EVASELIO A MATEO 25
25
Folafola o te u taupoou e toko hogofulu
1Pea e toe fakatatau anai te puleaga o te atu lagi ki ni taahine taupoou e toko hogofulu, ae nee natou too anatou foi malama, pea nee olo leva o fakafelavei ki te tagata ohoana. 2Nee vale te toko nima o natou, pea nee poto te toko nima. 3Ko te kau vale, i tanatou too anatou foi malama, nee mole natou too pe he lolo mo natou; 4kae ko te kau poto nee natou too leva, mo anatou foi malama, he lolo i ni ipu. 5I te tuai mai a te tagata ohoana, nee natou tulemoe fuli leva, pea nee natou maumoea. 6I te maupo, nee kalaga leva: Koeni te tagata ohoana, kotou olo o fakafelavei kia ia! 7Pea nee ofo ake leva te kau taupoou fuli aia, pea nee natou teuteui leva anatou foi malama. 8Nee ui leva e te kau vale ki te kau poto: Koutou foaki mai kia matou he lolo mai takotou lolo, koteuhi ka mamate amatou foi malama. 9Nee tali leva te kau poto: Kailoa! E mole feauga anai kia matou mo koutou; kae ke kotou olo ki te kau fakatau lolo, o totogi mai he lolo kia koutou. 10I tanatou olo o totogi lolo, nee kaku age leva te tagata ohoana; ko natou ae nee nofo teuteu nee ulu leva mo te tagata ohoana ki te kogafale o te faiohoana, pea nee tapunu leva te matapa. 11Ki muli mai, nee kaku age leva te kau taupoou vale, o ui: Aliki, Aliki, avahi mai kia matou. 12Kae nee ina tali leva: E au ui mooni atu kia koutou, e mole au iloi koutou.
13Koia, kotou alaala, koteuhi e mole kotou iloi te aho mo te hola.
Folafola o te u tenalio
14E toe fakatatau anai te puleaga o te atu lagi ki he tagata ae, nee folau ki he fenua mamao, pea nee ina paui leva ana tagata faifekau, pea nee ina tuku leva kia natou ona koloa. 15Nee ina foaki leva ni foi tenalio e nima ki he tahi, pea lua ki he tahi age, pea tahi ki te tolu, o mulimuli ki te fealagia a te tagata taki tahi; pea nee alu leva ia ia. 16Ko ae nee ina tali te u foi tenalio e nima nee alu aipe ia ia, o gauei natou ke fua, pea nee ina mau leva ni ihi age foi tenalio e nima. 17Pea nee toe fena mo ae nee ina tali te u foi tenalio e lua, nee ina mau leva ni ihi age foi tenalio e lua. 18Kae ko ae nee ina tali te foi tenalio e tahi, nee alu leva ia ia o keli he luo, o fufu i ai te foi tenalio a tona pule. 19Pea nee hili he temi fualoa, nee toe liliu mai leva te pule o te u tagata faifekau aia, o kumi kia natou te fua o tanatou gaue. 20Nee fakaovi age leva ia ia ae nee ina tali te u foi tenalio e nima, o avage ni ihi age foi tenalio e nima, o ui: Aliki, nee ke tuku mai kia au ni foi tenalio e nima; koeni kua au mau ni ihi age foi tenalio e nima. 21Nee ui leva e tona pule kia ia: E lelei osi, tagata faifekau agalelei mo agatonu; nee ke agatonu i he mea veliveli pe, e au fakanofo anai koe ki he mea lahi; ulu ki te fiafia o tou pule. 22Nee fakaovi age leva ia ia ae nee ina tali te u foi tenalio e lua, o ui: Aliki, nee ke tuku mai kia au ni foi tenalio e lua; koeni kua au mau ni ihi age foi tenalio e lua. 23Nee ui leva e tona pule kia ia: E lelei osi, tagata faifekau agalelei mo agatonu; nee ke agatonu i he mea veliveli pe, e au fakanofo anai koe ki he mea lahi; ulu ki te fiafia o tou pule. 24Nee fakaovi age leva ia ia ae nee ina tali te foi tenalio e tahi, o ui: Aliki, nee au iloi ko he tagata faigataa ia koe, ae e ke utu i te kogamea ae nee mole ke faigaue ai, pea e ke tanaki i te kogamea ae nee mole ke haha fulumeto ai; 25nee au mataku leva kia koe, pea nee au alu o fufu tau foi tenalio i te kele; koeni ia ia, too tau mea. 26Nee tali leva e tona pule kia ia: Tagata faifekau agakovi, mo pikoelo, nee ke iloi lelei e au utu i te kogamea nee mole au faigaueaga ai, pea e au tanaki i te kogamea ae nee mole au haha fulumeto ai; 27koia nee tonu ai ke ke tuku taku paaga ki te kau tagata faipaaga, o tupu ke au too, i taku toe liliu mai, taku mea mo hona tupu. 28Koia kotou too maia ia te foi tenalio, o foaki kia ia ae e nofo mo te u foi tenalio e hogofulu. 29Koteuhi e foaki anai ki ae e mau ana mea, pea e nofo anai ia ia i te mahu, kae ki ae e mole mau hana mea, e toe too anai maia ia mo te mea ae e ina mau. 30Kotou li te tagata faifekau hee aoga, ki te fakapouli i fafo, ae e i ai anai ni tagi mo ni gugu o nifo.
Fakamaaui o te atu puleaga
31Ka hau anai te Foha o te tagata i tona kololia, mo te kau aselo fuli, e heka anai ia ia i te hekaaga fakahau o tona kololia. 32E fakatahi anai te atu puleaga fuli i ona mua. E ina vahei kehe anai ia ae mai ae, o hage ko te vahei kehe e te tagata tauhi ovi te u ovi mai te u tao; 33pea e ina tuku anai te u ovi ki tona fahai matau, pea ko te u tao ki tona fahai hema. 34Pea e ui anai e te hau kia natou ae e tutuu i tona fahai matau: Kotou omai, koutou ae nee tapuakii e taku Tamai; kotou mau te puleaga ae nee teuteui atu kia koutou talu mai te kamataaga o te malamanei. 35Koteuhi nee au fia kai, pea nee kotou foaki mai kia au he meakai; nee au fia inu, pea nee kotou foaki mai kia au he meainu; nee au matapule pea nee kotou tali au; 36nee au telefua pea nee kotou fakalaofi au, nee au mahaki pea nee kotou ahiahi mai kia au; nee au pilisoni, pea nee kotou omai kia au. 37E tali anai e te kau agatonu kia ia: Aliki, ko anafea ae nee matou sio ai kia koe nee fia kai, pea nee matou foaki atu ai kia koe he meakai; pe nee fia inu pea nee matou foaki atu kia koe he meainu? 38Ko anafea ae nee matou sio ai kia koe nee matapule, pea nee matou tali koe; pe nee telefua, pea nee matou fakalaofi koe? 39Ko anafea ae nee matou sio ai kia koe nee mahaki, pe nee pilisoni, pea nee matou olo atu kia koe? 40Nee tali leva e te hau kia natou: E au ui mooni atu kia koutou, ko te u faiaga fuli ae nee kotou fai ai te u mea aia ki he tahi i oku kii tehina aeni, ko au ae nee kotou fai ki ai. 41Pea osi, e ina ui anai kia natou ae e tutuu anai i tona fahai hema: Kotou fakamamao atu ia au, kau malaia; kotou olo ki te afi heegata ae nee teuteui ki te tiapolo mo ana aselo. 42Koteuhi nee au fia kai, pea nee mole kotou foaki mai kia au he meakai; nee au fia inu, pea nee mole kotou foaki mai kia au he meainu; 43nee au matapule, pea nee mole kotou tali au; nee au telefua, pea nee mole kotou fakalaofi au; nee au mahaki mo pilisoni, pea nee mole koutou ahiahi mai kia au. 44E natou toe tali anai: Aliki, pe ko anafea ae nee matou sio ai kia koe nee fia kai, nee fia inu, nee matapule, nee telefua, nee mahaki, nee pilisoni, pea nee mole matou tauhi kia koe? 45Pea e ina tali anai kia natou: E au ui mooni atu kia koutou, ko te u temi fuli ae nee mole kotou fai ai te u mea aia ki he tahi o te u toe liliki aeni, ko au ae nee mole kotou fai ki ai. 46Pea e olo anai natou aeni ki te tautea heegata, kae e olo anai te kau agatonu ki te mauli heegata.
ទើបបានជ្រើសរើសហើយ៖
EVASELIO A MATEO 25: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EVASELIO A MATEO 25
25
Folafola o te u taupoou e toko hogofulu
1Pea e toe fakatatau anai te puleaga o te atu lagi ki ni taahine taupoou e toko hogofulu, ae nee natou too anatou foi malama, pea nee olo leva o fakafelavei ki te tagata ohoana. 2Nee vale te toko nima o natou, pea nee poto te toko nima. 3Ko te kau vale, i tanatou too anatou foi malama, nee mole natou too pe he lolo mo natou; 4kae ko te kau poto nee natou too leva, mo anatou foi malama, he lolo i ni ipu. 5I te tuai mai a te tagata ohoana, nee natou tulemoe fuli leva, pea nee natou maumoea. 6I te maupo, nee kalaga leva: Koeni te tagata ohoana, kotou olo o fakafelavei kia ia! 7Pea nee ofo ake leva te kau taupoou fuli aia, pea nee natou teuteui leva anatou foi malama. 8Nee ui leva e te kau vale ki te kau poto: Koutou foaki mai kia matou he lolo mai takotou lolo, koteuhi ka mamate amatou foi malama. 9Nee tali leva te kau poto: Kailoa! E mole feauga anai kia matou mo koutou; kae ke kotou olo ki te kau fakatau lolo, o totogi mai he lolo kia koutou. 10I tanatou olo o totogi lolo, nee kaku age leva te tagata ohoana; ko natou ae nee nofo teuteu nee ulu leva mo te tagata ohoana ki te kogafale o te faiohoana, pea nee tapunu leva te matapa. 11Ki muli mai, nee kaku age leva te kau taupoou vale, o ui: Aliki, Aliki, avahi mai kia matou. 12Kae nee ina tali leva: E au ui mooni atu kia koutou, e mole au iloi koutou.
13Koia, kotou alaala, koteuhi e mole kotou iloi te aho mo te hola.
Folafola o te u tenalio
14E toe fakatatau anai te puleaga o te atu lagi ki he tagata ae, nee folau ki he fenua mamao, pea nee ina paui leva ana tagata faifekau, pea nee ina tuku leva kia natou ona koloa. 15Nee ina foaki leva ni foi tenalio e nima ki he tahi, pea lua ki he tahi age, pea tahi ki te tolu, o mulimuli ki te fealagia a te tagata taki tahi; pea nee alu leva ia ia. 16Ko ae nee ina tali te u foi tenalio e nima nee alu aipe ia ia, o gauei natou ke fua, pea nee ina mau leva ni ihi age foi tenalio e nima. 17Pea nee toe fena mo ae nee ina tali te u foi tenalio e lua, nee ina mau leva ni ihi age foi tenalio e lua. 18Kae ko ae nee ina tali te foi tenalio e tahi, nee alu leva ia ia o keli he luo, o fufu i ai te foi tenalio a tona pule. 19Pea nee hili he temi fualoa, nee toe liliu mai leva te pule o te u tagata faifekau aia, o kumi kia natou te fua o tanatou gaue. 20Nee fakaovi age leva ia ia ae nee ina tali te u foi tenalio e nima, o avage ni ihi age foi tenalio e nima, o ui: Aliki, nee ke tuku mai kia au ni foi tenalio e nima; koeni kua au mau ni ihi age foi tenalio e nima. 21Nee ui leva e tona pule kia ia: E lelei osi, tagata faifekau agalelei mo agatonu; nee ke agatonu i he mea veliveli pe, e au fakanofo anai koe ki he mea lahi; ulu ki te fiafia o tou pule. 22Nee fakaovi age leva ia ia ae nee ina tali te u foi tenalio e lua, o ui: Aliki, nee ke tuku mai kia au ni foi tenalio e lua; koeni kua au mau ni ihi age foi tenalio e lua. 23Nee ui leva e tona pule kia ia: E lelei osi, tagata faifekau agalelei mo agatonu; nee ke agatonu i he mea veliveli pe, e au fakanofo anai koe ki he mea lahi; ulu ki te fiafia o tou pule. 24Nee fakaovi age leva ia ia ae nee ina tali te foi tenalio e tahi, o ui: Aliki, nee au iloi ko he tagata faigataa ia koe, ae e ke utu i te kogamea ae nee mole ke faigaue ai, pea e ke tanaki i te kogamea ae nee mole ke haha fulumeto ai; 25nee au mataku leva kia koe, pea nee au alu o fufu tau foi tenalio i te kele; koeni ia ia, too tau mea. 26Nee tali leva e tona pule kia ia: Tagata faifekau agakovi, mo pikoelo, nee ke iloi lelei e au utu i te kogamea nee mole au faigaueaga ai, pea e au tanaki i te kogamea ae nee mole au haha fulumeto ai; 27koia nee tonu ai ke ke tuku taku paaga ki te kau tagata faipaaga, o tupu ke au too, i taku toe liliu mai, taku mea mo hona tupu. 28Koia kotou too maia ia te foi tenalio, o foaki kia ia ae e nofo mo te u foi tenalio e hogofulu. 29Koteuhi e foaki anai ki ae e mau ana mea, pea e nofo anai ia ia i te mahu, kae ki ae e mole mau hana mea, e toe too anai maia ia mo te mea ae e ina mau. 30Kotou li te tagata faifekau hee aoga, ki te fakapouli i fafo, ae e i ai anai ni tagi mo ni gugu o nifo.
Fakamaaui o te atu puleaga
31Ka hau anai te Foha o te tagata i tona kololia, mo te kau aselo fuli, e heka anai ia ia i te hekaaga fakahau o tona kololia. 32E fakatahi anai te atu puleaga fuli i ona mua. E ina vahei kehe anai ia ae mai ae, o hage ko te vahei kehe e te tagata tauhi ovi te u ovi mai te u tao; 33pea e ina tuku anai te u ovi ki tona fahai matau, pea ko te u tao ki tona fahai hema. 34Pea e ui anai e te hau kia natou ae e tutuu i tona fahai matau: Kotou omai, koutou ae nee tapuakii e taku Tamai; kotou mau te puleaga ae nee teuteui atu kia koutou talu mai te kamataaga o te malamanei. 35Koteuhi nee au fia kai, pea nee kotou foaki mai kia au he meakai; nee au fia inu, pea nee kotou foaki mai kia au he meainu; nee au matapule pea nee kotou tali au; 36nee au telefua pea nee kotou fakalaofi au, nee au mahaki pea nee kotou ahiahi mai kia au; nee au pilisoni, pea nee kotou omai kia au. 37E tali anai e te kau agatonu kia ia: Aliki, ko anafea ae nee matou sio ai kia koe nee fia kai, pea nee matou foaki atu ai kia koe he meakai; pe nee fia inu pea nee matou foaki atu kia koe he meainu? 38Ko anafea ae nee matou sio ai kia koe nee matapule, pea nee matou tali koe; pe nee telefua, pea nee matou fakalaofi koe? 39Ko anafea ae nee matou sio ai kia koe nee mahaki, pe nee pilisoni, pea nee matou olo atu kia koe? 40Nee tali leva e te hau kia natou: E au ui mooni atu kia koutou, ko te u faiaga fuli ae nee kotou fai ai te u mea aia ki he tahi i oku kii tehina aeni, ko au ae nee kotou fai ki ai. 41Pea osi, e ina ui anai kia natou ae e tutuu anai i tona fahai hema: Kotou fakamamao atu ia au, kau malaia; kotou olo ki te afi heegata ae nee teuteui ki te tiapolo mo ana aselo. 42Koteuhi nee au fia kai, pea nee mole kotou foaki mai kia au he meakai; nee au fia inu, pea nee mole kotou foaki mai kia au he meainu; 43nee au matapule, pea nee mole kotou tali au; nee au telefua, pea nee mole kotou fakalaofi au; nee au mahaki mo pilisoni, pea nee mole koutou ahiahi mai kia au. 44E natou toe tali anai: Aliki, pe ko anafea ae nee matou sio ai kia koe nee fia kai, nee fia inu, nee matapule, nee telefua, nee mahaki, nee pilisoni, pea nee mole matou tauhi kia koe? 45Pea e ina tali anai kia natou: E au ui mooni atu kia koutou, ko te u temi fuli ae nee mole kotou fai ai te u mea aia ki he tahi o te u toe liliki aeni, ko au ae nee mole kotou fai ki ai. 46Pea e olo anai natou aeni ki te tautea heegata, kae e olo anai te kau agatonu ki te mauli heegata.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland