EVASELIO A MATEO 20
20
Folafola o te u tagata gaue
1Koteuhi e fakatatau te puleaga o te atu lagi ki he pule api ae nee alu kei uhu o kumi ni tagata gaue ki tana vite. 2Nee ina tuku leva mo natou ki he foi tenalio e tahi i te aho, pea nee ina fekaui leva natou ki tana vite. 3Nee toe alu leva ia ia i te hola hiva uhu, pea nee sio leva ia ia ki ni ihi ae nee nonofo noa i te lapalasi. 4Nee ina ui leva kia natou: Kotou olo foki ki taku vite, pea e au foaki atu anai kia koutou te mea ae e totonu. 5Pea nee natou olo leva ki ai. Nee toe alu leva ia ia i te hoata mo te hola tolu hili hoata, pea nee ina fai fena. 6I te fakaosi nee toe alu leva ia ia i te hola nima afiafi, pea nee ina mau ni ihi e nonofo i te lapalasi, pea nee ina ui leva kia natou: Kotea e kotou nonofo noa ai i heni i te aho katoa? 7Nee natou tali leva kia ia: Koteuhi nee mole he tahi nee ina fakagaue matou. Nee ina ui leva kia natou. Kotou olo mo koutou foki ki taku vite. 8I te afiafi, nee ui leva e te pule o te vite ki tana tagata tauhi koloa: Paui te kau gaue, pea ke totogi natou, o kamata maia natou ae nee mumuli o fakaosi kia natou ae nee mumua. 9Nee omai leva ia natou o te hola nima afiafi, pea nee foaki leva kia natou taki toko tahi he foi tenalio e tahi. 10Pea nee omai leva ia natou ae nee mumua i te fakaosi, o natou amanaki e lahi age anai tonatou totogi; kae nee natou toe mau foki taki tahi he foi tenalio e tahi. 11I tanatou tali ia ia, nee natou muna leva ki te pule api, 12o ui: Ko natou ae nee mumuli nee natou gaue pe i te hola e tahi, pea nee ke fakatatau natou mo matou, ae nee matou tali te mafasia o te aho mo te vevela. 13Nee ina tali leva ki he tahi o natou: Aloa, e mole au hala kia koe; pe nee mole ke tukupau mo au ki he foi tenalio e tahi? 14Too te mea ae e ke mau, pea ke alu. E au fia foaki ki ae e muli o tatau mo koe. 15Pe e mole gafua kia au ke au fai ki toku koloa te mea ae e au loto ki ai? Pe e ke sio kovi ki toku agalelei? 16Koia ko natou ae nee mumuli e mumua anai, pea ko natou ae nee mumua e mumuli anai.
Fakaha o tona mate mo tana toe tuuake
17I te hake a Sesu ki Selusalemi, nee ina too kehe leva te kau tisipulo e toko hogofulu ma lua, pea nee ina ui leva kia natou i te ala: 18Koeni, e tou hake ki Selusalemi, pea e tuku anai te Foha o te tagata ki te kau pule faisakilifisio mo te kau sekelipa. E natou tautea anai ia ia ki te mate, 19pea e natou tuku anai ia ia ki te kau pagani, ke natou nukinuki kia ia, mo haha ia ia aki ni akau, pea mo tutuki ia ia i te koluse; pea e toe tuuake anai ia ia i te tolu aho.
Kole a te fae a Sakopo mo Soane
20Nee fakaovi age leva te fae a te u foha o Sepeteo kia Sesu mo tana u tama, pea nee tulolo leva ia ia, o fai he kole. 21Nee ui leva e Sesu kia ia: Kotea e ke loto ki ai? Nee ina ui leva kia Sesu: Fekau ki aku tama aeni e toko lua, ke na nofo, ko he tahi i tou toomatau pea ko he tahi i tou toohema, i tou puleaga. 22Nee tali leva e Sesu: E mole kotou iloi te mea ae e koutou kole. Pe e kolua fealagia te inu o te ipu ae e tonu ke au inu? Nee na ui leva: E ma fealagia ia ia. 23Pea nee tali leva e Sesu kia naua: E mooni e kolua inu anai toku ipu; kae ki te nofo i toku toomatau mo toku toohema, e mole fakalogo te mea aia kia au, pea e foaki anai ia ia kia natou pe ae kua taofi ki ai e taku Tamai. 24Ko te toko hogofulu, i tanatou logo ki te mea aia, nee natou iita leva ki te tautehina. 25Nee paui leva natou e Sesu, o ui: E koutou iloi ko te u pule o te u puleaga, e natou pulei fakamalohi natou, pea ko te kau lalahi e natou pulei fakakaugana natou. 26E mole tonu ke feia anai ia koutou. Kae ko ae ia koutou e loto ke lahi, ke liliu ia ia ko takotou faifekau. 27Pea ko ae ia koutou e loto ke uluaki, ke liliu ia ia ko takotou kaugana. 28He nee fena te hau a te Foha o te tagata, nee mole hau ia ia ke faifekau age kia ia, kae ke faifekau mo foaki tona mauli ke totogi ai te kaugamalie.
Fakamauli o te u kivi e toko lua
29I tanatou mavae i Seliko, nee muli leva he hahai kaugamalie ia Sesu. 30Pea koeni, nee nonofo ni kivi e toko lua i te vae ala, pea nee na logo leva ki te fakalaka a Sesu, pea nee na kalaga leva: Ofa mai kia maua, Aliki, foha o Tavite! 31Nee pupulai leva naua e te hahai ke fakalologo; kae nee lelesili tana kalaga malohi: Ofa mai kia maua, Aliki, foha o Tavite! 32Nee tuu leva ia Sesu, o paui naua, o ui: Kotea e kolua loto ke au fai kia kolua? 33Nee na ui leva kia ia: Aliki, ke ava oma mata. 34Nee ofa mamahi leva Sesu kia naua, pea nee fafa leva ia ia ki ona mata; pea i te lakaga pe aia nee na sio leva, pea nee na muli leva ia ia.
ទើបបានជ្រើសរើសហើយ៖
EVASELIO A MATEO 20: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EVASELIO A MATEO 20
20
Folafola o te u tagata gaue
1Koteuhi e fakatatau te puleaga o te atu lagi ki he pule api ae nee alu kei uhu o kumi ni tagata gaue ki tana vite. 2Nee ina tuku leva mo natou ki he foi tenalio e tahi i te aho, pea nee ina fekaui leva natou ki tana vite. 3Nee toe alu leva ia ia i te hola hiva uhu, pea nee sio leva ia ia ki ni ihi ae nee nonofo noa i te lapalasi. 4Nee ina ui leva kia natou: Kotou olo foki ki taku vite, pea e au foaki atu anai kia koutou te mea ae e totonu. 5Pea nee natou olo leva ki ai. Nee toe alu leva ia ia i te hoata mo te hola tolu hili hoata, pea nee ina fai fena. 6I te fakaosi nee toe alu leva ia ia i te hola nima afiafi, pea nee ina mau ni ihi e nonofo i te lapalasi, pea nee ina ui leva kia natou: Kotea e kotou nonofo noa ai i heni i te aho katoa? 7Nee natou tali leva kia ia: Koteuhi nee mole he tahi nee ina fakagaue matou. Nee ina ui leva kia natou. Kotou olo mo koutou foki ki taku vite. 8I te afiafi, nee ui leva e te pule o te vite ki tana tagata tauhi koloa: Paui te kau gaue, pea ke totogi natou, o kamata maia natou ae nee mumuli o fakaosi kia natou ae nee mumua. 9Nee omai leva ia natou o te hola nima afiafi, pea nee foaki leva kia natou taki toko tahi he foi tenalio e tahi. 10Pea nee omai leva ia natou ae nee mumua i te fakaosi, o natou amanaki e lahi age anai tonatou totogi; kae nee natou toe mau foki taki tahi he foi tenalio e tahi. 11I tanatou tali ia ia, nee natou muna leva ki te pule api, 12o ui: Ko natou ae nee mumuli nee natou gaue pe i te hola e tahi, pea nee ke fakatatau natou mo matou, ae nee matou tali te mafasia o te aho mo te vevela. 13Nee ina tali leva ki he tahi o natou: Aloa, e mole au hala kia koe; pe nee mole ke tukupau mo au ki he foi tenalio e tahi? 14Too te mea ae e ke mau, pea ke alu. E au fia foaki ki ae e muli o tatau mo koe. 15Pe e mole gafua kia au ke au fai ki toku koloa te mea ae e au loto ki ai? Pe e ke sio kovi ki toku agalelei? 16Koia ko natou ae nee mumuli e mumua anai, pea ko natou ae nee mumua e mumuli anai.
Fakaha o tona mate mo tana toe tuuake
17I te hake a Sesu ki Selusalemi, nee ina too kehe leva te kau tisipulo e toko hogofulu ma lua, pea nee ina ui leva kia natou i te ala: 18Koeni, e tou hake ki Selusalemi, pea e tuku anai te Foha o te tagata ki te kau pule faisakilifisio mo te kau sekelipa. E natou tautea anai ia ia ki te mate, 19pea e natou tuku anai ia ia ki te kau pagani, ke natou nukinuki kia ia, mo haha ia ia aki ni akau, pea mo tutuki ia ia i te koluse; pea e toe tuuake anai ia ia i te tolu aho.
Kole a te fae a Sakopo mo Soane
20Nee fakaovi age leva te fae a te u foha o Sepeteo kia Sesu mo tana u tama, pea nee tulolo leva ia ia, o fai he kole. 21Nee ui leva e Sesu kia ia: Kotea e ke loto ki ai? Nee ina ui leva kia Sesu: Fekau ki aku tama aeni e toko lua, ke na nofo, ko he tahi i tou toomatau pea ko he tahi i tou toohema, i tou puleaga. 22Nee tali leva e Sesu: E mole kotou iloi te mea ae e koutou kole. Pe e kolua fealagia te inu o te ipu ae e tonu ke au inu? Nee na ui leva: E ma fealagia ia ia. 23Pea nee tali leva e Sesu kia naua: E mooni e kolua inu anai toku ipu; kae ki te nofo i toku toomatau mo toku toohema, e mole fakalogo te mea aia kia au, pea e foaki anai ia ia kia natou pe ae kua taofi ki ai e taku Tamai. 24Ko te toko hogofulu, i tanatou logo ki te mea aia, nee natou iita leva ki te tautehina. 25Nee paui leva natou e Sesu, o ui: E koutou iloi ko te u pule o te u puleaga, e natou pulei fakamalohi natou, pea ko te kau lalahi e natou pulei fakakaugana natou. 26E mole tonu ke feia anai ia koutou. Kae ko ae ia koutou e loto ke lahi, ke liliu ia ia ko takotou faifekau. 27Pea ko ae ia koutou e loto ke uluaki, ke liliu ia ia ko takotou kaugana. 28He nee fena te hau a te Foha o te tagata, nee mole hau ia ia ke faifekau age kia ia, kae ke faifekau mo foaki tona mauli ke totogi ai te kaugamalie.
Fakamauli o te u kivi e toko lua
29I tanatou mavae i Seliko, nee muli leva he hahai kaugamalie ia Sesu. 30Pea koeni, nee nonofo ni kivi e toko lua i te vae ala, pea nee na logo leva ki te fakalaka a Sesu, pea nee na kalaga leva: Ofa mai kia maua, Aliki, foha o Tavite! 31Nee pupulai leva naua e te hahai ke fakalologo; kae nee lelesili tana kalaga malohi: Ofa mai kia maua, Aliki, foha o Tavite! 32Nee tuu leva ia Sesu, o paui naua, o ui: Kotea e kolua loto ke au fai kia kolua? 33Nee na ui leva kia ia: Aliki, ke ava oma mata. 34Nee ofa mamahi leva Sesu kia naua, pea nee fafa leva ia ia ki ona mata; pea i te lakaga pe aia nee na sio leva, pea nee na muli leva ia ia.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland