EVASELIO A MATEO 21
21
Ulu a Sesu Kilisito ki Selusalemi
1I tanatou fakaoviovi leva ki Selusalemi, pea nee natou kaku leva ki Petefase, i te mouga o Oliveto, nee fekau leva e Sesu ni tisipulo e toko lua, 2o ui kia naua: Kolua olo ki te kolo ae e tuu i okolua mua; e kolua mau aipe i ai he asino fafine ae e hai mo tona uhi; kolua veteki naua, pea kolua aumai naua kia au. 3Ka ui atu e he tahi he mea kia koulua, e kolua tali anai: E na aoga ki te Aliki. Pea e ina tuku anai naua ke olo i te temi pe aia.
4Kae, nee hoko te mea aia ke fakahoko ai te mea ae nee fakaha e te polofeta:
5 Ui age ki te taahine o Sione:
Koeni, e hau tou hau kia koe,
Fonu i te agamalu, pea e heka i he asino,
I he uhii asino, te uhi o he asino fafine. 6Nee olo leva te u tisipulo, pea nee na fai te mea ae nee fekau age e Sesu kia naua. 7Nee na taki mai leva te asino fafine mo tona uhi, pea nee natou hili leva kia naua onatou teu, pea nee natou fakaheka leva Sesu ki oluga. 8Nee fola leva e te kaugamalie o te hahai onatou teu i te ala; pea nee tuusi leva e ni ihi ni vaa akau, o tufaki i te ala. 9Ko natou ae nee olo i mua pea mo natou ae nee muli ia Sesu nee kalaga: Hosana ki te Foha o Tavite! Tapuha ia ia ae e haele mai i te huafa o te Aliki! Hosana i te u kogamea maoluga osi!
10I tana ulu leva ki Selusalemi, nee ofolele leva te kolo katoa, o ui: Pe ko ai aeni? 11Nee tali e te hahai: Ko Sesu, te polofeta, mai Nasaleti i Kalilea.
Kapu o te kau faikoloa i te fale tapu
12Nee ulu leva ia Sesu ki te fale tapu o te Atua. Nee ina kapu leva ki tua ia natou fuli ae nee faifakatau pea mo faikoloa i te fale tapu; nee ina tokatokahi leva te u laupapa o te kau fetogi paaga, pea mo te u hekaaga o te kau fakatau lupe. 13Pea nee ina ui leva kia natou: Kua tohi: Ko toku fale e higoa anai ko he fale faikole. Kae ko koutou, kua koutou fakaliliu ia ia ko he ana o te kau kaihaa.
14Nee fakaovi age leva kia ia ni kivi mo ni vae ketu i te fale tapu. Pea nee ina fakamauli leva natou.
15Kae nee ita mamahi leva te kau pule faisakilifisio mo te kau sekelipa, i tanatou sio ki te u mea fakamanamana ae nee ina fai, pea mo te u toe liliki ae nee kalaga i te fale tapu: Hosana ki te Foha o Tavite! 16Nee natou ui leva kia ia: Pe e ke logo ki te mea ae e natou ui ki ai? Nee tali leva e Sesu kia natou: Ei. Pe nee mole koutou lau te u folafola aeni: Nee ke mau ni fakavikiviki mai te u gutu o te u fanau liliki, pea mo natou ae kei huhu?
17Pea nee ina tuku leva natou, kae nee mavae leva ia ia mai te kolo o alu ki Petania, o nofo ai i te pouli.
Te tafito fiki hala fua
18I te uhu, i tana toe liliu ki te kolo, nee fia kai leva ia ia. 19Nee sio leva ia ia ki he fuu fiki i te ala, pea nee fakaoviovi leva ia ia ki ai; kae nee ina mau pe i ai ko te u lau, pea nee ina ui leva ki te fuu fiki: Ke aua naa toe tupu he fua maia koe! Pea i te temi pe aia nee moamoa leva te fuu fiki. 20Ko te kau tisipulo, ae nee sio ki te mea aia, nee natou punamauuli leva, o ui: Pe nee feafeai te liliu o te fuu fiki aeni o moamoa i he kii temi sii pe? 21Nee tali leva e Sesu kia natou: E au ui mooni atu kia koutou, kapau e kotou mau te tui pea e mole pe kotou toe lotolotolua, e mole gata pe anai takotou fai mo te mea aeni kua fai ki te fuu fiki aeni, kae kapau e kotou lea anai ki te mouga aeni: Mavae i hena, o alu ki te tai, pea e hoko anai te mea aia. 22Ko te u mea fuli ae e kotou kole aki te tui i te faikole, e kotou mau anai ia ia.
Lotolotolua ki te pule a Sesu-Kilisito
23Nee alu leva ia Sesu ki te fale tapu, pea, i te lolotoga o tana akonaki, nee omai leva te kau pule faisakilifisio mo te kau matuatua o te hahai, o ui kia ia: Ko te pule fea ae e ke fai ai te u mea aia, pea ko ai ae nee ina foaki atu kia koe te pule aia? 24Nee tali leva e Sesu kia natou: E au toe fai foki kia koutou he fehui; pea, kapau e koutou tali mai kia au, e au fakaha atu leva kia koutou pe ko te pule fea e au fai ai te u mea aia. 25Pe e hau mai fea te papitema a Soane? Mai lagi, pee mai te u tagata? Kae nee natou manatu leva ia natou: Kapau e tou tali: Mai lagi, e ina ui mai anai kia tatou: Kotea nee mole koutou tui ai kia ia? 26Pea kapau e tou tali: Mai te u tagata, e tonu ke tou mataku leva ki te hahai, koteuhi e natou taofi fuli ko Soane ko he polofeta. 27Koia nee natou tali leva kia Sesu: E mole matou iloi. Pea nee ui leva e Sesu kia natou: Mo au foki, e mole au fakaha atu anai pe ko te pule fea ae e au fai ai te u mea aia.
Folafola o te u foha e lua
28Kotea takotou manatu? Nee mau e he tagata ni foha e lua; pea, nee palalau leva ia ia ki te uluaki, o ui: Siaku fanau, alu o gaue i te aho nei i taku vite. 29Nee ina tali leva: E mole au loto ki ai. Pea osi, nee fakahemala leva ia ia, pea nee alu leva ia ia. 30Pea nee palalau leva ia ia kia ae ake, o toe ui fena. Pea nee tali leva e te foha aia: E au loto lelei osi, aliki. Pea nee mole alu leva ia ia. 31Ko ai ia naua nee ina fai te finegalo o te tamai? Nee natou tali leva: Ko te uluaki. Pea nee ui leva e Sesu kia natou: E au ui mooni atu kia koutou, e muamua anai te kau popelikano mo te u fafine faiaga ki te puleaga o te Atua ia koutou. 32Koteuhi nee hau ia Soane kia koutou i te ala o te faitotonu, pea nee mole kotou tui kia ia. Kae nee tui kia ia te kau popelikano mo te kau fafine faiaga; pea ko koutou, ae nee sio ki te mea aia, nee mole kotou fakahemala o tui kia ia.
Folafola o te u tagata faivite
33Kotou fakalogo mai ki he tahi folafola fakatata. Nee i ai he tagata, ko he pule api, ae nee ina to leva he vite. Nee ina a takai leva ia ia, pea nee ina keli leva he mea tatauaga vite, pea nee ina fakatuu leva he tule; pea osi, nee ina tuku leva tana vite ki ni tagata faivite, pea nee mavae leva ia ia i te fenua. 34I temi toli o te taukai, nee ina fekau leva ana tagata faifekau ke olo ki te kau faivite, o kumi mai te fua o tana vite. 35Kae nee too leva e te kau faivite te u tagata faifekau, pea nee natou haha leva te tahi, pea fakapoogi te lua, pea tuki makai te tolu. 36Nee ina toe fekaui leva ni ihi age faifekau, o hahai age ia natou ae nee mumua; pea nee toe gaohi feiai natou e te kau faivite. 37I te fakaosi, nee ina fekaui leva kia natou tona foha, o ui fenei: E natou fakaapaapa anai ki toku foha. 38Kae i te sio a te kau faivite ki te foha, nee natou ui leva: Koeni te foha ae e tonu ke ina mau te tofiga; kotou omai, tou tamatei ia ia, kae tou mau tona tofiga. 39Pea nee natou too leva ia ia, o li kehe mai te vite, pea nee natou tamatei leva ia ia. 40I te lakaga nei, ka hau leva te pule o te vite, kotea anai ka ina fai ki te u tagata faivite aia? 41Nee natou tali leva kia Sesu: E ina tamatei kovii anai te u tagata itaita aia, kae e ina toe tuku leva te vite ki ni ihi age tagata faivite, ae e natou foaki anai kia ia te fua o te vite i te temi toli o te taukai. 42Nee ui leva e Sesu kia natou: Pe nee mole kotou lau i te Tohi:
Ko te foi maka ae nee siaki e te kau tufuga
Kua liliu ko te maka tafito o te agele;
Ko te mea aia e hau mai te Aliki,
Pea ko he mea fakapunamauli ki otatou mata? 43Koia, e au ui atu kia koutou, e too anai te puleaga o te Atua maia koutou, o tuku ki he puleaga ae e ina fakatupu anai ni fua. 44Ko ae e to anai ki te maka aia e fasifasi anai i ai, pea ko ae e to anai ki ai te maka aia e lailai anai.
45I te osi o tanatou fakalogo ki te u folafola fakatata aia, nee mahino leva te kau pule faisakilifisio mo te kau faliseo nee palalau ia Sesu o uhiga mo natou, 46pea nee natou faiga leva ke puke ia ia; kae nee natou mataku ki te hahai, koteuhi nee natou taofi kia ia ko he polofeta.
ទើបបានជ្រើសរើសហើយ៖
EVASELIO A MATEO 21: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EVASELIO A MATEO 21
21
Ulu a Sesu Kilisito ki Selusalemi
1I tanatou fakaoviovi leva ki Selusalemi, pea nee natou kaku leva ki Petefase, i te mouga o Oliveto, nee fekau leva e Sesu ni tisipulo e toko lua, 2o ui kia naua: Kolua olo ki te kolo ae e tuu i okolua mua; e kolua mau aipe i ai he asino fafine ae e hai mo tona uhi; kolua veteki naua, pea kolua aumai naua kia au. 3Ka ui atu e he tahi he mea kia koulua, e kolua tali anai: E na aoga ki te Aliki. Pea e ina tuku anai naua ke olo i te temi pe aia.
4Kae, nee hoko te mea aia ke fakahoko ai te mea ae nee fakaha e te polofeta:
5 Ui age ki te taahine o Sione:
Koeni, e hau tou hau kia koe,
Fonu i te agamalu, pea e heka i he asino,
I he uhii asino, te uhi o he asino fafine. 6Nee olo leva te u tisipulo, pea nee na fai te mea ae nee fekau age e Sesu kia naua. 7Nee na taki mai leva te asino fafine mo tona uhi, pea nee natou hili leva kia naua onatou teu, pea nee natou fakaheka leva Sesu ki oluga. 8Nee fola leva e te kaugamalie o te hahai onatou teu i te ala; pea nee tuusi leva e ni ihi ni vaa akau, o tufaki i te ala. 9Ko natou ae nee olo i mua pea mo natou ae nee muli ia Sesu nee kalaga: Hosana ki te Foha o Tavite! Tapuha ia ia ae e haele mai i te huafa o te Aliki! Hosana i te u kogamea maoluga osi!
10I tana ulu leva ki Selusalemi, nee ofolele leva te kolo katoa, o ui: Pe ko ai aeni? 11Nee tali e te hahai: Ko Sesu, te polofeta, mai Nasaleti i Kalilea.
Kapu o te kau faikoloa i te fale tapu
12Nee ulu leva ia Sesu ki te fale tapu o te Atua. Nee ina kapu leva ki tua ia natou fuli ae nee faifakatau pea mo faikoloa i te fale tapu; nee ina tokatokahi leva te u laupapa o te kau fetogi paaga, pea mo te u hekaaga o te kau fakatau lupe. 13Pea nee ina ui leva kia natou: Kua tohi: Ko toku fale e higoa anai ko he fale faikole. Kae ko koutou, kua koutou fakaliliu ia ia ko he ana o te kau kaihaa.
14Nee fakaovi age leva kia ia ni kivi mo ni vae ketu i te fale tapu. Pea nee ina fakamauli leva natou.
15Kae nee ita mamahi leva te kau pule faisakilifisio mo te kau sekelipa, i tanatou sio ki te u mea fakamanamana ae nee ina fai, pea mo te u toe liliki ae nee kalaga i te fale tapu: Hosana ki te Foha o Tavite! 16Nee natou ui leva kia ia: Pe e ke logo ki te mea ae e natou ui ki ai? Nee tali leva e Sesu kia natou: Ei. Pe nee mole koutou lau te u folafola aeni: Nee ke mau ni fakavikiviki mai te u gutu o te u fanau liliki, pea mo natou ae kei huhu?
17Pea nee ina tuku leva natou, kae nee mavae leva ia ia mai te kolo o alu ki Petania, o nofo ai i te pouli.
Te tafito fiki hala fua
18I te uhu, i tana toe liliu ki te kolo, nee fia kai leva ia ia. 19Nee sio leva ia ia ki he fuu fiki i te ala, pea nee fakaoviovi leva ia ia ki ai; kae nee ina mau pe i ai ko te u lau, pea nee ina ui leva ki te fuu fiki: Ke aua naa toe tupu he fua maia koe! Pea i te temi pe aia nee moamoa leva te fuu fiki. 20Ko te kau tisipulo, ae nee sio ki te mea aia, nee natou punamauuli leva, o ui: Pe nee feafeai te liliu o te fuu fiki aeni o moamoa i he kii temi sii pe? 21Nee tali leva e Sesu kia natou: E au ui mooni atu kia koutou, kapau e kotou mau te tui pea e mole pe kotou toe lotolotolua, e mole gata pe anai takotou fai mo te mea aeni kua fai ki te fuu fiki aeni, kae kapau e kotou lea anai ki te mouga aeni: Mavae i hena, o alu ki te tai, pea e hoko anai te mea aia. 22Ko te u mea fuli ae e kotou kole aki te tui i te faikole, e kotou mau anai ia ia.
Lotolotolua ki te pule a Sesu-Kilisito
23Nee alu leva ia Sesu ki te fale tapu, pea, i te lolotoga o tana akonaki, nee omai leva te kau pule faisakilifisio mo te kau matuatua o te hahai, o ui kia ia: Ko te pule fea ae e ke fai ai te u mea aia, pea ko ai ae nee ina foaki atu kia koe te pule aia? 24Nee tali leva e Sesu kia natou: E au toe fai foki kia koutou he fehui; pea, kapau e koutou tali mai kia au, e au fakaha atu leva kia koutou pe ko te pule fea e au fai ai te u mea aia. 25Pe e hau mai fea te papitema a Soane? Mai lagi, pee mai te u tagata? Kae nee natou manatu leva ia natou: Kapau e tou tali: Mai lagi, e ina ui mai anai kia tatou: Kotea nee mole koutou tui ai kia ia? 26Pea kapau e tou tali: Mai te u tagata, e tonu ke tou mataku leva ki te hahai, koteuhi e natou taofi fuli ko Soane ko he polofeta. 27Koia nee natou tali leva kia Sesu: E mole matou iloi. Pea nee ui leva e Sesu kia natou: Mo au foki, e mole au fakaha atu anai pe ko te pule fea ae e au fai ai te u mea aia.
Folafola o te u foha e lua
28Kotea takotou manatu? Nee mau e he tagata ni foha e lua; pea, nee palalau leva ia ia ki te uluaki, o ui: Siaku fanau, alu o gaue i te aho nei i taku vite. 29Nee ina tali leva: E mole au loto ki ai. Pea osi, nee fakahemala leva ia ia, pea nee alu leva ia ia. 30Pea nee palalau leva ia ia kia ae ake, o toe ui fena. Pea nee tali leva e te foha aia: E au loto lelei osi, aliki. Pea nee mole alu leva ia ia. 31Ko ai ia naua nee ina fai te finegalo o te tamai? Nee natou tali leva: Ko te uluaki. Pea nee ui leva e Sesu kia natou: E au ui mooni atu kia koutou, e muamua anai te kau popelikano mo te u fafine faiaga ki te puleaga o te Atua ia koutou. 32Koteuhi nee hau ia Soane kia koutou i te ala o te faitotonu, pea nee mole kotou tui kia ia. Kae nee tui kia ia te kau popelikano mo te kau fafine faiaga; pea ko koutou, ae nee sio ki te mea aia, nee mole kotou fakahemala o tui kia ia.
Folafola o te u tagata faivite
33Kotou fakalogo mai ki he tahi folafola fakatata. Nee i ai he tagata, ko he pule api, ae nee ina to leva he vite. Nee ina a takai leva ia ia, pea nee ina keli leva he mea tatauaga vite, pea nee ina fakatuu leva he tule; pea osi, nee ina tuku leva tana vite ki ni tagata faivite, pea nee mavae leva ia ia i te fenua. 34I temi toli o te taukai, nee ina fekau leva ana tagata faifekau ke olo ki te kau faivite, o kumi mai te fua o tana vite. 35Kae nee too leva e te kau faivite te u tagata faifekau, pea nee natou haha leva te tahi, pea fakapoogi te lua, pea tuki makai te tolu. 36Nee ina toe fekaui leva ni ihi age faifekau, o hahai age ia natou ae nee mumua; pea nee toe gaohi feiai natou e te kau faivite. 37I te fakaosi, nee ina fekaui leva kia natou tona foha, o ui fenei: E natou fakaapaapa anai ki toku foha. 38Kae i te sio a te kau faivite ki te foha, nee natou ui leva: Koeni te foha ae e tonu ke ina mau te tofiga; kotou omai, tou tamatei ia ia, kae tou mau tona tofiga. 39Pea nee natou too leva ia ia, o li kehe mai te vite, pea nee natou tamatei leva ia ia. 40I te lakaga nei, ka hau leva te pule o te vite, kotea anai ka ina fai ki te u tagata faivite aia? 41Nee natou tali leva kia Sesu: E ina tamatei kovii anai te u tagata itaita aia, kae e ina toe tuku leva te vite ki ni ihi age tagata faivite, ae e natou foaki anai kia ia te fua o te vite i te temi toli o te taukai. 42Nee ui leva e Sesu kia natou: Pe nee mole kotou lau i te Tohi:
Ko te foi maka ae nee siaki e te kau tufuga
Kua liliu ko te maka tafito o te agele;
Ko te mea aia e hau mai te Aliki,
Pea ko he mea fakapunamauli ki otatou mata? 43Koia, e au ui atu kia koutou, e too anai te puleaga o te Atua maia koutou, o tuku ki he puleaga ae e ina fakatupu anai ni fua. 44Ko ae e to anai ki te maka aia e fasifasi anai i ai, pea ko ae e to anai ki ai te maka aia e lailai anai.
45I te osi o tanatou fakalogo ki te u folafola fakatata aia, nee mahino leva te kau pule faisakilifisio mo te kau faliseo nee palalau ia Sesu o uhiga mo natou, 46pea nee natou faiga leva ke puke ia ia; kae nee natou mataku ki te hahai, koteuhi nee natou taofi kia ia ko he polofeta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland