Marko 13
13
Magweka gondageze
1Viyalawile mdihekalu, mwanahina wake imonga kamulongela, “Mkulufunzi, galole mabwe gano makulu na kuzengwa kwake kukulu!”
2Yesu kamulongela, “He, kogalola gamazengo gano vigali makulu? Honda dilekigwe dibwe dimwe uchana hadibwe diyagwe dileke kupatuswa hasi.” 3Imala viyakalile kudigongo ja michekele, ulaula na dihekalu, baho Petro, Yakobo, Yohana na Andrea wamuuza vuwakalile waliyeka, walonga, 4“Tulongele, gweka hijo jokuwa zuwaki; na utango wake wokuwaze aho vondagavikizwe higo gose?”
5Yesu kasonga kuwalongela, “Teganyeni munhu sekeyamwagizeni! 6Kilumbo bwando wonda weze kwa twaga jangu, kuno wolonga, niye nene! 7Na hewo wowakonga bwando; na mweye mohulika nghondo na luvumo lwa nghondo, bali sukumgudeme; ago honda galeke kulawilila, bali sicho ikidugalo. 8Kilumbo wokifunganyila lukolo kwa lukolo, vivo watawala kwa watawala wayawo; na hanhu hakwe hakwe holawilila kingudemo, na hayagwe nzala; ago icho ikisongelo cha masungu.
9Komu mweye iteganyeni wenyego; wowagalani hatagusilo ja iwakulu na muli zingʼanda za nhambiko msunigwe, imalabaho womwimizani havihanga vya watawala na wandewa kwa kilumbo changu, mwize kunisindila kumwawo. 10Na Usenga Unogile hauleka ubwililiswa tanhu kwa wamhazi wose. 11Aho baho vonda wawalave na kuwagala, sukumsonge kuhusahusa mbuli za kulonga, bali ulonzi wonda mgwelelwe kipigiti kicho, galongeni gagaja! kilumbo si mwemwe wonda mulonge, bali Loho Yangʼalile. 12Kwiza vokuwa kamba vino, ndugu na ndugu wokihonza waikome, na tata wowahonza wana wawo, na wana wowahindukila wavyele zawo wawakome. 13Na mweye mokwihilwa na wanhu wose kwa mzoko wa twaga jangu; ayuja yonda yafunye umoyo kuvika ikimambukizo, yuyo yonda yahone.
Wiho wa ubananzi; umbwelo wa Yesu
14Aho baho vonda muwone wiho wa ubananzi wimile hahagambile; yonda yasome nayavitange, aho waja wali Uyuda, nawakimbilile mvigongo. 15Na munhu yali uchana haingʼanda yake, sekeyahulumuke kwingila mngʼanda yasole kili mumo. 16Na heyo yali kumgunda sekeyabwelele gali kuchugu, yaisole nguwo yake. 17Bali wonda wone vihile nghani iwo waja wene ziinda na waja wokongheza mazuwa higo. 18Tambikeni mpule, higo sekegeze mkikomo cha kihuhwe! 19Kilumbo mazuwa higo gokuwa na mgaduko mkulu kubanza gose gabitile kulawa ichanduso aho, Mulungu hayaumbile vyose, na dilelo; na milongo yondaize honda galawilile kamba higo.
20Avo siku hizo kamba Magana hazihunguze, hisambi yahone munhu hata yumwe; bali kwa giladi da waja wasagulwe, kazihunguza siku zija.
21Aho munhu yahawalongela, Lola yuno hano yuyo Kristo; hebu, Lola yuja kuja! sukumwidike! 22Kilumbo yokwinuka mikristo ya utungulu na watulandagu wa uvwizi, na hewo wotenda vilolomboto na vilozo, wawaluluse wasaguligwe, giladi wage, kamba vihadahika. 23Komu mweye teganyeni, niwalongela gose.
24Mazuwa higo, ija imigaduso vonda ibite, zuwa dogalamka titu na kugela ziza; na mwezi hondaungʼale mulangaza wake. 25Na nhondo zolagala kulawa kuulanga, mhiko za kuulanga zotigiswa. 26Iho baho honda wamonele Imwana wa Munhu viyokwiza muna gamawingu mwene iyenzi na mhiko bwando. 27Na heyo kowatuma gamalaika, wawakwegeze waja iwasaguligwe kulawa mhande zose nne beho kudilawila, wandusile hausongelo wa isi, kuvikila kidugalo cha ulanga.
Hala mumkuyu; kaleni mangweda
28Ilangukizeni hala mumkuyu; matambi gake vigozuka na kubamandula mitepo, mvimanya kamba siku za vuli zammabehi. 29Vivo na mweye muhagona higo gahawa baho, vimanyeni kamba kimambukizo kiwavikila mmilango yenu!
30Ihoko nomulongelani, ulelwa uno hondauzige kuvika iho, vonda galawile higo gose. 31Ulanga na isi woziga, bali malonga gangu honda gazige.
32Komu ija isiku hebu kipigiti chake vonda kivike, munhu havitanga, hebu malaika wa Mulungu hebu Mwana, bali Tata yaiyeka. 33Iteganyeni, mkale mangweda, kilumbo hamvimanya siku zake vonda ziduganye! 34Igalamka na munhu mwene kuifunganya mwanza yalekile ngʼanda yake, kawengha watumigwa wake lwamu, kawagwelela kila munhu kazi yake, na msepa mulango kamulagiza yakale mangweda. 35Avo kaleni meso, kilumbo hamvitanga Mwene Ngʼanda hoyobwelela, kamba kokwiza ichungulo hebu ikilo ndovu, hebu nzogolo zikwika kubunzuke. 36Sekeyeze yawasinhuse, yamvikeni muwasile! 37Na hijo diniwalongela mweye, nowalongela wose, Kaleni mangweda!”
ទើបបានជ្រើសរើសហើយ៖
Marko 13: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Marko 13
13
Magweka gondageze
1Viyalawile mdihekalu, mwanahina wake imonga kamulongela, “Mkulufunzi, galole mabwe gano makulu na kuzengwa kwake kukulu!”
2Yesu kamulongela, “He, kogalola gamazengo gano vigali makulu? Honda dilekigwe dibwe dimwe uchana hadibwe diyagwe dileke kupatuswa hasi.” 3Imala viyakalile kudigongo ja michekele, ulaula na dihekalu, baho Petro, Yakobo, Yohana na Andrea wamuuza vuwakalile waliyeka, walonga, 4“Tulongele, gweka hijo jokuwa zuwaki; na utango wake wokuwaze aho vondagavikizwe higo gose?”
5Yesu kasonga kuwalongela, “Teganyeni munhu sekeyamwagizeni! 6Kilumbo bwando wonda weze kwa twaga jangu, kuno wolonga, niye nene! 7Na hewo wowakonga bwando; na mweye mohulika nghondo na luvumo lwa nghondo, bali sukumgudeme; ago honda galeke kulawilila, bali sicho ikidugalo. 8Kilumbo wokifunganyila lukolo kwa lukolo, vivo watawala kwa watawala wayawo; na hanhu hakwe hakwe holawilila kingudemo, na hayagwe nzala; ago icho ikisongelo cha masungu.
9Komu mweye iteganyeni wenyego; wowagalani hatagusilo ja iwakulu na muli zingʼanda za nhambiko msunigwe, imalabaho womwimizani havihanga vya watawala na wandewa kwa kilumbo changu, mwize kunisindila kumwawo. 10Na Usenga Unogile hauleka ubwililiswa tanhu kwa wamhazi wose. 11Aho baho vonda wawalave na kuwagala, sukumsonge kuhusahusa mbuli za kulonga, bali ulonzi wonda mgwelelwe kipigiti kicho, galongeni gagaja! kilumbo si mwemwe wonda mulonge, bali Loho Yangʼalile. 12Kwiza vokuwa kamba vino, ndugu na ndugu wokihonza waikome, na tata wowahonza wana wawo, na wana wowahindukila wavyele zawo wawakome. 13Na mweye mokwihilwa na wanhu wose kwa mzoko wa twaga jangu; ayuja yonda yafunye umoyo kuvika ikimambukizo, yuyo yonda yahone.
Wiho wa ubananzi; umbwelo wa Yesu
14Aho baho vonda muwone wiho wa ubananzi wimile hahagambile; yonda yasome nayavitange, aho waja wali Uyuda, nawakimbilile mvigongo. 15Na munhu yali uchana haingʼanda yake, sekeyahulumuke kwingila mngʼanda yasole kili mumo. 16Na heyo yali kumgunda sekeyabwelele gali kuchugu, yaisole nguwo yake. 17Bali wonda wone vihile nghani iwo waja wene ziinda na waja wokongheza mazuwa higo. 18Tambikeni mpule, higo sekegeze mkikomo cha kihuhwe! 19Kilumbo mazuwa higo gokuwa na mgaduko mkulu kubanza gose gabitile kulawa ichanduso aho, Mulungu hayaumbile vyose, na dilelo; na milongo yondaize honda galawilile kamba higo.
20Avo siku hizo kamba Magana hazihunguze, hisambi yahone munhu hata yumwe; bali kwa giladi da waja wasagulwe, kazihunguza siku zija.
21Aho munhu yahawalongela, Lola yuno hano yuyo Kristo; hebu, Lola yuja kuja! sukumwidike! 22Kilumbo yokwinuka mikristo ya utungulu na watulandagu wa uvwizi, na hewo wotenda vilolomboto na vilozo, wawaluluse wasaguligwe, giladi wage, kamba vihadahika. 23Komu mweye teganyeni, niwalongela gose.
24Mazuwa higo, ija imigaduso vonda ibite, zuwa dogalamka titu na kugela ziza; na mwezi hondaungʼale mulangaza wake. 25Na nhondo zolagala kulawa kuulanga, mhiko za kuulanga zotigiswa. 26Iho baho honda wamonele Imwana wa Munhu viyokwiza muna gamawingu mwene iyenzi na mhiko bwando. 27Na heyo kowatuma gamalaika, wawakwegeze waja iwasaguligwe kulawa mhande zose nne beho kudilawila, wandusile hausongelo wa isi, kuvikila kidugalo cha ulanga.
Hala mumkuyu; kaleni mangweda
28Ilangukizeni hala mumkuyu; matambi gake vigozuka na kubamandula mitepo, mvimanya kamba siku za vuli zammabehi. 29Vivo na mweye muhagona higo gahawa baho, vimanyeni kamba kimambukizo kiwavikila mmilango yenu!
30Ihoko nomulongelani, ulelwa uno hondauzige kuvika iho, vonda galawile higo gose. 31Ulanga na isi woziga, bali malonga gangu honda gazige.
32Komu ija isiku hebu kipigiti chake vonda kivike, munhu havitanga, hebu malaika wa Mulungu hebu Mwana, bali Tata yaiyeka. 33Iteganyeni, mkale mangweda, kilumbo hamvimanya siku zake vonda ziduganye! 34Igalamka na munhu mwene kuifunganya mwanza yalekile ngʼanda yake, kawengha watumigwa wake lwamu, kawagwelela kila munhu kazi yake, na msepa mulango kamulagiza yakale mangweda. 35Avo kaleni meso, kilumbo hamvitanga Mwene Ngʼanda hoyobwelela, kamba kokwiza ichungulo hebu ikilo ndovu, hebu nzogolo zikwika kubunzuke. 36Sekeyeze yawasinhuse, yamvikeni muwasile! 37Na hijo diniwalongela mweye, nowalongela wose, Kaleni mangweda!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.