindung.
Léq bawaq keléték Deside kaji berlindung,
jangke ujan angin saq ngamuk nike engkah.
3Tiang bekuih tipaq Allah Saq Maheagung,
tipaq Allah saq nyeleséang pelekare tiang nike.
4Léman sorge Ie bejawab dait nyelametang tiang;
Ie kalahang dengan-dengan saq nindes tiang.
Allah gen nyatayang bahwe Ie setie léq tiang,
dait tetep ngasihin tiang.
5Tiang tekepung siq musuh,
ie pade maraq singe saq ngaken manusie.
Gigi ie pade maraq tumbak dait panaq,
élaq ie pade maraq kléwang saq merang.
6Ya Allah, nyatayang keagungan Deside léq langit,
dait kemuliean Deside léq seantéro gumi.
7Tiang tepasangang set siq musuh tiang,
dait molakang semanget tiang.
Ie pade kaliq longkak léq langan tiang,
laguq ie mésaq geriq ojok dalemne.
8Atén kaji siep, ya Allah, atén tiang siep;
tiang mélé benyanyi dait memuji Deside.
9Silaq ures, hai jiwen tiang!
Ures hai gambus dait kecapi!
Tiang mélé nguresang jelo saq gen tiwoq.
10Junjungan Saq Mulie, tiang mélé besyukur léq Deside
léq antare bangse-bangse.
Kaji melét nyanyiang pujian bagi Deside
léq antare umat manusie.
11Séngaq kasih Deside beléq jangke dateng langit,
dait kesetiean Deside jangke dateng awan.
12Ya Allah, nyatayang keagungan Deside léq langit,
dait kemuliean Deside léq seantéro gumi.
ទើបបានជ្រើសរើសហើយ៖
ZABUR 57: LAISAS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល