Marko 11
11
1Aho vuwakwenhukile Yerusalemu kuvika Betifage na Betania hana digongo ja imichekele, katuma wanahina wake wabili. 2Kawalongela, “Gendeni kuna ikiwambo, ula kwa ula na mweye; vonda mwingile muja, mhunde mokona mwana mhunda yafungigwe, yogamba munhu hanamkwela tanhu; mdoholeni mumgale. 3Kamba munhu yahawauza, Habali mtenda hivo? longeni, Mndewa komulonda; mhunde komwinghani; mgaleni hano!” 4Wenula wachola, wamona imwana mhunda kunze yafungigwe kuna dilango, wamdohola. 5Wayagwe wemile hiko, wawauza, “Motenda choni mumdohola imwana mhunda?” 6Hewo wedika kamba Yesu viyawalongele; baho wawalekela. 7Wamgala imwana mhunda kwa Yesu, wamtandikila uchana nguwo zawo, imalabaho kamkwela.
8Wanhu bwando watandika nguwo zawo mnzila; wayagwe watandika matambi ga mibiki gawakanhile mmigunda. 9Na waja walongole na waja wawawinzile waguta nyangi, “Hosiana (Nahongele)! Yatunizwe Yokwiza kwa Tagwa ja Bwana! 10Utunizwe undewa wa tata wetu Daudi, utwizile! Hongelaga (Hosiana) uchana kuulanga!” 11Viyengile Yerusalemu, kagenda kuli dihekalu, kavilola vyose vili mumo, baho zuwa diswa; avo kalawa, kachola Betania hamonga na waja umulongo umwe na wabili.
Mkuyu unyala
12Imitondo yake, vuwalawile Betania kayona nzala. 13Kawona mkuyu wene mitepo uli hatali, kagenda kuulola kamba uchana una mujo; kauvikila, honile kinhu bali mitepo yeka, kilumbo siku za mujo hazinavika tanhu. 14Baho kalava ulonzi kalonga, “Imilongo yose munhu sikuyaje mujo kumwako!” Na wanahina wake wagahulika.
Yesu kawinga wachuluzi mdihekalu
Vuwavikile Yerusalemu, kengila mdihekalu, kasonga kuwawinga waja wene kugula na kuguliza muja mdihekalu, kakindula meza za wasosokanya mhiya, na vigoda vya wachuluzi wa nziwa. 16Kabili halekile mwene kugala kiya yabite aho hangʼalile. 17Kawalangukiza na kuwalongela, “Yandikigwa kamba Ngʼanda Yangu yokemigwa ngʼanda ya nhambiko kwa ngholo zose za wanhu, bali mweye muitenda hango da wabokonyo.”
18Watambika Wakulu na Wana Nzuma vuwagahulike, wazahila vonda wamwangamize, kilumbo wamdumba kwa mzoko wanhu wose wasinhuswa na malangulizo gake.
19Vivo mazuwa gose ihawa ichungulo, Yesu na wali hamonga nayo walawaga mdiwambo.
20Imitondo vuwabitile, wawona umkuyu unyala, lulawile hasina. 21Petro kagelegeza longa dija, kamulongela, “Mkulufunzi, lola, umkuyu uuduwile, unyala.” 22Yesu kedika kalonga, “Mtamanileni Mulungu! 23Ihoko nomulongelani, Kamba muhamtamanila Mulungu, modilongela digongo dino, Segela hano hauli, ubwanhike mbahali! avo gosanghanika, komu muhawa bule kinghwaso, kuno mtamanila kamba gaja gampulile gokiduganya. 24Avo nomulongelani, Gose gonda mpule kwa kugesa, gatamanileni kamba mogapata, baho mogwelelwa. 25Na mweye muhema kumpula Mulungu, kamba muhamwikila munhu mfundo, isegezeleni matozo mwemwe kwa mwemwe, baho Tata wenu yali Kuulanga na heyo kowasegezelani matozo genu. 26Bali kamba hamwisegezele mwemwe kwa mwemwe, na heyo Tata wa Kuulanga honda yawasegezele matozo genu.”
Ubatizo wa Yohana ulawa kwahi
27Vuwengile kabili Yerusalemu, na heyo viyatembele mdihekalu, wamwizila Watambika Wakulu na Wana Nzuma na Wavyele. 28Wamuuza, “Higo kogasanghana kwa mhiko zilihi, hebu yalihi yakwinghile ndagizi zino ziusanghanila?” 29Yesu kawalongela, “Na mweye nomuuzani mbuli imwe; muhanyidika nowapetela mhiko zangu zinisanghanila. 30Ubatizo wa Yohana ulawa kwa Mulungu hebu kwa wanhu? Nongeleni!” 31Wagelegeza mmiyoyo yawo, “Tuhalonga ulawa kwa Mulungu, kotuuza, Vilihi hamumtogole? 32Na tuhalonga, ulawa kwa wanhu;” wakala wawadumba iwanhu, kilumbo wanhu wose wamvumila Yohana kamba Mlaguzi wa ihoko. 33Avo wamwidika Yesu walonga, “Hatuvimanyile.” Baho Yesu kawalongela, “Na niye siwalongelani zija zimhiko zinisanghanila.”
ទើបបានជ្រើសរើសហើយ៖
Marko 11: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Marko 11
11
1Aho vuwakwenhukile Yerusalemu kuvika Betifage na Betania hana digongo ja imichekele, katuma wanahina wake wabili. 2Kawalongela, “Gendeni kuna ikiwambo, ula kwa ula na mweye; vonda mwingile muja, mhunde mokona mwana mhunda yafungigwe, yogamba munhu hanamkwela tanhu; mdoholeni mumgale. 3Kamba munhu yahawauza, Habali mtenda hivo? longeni, Mndewa komulonda; mhunde komwinghani; mgaleni hano!” 4Wenula wachola, wamona imwana mhunda kunze yafungigwe kuna dilango, wamdohola. 5Wayagwe wemile hiko, wawauza, “Motenda choni mumdohola imwana mhunda?” 6Hewo wedika kamba Yesu viyawalongele; baho wawalekela. 7Wamgala imwana mhunda kwa Yesu, wamtandikila uchana nguwo zawo, imalabaho kamkwela.
8Wanhu bwando watandika nguwo zawo mnzila; wayagwe watandika matambi ga mibiki gawakanhile mmigunda. 9Na waja walongole na waja wawawinzile waguta nyangi, “Hosiana (Nahongele)! Yatunizwe Yokwiza kwa Tagwa ja Bwana! 10Utunizwe undewa wa tata wetu Daudi, utwizile! Hongelaga (Hosiana) uchana kuulanga!” 11Viyengile Yerusalemu, kagenda kuli dihekalu, kavilola vyose vili mumo, baho zuwa diswa; avo kalawa, kachola Betania hamonga na waja umulongo umwe na wabili.
Mkuyu unyala
12Imitondo yake, vuwalawile Betania kayona nzala. 13Kawona mkuyu wene mitepo uli hatali, kagenda kuulola kamba uchana una mujo; kauvikila, honile kinhu bali mitepo yeka, kilumbo siku za mujo hazinavika tanhu. 14Baho kalava ulonzi kalonga, “Imilongo yose munhu sikuyaje mujo kumwako!” Na wanahina wake wagahulika.
Yesu kawinga wachuluzi mdihekalu
Vuwavikile Yerusalemu, kengila mdihekalu, kasonga kuwawinga waja wene kugula na kuguliza muja mdihekalu, kakindula meza za wasosokanya mhiya, na vigoda vya wachuluzi wa nziwa. 16Kabili halekile mwene kugala kiya yabite aho hangʼalile. 17Kawalangukiza na kuwalongela, “Yandikigwa kamba Ngʼanda Yangu yokemigwa ngʼanda ya nhambiko kwa ngholo zose za wanhu, bali mweye muitenda hango da wabokonyo.”
18Watambika Wakulu na Wana Nzuma vuwagahulike, wazahila vonda wamwangamize, kilumbo wamdumba kwa mzoko wanhu wose wasinhuswa na malangulizo gake.
19Vivo mazuwa gose ihawa ichungulo, Yesu na wali hamonga nayo walawaga mdiwambo.
20Imitondo vuwabitile, wawona umkuyu unyala, lulawile hasina. 21Petro kagelegeza longa dija, kamulongela, “Mkulufunzi, lola, umkuyu uuduwile, unyala.” 22Yesu kedika kalonga, “Mtamanileni Mulungu! 23Ihoko nomulongelani, Kamba muhamtamanila Mulungu, modilongela digongo dino, Segela hano hauli, ubwanhike mbahali! avo gosanghanika, komu muhawa bule kinghwaso, kuno mtamanila kamba gaja gampulile gokiduganya. 24Avo nomulongelani, Gose gonda mpule kwa kugesa, gatamanileni kamba mogapata, baho mogwelelwa. 25Na mweye muhema kumpula Mulungu, kamba muhamwikila munhu mfundo, isegezeleni matozo mwemwe kwa mwemwe, baho Tata wenu yali Kuulanga na heyo kowasegezelani matozo genu. 26Bali kamba hamwisegezele mwemwe kwa mwemwe, na heyo Tata wa Kuulanga honda yawasegezele matozo genu.”
Ubatizo wa Yohana ulawa kwahi
27Vuwengile kabili Yerusalemu, na heyo viyatembele mdihekalu, wamwizila Watambika Wakulu na Wana Nzuma na Wavyele. 28Wamuuza, “Higo kogasanghana kwa mhiko zilihi, hebu yalihi yakwinghile ndagizi zino ziusanghanila?” 29Yesu kawalongela, “Na mweye nomuuzani mbuli imwe; muhanyidika nowapetela mhiko zangu zinisanghanila. 30Ubatizo wa Yohana ulawa kwa Mulungu hebu kwa wanhu? Nongeleni!” 31Wagelegeza mmiyoyo yawo, “Tuhalonga ulawa kwa Mulungu, kotuuza, Vilihi hamumtogole? 32Na tuhalonga, ulawa kwa wanhu;” wakala wawadumba iwanhu, kilumbo wanhu wose wamvumila Yohana kamba Mlaguzi wa ihoko. 33Avo wamwidika Yesu walonga, “Hatuvimanyile.” Baho Yesu kawalongela, “Na niye siwalongelani zija zimhiko zinisanghanila.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.