EVASELIO A MATEO 22
22
Folafola o te kai o te faiohoana
1Nee toe palalau leva ia Sesu kia natou i ni folafola fakatata, o ui:
2E fakatatau te puleaga o te atu lagi ki he hau ae nee ina fai he kaitahi o te ohoana o tona foha. 3Nee ina fekau leva ana tagata faifekau ke olo o paui mai natou ae nee fakaafe ki te kaitahi; kae nee mole natou fia omai. 4Nee ina toe fekaui leva ni ihi age tagata faifekau, o ui: Kotou tala ki te kau fakaafe: Koeni kua au teuteu taku kaitahi; kua tamatei aku pipi tagata mo aku manu gako, pea kua tokalelei te u mea fuli, kotou omai ki te kaitahi. 5Kae nee mole pe natou tokaga ki te fakaafe, nee natou tahi olo leva, ko ae ki tana gaueaga, ko ae ake ki tana faikoloa; 6pea nee puke leva e ihi te u tagata faifekau, o gaohi kovii mo tamatei natou. 7Nee ita lahi leva te hau; pea nee ina fekau leva tana kau solia ke natou tamatei te kau fakapo aia, pea mo tutu tonatou kolo. 8Pea nee ina ui leva ki ana tagata faifekau: Kua tokalelei te kaitahi; kae nee mole tuha te kau fakaafe mo ia. 9Koia kotou olo ki te u magafa, pea kotou fakaafe mai ki te kaitahi natou fuli ae e koutou mau anai. 10Nee olo leva te u tagata faifekau ki te u ala, o natou tae mai natou fuli ae nee natou mau, agakovi mo agalelei, pea nee fonu leva te kogafale o te kaitahi i te kau fakaafe. 11Nee ulu leva te hau o sio kia natou ae nee heka i te laupapa kai, pea nee ina fakatokagai leva he tagata ae nee mole kofu ki te kofu o te faiohoana. 12Nee ui leva e te hau kia ia: Sioku kaumea, nee feafeai tau ulu mai ki heni kae e mole ke mau te kofu o te faiohoana? Nee mole gu leva te tagata aena. 13Pea nee ui leva e te hau ki ana tagata faifekau: Kotou hai ona vae mo ona nima, pea kotou li ia ia ki te fakapouli i fafo, ae e i ai anai te u tagi mo te u gugu o nifo. 14Koteuhi e tokolahi te kau kalagai, kae e tokosii te kau filifiliia.
Te tukuhau kia Sesale
15Pea nee olo leva te kau faliseo o fono ki he puleaki ke fakahalai ai Sesu i ana palalau totonu.
16Nee natou fekaui leva kia ia anatou tisipulo fakatahi mo te kau Helote, o natou ui leva: Pule, e matou iloi e ke mooni, pea e ke ako te ala o te Atua o mulimuli ki te mooni, e mole pe ke tuania he tahi, koteuhi e mole ke tokaga ki te mea e ha i tua o te u tagata. 17Koia, fakaha mai kia matou tau manatu: Pe e gafua, pe kailoa, ke li te tukuhau kia Sesale? 18I te iloi e Sesu tanatou agakovi, nee ina tali leva: Kotea e koutou ahiahii ai au, kau malualoi? 19Koutou fakaha mai kia au te paaga ae e totogi ki ai te tukuhau. Pea nee natou fakaha age leva kia ia he foi tenalio. 20Nee ina fehui leva kia natou: O ai te paaki mo te higoa ae e tuu i ai? 21Pea nee natou tali leva kia ia: O Sesale. Pea nee ui leva e Sesu kia natou: Koia kotou tuku kia Sesale te mea a Sesale, pea ki te Atua te mea a te Atua. 22Nee natou punamauli i te mea ae nee natou logo ki ai, pea nee natou tuku leva ia ia, kae natou olo leva.
Fakamooni o te toe tuuake
23I te aho aena, nee omai leva kia Sesu te kau Satuseo, ae e ui e mole he toe tuuake, o fai te fehui aeni: 24Pule, nee ui e Moisese: Kapau e mate he tahi kae hala fanau, e tonu leva ke ohoana tona tehina mo tona ohoana, ke fakatupu ai he hakoga ki tona tehina. 25Kae nee fakatahi mo matou ni tehina e toko fitu. Nee ohoana leva te uluaki, pea nee mate leva ia; kae o tupu he nee mole ina mau hana fanau, nee ina tuku leva tona ohoana ki tona tehina. 26Nee toe feia foki ki te lua, mo te tolu, o kaku ki te fitu. 27I te osi o natou fuli, nee mate leva te fafine. 28I te toe tuuake, ko ai i te toko fitu aia e ohoana anai mo te fafine? Koteuhi nee natou ohoana fuli mo ia. 29Nee tali leva e Sesu kia natou: E kotou nofo i te faihala, koteuhi e mole pe kotou mahino ki te Tohi pea mo te mafimafi o te Atua. 30Koteuhi, i te toe tuuake, e mole toe too anai e te u tagata ni ohoana, pea e mole toe too anai e te u fafine ni ohoana, kae e natou liliu anai o hage ko te kau aselo a te Atua i te lagi. 31O uhiga mo te toe tuuake a te kau mate, pe nee mole koutou lau te mea ae nee fakaha e te Atua kia koutou: 32Ko te Atua au o Apalahamo, mo te Atua o Isaake, mo te Atua o Sakopo? Ko te Atua e mole ko te Atua ia ia o te kau mate, kae ko te Atua ia ia o te kau mauli. 33Ko te hahai ae nee natou fakalogo nee natou punamauli i te akonaki a Sesu.
Te fakatotonu lahi osi
34I te logo a te kau faliseo nee mapunui e Sesu te u gutu o te kau Satuseo, nee natou fakatahi leva, 35pea nee fai leva e he tahi o natou, ko he toketa poto, te fehui aeni kia Sesu, ke ahiahii ai ia ia: 36Pule, kotea te fakatotonu o te lao e lahi osi? 37Nee tali leva e Sesu kia ia: E ke ofa anai ki te Aliki, tou Atua, i tou loto katoa, mo tou laumalie katoa, pea mo tau manatu katoa. 38Ko te uluaki aia pea mo te fakatotonu lahi osi. 39Pea koeni te lua, ae e tatau mo ia: E ke ofa anai ki tou oloi o hage ko tou ofa kia koe totonu. 40E fakahoko e te u fakatotonu aena e lua te lao katoa pea mo te kau polofeta.
Fakafehui o te kau faliseo ki te Mesia
41I te kei fakatahi a te kau faliseo, nee fehui leva e Sesu kia natou, o ui: 42Kotea takotou manatu o uhiga mo Kilisito? Pe ko te foha ia ia o ai? Nee natou tali leva kia ia: O Tavite. 43Pea nee tali leva e Sesu kia natou: Pea kotea nee ui ai e Tavite i te Laumalie Maonioni kia ia: Aliki! I tana ui:
44 Nee ui e te Aliki ki toku Aliki:
Ke ke heka i toku fahai matau,
O kaku ki taku fakaliliu ou fili ko tou hiliaga vae?
45Kapau nee ui e Tavite kia Kilisito ko te Aliki, pe e feafeai tana liliu ko tona foha? 46Nee mole feala ke tali e he tahi kia ia i he kupu pe e tahi. Talu mai te aho aia, nee mole toe toa leva he tahi o fai ni fehui kia ia.
ទើបបានជ្រើសរើសហើយ៖
EVASELIO A MATEO 22: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EVASELIO A MATEO 22
22
Folafola o te kai o te faiohoana
1Nee toe palalau leva ia Sesu kia natou i ni folafola fakatata, o ui:
2E fakatatau te puleaga o te atu lagi ki he hau ae nee ina fai he kaitahi o te ohoana o tona foha. 3Nee ina fekau leva ana tagata faifekau ke olo o paui mai natou ae nee fakaafe ki te kaitahi; kae nee mole natou fia omai. 4Nee ina toe fekaui leva ni ihi age tagata faifekau, o ui: Kotou tala ki te kau fakaafe: Koeni kua au teuteu taku kaitahi; kua tamatei aku pipi tagata mo aku manu gako, pea kua tokalelei te u mea fuli, kotou omai ki te kaitahi. 5Kae nee mole pe natou tokaga ki te fakaafe, nee natou tahi olo leva, ko ae ki tana gaueaga, ko ae ake ki tana faikoloa; 6pea nee puke leva e ihi te u tagata faifekau, o gaohi kovii mo tamatei natou. 7Nee ita lahi leva te hau; pea nee ina fekau leva tana kau solia ke natou tamatei te kau fakapo aia, pea mo tutu tonatou kolo. 8Pea nee ina ui leva ki ana tagata faifekau: Kua tokalelei te kaitahi; kae nee mole tuha te kau fakaafe mo ia. 9Koia kotou olo ki te u magafa, pea kotou fakaafe mai ki te kaitahi natou fuli ae e koutou mau anai. 10Nee olo leva te u tagata faifekau ki te u ala, o natou tae mai natou fuli ae nee natou mau, agakovi mo agalelei, pea nee fonu leva te kogafale o te kaitahi i te kau fakaafe. 11Nee ulu leva te hau o sio kia natou ae nee heka i te laupapa kai, pea nee ina fakatokagai leva he tagata ae nee mole kofu ki te kofu o te faiohoana. 12Nee ui leva e te hau kia ia: Sioku kaumea, nee feafeai tau ulu mai ki heni kae e mole ke mau te kofu o te faiohoana? Nee mole gu leva te tagata aena. 13Pea nee ui leva e te hau ki ana tagata faifekau: Kotou hai ona vae mo ona nima, pea kotou li ia ia ki te fakapouli i fafo, ae e i ai anai te u tagi mo te u gugu o nifo. 14Koteuhi e tokolahi te kau kalagai, kae e tokosii te kau filifiliia.
Te tukuhau kia Sesale
15Pea nee olo leva te kau faliseo o fono ki he puleaki ke fakahalai ai Sesu i ana palalau totonu.
16Nee natou fekaui leva kia ia anatou tisipulo fakatahi mo te kau Helote, o natou ui leva: Pule, e matou iloi e ke mooni, pea e ke ako te ala o te Atua o mulimuli ki te mooni, e mole pe ke tuania he tahi, koteuhi e mole ke tokaga ki te mea e ha i tua o te u tagata. 17Koia, fakaha mai kia matou tau manatu: Pe e gafua, pe kailoa, ke li te tukuhau kia Sesale? 18I te iloi e Sesu tanatou agakovi, nee ina tali leva: Kotea e koutou ahiahii ai au, kau malualoi? 19Koutou fakaha mai kia au te paaga ae e totogi ki ai te tukuhau. Pea nee natou fakaha age leva kia ia he foi tenalio. 20Nee ina fehui leva kia natou: O ai te paaki mo te higoa ae e tuu i ai? 21Pea nee natou tali leva kia ia: O Sesale. Pea nee ui leva e Sesu kia natou: Koia kotou tuku kia Sesale te mea a Sesale, pea ki te Atua te mea a te Atua. 22Nee natou punamauli i te mea ae nee natou logo ki ai, pea nee natou tuku leva ia ia, kae natou olo leva.
Fakamooni o te toe tuuake
23I te aho aena, nee omai leva kia Sesu te kau Satuseo, ae e ui e mole he toe tuuake, o fai te fehui aeni: 24Pule, nee ui e Moisese: Kapau e mate he tahi kae hala fanau, e tonu leva ke ohoana tona tehina mo tona ohoana, ke fakatupu ai he hakoga ki tona tehina. 25Kae nee fakatahi mo matou ni tehina e toko fitu. Nee ohoana leva te uluaki, pea nee mate leva ia; kae o tupu he nee mole ina mau hana fanau, nee ina tuku leva tona ohoana ki tona tehina. 26Nee toe feia foki ki te lua, mo te tolu, o kaku ki te fitu. 27I te osi o natou fuli, nee mate leva te fafine. 28I te toe tuuake, ko ai i te toko fitu aia e ohoana anai mo te fafine? Koteuhi nee natou ohoana fuli mo ia. 29Nee tali leva e Sesu kia natou: E kotou nofo i te faihala, koteuhi e mole pe kotou mahino ki te Tohi pea mo te mafimafi o te Atua. 30Koteuhi, i te toe tuuake, e mole toe too anai e te u tagata ni ohoana, pea e mole toe too anai e te u fafine ni ohoana, kae e natou liliu anai o hage ko te kau aselo a te Atua i te lagi. 31O uhiga mo te toe tuuake a te kau mate, pe nee mole koutou lau te mea ae nee fakaha e te Atua kia koutou: 32Ko te Atua au o Apalahamo, mo te Atua o Isaake, mo te Atua o Sakopo? Ko te Atua e mole ko te Atua ia ia o te kau mate, kae ko te Atua ia ia o te kau mauli. 33Ko te hahai ae nee natou fakalogo nee natou punamauli i te akonaki a Sesu.
Te fakatotonu lahi osi
34I te logo a te kau faliseo nee mapunui e Sesu te u gutu o te kau Satuseo, nee natou fakatahi leva, 35pea nee fai leva e he tahi o natou, ko he toketa poto, te fehui aeni kia Sesu, ke ahiahii ai ia ia: 36Pule, kotea te fakatotonu o te lao e lahi osi? 37Nee tali leva e Sesu kia ia: E ke ofa anai ki te Aliki, tou Atua, i tou loto katoa, mo tou laumalie katoa, pea mo tau manatu katoa. 38Ko te uluaki aia pea mo te fakatotonu lahi osi. 39Pea koeni te lua, ae e tatau mo ia: E ke ofa anai ki tou oloi o hage ko tou ofa kia koe totonu. 40E fakahoko e te u fakatotonu aena e lua te lao katoa pea mo te kau polofeta.
Fakafehui o te kau faliseo ki te Mesia
41I te kei fakatahi a te kau faliseo, nee fehui leva e Sesu kia natou, o ui: 42Kotea takotou manatu o uhiga mo Kilisito? Pe ko te foha ia ia o ai? Nee natou tali leva kia ia: O Tavite. 43Pea nee tali leva e Sesu kia natou: Pea kotea nee ui ai e Tavite i te Laumalie Maonioni kia ia: Aliki! I tana ui:
44 Nee ui e te Aliki ki toku Aliki:
Ke ke heka i toku fahai matau,
O kaku ki taku fakaliliu ou fili ko tou hiliaga vae?
45Kapau nee ui e Tavite kia Kilisito ko te Aliki, pe e feafeai tana liliu ko tona foha? 46Nee mole feala ke tali e he tahi kia ia i he kupu pe e tahi. Talu mai te aho aia, nee mole toe toa leva he tahi o fai ni fehui kia ia.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland