ZABUR 56
56
Léq waktu susah beharep tipaq ALLAH
1 #
1Sam. 21:13-15
Umaq pemimpin kor. Menurut lagu: Kedit dare saq pakoq, léman daérah saq jaoq. Zabur Daud sewaktu ie tebau siq dengan Pilistin léq Gat.
2Periakang kaji, ya Allah, séngaq kaji teserang,
terus-terusan kaji tetindes siq musuh-musuh kaji.
3Sejeloan kaji teicaq-icaq siq musuh kaji,
araq luwéq dengan saq musuhin kaji, ya Allah Saq Maheagung.
4Waktu kaji takut,
kaji beharep léq Deside.
5Tiang memuji Allah lantaran manik-Ne;
tiang percaye léq Allah, make tiang ndéq takut,
napi saq bau tepiaq siq manusie léq tiang.
6Sejeloan musuh oreang pelekare kaji,
terus-terusan ie pade berusahe nyelakeang kaji.
7Ie pade begerombol sambil nyeboq,
nginté selapuq saq tiang gawéq,
dait boyaq kesempatan jari nyematéq kaji.
8Napi ie pade bau luput siq kejahatan ie pade?
Binaseang ie pade léq dalem kemenggahan Deside, ya Allah!
9Deside rékéng kesengsarean kaji,
dait wikan luwéqne aiq maté kaji;
napi Deside nénten rékéng hal nike?
10Léq waktu tiang bekuih nunas tulung,
musuh gen mundur,
séngaq tiang nenaoq Allah araq léq pihak tiang.
11Tiang memuji Allah lantaran manik-Ne,
tiang memuji ALLAH lantaran manik-Ne.
12Tiang percaye léq Ie, make tiang ndéq takut,
napi saq bau tepiaq siq manusie léq tiang?
13Kaji gen nepatin janji kaji tipaq Deside, ya Allah,
dait ngaturang kurban syukur tipaq Deside.
14Séngaq Deside luputang kaji léman maut,
Deside jagaq kaji adéq nénten geriq.
Make kaji kanggo idup léq dalem perlindungan Allah,
dalem cahaye saq nerangin selapuq saq idup.
ទើបបានជ្រើសរើសហើយ៖
ZABUR 56: LAISAS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល