Marko 10
10
Mbuli za ndowa
1Kakulawa hiko, keza kuli zimbaka za Uyuda na umwambu wa Yordani; madale ga wanhu wammemela viyagwe, kuwalangukiza kamba viyazowele. 2Mafariseo wamgendela wamuuza, kamba lwabaho lwamu, mbigalo yamwase sano jake? Kuno womgeza. 3Na heyo kedika yowalongela, “Mose kawalagiza choni?” 4Walonga, “Mose katwingha Nzuma ya kwandika utango wa kwiyasa, imala komwasa.” 5Yesu kawalongela, “Kilumbo cha ugaga wa miyoyo yenu, kileka yamwandikileni lagizo hijo. 6Bali kulawile aiho haichanduso, Mulungu hayaumbile ulumwengu, lawaumba mbigalo na mtwanzi. 7Kalonga, kwa kilumbo hicho munhu komuleka tata wake na mamo wake, Na hewo wabili wogalamka lukuli lumwe, 8kileka hawali wabili, bali welumba lukuli lumwe. 9Avo Mulungu kiyagongomanye, munhu sekeyakibasule!”
10Vuwabwelile mngʼanda, wanahina zake wamuuza mzoko wa longa hijo, 11Na heyo kawalongela, “Munhu yahamuleka sano jake na kusola iyagwe, katenda ugoni nayo. 12Na dija sano yahamuleka mkasano wake, yahasoligwa na mbigalo iyagwe, katenda ugoni.”
Yesu kawamoteza iwana
13Wamgalila vyana, yavikwase; bali wanahina wawakomhokela wene kuwagala. 14Na heyo Yesu viyaviwene, kehilwa kawalongela, “Vilekeni ivyana vize kumwangu, sukumvigomese! kilumbo wagambile kamba vino, undewa wa Mulungu uwo wawo. 15Ihoko nomulongelani, munhu yahalema kuubokela Undewa wa Mulungu kamba ichana, honda yengile ngʼo.” 16Ilawabaho kawafagatila, kawamotela, kawageleka mikono.
Mmhale mwene mhiya bwando
17Vayalawile yovika mnzila, munhu imonga kamwizila chambwisa, kamfugamila mavindi, kamuuza, “Mkulufunzi, unogile, nhende kilihi niuhale ugima wa digunge?” 18Yesu kamulongela, “Konghemaze nogile? Kuduhu yanogile komu Mulungu yaiyeka. 19Malagizo kugatanga, Sikuukome; sikuutende ugoni; sikuwibe; sikuvwize; sikuubunze; wategeleze tataako na mamo wako!” 20Na heyo kamulongela, “Mkulufunzi, higo gose nigagoga kulawa umhale wangu.” 21Yesu kamulola kamnogela, kamulongela, “Kusigaza kimonga, genda ukavigulize vyose vuuli navyo, uwagwelele iwakiwa, avo kokuwa na bikilo kuulanga; imala izo, widwike msalaba wako, ungholeleze!” 22Viyadihulike longa dino, kasinalika kihanga, kachola kumwake kuno yolungumila mmoyo, kilumbo kakala na mhiya bwando.
23Baho Yesu kalola kuno na kuno, kawalongela wanahina wake, “Loleni ugaga ulihi uwazuwila wene mhiya kwingila kuundewa wa Mulungu!” 24Wanahina vuwengilwe na nghangawalo kwa malonga ago, Yesu kedika viyagwe kawalongela, “Wanangu, loleni ugaga ulihi uzuwila kwingila mundewa wa Mulungu. 25Vobuha ngamiya kubita mchonzo cha msonga, kamba kwiza mwene mhiya yengile mundewa wa Mulungu.” 26Na hewo wasinhuka nghani, waiuzagiza wawo kwa wawo, “Ihawa hivo, yalihi mina yonda yahonyi-gwe?” 27Yesu kawabunhulila meso, kalonga, “Kwa wanhu hadidahika, bali kwa Mulungu jodahika, kilumbo kwa Mulungu mbuli zose zodahika.”
Miyawi ya wanahina
28Baho Petro kananula mulomo, kamulongela, “Lola tweye tuvileka vyose, tukukoleleza gweye.”
29Yesu kalonga, “Ihoko nomulongelani, Haduhu munhu yalekile ngʼanda hebu mkulu wake, lumbu jake hebu mamo wake, tata wake hebu wana hebu migunda kwa kilumbo changu na giladi ya Usenga Unogile, 30yaleke kubokela miyanza muzo muno muisi ngʼanda na mkulu na lumbu na mamo na wana na migunda, hamonga na kuwingigwa; kabili mulumwengu wonda wize, kobokela ugima wa digunge. 31Komu bwando wa ichanduso wogalamka wa ikimambukizo, na hewo wa ikimambukizo wogalamka wa ichanduso.”
Migazo ya Kristo, langulizo lwekadatu
32Vuwakalile mnzila wochola Yerusalemu, Yesu kakala yalongole; na hewo wasinhuka, wamkoleleza kuno wodumba; kawasola kabili waja umulongo umwe na wabili, kandusa kuwalongela gaja gondagampate. 33Kalonga, “Loleni tokwela kuchola Yerusalemu, na hiko Mwana wa Munhu kogeligwa mmakono gawo Watambika Wakulu na Wana Nzuma, wamtaguse yafe; na womgela mmakono ga iwanhu hawamtangile Mulungu. 34Na hewo womfyosa, womtemela mate, womsuna vibongho, womkoma; na zihabita siku ndatu, ko-zuka.”
Wanage Zebedeo wavumila kingʼwelo cha Yesu
35Baho Yakobo na Yohana, wanage Zebedeo, wamkwenhukila wamulongela, “Mkulufunzi, tolonda umtendele jonda tukupule!” 36Na heyo kawauza, “Molonda niwatendele choni?” 37Wamulongela, “Utwike imonga kumkono wako wa ukulume, imonga kumkono wako wa ukumoso muna iyenzi yako!” 38Yesu kawalongela, “Hammanyile dijo dimpula! modaha kukingʼwa kingʼwelo kiningʼwela niye, na kubatizwa ubatizo uja unibatizwa niye?” 39Wamulongela, “Todaha.” Yesu kawalongela, “Kingʼwelo kiningʼwela niye, mokingʼwa; na hiwo ubatizo unibatizwa niye, mobatizwa. 40Bali kumwingha munhu yakale ukulume hebu ukumoso kumwangu sidaha, komu waja wekilwe umwaka, wogwele-lwa.”
41Waja umulongo umwe vuwagahulike, wasonga kwihilwa na gaja gawatendile Yakobo na Yohana. 42Yesu kawakema wamkwenhukile, kawalongela, “Mvitanga watawala wa zingholo kamba wowagudemeza, na iwakulu zawo wowagaza kwa mhiko. 43Bali hondaviwe hivo kumwenu, komu munhu yolonda kuwa mkulu kumwenu, nayawatumikileni mweye mose. 44Na heyo yolonda yawe wa ikilongozi kumwenu, yagalamke mtumwa wa wose. 45Kwa mzoko na heyo Mwana wa Munhu hezile yasanghanilwe, komu keza yasanghanike na kuulava ugima wake uwe honelo ja wanhu bwando.”
Bartimeo kimbugumbugu wa Yeriko
46Wavika Yeriko, na vuwalawile Yeriko heyo na wanahina wake na dale da wanhu bwando, Bartimeo mwanage Timeo, yakalile kimbugumbugu, kakala yopula hamngwazo wa inzila. 47Viyahulike kamba Yesu wa Nazareti kabaha, kasonga kuguta nyangi, kalonga, “Yesu Mwanage Daudi, umbonele bazi!” 48Wanhu bwando wamkomhokela yavudale, bali heyo kabasiliza kutowa nyangi, “Mwanage Daudi, mbonela bazi!” 49Yesu kema kalonga, “Mkemeni!” Wamkema yuja kimbugumbugu, wamulongela, “Hoza umoyo, winuke, kokukema!” 50Na heyo kayasa nghanju yake, kanyagamuka mbwisa, kamgendela Yesu. 51Yesu kamuuza kalonga, “Kolonda nikutendele choni?” 52Kimbugumbugu kamulongela, “Mkulufunzi, nolonda kulola chusa.” Yesu kamulongela, “Genda; nhamanilo zako zikuhonya.” Mhunde kalola, ilawabaho kamkoleleza mnzila.
ទើបបានជ្រើសរើសហើយ៖
Marko 10: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Marko 10
10
Mbuli za ndowa
1Kakulawa hiko, keza kuli zimbaka za Uyuda na umwambu wa Yordani; madale ga wanhu wammemela viyagwe, kuwalangukiza kamba viyazowele. 2Mafariseo wamgendela wamuuza, kamba lwabaho lwamu, mbigalo yamwase sano jake? Kuno womgeza. 3Na heyo kedika yowalongela, “Mose kawalagiza choni?” 4Walonga, “Mose katwingha Nzuma ya kwandika utango wa kwiyasa, imala komwasa.” 5Yesu kawalongela, “Kilumbo cha ugaga wa miyoyo yenu, kileka yamwandikileni lagizo hijo. 6Bali kulawile aiho haichanduso, Mulungu hayaumbile ulumwengu, lawaumba mbigalo na mtwanzi. 7Kalonga, kwa kilumbo hicho munhu komuleka tata wake na mamo wake, Na hewo wabili wogalamka lukuli lumwe, 8kileka hawali wabili, bali welumba lukuli lumwe. 9Avo Mulungu kiyagongomanye, munhu sekeyakibasule!”
10Vuwabwelile mngʼanda, wanahina zake wamuuza mzoko wa longa hijo, 11Na heyo kawalongela, “Munhu yahamuleka sano jake na kusola iyagwe, katenda ugoni nayo. 12Na dija sano yahamuleka mkasano wake, yahasoligwa na mbigalo iyagwe, katenda ugoni.”
Yesu kawamoteza iwana
13Wamgalila vyana, yavikwase; bali wanahina wawakomhokela wene kuwagala. 14Na heyo Yesu viyaviwene, kehilwa kawalongela, “Vilekeni ivyana vize kumwangu, sukumvigomese! kilumbo wagambile kamba vino, undewa wa Mulungu uwo wawo. 15Ihoko nomulongelani, munhu yahalema kuubokela Undewa wa Mulungu kamba ichana, honda yengile ngʼo.” 16Ilawabaho kawafagatila, kawamotela, kawageleka mikono.
Mmhale mwene mhiya bwando
17Vayalawile yovika mnzila, munhu imonga kamwizila chambwisa, kamfugamila mavindi, kamuuza, “Mkulufunzi, unogile, nhende kilihi niuhale ugima wa digunge?” 18Yesu kamulongela, “Konghemaze nogile? Kuduhu yanogile komu Mulungu yaiyeka. 19Malagizo kugatanga, Sikuukome; sikuutende ugoni; sikuwibe; sikuvwize; sikuubunze; wategeleze tataako na mamo wako!” 20Na heyo kamulongela, “Mkulufunzi, higo gose nigagoga kulawa umhale wangu.” 21Yesu kamulola kamnogela, kamulongela, “Kusigaza kimonga, genda ukavigulize vyose vuuli navyo, uwagwelele iwakiwa, avo kokuwa na bikilo kuulanga; imala izo, widwike msalaba wako, ungholeleze!” 22Viyadihulike longa dino, kasinalika kihanga, kachola kumwake kuno yolungumila mmoyo, kilumbo kakala na mhiya bwando.
23Baho Yesu kalola kuno na kuno, kawalongela wanahina wake, “Loleni ugaga ulihi uwazuwila wene mhiya kwingila kuundewa wa Mulungu!” 24Wanahina vuwengilwe na nghangawalo kwa malonga ago, Yesu kedika viyagwe kawalongela, “Wanangu, loleni ugaga ulihi uzuwila kwingila mundewa wa Mulungu. 25Vobuha ngamiya kubita mchonzo cha msonga, kamba kwiza mwene mhiya yengile mundewa wa Mulungu.” 26Na hewo wasinhuka nghani, waiuzagiza wawo kwa wawo, “Ihawa hivo, yalihi mina yonda yahonyi-gwe?” 27Yesu kawabunhulila meso, kalonga, “Kwa wanhu hadidahika, bali kwa Mulungu jodahika, kilumbo kwa Mulungu mbuli zose zodahika.”
Miyawi ya wanahina
28Baho Petro kananula mulomo, kamulongela, “Lola tweye tuvileka vyose, tukukoleleza gweye.”
29Yesu kalonga, “Ihoko nomulongelani, Haduhu munhu yalekile ngʼanda hebu mkulu wake, lumbu jake hebu mamo wake, tata wake hebu wana hebu migunda kwa kilumbo changu na giladi ya Usenga Unogile, 30yaleke kubokela miyanza muzo muno muisi ngʼanda na mkulu na lumbu na mamo na wana na migunda, hamonga na kuwingigwa; kabili mulumwengu wonda wize, kobokela ugima wa digunge. 31Komu bwando wa ichanduso wogalamka wa ikimambukizo, na hewo wa ikimambukizo wogalamka wa ichanduso.”
Migazo ya Kristo, langulizo lwekadatu
32Vuwakalile mnzila wochola Yerusalemu, Yesu kakala yalongole; na hewo wasinhuka, wamkoleleza kuno wodumba; kawasola kabili waja umulongo umwe na wabili, kandusa kuwalongela gaja gondagampate. 33Kalonga, “Loleni tokwela kuchola Yerusalemu, na hiko Mwana wa Munhu kogeligwa mmakono gawo Watambika Wakulu na Wana Nzuma, wamtaguse yafe; na womgela mmakono ga iwanhu hawamtangile Mulungu. 34Na hewo womfyosa, womtemela mate, womsuna vibongho, womkoma; na zihabita siku ndatu, ko-zuka.”
Wanage Zebedeo wavumila kingʼwelo cha Yesu
35Baho Yakobo na Yohana, wanage Zebedeo, wamkwenhukila wamulongela, “Mkulufunzi, tolonda umtendele jonda tukupule!” 36Na heyo kawauza, “Molonda niwatendele choni?” 37Wamulongela, “Utwike imonga kumkono wako wa ukulume, imonga kumkono wako wa ukumoso muna iyenzi yako!” 38Yesu kawalongela, “Hammanyile dijo dimpula! modaha kukingʼwa kingʼwelo kiningʼwela niye, na kubatizwa ubatizo uja unibatizwa niye?” 39Wamulongela, “Todaha.” Yesu kawalongela, “Kingʼwelo kiningʼwela niye, mokingʼwa; na hiwo ubatizo unibatizwa niye, mobatizwa. 40Bali kumwingha munhu yakale ukulume hebu ukumoso kumwangu sidaha, komu waja wekilwe umwaka, wogwele-lwa.”
41Waja umulongo umwe vuwagahulike, wasonga kwihilwa na gaja gawatendile Yakobo na Yohana. 42Yesu kawakema wamkwenhukile, kawalongela, “Mvitanga watawala wa zingholo kamba wowagudemeza, na iwakulu zawo wowagaza kwa mhiko. 43Bali hondaviwe hivo kumwenu, komu munhu yolonda kuwa mkulu kumwenu, nayawatumikileni mweye mose. 44Na heyo yolonda yawe wa ikilongozi kumwenu, yagalamke mtumwa wa wose. 45Kwa mzoko na heyo Mwana wa Munhu hezile yasanghanilwe, komu keza yasanghanike na kuulava ugima wake uwe honelo ja wanhu bwando.”
Bartimeo kimbugumbugu wa Yeriko
46Wavika Yeriko, na vuwalawile Yeriko heyo na wanahina wake na dale da wanhu bwando, Bartimeo mwanage Timeo, yakalile kimbugumbugu, kakala yopula hamngwazo wa inzila. 47Viyahulike kamba Yesu wa Nazareti kabaha, kasonga kuguta nyangi, kalonga, “Yesu Mwanage Daudi, umbonele bazi!” 48Wanhu bwando wamkomhokela yavudale, bali heyo kabasiliza kutowa nyangi, “Mwanage Daudi, mbonela bazi!” 49Yesu kema kalonga, “Mkemeni!” Wamkema yuja kimbugumbugu, wamulongela, “Hoza umoyo, winuke, kokukema!” 50Na heyo kayasa nghanju yake, kanyagamuka mbwisa, kamgendela Yesu. 51Yesu kamuuza kalonga, “Kolonda nikutendele choni?” 52Kimbugumbugu kamulongela, “Mkulufunzi, nolonda kulola chusa.” Yesu kamulongela, “Genda; nhamanilo zako zikuhonya.” Mhunde kalola, ilawabaho kamkoleleza mnzila.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.