EVASELIO A MATEO 26
26
Te fono ke tamatei Sesu
1I te osi o te u akonaki fuli aia, nee ui leva e Sesu ki ana tisipulo: 2E kotou iloi kei toe pe ni kii aho e lua ki te Pasikate, pea e tuku anai te Foha o te tagata ke tutuki i te koluse.
3Pea nee fakatahi leva te kau pule faisakilifisio mo te kau matuatua o te hahai i te malae o te pule faisakilifisio, ae nee igoa ko Kaifa; 4pea nee natou fono leva ki ni puleaki kaka ke puke ai Sesu o tamatei. 5Kae nee natou ui leva: Ke aua naa hoko te mea aia i te lolotoga o te aho lahi, o tupu ke aua naa i ai he maveuveu i te hahai.
Malia nee ina takai kaloni ia Sesu
6Nee nofo leva ia Sesu i Petania, i te fale o Simone, te tagata kilia. 7Nee fakaovi age leva he fafine kia ia, mo he hina alepate, ae nee fonu i he kaloni totogi kovi. Pea nee ina liligi leva te kaloni ki te ulu o Sesu, kae nofo ia ia i te laupapa. 8I te sio a te kau tisipulo ki te mea aia, nee natou palalau fakaita leva, o ui: Kotea te aoga o te maumau aia? 9Nee feala ke fakatau te kaloni aia ki he paaga lahi, pea ke foaki ia ki te kau masiva. 10Nee iloi leva e Sesu te mea aia, pea nee ina ui leva kia natou: Kotea e kotou fakamamahii ai te fafine aeni? Kua ina fai he gaue lelei kia au; 11koteuhi e kotou mau tuumau te kau masiva, kae e mole koutou mau tuumau au. 12I tana liligi te kaloni ki toku sino, nee ina fai ia ki toku avaifo. 13E au ui mooni atu kia koutou, ko te u kogamea fuli ae e fakaha ai anai te logo lelei aeni, i te malamanei katoa, e toe fakamatala anai i ai te mea ae nee fai e te fafine aeni, o fakamanatu ia ia.
Fakatotonu e Sutasi ke kakaai ia Sesu
14Pea ko he tahi o te toko hogofulu ma lua, ae nee higoa ko Sutasi Isekaliote, nee alu leva ki te kau pule faisakilifisio, 15o ui: Kotea e kotou loto ke foaki mai kia au, pea e au tuku atu anai ia Sesu kia koutou? Pea nee natou totogi leva kia ia ni foi piesi paaga e tolugofulu. 16Pea nee kamata kumi leva e Sutasi he faigamalie ke ina fakatau ai ia Sesu kia natou.
Teuteui o te Pasikate
17I te uluaki aho o te u pane hala fakatupu, nee palalau leva te kau tisipulo kia Sesu, o ui kia ia: Pe ko te kogamea fea e ke loto ke matou teuteui ai kia koe te kai o te Pasikate? 18Nee ina tali leva: Kotou olo ki te kolo ki te api o ia ae, pea kotou ui anai kia ia: E ui mai e te pule: Kua ovi mai toku temi; e au fai anai i tou api te kai o te Pasikate mo aku tisipulo. 19Nee fai leva e te kau tisipulo te mea ae nee fakatotonu age e Sesu kia natou, pea nee natou teuteui leva te Pasikate.
Pasikate fakaosi
20I te hifo o te afiafi, nee heka leva ia ia ki te laupapa mo te toko hogofulu ma lua. 21I te lolotoga o tanatou kai, nee ui leva e Sesu: E au ui mooni atu kia koutou, ko he tahi o koutou e ina lavakii anai au. 22Nee natou mamahi lahi osi leva i ai, pea nee tahi fehui age leva e natou kia ia: Pe ko au, Aliki? 23Nee ina tali leva: Ko ia ae e fafa fakatahi tona nima mo au ki te pa, ko ia ae ka ina lavakii anai au. 24E alu te Foha o te tagata, o mulimuli ki te mea ae kua tohi kia ia. Kae malaia ki te tagata aia nee ina fakatau te Foha o te tagata! Nee lelei age ki te tagata aia ke aua naa tupu. 25Ko Sutasi, ae nee ina fakatau ia ia, nee palalau leva, o ui: Pe ko au, Pule? Nee tali leva e Sesu kia ia: Kua ke tala ia ia.
Fakatuutuu o te kai fakamanatu
26I te lolotoga o te kai, nee too leva e Sesu te pane, o fakafetai, mo tofitofi, mo foaki ki ana tisipulo, o ui: Kotou too, pea kotou kai, ko te mea aeni ko toku sino. 27Nee ina too foki he ipu; pea i te osi o tana fakafetai, nee ina foaki leva ia ia kia natou, o ui: Kotou inu fuli ki ai; 28koteuhi ko te mea aeni ko toku toto, ko te toto o te hai foou, ae nee liligi ki te kaugamalie, ke fakamolemole ai te u agahala. 29E au ui atu kia koutou, e mole au toe inu anai ki te fua o te vite, o kaku ki te aho ae e au toe inu ai anai he vino foou mo koutou i te puleaga o taku Tamai.
Fakaha e Sesu kia Petelo tana fakafisi
30I te osi o te hiva o te u katiko, nee natou olo leva ki te mouga o Oliveto.
31Pea nee ui leva e Sesu kia natou: E au liliu anai kia koutou fuli, i te po aeni, ko he mea fakatupu higa; koteuhi e tuu i te tohi: E au taai anai te tauhi ovi, pea e mavetevete anai te u ovi o te faga manu. 32Kae, i te osi anai o taku toe tuuake, e au muamua anai ia koutou ki Kalilea. 33Nee toe palalau leva ia Petelo, o ui kia ia: E tatau aipe, kapau e natou higa fuli anai o uhi ko koe, kae ko au, e mole au higa anai i he aho. 34Nee ui leva e Sesu kia ia: E au ui mooni atu kia koe, i te po pe aeni, ia mua o te uua o te moa tagata, kua ke fakafisi tua tolu anai kia au. 35Nee tali leva e Petelo kia ia: Tatau aipe, kapau e tonu foki ke au mate mo koe, e mole au fakafisi anai kia koe. Pea nee fakaha leva e te kau tisipulo fuli te mea e tatau.
Sesu i te oloto o Setesemani
36I ai, nee alu leva ia Sesu mo natou ki he kogamea ae nee higoa ko Setesemani, pea nee ina ui leva ki te kau tisipulo: Kotou nonofo i heni, kae au alu mua ki he o faikole. 37Nee ina too leva ia Petelo mo te u foha e lua o Sepeteo, pea nee ina kamata logoi leva he mamahi mo ni hoha. 38Pea nee ina ui leva kia natou: E mamahi toku laumalie o kaku ki te mate; kotou nonofo i heni, pea kotou alaala mo au.
Uluaki kole a Sesu
39Pea osi, nee ina fai leva ni foi maga ki mua, pea nee to tuutuli leva ia ia ki te kele, o faikole fenei: Taku Tamai, kapau e feala, ke mamao atu te ipu aeni ia au! Kae, ke aua pe naa fai ki toku loto, kae ki tou finegalo.
Tulemomoe a te kau tisipulo
40Pea nee hau leva ia ia ki te kau tisipulo, ae nee ina mau leva kua natou momoe, pea nee ina ui leva kia Petelo: Nee mole pe feala ke kotou alaala mo au i he kii hola pe e tahi. 41Kotou alaala pea kotou faikole, ke aua naa kotou higa ki te fakahala; e loto lelei te laumalie kae e vaivai te sino.
Lua kole
42Nee toe fakamamao leva ia ia i te tua lua, o faikole fenei: Taku Tamai, kapau e mole feala ke mamao te ipu aeni kae e mole au inu ia ia, ke fai tou finegalo! 43Nee toe liliu mai leva ia ia, pea nee ina mau leva natou kua toe momoe; koteuhi nee mamafasia onatou mata.
Tolu kole
44Pea nee ina tuku leva natou, kae toe alu leva ia ia o faikole, ko tona tua tolu aia, o toe liuga te u kupu aena. 45Pea nee toe liliu mai leva ia ia ki ana tisipulo, o ui kia natou: Kotou momoe la i te lakaga nei, pea kotou malolo! Koeni, kua ovi mai te hola ae e tuku ai te Foha o te tagata kia nima o te kau agahala. 46Kotou tutuu la ki oluga, tou olo! Koeni, ko ia ae e ina fakatau au e fakaovi mai.
Puke o Sesu
47Kei lolotoga tana palalau, koeni, ko Sutasi, ko he tahi o te toko hogofulu ma lua, nee kaku mai leva, pea mo he hahai kaugamalie osi, mo ni heleta pea mo ni akau, nee fekaui mai natou e te kau pule faisakilifisio pea mo te kau matuatua o te hahai. 48Ko ia ae nee ina fakatau ia ia nee ina tuku kia natou te fakailoga aeni: Ko ia ae e au uma anai ki ai, ko ia; kotou puke ia ia. 49I te lakaga pe aia, nee fakaovi age leva ia Sutasi kia Sesu, o ui: Malo, Pule! Pea nee uma leva ia kia ia. 50Nee ui leva e Sesu kia ia: Sioku kaumea, ko te mea ae nee ke hau o fai, fai ia. Pea nee fakaoviovi age leva te hahai aia kia Sesu, pea nee natou puke leva ia ia.
51Pea koeni, ko he tahi o natou ae nee nonofo mo Sesu nee fa leva tona nima ki tana heleta o tohoi, pea nee ina taai leva te tagata faifekau a te pule faisakilifisio, o motu ai tona taliga. 52Kae nee ui leva e Sesu kia ia: Toe ai tau heleta ki tona aiaga, koteuhi ko natou fuli ae e natou too anai te heleta e mamate anai i te heleta. 53Pe e ke manatu e mole feala ke au kole ki taku Tamai, ke ina tuku mai i te lakaga pe aeni ni foi solia aselo e toko hogofulu ma lua pee lahi atu? 54Pea e fakahoko feafeai anai te u folafola o te tohi, ae e natou fakaha e tonu ke fai fenei?
55I te temi aena, nee ui leva e Sesu ki te hahai: Kua kotou omai kia au o hage ko he tagata kaihaa, mo ni heleta pea mo ni akau, ke kotou puke au. I te aho fuli nee au nofo i te lotolotoga o koutou, o faiakonaki i te fale tapu, pea nee mole pe kotou puke au. 56Kae kua hoko te u mea fuli aia ke fakahoko ai te u folafola ae nee tohi e te kau polofeta. Pea nee siaki leva ia ia e te kau tisipulo fuli, kae natou feholaki.
Sesu ia mua o Kaifa mo te Senatolio
57Ko natou ae nee natou puke ia Sesu, nee natou ave leva ia ia ki te api o te pule faisakilifisio ko Kaifa, ae nee fakatahi ai te kau sekelipa mo te kau fakamatuatua. 58Nee mulii leva e Petelo ia ia mai mamao o kaku ki te malae o te pule faisakilifisio, nee ulu leva ia ia ki ai, pea nee nofo fakatahi leva ia ai mo te kau tagata faifekau, ke sio pe e fakaosi fefeai anai te mea aia.
59Nee kumi leva e te kau pule faisakilifisio mo te fono lahi katoa ni fakamooni loi kia Sesu, ke tamatei ai. 60Kae nee mole pe natou mau he mea, logo ai te kaugamalie o te kau fakamooni loi nee olo ake. I te fakaosi, nee omai leva he toko lua, o ui: 61Nee tala e ia aeni: E au mafai te maumaui o te faletapu o te Atua, pea mo toe fakatuu ia ia i ni aho e tolu. 62Nee tuu ake leva ki oluga te pule faisakilifisio, o ui kia ia: Pe e mole pe ke tali ki he mea? Kotea te mea e tuku e te u tagata aena kia koe? 63Nee fakalologo leva ia Sesu. Pea nee palalau leva te pule faisakilifisio, o ui kia ia: E au kole atu kia koe ia mua o te Atua mauli, kapau ko Kilisito ia koe, te Alo o te Atua, fakaha mai kia matou. 64Nee tali leva e Sesu kia ia: Kua ke tala ia ia. Pea e au toe fakaha atu kia koutou, e kotou sio anai ki te Foha o te tagata e heka i te toomatau o te mafimafi o te Atua, pea e hau i te u ao o te lagi. 65Pea nee hae leva e te pule faisakilifisio ona kofu, o ui: Kua tauvele ia ia ki te Atua! Kotea kei aoga mai ai ni tagata fakamooni? Koeni, kua kotou logo tonu ki tana tauvele ki te Atua. 66Kotea takotou tonu? Nee natou tali leva: E tonu ke mate ia ia. 67I te mea aia, nee natou anuanuhi leva ona mata, mo hoka leva ia ia, pea mo fepataki ia ia, o ui: 68Kilisito, kikite; fakaha mai kia matou pe ko ai ae nee ina paaki ia koe.
Fakafisi tua tolu a Petelo
69Kae nee nofo ia Petelo i fafo i te malae. Nee fakaovi age leva he fafine faifekau kia ia, o ui: Ko koe foki, nee ke fakatahi mo Sesu, te Kalilea. 70Kae nee fakafisi leva ia ia kia Sesu ia mua o natou fuli, o ui: E mole au iloi te mea ae e ke fia palalau ki ai. 71I tana alu ki te matapa, nee sio leva he tahi fafine faifekau kia ia, pea nee ina ui leva kia natou ae nee nonofo i ai: Ko ia foki aeni nee fakatahi mo Sesu mai Nasaleti. 72Nee toe fakafisi leva ia Petelo kia ia, o fuakava: E mole au iloi te tagata aia. 73I te hili o he kii temi noa pe, ko natou ae nee nonofo i ai nee fakaoviovi age, pea ne natou ui leva kia ia: E mooni, e ke kau foki i te hahai aia, koteuhi e iloga i tau fasi palalau. 74Pea nee kamata fai leva e Petelo ni muna mo ni laukovi, o fakamooni: E mole au iloi te tagata aia. I te temi pe aia nee uua leva te moa tagata. 75Pea nee manatui leva e Petelo te palalau ae nee fai e Sesu: Ia mua o te uua o te moa tagata, kua ke fakafisi tua tolu kia au. Pea nee ulu leva ia ia ki fafo, o tagi mamahi.
ទើបបានជ្រើសរើសហើយ៖
EVASELIO A MATEO 26: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EVASELIO A MATEO 26
26
Te fono ke tamatei Sesu
1I te osi o te u akonaki fuli aia, nee ui leva e Sesu ki ana tisipulo: 2E kotou iloi kei toe pe ni kii aho e lua ki te Pasikate, pea e tuku anai te Foha o te tagata ke tutuki i te koluse.
3Pea nee fakatahi leva te kau pule faisakilifisio mo te kau matuatua o te hahai i te malae o te pule faisakilifisio, ae nee igoa ko Kaifa; 4pea nee natou fono leva ki ni puleaki kaka ke puke ai Sesu o tamatei. 5Kae nee natou ui leva: Ke aua naa hoko te mea aia i te lolotoga o te aho lahi, o tupu ke aua naa i ai he maveuveu i te hahai.
Malia nee ina takai kaloni ia Sesu
6Nee nofo leva ia Sesu i Petania, i te fale o Simone, te tagata kilia. 7Nee fakaovi age leva he fafine kia ia, mo he hina alepate, ae nee fonu i he kaloni totogi kovi. Pea nee ina liligi leva te kaloni ki te ulu o Sesu, kae nofo ia ia i te laupapa. 8I te sio a te kau tisipulo ki te mea aia, nee natou palalau fakaita leva, o ui: Kotea te aoga o te maumau aia? 9Nee feala ke fakatau te kaloni aia ki he paaga lahi, pea ke foaki ia ki te kau masiva. 10Nee iloi leva e Sesu te mea aia, pea nee ina ui leva kia natou: Kotea e kotou fakamamahii ai te fafine aeni? Kua ina fai he gaue lelei kia au; 11koteuhi e kotou mau tuumau te kau masiva, kae e mole koutou mau tuumau au. 12I tana liligi te kaloni ki toku sino, nee ina fai ia ki toku avaifo. 13E au ui mooni atu kia koutou, ko te u kogamea fuli ae e fakaha ai anai te logo lelei aeni, i te malamanei katoa, e toe fakamatala anai i ai te mea ae nee fai e te fafine aeni, o fakamanatu ia ia.
Fakatotonu e Sutasi ke kakaai ia Sesu
14Pea ko he tahi o te toko hogofulu ma lua, ae nee higoa ko Sutasi Isekaliote, nee alu leva ki te kau pule faisakilifisio, 15o ui: Kotea e kotou loto ke foaki mai kia au, pea e au tuku atu anai ia Sesu kia koutou? Pea nee natou totogi leva kia ia ni foi piesi paaga e tolugofulu. 16Pea nee kamata kumi leva e Sutasi he faigamalie ke ina fakatau ai ia Sesu kia natou.
Teuteui o te Pasikate
17I te uluaki aho o te u pane hala fakatupu, nee palalau leva te kau tisipulo kia Sesu, o ui kia ia: Pe ko te kogamea fea e ke loto ke matou teuteui ai kia koe te kai o te Pasikate? 18Nee ina tali leva: Kotou olo ki te kolo ki te api o ia ae, pea kotou ui anai kia ia: E ui mai e te pule: Kua ovi mai toku temi; e au fai anai i tou api te kai o te Pasikate mo aku tisipulo. 19Nee fai leva e te kau tisipulo te mea ae nee fakatotonu age e Sesu kia natou, pea nee natou teuteui leva te Pasikate.
Pasikate fakaosi
20I te hifo o te afiafi, nee heka leva ia ia ki te laupapa mo te toko hogofulu ma lua. 21I te lolotoga o tanatou kai, nee ui leva e Sesu: E au ui mooni atu kia koutou, ko he tahi o koutou e ina lavakii anai au. 22Nee natou mamahi lahi osi leva i ai, pea nee tahi fehui age leva e natou kia ia: Pe ko au, Aliki? 23Nee ina tali leva: Ko ia ae e fafa fakatahi tona nima mo au ki te pa, ko ia ae ka ina lavakii anai au. 24E alu te Foha o te tagata, o mulimuli ki te mea ae kua tohi kia ia. Kae malaia ki te tagata aia nee ina fakatau te Foha o te tagata! Nee lelei age ki te tagata aia ke aua naa tupu. 25Ko Sutasi, ae nee ina fakatau ia ia, nee palalau leva, o ui: Pe ko au, Pule? Nee tali leva e Sesu kia ia: Kua ke tala ia ia.
Fakatuutuu o te kai fakamanatu
26I te lolotoga o te kai, nee too leva e Sesu te pane, o fakafetai, mo tofitofi, mo foaki ki ana tisipulo, o ui: Kotou too, pea kotou kai, ko te mea aeni ko toku sino. 27Nee ina too foki he ipu; pea i te osi o tana fakafetai, nee ina foaki leva ia ia kia natou, o ui: Kotou inu fuli ki ai; 28koteuhi ko te mea aeni ko toku toto, ko te toto o te hai foou, ae nee liligi ki te kaugamalie, ke fakamolemole ai te u agahala. 29E au ui atu kia koutou, e mole au toe inu anai ki te fua o te vite, o kaku ki te aho ae e au toe inu ai anai he vino foou mo koutou i te puleaga o taku Tamai.
Fakaha e Sesu kia Petelo tana fakafisi
30I te osi o te hiva o te u katiko, nee natou olo leva ki te mouga o Oliveto.
31Pea nee ui leva e Sesu kia natou: E au liliu anai kia koutou fuli, i te po aeni, ko he mea fakatupu higa; koteuhi e tuu i te tohi: E au taai anai te tauhi ovi, pea e mavetevete anai te u ovi o te faga manu. 32Kae, i te osi anai o taku toe tuuake, e au muamua anai ia koutou ki Kalilea. 33Nee toe palalau leva ia Petelo, o ui kia ia: E tatau aipe, kapau e natou higa fuli anai o uhi ko koe, kae ko au, e mole au higa anai i he aho. 34Nee ui leva e Sesu kia ia: E au ui mooni atu kia koe, i te po pe aeni, ia mua o te uua o te moa tagata, kua ke fakafisi tua tolu anai kia au. 35Nee tali leva e Petelo kia ia: Tatau aipe, kapau e tonu foki ke au mate mo koe, e mole au fakafisi anai kia koe. Pea nee fakaha leva e te kau tisipulo fuli te mea e tatau.
Sesu i te oloto o Setesemani
36I ai, nee alu leva ia Sesu mo natou ki he kogamea ae nee higoa ko Setesemani, pea nee ina ui leva ki te kau tisipulo: Kotou nonofo i heni, kae au alu mua ki he o faikole. 37Nee ina too leva ia Petelo mo te u foha e lua o Sepeteo, pea nee ina kamata logoi leva he mamahi mo ni hoha. 38Pea nee ina ui leva kia natou: E mamahi toku laumalie o kaku ki te mate; kotou nonofo i heni, pea kotou alaala mo au.
Uluaki kole a Sesu
39Pea osi, nee ina fai leva ni foi maga ki mua, pea nee to tuutuli leva ia ia ki te kele, o faikole fenei: Taku Tamai, kapau e feala, ke mamao atu te ipu aeni ia au! Kae, ke aua pe naa fai ki toku loto, kae ki tou finegalo.
Tulemomoe a te kau tisipulo
40Pea nee hau leva ia ia ki te kau tisipulo, ae nee ina mau leva kua natou momoe, pea nee ina ui leva kia Petelo: Nee mole pe feala ke kotou alaala mo au i he kii hola pe e tahi. 41Kotou alaala pea kotou faikole, ke aua naa kotou higa ki te fakahala; e loto lelei te laumalie kae e vaivai te sino.
Lua kole
42Nee toe fakamamao leva ia ia i te tua lua, o faikole fenei: Taku Tamai, kapau e mole feala ke mamao te ipu aeni kae e mole au inu ia ia, ke fai tou finegalo! 43Nee toe liliu mai leva ia ia, pea nee ina mau leva natou kua toe momoe; koteuhi nee mamafasia onatou mata.
Tolu kole
44Pea nee ina tuku leva natou, kae toe alu leva ia ia o faikole, ko tona tua tolu aia, o toe liuga te u kupu aena. 45Pea nee toe liliu mai leva ia ia ki ana tisipulo, o ui kia natou: Kotou momoe la i te lakaga nei, pea kotou malolo! Koeni, kua ovi mai te hola ae e tuku ai te Foha o te tagata kia nima o te kau agahala. 46Kotou tutuu la ki oluga, tou olo! Koeni, ko ia ae e ina fakatau au e fakaovi mai.
Puke o Sesu
47Kei lolotoga tana palalau, koeni, ko Sutasi, ko he tahi o te toko hogofulu ma lua, nee kaku mai leva, pea mo he hahai kaugamalie osi, mo ni heleta pea mo ni akau, nee fekaui mai natou e te kau pule faisakilifisio pea mo te kau matuatua o te hahai. 48Ko ia ae nee ina fakatau ia ia nee ina tuku kia natou te fakailoga aeni: Ko ia ae e au uma anai ki ai, ko ia; kotou puke ia ia. 49I te lakaga pe aia, nee fakaovi age leva ia Sutasi kia Sesu, o ui: Malo, Pule! Pea nee uma leva ia kia ia. 50Nee ui leva e Sesu kia ia: Sioku kaumea, ko te mea ae nee ke hau o fai, fai ia. Pea nee fakaoviovi age leva te hahai aia kia Sesu, pea nee natou puke leva ia ia.
51Pea koeni, ko he tahi o natou ae nee nonofo mo Sesu nee fa leva tona nima ki tana heleta o tohoi, pea nee ina taai leva te tagata faifekau a te pule faisakilifisio, o motu ai tona taliga. 52Kae nee ui leva e Sesu kia ia: Toe ai tau heleta ki tona aiaga, koteuhi ko natou fuli ae e natou too anai te heleta e mamate anai i te heleta. 53Pe e ke manatu e mole feala ke au kole ki taku Tamai, ke ina tuku mai i te lakaga pe aeni ni foi solia aselo e toko hogofulu ma lua pee lahi atu? 54Pea e fakahoko feafeai anai te u folafola o te tohi, ae e natou fakaha e tonu ke fai fenei?
55I te temi aena, nee ui leva e Sesu ki te hahai: Kua kotou omai kia au o hage ko he tagata kaihaa, mo ni heleta pea mo ni akau, ke kotou puke au. I te aho fuli nee au nofo i te lotolotoga o koutou, o faiakonaki i te fale tapu, pea nee mole pe kotou puke au. 56Kae kua hoko te u mea fuli aia ke fakahoko ai te u folafola ae nee tohi e te kau polofeta. Pea nee siaki leva ia ia e te kau tisipulo fuli, kae natou feholaki.
Sesu ia mua o Kaifa mo te Senatolio
57Ko natou ae nee natou puke ia Sesu, nee natou ave leva ia ia ki te api o te pule faisakilifisio ko Kaifa, ae nee fakatahi ai te kau sekelipa mo te kau fakamatuatua. 58Nee mulii leva e Petelo ia ia mai mamao o kaku ki te malae o te pule faisakilifisio, nee ulu leva ia ia ki ai, pea nee nofo fakatahi leva ia ai mo te kau tagata faifekau, ke sio pe e fakaosi fefeai anai te mea aia.
59Nee kumi leva e te kau pule faisakilifisio mo te fono lahi katoa ni fakamooni loi kia Sesu, ke tamatei ai. 60Kae nee mole pe natou mau he mea, logo ai te kaugamalie o te kau fakamooni loi nee olo ake. I te fakaosi, nee omai leva he toko lua, o ui: 61Nee tala e ia aeni: E au mafai te maumaui o te faletapu o te Atua, pea mo toe fakatuu ia ia i ni aho e tolu. 62Nee tuu ake leva ki oluga te pule faisakilifisio, o ui kia ia: Pe e mole pe ke tali ki he mea? Kotea te mea e tuku e te u tagata aena kia koe? 63Nee fakalologo leva ia Sesu. Pea nee palalau leva te pule faisakilifisio, o ui kia ia: E au kole atu kia koe ia mua o te Atua mauli, kapau ko Kilisito ia koe, te Alo o te Atua, fakaha mai kia matou. 64Nee tali leva e Sesu kia ia: Kua ke tala ia ia. Pea e au toe fakaha atu kia koutou, e kotou sio anai ki te Foha o te tagata e heka i te toomatau o te mafimafi o te Atua, pea e hau i te u ao o te lagi. 65Pea nee hae leva e te pule faisakilifisio ona kofu, o ui: Kua tauvele ia ia ki te Atua! Kotea kei aoga mai ai ni tagata fakamooni? Koeni, kua kotou logo tonu ki tana tauvele ki te Atua. 66Kotea takotou tonu? Nee natou tali leva: E tonu ke mate ia ia. 67I te mea aia, nee natou anuanuhi leva ona mata, mo hoka leva ia ia, pea mo fepataki ia ia, o ui: 68Kilisito, kikite; fakaha mai kia matou pe ko ai ae nee ina paaki ia koe.
Fakafisi tua tolu a Petelo
69Kae nee nofo ia Petelo i fafo i te malae. Nee fakaovi age leva he fafine faifekau kia ia, o ui: Ko koe foki, nee ke fakatahi mo Sesu, te Kalilea. 70Kae nee fakafisi leva ia ia kia Sesu ia mua o natou fuli, o ui: E mole au iloi te mea ae e ke fia palalau ki ai. 71I tana alu ki te matapa, nee sio leva he tahi fafine faifekau kia ia, pea nee ina ui leva kia natou ae nee nonofo i ai: Ko ia foki aeni nee fakatahi mo Sesu mai Nasaleti. 72Nee toe fakafisi leva ia Petelo kia ia, o fuakava: E mole au iloi te tagata aia. 73I te hili o he kii temi noa pe, ko natou ae nee nonofo i ai nee fakaoviovi age, pea ne natou ui leva kia ia: E mooni, e ke kau foki i te hahai aia, koteuhi e iloga i tau fasi palalau. 74Pea nee kamata fai leva e Petelo ni muna mo ni laukovi, o fakamooni: E mole au iloi te tagata aia. I te temi pe aia nee uua leva te moa tagata. 75Pea nee manatui leva e Petelo te palalau ae nee fai e Sesu: Ia mua o te uua o te moa tagata, kua ke fakafisi tua tolu kia au. Pea nee ulu leva ia ia ki fafo, o tagi mamahi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland