EVASELIO A MATEO 19
19
Te mavete ohoana mo te selipatea
1I te osi o te u akonaki aena, nee mavae leva ia Sesu i Kalilea, o alu ki te fenua o Sutea, o fakalaka ki te tahi fahai o te Solotane. 2Nee muli leva he hahai kaugamalie ia ia, pea nee ina fakamauli leva te kau mahaki i ai.
3Pea nee fakaovi age leva te kau faliseo kia ia, o natou ui leva kia ia, ke ahiahii ai ia ia: Pe e gafua ki he tagata ke ina kapu tona ohoana i he mea pe nee takuga kia ia? 4Nee ina tali leva: Pe nee mole kotou lau, i te kamataaga, nee fakatupu e te Tupuaga te tagata mo te fafine 5pea nee ina ui leva: Koia, e mavae anai te tagata mai tana tamai mo tana fae, pea e pipiki anai ia ia ki tona ohoana, pea e na liliu anai ko he kakano e tahi? 6Koia e mole kei na toko lua, kae kua na liliu ko he kakano e tahi. Koia, ke aua naa veteki e te tagata te mea ae kua hai e te Atua. 7Nee natou ui leva kia ia: Kotea leva nee fakatotonu ai e Moisese ke tuku ki te fafine he tohi mavete pea ke fakamavae ia ia? 8Nee tali leva e Sesu kia natou: E tupu ko te fefeka o okotou loto, aia nee tuku ai e Moisese kia koutou he fakagafua ke fakamavae okotou ohoana; kae i te kamataaga, nee mole fena. 9Kae e au ui atu kia koutou: Ko ae e ina fakamavae tona ohoana, gata pe ki te faiaga, pea e toe ohoana ia ia mo he tahi age fafine, e ina fai he tono.
10Nee ui leva e ana tisipulo kia ia: Kapau koena te aluaga o te tagata mo tona ohoana, pea e lelei age te mole ohoana. 11Nee tali leva e Sesu kia natou: E mole mahino te tagata fuli ki te folafola aia, kae gata pe kia natou ae kua tuku ki ai te mea aena. 12Koteuhi e i ai ni enuke ae nee tutupu fena i te fatu o anatou fae; pea e i ai ni ihi ae nee fakaliliu o fena e ni tagata; pea e i ai ni ihi enuke ae nee fakaliliu o fena e natou totonu, o tupu ko te puleaga o te atu lagi. Ko ae e feala tana mahino ke mahino.
Tapuaki e Sesu te u toe liliki
13Pea nee aumai leva kia ia ni toe liliki, o tupu ke ina hili ona nima kia natou mo faikole kia natou. Kae nee tekei leva natou e te kau tisipulo. 14Pea nee ui leva e Sesu: koutou tuku te u toe liliki ke omai kia au, aua naa kotou taofi natou; koteuhi e fakalogo te puleaga o te atu lagi kia natou ae e hage ko ni toe liliki. 15Nee ina hili leva ona nima kia natou, pea nee mavae leva ia ia mai hena.
Te tagata tupulaga mau koloa
16Pea koeni, nee fakaovi age leva he tagata, o ui kia Sesu: Pule, kotea te lelei e tonu ke au fai ke mau ai te mauli heegata? 17Nee tali leva e Sesu kia ia: Kotea e ke fehui mai ai kia au o uhiga mo te lelei? Ko he toko tahi pe e lelei. Kapau e ke fia ulu ki te mauli, tauhi te u fekau. Nee ina ui leva kia Sesu: Te u fekau fea? 18Pea nee tali leva e Sesu: Aua naa ke fakapo; aua naa ke tono; aua naa ke kaihaa; aua naa ke lau ni fakamooni loi; fakaapaapa ki tau tamai mo tau fae; 19pea: e ke ofa anai ki tou kaiga o hage ko koe totonu. 20Nee ui leva e te tagata tupulaga kia ia: Nee au fai te u mea fuli aena; kotea kei puli kia au? 21Nee ui leva e Sesu kia ia: Kapau e ke loto ke ke lelei tukupau, alu o fakatau te mea ae e ke mau, foaki ia ki te kau masisiva, pea e ke mau anai he koloa i te lagi. Pea ke hau, o muli mai ia au. 22I tana logo ki te u folafola aia, nee alu leva te tagata tupulaga mo he loto mamahi katoa; koteuhi nee lahi aupito ona koloa. 23Nee ui leva e Sesu ki ana tisipulo: E au ui mooni atu kia koutou, e faigataa te ulu a he tagata mau koloa ki te puleaga o te atu lagi. 24E au toe ui atu foki kia koutou, e faigafua age te ulu a he kamelo i te pu o he hui i te ulu a he tagata mau koloa ki te puleaga o te Atua. 25I te logo a te kau tisipulo ki te mea aia, nee natou punamauuli lahi osi, o ui: Pe ko ai anai e feala ke haofaki? 26Pea nee sio leva ia Sesu kia natou, o ui: Ki te u tagata e mole feala te mea aia, kae ki te Atua e feala te mea fuli.
Fakapale o te kau apositolo i te temi aeni mo te puleaga ka hau
27Nee palalau leva ia Petelo, o ui kia ia: Koeni, kua matou tuku te mea fuli, pea kua matou muli ia koe; kotea ka hoko anai kia matou? 28Nee tali leva e Sesu kia natou: E au ui mooni atu kia koutou, i te fakafoou o te u mea fuli, moka heka anai te Foha o te tagata ki te hekaaga fakahau o tona kololia, ko koutou ae nee mumuli mai ia au e kotou heheka anai i ni hekaaga fakahau e hogofulu ma lua, pea e kotou fakamaaui anai te u faahiga e hogofulu ma lua o Iselaele. 29Pea ko ia ae e ina tuku anai, o tupu ko toku huafa, ona tehina, mo ona tuagaane, mo tana tamai, mo tana fae, mo tona ohoana, mo ana fanau, mo ona kele, mo ona fale, e ina mau anai te teau, pea e ina toe mau anai te tofiga o te mauli heegata. 30Kae e kaugamalie natou ae nee mua e natou liliu anai o muli, pea e kaugamalie natou ae nee muli e natou liliu anai o mua.
ទើបបានជ្រើសរើសហើយ៖
EVASELIO A MATEO 19: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EVASELIO A MATEO 19
19
Te mavete ohoana mo te selipatea
1I te osi o te u akonaki aena, nee mavae leva ia Sesu i Kalilea, o alu ki te fenua o Sutea, o fakalaka ki te tahi fahai o te Solotane. 2Nee muli leva he hahai kaugamalie ia ia, pea nee ina fakamauli leva te kau mahaki i ai.
3Pea nee fakaovi age leva te kau faliseo kia ia, o natou ui leva kia ia, ke ahiahii ai ia ia: Pe e gafua ki he tagata ke ina kapu tona ohoana i he mea pe nee takuga kia ia? 4Nee ina tali leva: Pe nee mole kotou lau, i te kamataaga, nee fakatupu e te Tupuaga te tagata mo te fafine 5pea nee ina ui leva: Koia, e mavae anai te tagata mai tana tamai mo tana fae, pea e pipiki anai ia ia ki tona ohoana, pea e na liliu anai ko he kakano e tahi? 6Koia e mole kei na toko lua, kae kua na liliu ko he kakano e tahi. Koia, ke aua naa veteki e te tagata te mea ae kua hai e te Atua. 7Nee natou ui leva kia ia: Kotea leva nee fakatotonu ai e Moisese ke tuku ki te fafine he tohi mavete pea ke fakamavae ia ia? 8Nee tali leva e Sesu kia natou: E tupu ko te fefeka o okotou loto, aia nee tuku ai e Moisese kia koutou he fakagafua ke fakamavae okotou ohoana; kae i te kamataaga, nee mole fena. 9Kae e au ui atu kia koutou: Ko ae e ina fakamavae tona ohoana, gata pe ki te faiaga, pea e toe ohoana ia ia mo he tahi age fafine, e ina fai he tono.
10Nee ui leva e ana tisipulo kia ia: Kapau koena te aluaga o te tagata mo tona ohoana, pea e lelei age te mole ohoana. 11Nee tali leva e Sesu kia natou: E mole mahino te tagata fuli ki te folafola aia, kae gata pe kia natou ae kua tuku ki ai te mea aena. 12Koteuhi e i ai ni enuke ae nee tutupu fena i te fatu o anatou fae; pea e i ai ni ihi ae nee fakaliliu o fena e ni tagata; pea e i ai ni ihi enuke ae nee fakaliliu o fena e natou totonu, o tupu ko te puleaga o te atu lagi. Ko ae e feala tana mahino ke mahino.
Tapuaki e Sesu te u toe liliki
13Pea nee aumai leva kia ia ni toe liliki, o tupu ke ina hili ona nima kia natou mo faikole kia natou. Kae nee tekei leva natou e te kau tisipulo. 14Pea nee ui leva e Sesu: koutou tuku te u toe liliki ke omai kia au, aua naa kotou taofi natou; koteuhi e fakalogo te puleaga o te atu lagi kia natou ae e hage ko ni toe liliki. 15Nee ina hili leva ona nima kia natou, pea nee mavae leva ia ia mai hena.
Te tagata tupulaga mau koloa
16Pea koeni, nee fakaovi age leva he tagata, o ui kia Sesu: Pule, kotea te lelei e tonu ke au fai ke mau ai te mauli heegata? 17Nee tali leva e Sesu kia ia: Kotea e ke fehui mai ai kia au o uhiga mo te lelei? Ko he toko tahi pe e lelei. Kapau e ke fia ulu ki te mauli, tauhi te u fekau. Nee ina ui leva kia Sesu: Te u fekau fea? 18Pea nee tali leva e Sesu: Aua naa ke fakapo; aua naa ke tono; aua naa ke kaihaa; aua naa ke lau ni fakamooni loi; fakaapaapa ki tau tamai mo tau fae; 19pea: e ke ofa anai ki tou kaiga o hage ko koe totonu. 20Nee ui leva e te tagata tupulaga kia ia: Nee au fai te u mea fuli aena; kotea kei puli kia au? 21Nee ui leva e Sesu kia ia: Kapau e ke loto ke ke lelei tukupau, alu o fakatau te mea ae e ke mau, foaki ia ki te kau masisiva, pea e ke mau anai he koloa i te lagi. Pea ke hau, o muli mai ia au. 22I tana logo ki te u folafola aia, nee alu leva te tagata tupulaga mo he loto mamahi katoa; koteuhi nee lahi aupito ona koloa. 23Nee ui leva e Sesu ki ana tisipulo: E au ui mooni atu kia koutou, e faigataa te ulu a he tagata mau koloa ki te puleaga o te atu lagi. 24E au toe ui atu foki kia koutou, e faigafua age te ulu a he kamelo i te pu o he hui i te ulu a he tagata mau koloa ki te puleaga o te Atua. 25I te logo a te kau tisipulo ki te mea aia, nee natou punamauuli lahi osi, o ui: Pe ko ai anai e feala ke haofaki? 26Pea nee sio leva ia Sesu kia natou, o ui: Ki te u tagata e mole feala te mea aia, kae ki te Atua e feala te mea fuli.
Fakapale o te kau apositolo i te temi aeni mo te puleaga ka hau
27Nee palalau leva ia Petelo, o ui kia ia: Koeni, kua matou tuku te mea fuli, pea kua matou muli ia koe; kotea ka hoko anai kia matou? 28Nee tali leva e Sesu kia natou: E au ui mooni atu kia koutou, i te fakafoou o te u mea fuli, moka heka anai te Foha o te tagata ki te hekaaga fakahau o tona kololia, ko koutou ae nee mumuli mai ia au e kotou heheka anai i ni hekaaga fakahau e hogofulu ma lua, pea e kotou fakamaaui anai te u faahiga e hogofulu ma lua o Iselaele. 29Pea ko ia ae e ina tuku anai, o tupu ko toku huafa, ona tehina, mo ona tuagaane, mo tana tamai, mo tana fae, mo tona ohoana, mo ana fanau, mo ona kele, mo ona fale, e ina mau anai te teau, pea e ina toe mau anai te tofiga o te mauli heegata. 30Kae e kaugamalie natou ae nee mua e natou liliu anai o muli, pea e kaugamalie natou ae nee muli e natou liliu anai o mua.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland