Sanghano 12
12
Yakobo kakomigwa, Petro mkifungo kalavigwa na malaika
1Siku zija Mtawala Herode kawagoga bwando mwa waja iwanahina, yawatendele gehile. 2Kamkoma Yakobo ndugu ya Yohana na sime. 3Viyonile kamba viwanogela Wayuda, kagendelela na kumgoga Petro, na siku hizo zikala siku za Migate Hainagwaduka. 4Viyamgogile kamwika mkifungo, kalagiza yemilizwe na asikali wane wane; kalonda imale Ipasaka, yamulave na kumtagusa hakihanga cha wanhu. 5Petro viyakalile yokwimilizwa mkifungo, iwanahina hawadonhile kumtambikila kwa Mulungu.
6Komu Herode viyalondile kumulava, ikilo iija Petro kakala yawasile hagatigati ya minjolinjoli mibili, kadazigwa na mipikwi mibili, na iwasepi wayagwe behi na umulango wokisepa ikifungo. 7Mhunde malaika wa Mndewa kema behi na heyo, mulangaza utenda behaa muja mdigati; kamsuna Petro halubavu, kamulamsa yolonga, “Segela chambwisa!” Baho mipikwi yake ilagala mmakono. 8Malaika kamulongela, “Ifunge, uvale vilatu vyako!” Na heyo katenda vivo; imala kamulongela, “Vala nghanzu yako, ungholeleze!”
9Baho kalawa kamkoleleza, havimanyile kamba ga ihoko gatendigwe na malaika; kagiza kamba kamuutulo kalota. 10Vuwabitile sepelo ja ichanduso na jekabili, wavika imilango wa mizuma ulolile ula kwa ula na diwambo; uwavugukila wenyecho, walawa kunze wabita wose nzila imwe, mhunde malaika kamuleka. 11Petro viyabwelelwe na nzewele zake kalonga, “Ihoko nivitanga kamba Mndewa kamgala malaika wake, kunilava muna imikono ya Herode na mbuli zose, Wayuda ziwagesile kunhendela.”
12Viyakalile yogelegeza gano, kaivika ngʼanda ya Maria mamo wake Yohana yokemigwa Marko; na wanhu bwando wakala wetinghanile himo wotambika. 13Na heyo viyagongʼonde ikilango, keza mtumwa wa kitwanzi twaga jake Rode kutegeleza. 14Viyaditambule dizwi ja Petro, hafungule dilango kilumbo cha kwimozamoza, komu kachola chambwisa, kengila mngʼanda na kuwalongela, Petro kema hamulango! 15Wamulongela, “Kuna kikwale!” Bali heyo kagangamala yolonga, Hivo vivo vili! walonga, “Hiyo malaika wake.” 16Na Petro kabasiliza kugongʼonda dilango; weza wamvugulila, wamona, wakangawala. 17Na heyo kawafunyiza na mkono wanyamale, kawasimulila, Mndewa viyamulavile mkifungo; kawalagiza wamsimulile Yakobo na waja ndugu mbuli ino, kasegela kachola hanhu hayagwe.
Mndewa Herode viyadanganike
18Vivikile imitondo, asikali wengilwa na tuhuma bwando walonga, Yalize Petro? 19Na Herode viyakalile yomzahila hamonile, kawauzagiza waja wemiliza ikifungo, kalava lwamu wasegezwe, kalawa Uyuda, kachola Kaisaria, kakala hiko.
20Komu kawonela lusango nghani wanhu wa Tiro na Sidoni; ahewo vuwamalile kwiitema umbwiga na Blasto mwene kusepa gati ja Mtawala dayawasaga, wamgendela Herode na moyo umwe wolonda hongela, kilumbo isi yao igolelagwa ndigwa kulawa isi ya Mtawala Herode. 21Avo siku imonga vuwaiduganye, Herode kaivaza miguwo ya utawala, kakala muna ikigoda cha iyenzi kalava kivugulo hakihanga chao. 22Wanhu walava degedege walonga, “Dizwi da Mulungu dino, si dizwi da mulumwengu!” 23Mhunde malaika wa Mndewa kamsuna, kwa kitando hamwinghile Mulungu yenzi yake; kahomigwa na sango, kadanganika.
24Longa ja Mndewa dibanza kupakala hosehose. 25Barnaba na Saulo vuwamambukize sanghana yao, wabwelela kumwao kulawa Yerusalemu, wamsola hamonga nawo Yohana yokemigwa Marko.
ទើបបានជ្រើសរើសហើយ៖
Sanghano 12: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Sanghano 12
12
Yakobo kakomigwa, Petro mkifungo kalavigwa na malaika
1Siku zija Mtawala Herode kawagoga bwando mwa waja iwanahina, yawatendele gehile. 2Kamkoma Yakobo ndugu ya Yohana na sime. 3Viyonile kamba viwanogela Wayuda, kagendelela na kumgoga Petro, na siku hizo zikala siku za Migate Hainagwaduka. 4Viyamgogile kamwika mkifungo, kalagiza yemilizwe na asikali wane wane; kalonda imale Ipasaka, yamulave na kumtagusa hakihanga cha wanhu. 5Petro viyakalile yokwimilizwa mkifungo, iwanahina hawadonhile kumtambikila kwa Mulungu.
6Komu Herode viyalondile kumulava, ikilo iija Petro kakala yawasile hagatigati ya minjolinjoli mibili, kadazigwa na mipikwi mibili, na iwasepi wayagwe behi na umulango wokisepa ikifungo. 7Mhunde malaika wa Mndewa kema behi na heyo, mulangaza utenda behaa muja mdigati; kamsuna Petro halubavu, kamulamsa yolonga, “Segela chambwisa!” Baho mipikwi yake ilagala mmakono. 8Malaika kamulongela, “Ifunge, uvale vilatu vyako!” Na heyo katenda vivo; imala kamulongela, “Vala nghanzu yako, ungholeleze!”
9Baho kalawa kamkoleleza, havimanyile kamba ga ihoko gatendigwe na malaika; kagiza kamba kamuutulo kalota. 10Vuwabitile sepelo ja ichanduso na jekabili, wavika imilango wa mizuma ulolile ula kwa ula na diwambo; uwavugukila wenyecho, walawa kunze wabita wose nzila imwe, mhunde malaika kamuleka. 11Petro viyabwelelwe na nzewele zake kalonga, “Ihoko nivitanga kamba Mndewa kamgala malaika wake, kunilava muna imikono ya Herode na mbuli zose, Wayuda ziwagesile kunhendela.”
12Viyakalile yogelegeza gano, kaivika ngʼanda ya Maria mamo wake Yohana yokemigwa Marko; na wanhu bwando wakala wetinghanile himo wotambika. 13Na heyo viyagongʼonde ikilango, keza mtumwa wa kitwanzi twaga jake Rode kutegeleza. 14Viyaditambule dizwi ja Petro, hafungule dilango kilumbo cha kwimozamoza, komu kachola chambwisa, kengila mngʼanda na kuwalongela, Petro kema hamulango! 15Wamulongela, “Kuna kikwale!” Bali heyo kagangamala yolonga, Hivo vivo vili! walonga, “Hiyo malaika wake.” 16Na Petro kabasiliza kugongʼonda dilango; weza wamvugulila, wamona, wakangawala. 17Na heyo kawafunyiza na mkono wanyamale, kawasimulila, Mndewa viyamulavile mkifungo; kawalagiza wamsimulile Yakobo na waja ndugu mbuli ino, kasegela kachola hanhu hayagwe.
Mndewa Herode viyadanganike
18Vivikile imitondo, asikali wengilwa na tuhuma bwando walonga, Yalize Petro? 19Na Herode viyakalile yomzahila hamonile, kawauzagiza waja wemiliza ikifungo, kalava lwamu wasegezwe, kalawa Uyuda, kachola Kaisaria, kakala hiko.
20Komu kawonela lusango nghani wanhu wa Tiro na Sidoni; ahewo vuwamalile kwiitema umbwiga na Blasto mwene kusepa gati ja Mtawala dayawasaga, wamgendela Herode na moyo umwe wolonda hongela, kilumbo isi yao igolelagwa ndigwa kulawa isi ya Mtawala Herode. 21Avo siku imonga vuwaiduganye, Herode kaivaza miguwo ya utawala, kakala muna ikigoda cha iyenzi kalava kivugulo hakihanga chao. 22Wanhu walava degedege walonga, “Dizwi da Mulungu dino, si dizwi da mulumwengu!” 23Mhunde malaika wa Mndewa kamsuna, kwa kitando hamwinghile Mulungu yenzi yake; kahomigwa na sango, kadanganika.
24Longa ja Mndewa dibanza kupakala hosehose. 25Barnaba na Saulo vuwamambukize sanghana yao, wabwelela kumwao kulawa Yerusalemu, wamsola hamonga nawo Yohana yokemigwa Marko.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.