IINDUMISO 122
122
Izibongo zeJerusalem
Iculo likaDavide; lelabahambi.
1Hay' imincili endaba nayo basakuthi kum:
“Masihambe siye endlwini *kaNdikhoyo.”
2Naku ke ngoku iinyawo zethu zime bhuxe ngaphakathi kwamasango akho, Jerusalem.
3Ke kaloku iJerusalem yingxikela yesixeko
esakhiwe sabandakanywa saba sinye.
4Kulapho zityelela khona izizwe;
nditsho izizwe zikaNdikhoyo.
Kaloku lowo yaba ngummiselo kumaSirayeli
ukuba aye kudomboza abulele uNdikhoyo.
5Apha kulapho zikhoyo iinkundla;
nditsho iinkundla zendlu kaDavide.
6Thandazani kubekho inzolo eJerusalem, nithi:
“Makube yinkqubela kwabakuthandayo, Jerusalem;
7kuwe makube chosi, kube hele,
ukhuseleke umzi wakho jikelele.”
8Ngenxa yezihlobo nabalingane bam
nangoku ndithi: “Makube chosi, kube hele!”
9Kanti ke nangenxa yendlu kaNdikhoyo uThixo wethu
ndiya kuzabalaza ndikufunela intlala-kahle.
ទើបបានជ្រើសរើសហើយ៖
IINDUMISO 122: XHO96
គំនូសចំណាំ
ចម្លង
ប្រៀបធៀប
ចែករំលែក
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Bible Society of South Africa 1996. Used with permission. All rights reserved.