Marko 12
12
Wanghulima wehile
1Kasonga kulonga nawo kwa mizungu: “Munhu kahanda mgunda wa mitongoni kauzungulusa luwigo, kahimba kolongo ja kukamila mitongoni, kazenga dungu, kawapangiza wanghulima, imalabaho kachola isi iyagwe. 2Siku vizivikile, kamtuma nyakadala wake kwa waja iwanghulima, giladi wamwinghe umujo wa mitongoni. 3Na hewo wamgoga, wamsuna na kumbweza makono bule. 4Yomana kutuma kabili nyakadala iyagwe kumwawo, na heyo wamsuna, wamgela milonda ya mditwi, wamuliga. 5Yomana kugala vivo iyagwe, yuja wamkoma; na wayagwe bwando, wayagwe wawasuna, wayagwe wawakoma. 6Kakala na imonga yaliyeka, yuyo Mwanage iyanogele; na hiyo kamtuma kumwawo wa ikimambukizo, kalonga, Nogesa Mwanangu kwiza womdumba! 7Bali waja iwanghulima wailongela wawo kwa wao, Yuno yuyo muhalatwaga, izoni tumkome; imalabaho uhazi wake wokuwa wetu! 8Avo wamgoga, wamkoma, wamana kumwasa kunze ya umgunda wa mitongoni.
9Hee! Avo mwene mizabibu kotenda lulihi? Nyagiza vondayeze, kowakwedula yawakome waja iwanghulima, na mgunda uja kowengha wayagwe. 10Hamdisomile tanhu jandiko hijo digambile,
Dibwe diwalemile wazenzi,
ajo digalamka dibwe kulu ja kingolobweda.
11Hivo visanghanwa na Bwana, na tweye tuhavilola tokanganya.”
12Baho walondile kumgoga, kilumbo wavimanya kamba kawafumbila wawo wenyego mzungu uja. Komu wadidumba didale ja iwanhu, avo wamuleka, wachola na zawo.
Vilingana kuliha kodi ya serkali
13Watuma kumwake Mafariseo na wanhu wa Herode, wamtegele kwa malonga gake. 14Weza wamulongela, “Mkulufunzi, tukutanga kamba gweye kwa munhu wa ihoko, hudumba ukulu wa munhu wowose, kilumbo hulolaga vihanga vya wanhu; kabili kolanguliza nzila ya Mulungu viili ihoko. Avo tulongele, vinyandakana kumlavila Mtawala kodi hebu sivivo? 15Tumwinghe hebu tumwime?” Na viyatangile ubala wawo kawalongela, “Habali mongeza? Tanhu ngalileni mhiya ya kodi niilole!” 16Vuwamgalile kawauza, “Cha nani kihanga kino na utango uno?” Wamulongela, “Uno wa Mtawala Kaisari.” 17Baho Yesu hayawalongele, “Muliheni Mtawala gali gake Mtawala, na Mulungu gali gake Mulungu!” Wamkanganya nghani.
Wafile wozuswa vilihi
18Masadukeo hewo walongaga kamba kuduhu kuzuka kuna ikiyama, wamgendela wamuuza walonga, 19“Mkulufunzi, Mose katwandikila kamba munhu yahadanganikilwa na mkulu wake yalekile sano jake bali halekile mwana, yuja ndugu yake yamwingilile yuja imwehe, yamulelele mkulu wake mwana. 20Kukala na wambigalo Saba, wose ndugu; yuja yalongole kasola mwehe, komu viyafile halekile mwana. 21Wekabili kamwingilila avija, na heyo kadanganika, halekile mwana; na yuja wekadatu vivija. 22Womana wose saba hawalekile mwana; vuwamalile wose, na heyo mtwanzi kadanganika. 23Avo ako kuna ukuzuswa vonda wazuswe, kokuwa sano ja nani kwa waja, kilumbo wose saba wakala nayo yuja imtwanzi.”
24Yesu kawalongela, Mokwaga, kilumbo hamgatanga gandikigwe hebu mhiko za Mulungu. 25Kwa mzoko vondawazuswe kulawa mkifo, hondawasole hebu kusoligwa komu wogalamka kamba malaika vuwali kuulanga. 26Bali kwa kilumbo cha wafile kamba wozusigwa, hamsomile muna ikitabu cha Mose, “Mulungu viyamulongele aho haikisukuzi, Niye na Mulungu wa Abrahamu, na Mulungu wa Isaka, na Mulungu wa Yakobo? 27Avo Mulungu si Mulungu wa wafile, komu wao wali na upile; mweye mokwagilwa nghani.”
Indagizi nghulu ilihi
28Kamwizila mwananzuma imonga yawahulike vuwebamilile, na heyo kavimanya kamba kawedika goya; kamuuza, “Muna zindagizi zose indagizi nghulu ilihi?” 29Yesu kedika, “Inghulu iyo ino, Tegeleza Israeli, Magana Mulungu wetu yuyo Bwana yaliyeka. 30Na gweye umnogele Magana Mulungu wako kwa moyo wako wose na kwa loho yako yose na kwa ngelegeza zako zose na kwa mhiko zako zose!” 31Na yaikabili iyo ino, Umnogele miyago kamba vukinogela mwenyecho; haduhu lagizo kulu kubanza gano. 32Yuja Mwana Nzuma kamulongela, “Hongelaga Mkulufunzi, kulonga ga ihoko; Mulungu kayeka, haduhu iyagwe komu Heyo. 33Kabili kumnogela Heyo kwa moyo wose na ngelegeza zose na mhiko zose, na kumnogela miyago kamba vukinogela mwenyecho, vyemela kubanza ngʼombe za nhambiko za kusomwa na nhosa zose za nhambiko.” 34Yesu viyamonile kamba kedika goya, kamulongela, “Gweye huli kutali na Undewa wa Mulungu.” Kabili honeke munhu yagambe yumwe, yabwaduke kumuuza mbuli chusa.
Habali Daudi kamtuniza mwanage
35Yesu viyakalile yolanguliza mdihekalu kawauza kalonga, “Wananzuma wolongaze kamba Kristo yuyo mwana wa Daudi? 36Vilihi Daudi mwenyecho kalonga kwa mhiko za Loho Yangʼalile,
Bwana kamulongela Mndewa wangu,
Kala ukulume kumwangu,
kikomo vondaniweke iwandumu zako hasi hamigulu yako?
37Avo Daudi mwenyecho yahamkema Mndewa, vokuwaze kabili yawe mwanage?”
Wene kwitopa
38Na dale da wanhu bwando wanogelwe kumtegeleza viyolonga. Kawalanguliza, “Iteganyeni kwa mzoko wa Wananzuma walondaga ukutembela kuno wavalile nghanju nhali, giladi walolwe na iwanhu hagulilo. 39Na amo muna zingʼanda za nhambiko wolonda vigoda vya kuulongozi, kabili wahagonekwa mandiya walondaga kukala hali iwakulu. 40Kuno wojaga ngʼanda za wagane, wokitenda kamba wobasiliza kuwatambikila; wali kamba hivo, kwiza mkwedulo wawo wokuwa mkulu kubanza wayagwe.”
Hela ya mgane ibanzile
41Kakala yoditungiliza dibuhulu da isiga, kalola wanhu vuwogela mhiya za nhosa muli idibuhulu; na wene gamali bwando wagela mhiya bwando. 42Keza mtwanzi mgane imonga, mkiwa, kagela visenti vibili, kichinyha iyo hela imwe. 43Baho yawakemile wanahina wake, kawalongela, “Ihoko nomulongelani, yuno imgane kagela bwando kubanza wose wagelile zimhiya muno mdibuhulu ja ukulavila. 44Kilumbo waja wose walava muli zimhiya zawo bwando; komu yuno kwa ukiwa wake kavilava vyose viyali navyo, vivo viyatamanile kwiguta.”
ទើបបានជ្រើសរើសហើយ៖
Marko 12: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Marko 12
12
Wanghulima wehile
1Kasonga kulonga nawo kwa mizungu: “Munhu kahanda mgunda wa mitongoni kauzungulusa luwigo, kahimba kolongo ja kukamila mitongoni, kazenga dungu, kawapangiza wanghulima, imalabaho kachola isi iyagwe. 2Siku vizivikile, kamtuma nyakadala wake kwa waja iwanghulima, giladi wamwinghe umujo wa mitongoni. 3Na hewo wamgoga, wamsuna na kumbweza makono bule. 4Yomana kutuma kabili nyakadala iyagwe kumwawo, na heyo wamsuna, wamgela milonda ya mditwi, wamuliga. 5Yomana kugala vivo iyagwe, yuja wamkoma; na wayagwe bwando, wayagwe wawasuna, wayagwe wawakoma. 6Kakala na imonga yaliyeka, yuyo Mwanage iyanogele; na hiyo kamtuma kumwawo wa ikimambukizo, kalonga, Nogesa Mwanangu kwiza womdumba! 7Bali waja iwanghulima wailongela wawo kwa wao, Yuno yuyo muhalatwaga, izoni tumkome; imalabaho uhazi wake wokuwa wetu! 8Avo wamgoga, wamkoma, wamana kumwasa kunze ya umgunda wa mitongoni.
9Hee! Avo mwene mizabibu kotenda lulihi? Nyagiza vondayeze, kowakwedula yawakome waja iwanghulima, na mgunda uja kowengha wayagwe. 10Hamdisomile tanhu jandiko hijo digambile,
Dibwe diwalemile wazenzi,
ajo digalamka dibwe kulu ja kingolobweda.
11Hivo visanghanwa na Bwana, na tweye tuhavilola tokanganya.”
12Baho walondile kumgoga, kilumbo wavimanya kamba kawafumbila wawo wenyego mzungu uja. Komu wadidumba didale ja iwanhu, avo wamuleka, wachola na zawo.
Vilingana kuliha kodi ya serkali
13Watuma kumwake Mafariseo na wanhu wa Herode, wamtegele kwa malonga gake. 14Weza wamulongela, “Mkulufunzi, tukutanga kamba gweye kwa munhu wa ihoko, hudumba ukulu wa munhu wowose, kilumbo hulolaga vihanga vya wanhu; kabili kolanguliza nzila ya Mulungu viili ihoko. Avo tulongele, vinyandakana kumlavila Mtawala kodi hebu sivivo? 15Tumwinghe hebu tumwime?” Na viyatangile ubala wawo kawalongela, “Habali mongeza? Tanhu ngalileni mhiya ya kodi niilole!” 16Vuwamgalile kawauza, “Cha nani kihanga kino na utango uno?” Wamulongela, “Uno wa Mtawala Kaisari.” 17Baho Yesu hayawalongele, “Muliheni Mtawala gali gake Mtawala, na Mulungu gali gake Mulungu!” Wamkanganya nghani.
Wafile wozuswa vilihi
18Masadukeo hewo walongaga kamba kuduhu kuzuka kuna ikiyama, wamgendela wamuuza walonga, 19“Mkulufunzi, Mose katwandikila kamba munhu yahadanganikilwa na mkulu wake yalekile sano jake bali halekile mwana, yuja ndugu yake yamwingilile yuja imwehe, yamulelele mkulu wake mwana. 20Kukala na wambigalo Saba, wose ndugu; yuja yalongole kasola mwehe, komu viyafile halekile mwana. 21Wekabili kamwingilila avija, na heyo kadanganika, halekile mwana; na yuja wekadatu vivija. 22Womana wose saba hawalekile mwana; vuwamalile wose, na heyo mtwanzi kadanganika. 23Avo ako kuna ukuzuswa vonda wazuswe, kokuwa sano ja nani kwa waja, kilumbo wose saba wakala nayo yuja imtwanzi.”
24Yesu kawalongela, Mokwaga, kilumbo hamgatanga gandikigwe hebu mhiko za Mulungu. 25Kwa mzoko vondawazuswe kulawa mkifo, hondawasole hebu kusoligwa komu wogalamka kamba malaika vuwali kuulanga. 26Bali kwa kilumbo cha wafile kamba wozusigwa, hamsomile muna ikitabu cha Mose, “Mulungu viyamulongele aho haikisukuzi, Niye na Mulungu wa Abrahamu, na Mulungu wa Isaka, na Mulungu wa Yakobo? 27Avo Mulungu si Mulungu wa wafile, komu wao wali na upile; mweye mokwagilwa nghani.”
Indagizi nghulu ilihi
28Kamwizila mwananzuma imonga yawahulike vuwebamilile, na heyo kavimanya kamba kawedika goya; kamuuza, “Muna zindagizi zose indagizi nghulu ilihi?” 29Yesu kedika, “Inghulu iyo ino, Tegeleza Israeli, Magana Mulungu wetu yuyo Bwana yaliyeka. 30Na gweye umnogele Magana Mulungu wako kwa moyo wako wose na kwa loho yako yose na kwa ngelegeza zako zose na kwa mhiko zako zose!” 31Na yaikabili iyo ino, Umnogele miyago kamba vukinogela mwenyecho; haduhu lagizo kulu kubanza gano. 32Yuja Mwana Nzuma kamulongela, “Hongelaga Mkulufunzi, kulonga ga ihoko; Mulungu kayeka, haduhu iyagwe komu Heyo. 33Kabili kumnogela Heyo kwa moyo wose na ngelegeza zose na mhiko zose, na kumnogela miyago kamba vukinogela mwenyecho, vyemela kubanza ngʼombe za nhambiko za kusomwa na nhosa zose za nhambiko.” 34Yesu viyamonile kamba kedika goya, kamulongela, “Gweye huli kutali na Undewa wa Mulungu.” Kabili honeke munhu yagambe yumwe, yabwaduke kumuuza mbuli chusa.
Habali Daudi kamtuniza mwanage
35Yesu viyakalile yolanguliza mdihekalu kawauza kalonga, “Wananzuma wolongaze kamba Kristo yuyo mwana wa Daudi? 36Vilihi Daudi mwenyecho kalonga kwa mhiko za Loho Yangʼalile,
Bwana kamulongela Mndewa wangu,
Kala ukulume kumwangu,
kikomo vondaniweke iwandumu zako hasi hamigulu yako?
37Avo Daudi mwenyecho yahamkema Mndewa, vokuwaze kabili yawe mwanage?”
Wene kwitopa
38Na dale da wanhu bwando wanogelwe kumtegeleza viyolonga. Kawalanguliza, “Iteganyeni kwa mzoko wa Wananzuma walondaga ukutembela kuno wavalile nghanju nhali, giladi walolwe na iwanhu hagulilo. 39Na amo muna zingʼanda za nhambiko wolonda vigoda vya kuulongozi, kabili wahagonekwa mandiya walondaga kukala hali iwakulu. 40Kuno wojaga ngʼanda za wagane, wokitenda kamba wobasiliza kuwatambikila; wali kamba hivo, kwiza mkwedulo wawo wokuwa mkulu kubanza wayagwe.”
Hela ya mgane ibanzile
41Kakala yoditungiliza dibuhulu da isiga, kalola wanhu vuwogela mhiya za nhosa muli idibuhulu; na wene gamali bwando wagela mhiya bwando. 42Keza mtwanzi mgane imonga, mkiwa, kagela visenti vibili, kichinyha iyo hela imwe. 43Baho yawakemile wanahina wake, kawalongela, “Ihoko nomulongelani, yuno imgane kagela bwando kubanza wose wagelile zimhiya muno mdibuhulu ja ukulavila. 44Kilumbo waja wose walava muli zimhiya zawo bwando; komu yuno kwa ukiwa wake kavilava vyose viyali navyo, vivo viyatamanile kwiguta.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.